等等HEA

营业中

休息中

第二次幫襯呢間台灣餐廳🥰 食完真係會好滿足☺️ 因為啲食物真係幾大份架！今次試咗餐廳新推出嘅流心芝士雞扒配滷肉飯🤤 小吃叫咗牛展🐂 一碗牛肚牛筋陽春面🍜 一杯抹香珍珠奶茶🧋個流心芝士雞扒真係好高質💯肉質嫩滑、大塊厚身、中間嘅芝士仲好Juicy 👍新鮮夠熱辣！超值得一試👍 碗滷肉飯都好好食，份量足料！呢個餐真係好滿意🥰 配搭嘅涼拌小菜，有青瓜雲耳同酸瓜😉 小食叫咗牛展，肉質好淋，筋肉分明，有種晶瑩剔透嘅感覺☺️ 整體真係好好食💯牛肚牛筋陽春面好大碗🤤牛肚牛筋好淋👍陽春面真係好夠份量！包你食到好滿足☺️杯抹香珍珠奶茶一樣唔會令你失望🤣因為真係好大杯好抵飲！珍珠又夠煙韌💯一定要試😀店員親切又窩心👍欣賞佢嘅服務態度💯 值得再去☺️

係網上買左優惠約左優惠最後一日食任食羊腩煲，$98, 用餐時間88分鐘，另加一服務費及醬料費（選用台灣腐乳$18.8), 可加$48升級食台式食品，不過我冇加，因為一個人食唔到咁多，要專心試真個羊腩煲🤭初初入到去的感覺唔係太好，因為店員好似唔知有羊腩煲放題咁，問我係咪要個麵，然後要我等，等左接近十分鐘先知我要d 咩🤨不過之後都好順利，店員好好禮貌問我要唔要水，食完又會問我好唔好食，仲有個老闆好nice, 同我介紹返佢地d 材料既來源地，佢地d 用料係比起出面既成本高，黎緊仲會入三間唔同台灣當地小店的芋圓返黎，等客人有選擇，睇得出佢地好用心經營，好重視顧客👍🏻👍🏻講返個羊腩煲，有馬蹄，冬菇，荀片，蓮藕，枝竹，芫茜作為配菜至於羊腩，份量完全唔係一人份呀，係兩人份量，所以完全唔需要再加單，一煲都覺得好夠😍😍最後羊腩食哂，因為唔想嘥（飽到晚餐只食菜），d 羊腩有羊肉味又唔騷，每一舊都係腩好滑肉質好有咬口，唔係d 急凍貨冰到冇哂味又霉果一種可以相比😋😋👏🏻個腐乳醬係好味既，唔會太咸，同羊腩好夾，不過因為個羊腩煲已經好夠味，所以都唔需要點太多配菜我就鍾意枝竹，好入味，宜蘭三星蔥好香，其他就一般般最

今日lunch行開無意見到呢間台式餐廳見到店內都好多人、所以就入去一試佢d裝修好有趣，四周會貼一些很有意思的句子成間店真係好台灣既感覺lunchset都好抵，我呢款只係$60，包埋熱飲*佢下午茶set好吸引！好想再去食呀

有一次係網上見到依個羊楠煲放題覺得好吸引，就黎左食，食前去左黃埔海濱長廊打卡影相，馬卡龍色既燈柱就算天陰陰都不失色☺☺好彩我地著左比較鮮豔既顏色。打完卡就行去黃埔站搭巴士去 等等HEA, 去到門口，見到d佈置好靚，又有金句，又多左好多位打卡～～我地叫左2人份羊楠煲放題，食左2轉就飽🙈🙈無限任加好抵食，最後店員仲送左杯薑母茶比我地飲

一講到食，小朋友最鍾意有新鮮感！所以又係時候叫下新年feel既外賣啦😝今次試咗九龍城人氣台式餐廳【等等HEA】既外賣美食🥰第一次食新年必食嘅撈起，小朋友們表示勁興奮呀🤩呢個撈起食材裏面有名貴嘅花膠同埋鮑魚，而吞拿魚刺身同埋秘制醬汁就用咗真空獨立包裝，食之前擺靚靚，再跟佢哋附送嘅吉祥賀卡講吉祥祝福語就可以撈起啦🥳台式羊腩煲用料好講究，枝竹、冬菇、馬蹄、筍件樣樣齊，羊肉同埋羊腩汁都個別用咗真空包裝，採用宜蘭三星蔥及正宗台灣媽祖/江記腐乳醬，三種口味既腐乳（原味、辣味、梅子）梗有一款啱你！羊腩採用紐西蘭羊肉，肥瘦均勻，鮮嫩羊味一啲都唔羶！極具台灣風味！佢仲送埋不鏽鋼平底煲，所以電磁爐/同GAS爐都可以即用，貪靚嘅我用返粉紅色打卡你懂的😝食台式嘢梗係唔少得台式手工芋圓啦，新年一定要團團圓圓嘛！🥳

