立体派拉麵 (威靈頓街)

营业中

休息中

今日約左人係中環傾d野，行過威靈頓街小巷有壁畫，有點簡約懷舊風，望望吓就忍唔住入左去食野🤭🤭入面就係日本小店風味嘅拉面店，以木為主，有簡約風情調，令人變得放鬆，即刻覺得好似去左日本咁，可以思鄉一番🥰🥰特級白湯~勁興奮，超大碗，當然第一啖就飲湯，濃濃雞湯，奶白色，但一d都唔油膩，而且湯底好清晰，差d飲晒湯都未食面。面質煮到剛好，不會太軟身，有點彈口，豚肉🐷薄切，雖然肥肉佔一半，但都不會太油膩，而且入口即溶，好嫩滑🤤🤤。糖心旦🥚偏甜，旦黃仍半半生熟，所以感覺可以中和湯底嘅咸味。最驚喜係配料，筍係用黑椒調味過，提升左整碗面嘅味道👍🏿👍🏿如果細食嘅朋友，可選細碗🤪雞軟骨餃子🥟~日本湯面當然要襯餃子啦，咁襯係套餐(家姐教🥰🥰)，餃子炸到脆卜卜 ，咬落有聲，餡料係菜同肉，不過中間有雞軟骨，所以天有咬口，唔同一般只有肉嘅餃子，唔會食太飽。真心覺得係大師級，估唔到行行吓搵到驚喜，有時周圍搵周圍食，都未必搵到出乎意料之外嘅野，所以平時多d留意吓身邊嘅野，一定有收獲😎

- 聽聞主打日本拉麵大師開，但感覺拉麵普普通通，性價比一般- 裝修還可以，雖然宜家人流不多，但間隔比較逼，坐得唔係好舒服服務態度真心差。。。下次唔會再去- 提前訂位，去到冇咩人可以直接入坐，埋單嘅時候店員話我哋冇主動通知佢哋訂位，所以唔可以用優惠(咁佢哋入坐前都冇問過有冇訂位，同埋個APP確認咗已出席都唔得) 店員態度好差話唔關佢哋事，唔係佢哋責任lo🙃其實，呢D咁嘅時世有人流已經好難得，好多店鋪都有做promotion/discount，幫唔幫襯真係睇食物味道同服務水平。味道麻麻，服務態度惡劣，真係好失望

舊年新開從曰本開過來的拉麵店，12:15pm去到不用排隊，即管試一試。我點了特級白湯拉麵（$118) 極有期望因為食評都讚口不絕。湯底都幾鮮味，不是清甜的那種。叉燒肉切得好薄，不會好油膩，醬油蛋都不錯。可惜說是大size,就是個碗好大，及麵多小小。朋友點了醬油清湯拉麵（$88），她說湯底不油膩，頗清。本身真的好想試他們的冷熱鹽味拉麵，可惜已沒有了。午餐餐牌亦只得五款的拉麵可以選擇，吃了不久已開始有人龍排隊，所以當我差不多吃完，店員亦提示我們他們希望我們可以快些給回他們枱再做另一輪生意。一般來說，不是十分吸引的拉麵，但一試也無防。

放工喺附近同朋友喺附近食拉麵，難得唔使好似lunch咁排長龍。新推出嘅鯖魚湯香菇野菜海蝦拉麵，魚湯濃郁清甜再加上大量野菜，感覺清新健康，蝦係凍食既，食落有酒香幾特別。另外再點咗雞翼，外脆內軟有驚喜

中環威靈頓街有條後巷，地點隱匿，要留意一下先見到。呢度主打來自日本嘅拉麵，由日本拉麵大師同廚藝大師創立。海體醬油湯拉麵（$88）朋友呢個配合叉燒，都幾大件，肉同脂肪嘅比例唔算過份。好入味。鯖魚野菜拉麵（$108）有三隻蝦，浸係一啲好似花雕酒度，大大隻好彈牙。菜都幾多，啱曬我呢個菜寶寶，湯底略嫌較鹹。唐揚脆炸雞（$38）好大件，物超所值！雞肉嫩滑。香炸雞軟骨餃子（$48）炸起嘅餃子好脆身，入面仲有爽口嘅雞軟骨！可口可樂（$30）飲品方面拉麵配汽水其實幾夾，所以我地都揀左可樂。呢度裝修帶點工業風，幾特別～

