等等HEA

营业中

休息中

不本到九龍城打算買大閘蟹回家蒸煮來吃, 行到福佬村道下午5時半餐廳的空位很多, 一個人打算吃個下午茶, 但剛好見到正在大閘蟹放題。由於價錢算合理而且配合比較少餐廳提供的台式食品及飲品而且也是任食88分鐘, 而且這個月份很適合吃蟹乸的, 成人$388吃小蟹 , $488吃中蟹, $608吃大蟹, 但費用不包加一, 他們說中蟹的質數也不錯所以我選擇了吃大蟹, 他們會提供膠手套/剪刀/小匙, 他們見到你吃得差不多就會自動送2隻給你繼續吃, 中途要轉別款蟹就要另外通知他們, 老闆娘最後10分鐘也再問我要不要再添吃, 真是吃到飽為止了。公蟹: 4-5兩 -可能未到11月份, 有膏但不算太多, 沒有爆膏感覺有少許失望了。母蟹 : 比公蟹細隻,但這時節吃母蟹都是屬於爆膏的了。小菜有很多款式, 我試了幾款小吃都不錯, 人多可以全部都叫來吃吃看飲品: 可選多款台式飲品, 飲品需多款但味道一般沒有太大驚喜

踏入食大閘蟹季節，好多地方都開始有大閘蟹食，而呢間位於九龍城食台式食品既餐廳，今年推出了88分鐘大閘蟹任飲任食放題，除左有大閘蟹任食，台灣飲品、薑茶任飲，還有一些台式的食品和限定蟹粉料理食，連他們的招牌蚵仔滷肉飯都有得任食，真係好正呢!大閘蟹多膏，而且唔會太細隻，而且好快就會再上大閘蟹，等候時間不會太長!蚵仔滷肉飯，他們的滷肉味道香濃，而蚵仔粒粒都脹卜卜，如果再加上他們的酸菜一齊食，味道更惹味!蟹粉花枝丸，花枝丸有稍稍炸過，爽口彈牙，好香花枝的味道，而上面有蟹粉作點綴，味道不錯!生滾大閘蟹粥，大閘蟹粥好有蟹的鮮味，粥底好綿，加入左蟹肉和蟹膏一齊煲，非常足料！一口蟹粉麻辣鴨血，鴨血滑嘟嘟，味道麻麻辣辣好香濃，上面加上蟹粉，原來都幾match!薑茶芋圓，老闆為左大家要飲多點薑茶，芋圓個湯底都好重薑味，而且芋圓煙煙韌韌好有口感，食完夠驅寒！台式飲品和薑茶任飲，台式飲品太多款式揀了，而且薑茶味道好夠薑，不怕太寒涼！估唔到台式料理店也可以吃到大閘蟹放題，吃完一次已經很想再去了!

早晨應多運動，消耗大自然順便周圍搵嘢食啦。最後到咗九龍城，被好卡通的招牌吸引入去吃早餐。早餐配搭都幾有趣，等等南投蚵仔方魚肉碎粥，還是頭一次早餐吃蚵仔方魚肉碎粥。其實似湯泡飯多些，都好大碗，蠔仔無腥味，湯底唔太鹹，合味。想來吃咁大碗湯飯，都已幾飽了。旋風炒滑蛋酥炸餐肉粒配牛油麥多，旋風炒滑蛋唔算多，旋風炒滑蛋好似個小火山造型，正想著酥炸餐肉粒在那，原來支撐住小火山內的正是它。蛋滑，午餐肉脆。凍菊花茶，好大杯，味道可以。

頭先8點尾入去食晚餐，坐低左間野，先發現有3中年姐姐，全部都無戴口罩，仲頭操大陸口音，落單要重複講幾次，佢話佢自己新黎既內地女人😓野食黎到，好難食，無牛肉咩既牛肉面，叫陽春面變左刀削面😓個蚵仔煎極度唔新鮮，，，，，落單都落預小左個小食（重複咁多次都要錯😤）以後都唔會再去！！！完成唔明點會有百幾個like lo......

我喺九龍城附近返工，日日都會出去食嘢。近排開咗呢一間舖頭，食過四五次午飯，一次早餐，感覺10分良好，要寫返篇惹來讚下佢。三人點了三個小菜，鹹豬手，鹽酥雞扒，同埋滷水拼盤，配蚵仔肉操飯，我就食肉操飯。其實佢個陽春面同埋刀削麵個湯底都幾好味。肉操飯好味，陽春面刀削麵都好味彈牙，湯底濃！啲份量大大碟，勁開心， 70幾蚊食到咁嘅質素咁嘅份量真係好抵。鹹豬手：豬手唔會太硬，個皮小小脆。鹽酥雞扒：鬆脆嘅，雞扒唔會太硬，唯獨少咗鹽酥粉嗰個味。滷水拼盤：份量好多，三隻雞翼，三四舊紅燒牛肉，加三四舊牛展，但係味道就一般。台灣飲品：記住唔好加錢飲佢珍珠奶茶，味道一般，當普通嘢飲心理上會好啲。後記：午餐-本人推介鹽酥雞扒，肉操飯，陽春面或者刀削麵，甜酸咕嚕肉都唔錯。你問我，要特登搭車食呢間舖頭就唔需要，不過如果你平時喺九龍城返工，我覺得佢係一個唔錯嘅選擇，分量大味道唔錯，又可以滿足想食台灣野嘅需要。彩旦：如果有日經過九龍城食早餐，推介呢一間，因為佢可以食到台式嘅早餐，例如可以食肉操加台灣腸加陽春面早餐，加個吐司同半隻台灣留心蛋。我仲食咗鹽酥雞扒吐司就就餐，好有特色！