• 台式古早羊腩煲 ; 撈起🥢•💵Price: $388 ; $388-就到新年唔少人都會食撈起黎賀年🧧@waitwaithea 最近就推岀左個「撈乜都掂牛年撈起」🐮入面除左有鮑魚、花膠，當然仲有傳統有既魚生、七彩顏色既雞絲、蘿蔔絲、椰菜絲、青瓜絲、萵筍絲、蛋絲同芋頭絲。最後仲有金黃色既蜜糖芥末醬汁，簡直係七彩繽紛，又靚又有意頭，喜氣洋洋阿！🎉另外我都好鐘意佢地個古早羊腩煲，佢啲羊腩肉係採用精心嚴選既紐西蘭羊肉，舊舊肥瘦適中，連皮帶骨，口感非常軟腍🤤而且羊腩煲配料都非常豐富，有足料枝竹、馬蹄、冬菇、生菜、竹荀等。我最欣賞係佢外賣都非常方便同衛生，醬汁同羊腩肉等都分別以真空方式包裝，亦會附送台式腐乳醬，不鏽鋼平底煲(電磁爐或gas爐都得)一買返黎唔洗等，即刻就食得喇😋

又到新年，同家人朋友食一餐團年飯少不了今次我同家人就買了九龍城台式餐廳的台式羊腩煲及新年撈乜都掂牛年撈起希望今個牛年大家都可以牛氣沖天.古早台式羊腩煲採用宜蘭三星蔥及正宗台灣腐乳以及純正紐西蘭羊肉極具台灣風味而且仲有一盤蔬菜及枝竹相當豐富當中特別附送真空羊腩汁、台式腐乳醬及不鏽鋼平底煲電磁爐或GAS爐都可使用非常方便.撈乜都掂牛年撈起當中有鮑魚、花膠等名貴材料，撈起撈起撈得風生水起相當好意頭，而且材料相當豐富及新鮮每一啖口感十足，真係新年必食

本身買外賣見到佢餐牌個名好得意幾有心所以買咗佢個下午茶餐：熱戀頑固吐司即係（流心芝士蛋吐司） ， 點知返到屋企打開個盒有陣燶味，心知不妙，邊會諗到個麵包燶晒底都比客，連杯茶都無茶味呀， 諗住外賣啲客唔會話你哋。講返啲嘢食先，芝士幾多但應配多款唔同嘅芝士......流心蛋切開都流心。同個名一樣Hea囉！所以我第一篇食評就比咗依間食店， 嘢食普通啦， 但無良心同對食物無要求咁囉！！！！！！！！！！環境同服務我外賣無感受到

11點就有得食，最啱 brunch。店面是好 fancy 的台風，食物都唔錯。店員熱心爽手，上菜都快。法式豬手有驚喜，做得好似燒肉，賣相一流，超吸引。可惜皮不夠脆，好似燒得唔夠透咁，但醃味好香，唔鹹。肉算腍，邊位仲脆添。皮下脂肪幾厚，但食落甘香唔膩。怕肥就唔啱你。份量大，呢度只係半隻，但已食到好飽。配飯，仲有小菜。連野飲先 68 蚊，抵食。飲品仲可以揀紅棗茶、薑母茶呢。like 佢地個 fb 或 ig 仲有口罩夾送，門口又有搓手液。醫護、學生有九折添～ 九龍城果然唔會令人失望呀！

$48無限追加⭐黑松露花支丸花枝丸超級彈牙爽口，仲食到粒粒的花支肉，配上黑松露香味更加upupup!!⭐士林鹽酥雞新鮮即炸，所以非常香脆，好有夜市feel.⭐台式薑茶芋圓薑茶味濃配埋煙韌嘅芋圓，綠茶，紫薯，原味多元化好彈牙.⭐$68美國牛小排牛肉味食落去好香濃，一啲都唔肥，薄切得嚟牛肉味好香。⭐$48爆汁貢丸勁彈牙，咬落超juicy。⭐$48冰巢豆腐豆味好香，而且吸收咗湯汁之後，軟熟之餘又有口感。

The cheapest lamb stew buffet in hk!!天氣凍冰冰，更加係食羊腩煲嘅好時機。今次嚟到九龍城，見到呢一間羊腩煲做緊任食放題🤩鍾意食羊嘅我，當然唔可以同朋友錯過啦😍$98/88分鐘無限追加羊腩煲上到嚟已經見到好豐富，除咗有大大嚿嘅羊腩之外，仲有好多豐富配菜：三星蔥，馬蹄，支竹…傳統羊腩嘅經典元素都集齊哂❤羊腩好高質肥而不膩，唔會騷，而且羊肉味好濃郁👍🏻所揀選嘅羊腩位好高質，我好鍾意連住骨位嘅肉，因為特別嫩滑。鍾意點醬嘅你，仲可以點埋正宗媽祖釀臺灣紅麴腐乳，更有另一番風味😋