中環威靈頓街都可以話係呢一區最多食肆嘅地方 今日專登去搵一間拉麵小店去試吓 因為鋪面係喺內街所以唔係好起眼 要轉右落樓梯先去到星期六晚都比較少人 可能少咗啲上班族醬油湯拉麵配厚叉燒 🐖叉燒採用左五花腩肉 一層肥一層肉肥瘦均勻 醃製入味 入口即溶 湯底睇落去雖然深色 但係唔會太鹹 而且飲落有好多款醬油嘅香味 飲完都唔會好口渴 應該冇咩味精 拉麵麵質偏硬 係粗麵都幾有咬口鯖魚雜菜湯拉麵配海蝦🦐呢個湯底好清甜 而且比較少見有咁多雜菜同埋舞茸去煮個湯 都幾特別 特別一讚個海蝦 蝦肉彈牙 用清酒🍶醃製過 好清甜 連啲蝦殼都想食埋店揚炸雞🍗大大嚿啖啖肉 炸粉吾厚 用雞脾肉肉質滑溜炭燒黑豚腩肉 雖然話係腩肉但係唔會好肥 好香炭燒香味 有少少黑椒調味已經好夠 配蔥絲食更加香 後尾隔離枱叫咗呢個龍蝦拉麵 賣相都好吸引下次要食

聽聞呢間拉麵店係由日本冠軍拉麵大師創立，小妹慕名而來🤭😆係假日嘅夜晚，唔去熱鬧既蘭桂芳，黎中環黎間小巷靜靜地食返碗拉麵都不錯🤓美中不足既係，咁岩今日落雨，地鐵去呢到會淋到少少雨🤭✨Special: 湯底絕對係拉麵嘅靈魂，而呢到既湯底全部都係由天然食材熬制😱😨😱😨💓海體醬油🍜：用咗日本醬油做湯底，味道清清地，再配埋厚切叉燒，叉燒好入味，厚切有口感🤤💓鯖魚湯香菇野菜海蝦拉麵：呢個湯底幾惹味，又帶少少辣，海蝦食落帶有酒味，相信海蝦係有浸過酒黎😍有驚喜🌸Eatigo booking: 可以有75折架👏👏

每次行過中環這條街，都被他的外牆壁畫吸引著駐足觀看。這裏就是 享負盛名的 立体派 拉麵 香港旗艦店。由兩位日本大師級人馬，冠軍級拉麵大師 林隆臣和 藝術拉麵大師 松村貴大 所開設。今日就入去朝聖，試下先！特級白湯林隆臣推介招牌拉麵，湯底用雞骨、雞肉、雞腳淆製 超過8個小時而成，味道濃郁，口感香醇厚身，沒有油膩感! 配上四塊薄切豬腩肉，質感鬆軟有點像蒜泥白肉，脂香豐腴，入口即化。鯖魚湯香菇野菜海蝦拉麵湯底 由九種秘製醬油調製而成，味道 清甜順滑，咸度適中。海蝦 用上清酒 烹煮突出鮮味爽口彈牙。 加入紫菜 和雜菇 姑味濃沃。不可不提，這裏的拉麵，標榜以特選百分百優質日本小麥粉、雞湯和雞蛋自家製作，外面絕無僅有，特別細緻爽口彈牙！自家製餃子皮薄餡靚，一口餃子，外皮煎得香脆煙韌，肉質嫩滑多肉汁，蘸上陳醋和辣椒油來食，滋味無窮！汁煮厚切叉燒這裹叉燒有如東坡肉，油脂甘香，醃得非常入味，軟熟嫩滑入口即化。

拉麵是我的至愛。香港試過好幾家不同的日本雞湯拉麵，今天與太太女兒來中環試一下立體派。在小巷樓梯下面，但是不難找，就在鏞記正對面。雞湯滿濃，沒有失望 😉，而且麵條算彈牙。肉也不錯。唯一可以改善的地方就是湯頭不夠熱。另外，叫了一個雞軟骨餃子，非常不錯，surprisingly 炸得非常脆口，放了一陣子依然非常熱和脆，高度推薦 👍👍👍

Went there on a public holiday for lunch and the place was quite empty so we easily got a table for 3.We tried 3 ramens, white broth, mackerel broth and soy broth. The soup base for the ramens all have a unique flavors that are super delicious.The white broth was my favourite.

呢間餐廳，有樓面個黑面女人之後，咩食物都會變到好難食，成餐飯無心情食，都食左成$350 (未折) @2個人，叫左4種食物，唔係要你提供咩服務，但佢連少少尊重客人嘅基本禮貌都無，會掉你叫嘅食物係台，仲會好大聲問邊碗面係邊個，明明book左台，都要扮見你唔到，要你係門口企好耐先比你入，但明明入面有一半空位，但要一路啤住你，睇下你有無催佢，幾好食嘅食物，都希望客人回頭食第二次，經過今次，我以後都唔會係呢間餐廳食野，因為今次完全無心情食，即使免費送我食都唔會去，呢個價錢大把選擇，真係未試過食餐飯甘受氣！！