今日見時間尚早，又未到食dinner 嘅時候，同朋友仔揾到間台灣小店，冇諗到比個悠閑嘅餐廳門口吸引住，佢門口擺設好悠閑，比人好舒服嘅感覺因為疫情關係，店主都溫馨提示，必需探熱及消毒雙手，好sweet 由於時間尚早，我同朋友仔仲可以叫下午茶，真係抵我個人真係好鍾意佢地嘅字句，好有意思，令人回味無窮⋯⋯用QR code點餐真朝🥰黑松露黃金花枝丸$35雖然只有4粒，但粒粒份量都幾大，黑松露很香口，咬落去真係有花枝架，真材實料，抵贊，仲包一杯特色飲品鹽酥雞$35好脆口，炸粉又薄，好滋味⋯埋單仲驚喜，竟然冇加一，下次一定要再次幫襯

下午茶兩個餐，黑松露蛋牛角包、雪糕窩夫薯條凍柚子茶、凍黑糖珍珠奶茶 $120全部勁難食、難飲。兩個阿姐做晒廚房、樓面、收銀。浪費咗個場。卡位用塊布鋪住，感覺唔乾淨，裡面部冷氣機又滴水，間舖唔夠冷氣。

叫了香煎排骨，外層是脆脆的，鹽酥雞排，水準穩定，香脆可口，柯仔煎，蠔仔有十數隻，沾沾那個微微spicy的將醬，轉眼已經全滅，魯肉飯，香噴噴，簡簡單單，一口一口，令人滿足，珍珠奶茶，大大杯，珍珠不是粉粉的，絶對合格有餘！另外，滿$200 還有鹽酥雞送，份量很足！有十多舊！整體來講，味道方面，外賣比堂食打了個折，不過還可以的，整體水準不錯，幻想自己去了台灣吃個便飯。疫情中的小確幸⋯⋯ 下次有機會要試試它的燒烤

九龍城除咗泰國菜出名之外，現在有不少其他食店進駐，今日我就同女兒去一間叫等等hea，試吓佢哋主打嘅台灣菜。餐廳裝潢設計雅，好有台灣文青小店風格。鹽酥大大雞扒陽春麵：鹽酥雞即叫即炸，熱辣辣切件上枱嘅雞扒，皮脆肉嫩，配上沙律醬都相當開胃。湯底很濃郁，味道鮮甜，配有林甜的紅蘿蔔和白蘿蔔，陽春麵口感特殊、綿密又彈牙。附送三小碟前菜，有青瓜、花生、蘿蔔漬。鹽酥排骨刀削麵：排骨外層酥脆，肉質鮮嫩，刀削麵寬身彈牙，配鮮甜濃湯特別美味！台式滷水小拼盤：有豬耳、雞翼、鹵豆腐，全部都好入味，豬耳爽口，雞翼和鹵豆腐都嫩滑。椰汁芒果沙冰：大大杯，芒果香甜，椰汁沙冰細滑，是一杯充滿熱帶風情的美味冰品。奶蓋華田：上層奶蓋奶味香濃，質感像綿般幼滑，下層華田濃厚甜美，比傳統的華田更美味！

中午經過九龍城，因為太肚餓，其他食店有好多人，便在這用餐。剛剛看別人comment，也說這店不錯。不過我的經歷不太好，我是以後也不會再去的。午餐，我叫了個蚵仔陽春麵加珍珠奶茶，其實都77元。雖然說不是貴，但真的不好吃。那個湯底味精太重，然後那些蚵仔又很少，再加那個陽春麵一舊舊，我就覺得這碗麵真的很難食。然後那個珍珠奶茶也是十分甜，難飲。反正比平時買的，就差好遠。所以我是很不喜歡這家店，吃了一半就走了。

九龍城台灣菜-等等Hea食物大份 味道原來不hea 叫咗兩份套餐第一份係香酥大雞扒配陽春面第二份係半隻豬手再加$3滷肉飯佢有份前菜附送嗰日去到只剩低麻辣雲耳不過冇影相香酥炸雞扒非常香脆配上蜜糖芥茉醬就算唔點醬都好夠味陽春面嘅湯應該係牛肉湯牛肉湯頭都好濃另外豬手半隻都多肉食 個皮放凍左會變硬 大家趁熱食呀打卡位 就是牆上的句子吧好老土的句子😂好有從前玩MSN的感覺疫情下的假日 人流都不算小 果然是近來的熱門餐廳😆