宜蘭三星蔥 古早羊腩煲🐏 冬至嗰日凍冰冰最啱就係食火鍋🍲，尤其是羊腩夠晒暖身，小編已經凍到淨係想喺個被竇度住，叫外賣送到嚟屋企就啱哂🥡。 羊腩已經被切到好多個細細塊，食落口軟腍腍，聽講係紐西蘭加英國羊，膠質仲好豐富，仲有陣陣嘅香羶味，但又唔會太重，剛剛好就是最好👍。 食得羊腩煲當然要配腐乳，用嘅係台灣媽祖釀嘅紅麴豆腐乳🇹🇼，味道有濃醇嘅紅麴香，帶點甘甘甜甜口感。 另外配有芋條、冰巢豆腐、貢丸、支竹、生菜、馬蹄等， 用料豐富。羊腩亦配有三種腐乳醬， 點啲落去更惹味香口。 佢哋有三種煲分別係唔同份量，最平嘅有$388，而買滿$500會包送貨，詳情可以上佢IG睇👉 @waitwaithea 📍地址：九龍城福佬村道41號地下 📮

今次黎到九龍城既一間台式料理餐廳😌之前已經同朋友食過佢既大閘蟹放題，真係好正🤤🤤今次一於陪男朋友仔試下秋冬限定既三星蔥台灣古早羊腩煲🙆🏻‍♀️偷偷地同大家講其實我本身麻麻地食羊肉，因為有啲唔太喜歡羊既個陣膻味😳不過因為近排天氣凍左，又真係幾岩食羊腩煲，所以就忽發其想想黎試下🤣-🌟三星蔥台灣古早羊腩煲 $98/位以任食羊腩煲放題黎講呢個價錢都幾實惠，食足88分鐘😂羊腩炆到好入味，又唔算話好肥，肥瘦適中咁，而呢度既羊膻味係我能接受的程度🙈最正除左羊腩外一定係枝竹，完美地索哂啲湯汁🙆🏻‍♀️-🔹無限追加 +$48可以無限追加西洋菜、唐山菜、娃娃菜、白蘿蔔😍而食羊腩煲再配埋菜同白蘿蔔簡直係💯仲有熟食分別為士林鹽酥雞、黑松露花枝丸同埋台灣腸糯米飯😋鹽酥雞炸得好香脆，而花枝丸係我最鍾意食❤️每粒花枝丸上都有黑松露～-🎈羊腩煲由午市兩點開始就可供應🎈羊腩煲可外賣，有興趣可提早預訂🎈醬油費為每位$18.8🎈價錢不包括飲品，如需飲品需額外收費🎈只接受現金付款-🔸等等HEA📍九龍城福佬村道41號地下

下午茶時間上網見到呢間台灣菜咁多好評，又裝修得幾靚，就入咗去試試下午茶餐。入到去d枱全部放曬大閘蟹餐具，應該係準備晚市用。而枱面就feel到有d黏黏嘅感覺，相信冇用毛巾抹乾淨。不過裝修幾靚同播住台灣歌手嘅歌，好有去咗台灣餐廳嘅感覺。首先黎嘅係2杯野飲，菊花茶同芒果沙冰，正正常常冇咩特別但好大杯，值得加錢飲凍飲。然後黎咗第一個主菜，鹽酥雞麵。 鹽酥雞對於一個下午茶餐黎講比想像多，而且食到係啱啱炸起，湯底味道同麵質都唔錯，同其他台灣餐廳一樣冇咩特別，可以一試。但最後一道菜就大大咁影響咗我對呢間餐廳嘅觀感，第一次覺得咁憤怒，就係呢個餐牌上推介嘅等等手工紫薯窩夫配雞翼跟雪糕。仲諗住佢個餐牌有個Like,應該可以一試，下面幅圖係佢一上枱果時影嘅。首先呢d只能夠講係雞翼乾，用較剪剪到好似一堆骨頭堆係度又完全冇肉汁，炸到乾曬。其次個雪糕竟然係溶過沙冰，接近一個雪糕"湯"。最後最後令我最感到驚嚇嘅係個窩夫，完全係由百佳買嘅即食窩夫就咁放d朱古力醬，好假嘅棉花糖同少少紫薯上去，然後收嘅價仲貴過個鹽酥雞麵。睇個賣相都知佢個味道如何，都唔知點解咁做法都可以出菜!總括黎講個甜品完完全全影響咗我對呢間餐廳嘅觀感

好耐未試過比差評 講服務先我地叫下午茶既餐單 佢埋單個時計左午餐仲要大大聲拗數話下午茶無香酥排骨賣！都唔改返張單！我明疫症下生意難做但明碼實價餐牌寫明都可以唔認數收多$20.無現金找錢唔緊要，職員亦唔識用卡機 最後職員要入廚房搵職員拎錢找比我地😑😑😑..講返食物，兩樣野.💥鰻魚飯 $71真係嚇親，個鰻魚又燶又黑又乾鰻魚厚度同張a4紙一樣完全對唔住呢個價，飯上面鰻魚汁亦極少 Dry鬥dry.💥香酥排骨轉柯仔魯肉飯 $68+$10排骨分量夠多，但炸皮好厚柯仔魯肉飯普通 鹵水味唔出 .真係唔會再幫襯