一直久仰大名，聽過中環返工既朋友介紹呢間由兩位日本拉麵大師合作開既拉麵店終於有機會約埋朋友黎食係蘭桂坊附近既一條小巷出面既壁畫好靚、好有藝術感，有兩個拉麵大師既畫像係上面。而且拉麵店Logo同字型設計已經感覺好不平凡！我同男朋友叫左一人一個拉麵我叫左個大既白湯叉燒拉麵🍜嘩 一黎到個碗勁大，個拉麵份量麵係好大既。湯底夠熱。女仔食完全夠飽，唔洗加飯加底。首先飲一啖湯，好濃好甜，原來湯底係用日本米鴨、京都丹波地雞同籠目昆布熬製好耐出黎既。唔怪得個湯奶白色飲落去好濃郁既雞味。最欣賞係佢湯頭唔會似豬骨湯咁，冇一層油係面、冇左豬骨湯果種油膩嘅感覺。飲得多都唔會好唔健康咁。另外叫左鯖魚湯菇野菜海蝦拉麵。我試左一啖個湯同麵，鮮甜得嚟唔會太咸，幾新鮮既感覺。佢個海蝦另上，個蝦一食落去有種酒既香味，係師傅用左秘製醬汁醃製，非一般海蝦，用心之作， 肉質彈牙唔會梅，新鮮！另外叫左份名古屋風雞翼同雞軟骨餃子即係雞全翼， 好好食！ 好熱好脆層外皮，Juicy肉汁， 同埋個雞翼既調味好正，甜甜咸咸咁，勁推介大家試下。雞軟骨餃子都係第一次試，餃子咬落去然後有少少脆卜卜幾有咬口， 份量都唔小。呢間係我一間會再encor

見到open rice有咁多人讚好呢間餐廳，諗住放假去試一次啦，經此一役以後冇下次！首先入到去，面前一張長枱大約五六個位，擺滿食剩嘅食物，無人執。有一個長頭髮嘅女侍應，淨係對住部電腦，我哋入嚟佢完全冇反應，於是我有禮貌地等啦，終於等到佢見到我哋，佢理都唔理，同我哋講等陣我要執埋張枱先。（但明明側邊仲有卡位係無需執枱的）算，我哋照等,等佢執完枱抹完枱，佢一手dum個Menu喺張枱,頭也不回，又走返去個電腦度。我好耐冇見過態度咁差嘅態度！仲要喺中環區？！前提仲要係—-佢係完全冇幫我哋量體溫！既然入咗去，隨便嗌左幾樣野食，眼見呢位女士應不單止對我哋態度差，對其他客人都係相當差！客人叫佢埋單，佢淨係對住部電腦，嗌多佢幾次,佢竟然走埋去我隔離張枱度撳住人哋張枱同人哋講「點啊」（連我隔離個客都回應佢埋單囉點啊）都話我哋食完兩碗面（補充：食物方面一般，唔好期望好好食）同佢講仲有一個腩肉未黎，吹咗佢幾次，到我全部野都食晒嘢飲都飲晒，我哋同佢講要取消，嗰個女士應完全唔理會。隔多一陣要攞個腩肉過嚟。其實已經一肚氣。都買單嗰一刻見到個價錢，食咗兩個面，一杯野飲，兩個小食，四百幾蚊。（價錢唔係問題，問題係佢加

誤打誤撞嚟咗呢間食拉麵🍜本來就冇計劃到夜晚食咩，我地都算係見到咩就食咩😂🤣見到呢間招牌，記起好似openrice預約有折，就臨時預約呢間，都等咗一陣先有位～·🍜特級白湯叉燒拉麵（大）$118好鍾意個湯底，好濃嘅雞白湯味道🤤拉麵幾彈牙，口感啱我，唔係煮得太淋身個隻👍🏻有三大塊叉燒，薄切，好滑身👏🏻值得一讚溏心蛋好流心，合格🥰·🍜醬油清湯叉燒拉麵 $88食過呢兩款，我地一致推介雞白湯🤣👍🏻👌🏻呢款👦🏻話望落有出前一丁嘅感覺，但食落就唔似嘅，呢款會比雞白湯較為清淡😅

個人偏愛拉麵，食過不少餐廳的拉面，今次來到中環立體派，慕日本冠軍級拉麵大師林隆臣而來。這裡餐廳不大，但環境設計和風設計木色餐桌為主。慶幸早收工，不用拍隊就可入座。跟朋友點兩個拉麵和餃子。點餐後五分鐘，就有得食。林隆氏餃子(自家制餃子)皮薄餡多肉少菜，咬一口裡面餡料不乾不膩。特級白湯（大)大大碗，從未見過甘大碗，由雞精烹調製而成的奶白色湯淡而香，喝幾口也是感覺健康不膩。配料甚多，叉燒超大塊，薄薄地不膩。有兩份半開糖心蛋～份量可以兩個人食都夠。鯖魚湯香菇野菜海蝦拉麵鯖魚和各種海產烹調而制的湯不但味道鮮香不帶魚腥味，帶微辣，湯味相對特級白湯濃。三隻大海蝦另外上碟，肉鮮味甜，微帶香酒味。整體而言，拉麵的確滋味令人回味。