去九龍城唔係淨係識食泰菜既, 上次黎食泰國野, 見到呢間台灣野裝修幾有台灣FEEL, 今次就黎試試佢!!佢有好多選擇, 有正常既牛肉麵/飯/小食, 仲有燒肉, 見到隔黎枱好似燒得好過癮, 不過我比較肚餓, 就懶得燒😂😂同朋友都係食肉獸, 叫完牛肉麵再叫肉燥飯, 肉燥飯仲可以跟一個炸排骨~酥炸排骨好好食, 炸粉夠薄, 入面又JUICY, 肉燥飯就正常, 個汁唔太甜, 岩我口味牛肉麵個D牛肉好好食, 又淋又入味, 所以我地叫多左個牛拼盤!佢D牛筋原來仲正!野飲除左台灣啤仲有芒果沙冰都幾好飲!! OVERALL味道都幾好!!

鮮茄紅燒牛肉麵，紅燒牛肉口感滑嫩多汁，牛味濃香；鮮茄湯底味道濃郁、酸甜；麵條口感爽滑。三小碟前菜，包括有醃黃瓜條、和風貓耳朵、炒菜絲；醃黃瓜條口感爽脆，味道帶酸；和風貓耳朵充滿芝麻味道；炒菜絲包括有紅蘿蔔絲、白蘿蔔絲、青蔥絲、芽菜，味道清甜。等等小碗手工魯肉飯配鹵水溏心蛋及三小碟前菜，魯肉飯魯肉肥瘦均勻，味道咸香，拌飯一流，飯粒軟硬適中；醃黃蘿蔔味道甜中帶酸；鹵水溏心蛋好入味，溏心效果突出；三小碟前菜包括有甜不辣、和風貓耳朵、鹽焗花生，甜不辣味道咸鮮，鹽焗花生味道香鹹。等等蚵仔煎，蚵仔份量多，口感厚肉，味道鮮甜，煎蛋口感薄身，配以秘製醬汁食用，味道更香口。芋圓仙草豆腐花，包括有芋圓、地瓜圓、紫薯圓、草莓、仙草、豆腐花；芋圓、地瓜圓、紫薯圓口感煙韌，味道甜香；草莓味道甜酸；仙草口感爽滑；豆腐花口感滑溜，豆香味濃。蜜芋鮮奶，小芋圓口感Q彈，芋頭味濃，鮮奶口感細滑。黑糖珍珠鮮奶，黑糖味道香甜，珍珠充滿黑糖味道，口感彈牙，鮮奶味道醇厚。桂圓紅棗茶，味道清香帶甜。

近期都經常去九龍城，早前路過咗幾次見到可能新開無乜顧客，唔太敢入去試，而且九龍城感覺係食泰國🇹🇭同日本🇯🇵嘢。但網上好評不斷，今日又俾個機會大家😎.裝修設計有特式，好有台灣文青小店氣氛，老闆娘確是傳說中的熱情款待，有多款嘅假日中午下午茶餐供應，價錢合理，訂價比較經濟實惠🤓———————————————————————————🍽紅燒牛肉刀削麵🍜➕桂圓茶🥤💬湯底已經很濃郁，配有紅蘿蔔🥕、白蘿蔔，牛肉都有好幾件，腍而不韌，份量十足，跟餐一杯特大大大大嘅特飲，仲有餐前小吃奉送，係咪真係咁抵🤪.🍽熱戀頑固吐司三明治🥪➕冬瓜茶🥤💬好有誠意，用錫紙包住，既可保溫，又唔會食到跌哂出來，手又唔會整到好污糟，要讚👏🏿。香酥雞腿🍗係勁脆，麵包同樣烘到好脆，上面鋪面濃厚芝士🧀，$39 嘅價錢跟一杯大大大杯裝特飲，無嘢好挑剔😌

你等的人，等你的人，都是懂你的那一個☺️九龍城美食多，今次嚟行街見到有間裝修幾特別嘅餐廳，主打台灣嘢，呢個時候又想飲珍奶，於是就入左嚟試試佢。等等hea果然真係要等，等咗35分鐘左右終於入到去，二人卡位坐得都舒服。牛肉拼盤 $288 包含左牛舌、牛肩、牛小排同埋牛胸腹，啱哂愛牛人士。店員會好貼心咁拎個爐嚟你個位，所以如果無叫到爐端燒嘅人張枱唔會有個爐頂住。份量兩個人嚟講啱啱好好，但由於唔太熟個爐，所以有幾舊燒過龍，牛舌比較上好食。鹽酥雞扒陽春麵 $78 炸得熱辣辣嘅雞扒，粉略嫌少少厚，配上沙律醬都相當開胃。但令我驚喜嘅喺個麵，湯底濃郁，配上兩塊好入味嘅白蘿蔔同紅蘿蔔，值得一讚。芒果鮮奶 $35、黑糖仙草鮮奶 $35 味道不過不失，但好大杯，餐廳堂食叫的話相當抵飲。埋單兩位＄480左右，如果唔叫肉會再抵食啲。如果你鍾意睇我嘅食評，不妨關注我，支持吓我，謝謝你☺️💕