影片
更多
2020-06-25
156 浏览
見到open rice有咁多人讚好呢間餐廳，諗住放假去試一次啦，經此一役以後冇下次！首先入到去，面前一張長枱大約五六個位，擺滿食剩嘅食物，無人執。有一個長頭髮嘅女侍應，淨係對住部電腦，我哋入嚟佢完全冇反應，於是我有禮貌地等啦，終於等到佢見到我哋，佢理都唔理，同我哋講等陣我要執埋張枱先。（但明明側邊仲有卡位係無需執枱的）算，我哋照等,等佢執完枱抹完枱，佢一手dum個Menu喺張枱,頭也不回，又走返去個電腦度。我好耐冇見過態度咁差嘅態度！仲要喺中環區？！前提仲要係—-佢係完全冇幫我哋量體溫！既然入咗去，隨便嗌左幾樣野食，眼見呢位女士應不單止對我哋態度差，對其他客人都係相當差！客人叫佢埋單，佢淨係對住部電腦，嗌多佢幾次,佢竟然走埋去我隔離張枱度撳住人哋張枱同人哋講「點啊」（連我隔離個客都回應佢埋單囉點啊）都話我哋食完兩碗面（補充：食物方面一般，唔好期望好好食）同佢講仲有一個腩肉未黎，吹咗佢幾次，到我全部野都食晒嘢飲都飲晒，我哋同佢講要取消，嗰個女士應完全唔理會。隔多一陣要攞個腩肉過嚟。其實已經一肚氣。都買單嗰一刻見到個價錢，食咗兩個面，一杯野飲，兩個小食，四百幾蚊。（價錢唔係問題，問題係佢加
首先入到去，面前一張長枱大約五六個位，擺滿食剩嘅食物，無人執。有一個長頭髮嘅女侍應，淨係對住部電腦，我哋入嚟佢完全冇反應，於是我有禮貌地等啦，終於等到佢見到我哋，佢理都唔理，同我哋講等陣我要執埋張枱先。（但明明側邊仲有卡位係無需執枱的）算，我哋照等,等佢執完枱抹完枱，佢一手dum個Menu喺張枱,頭也不回，又走返去個電腦度。我好耐冇見過態度咁差嘅態度！仲要喺中環區？！前提仲要係—-佢係完全冇幫我哋量體溫！
既然入咗去，隨便嗌左幾樣野食，眼見呢位女士應不單止對我哋態度差，對其他客人都係相當差！客人叫佢埋單，佢淨係對住部電腦，嗌多佢幾次,佢竟然走埋去我隔離張枱度撳住人哋張枱同人哋講「點啊」（連我隔離個客都回應佢埋單囉點啊）
都話我哋食完兩碗面（補充：食物方面一般，唔好期望好好食）同佢講仲有一個腩肉未黎，吹咗佢幾次，到我全部野都食晒嘢飲都飲晒，我哋同佢講要取消，嗰個女士應完全唔理會。隔多一陣要攞個腩肉過嚟。其實已經一肚氣。
都買單嗰一刻見到個價錢，食咗兩個面，一杯野飲，兩個小食，四百幾蚊。（價錢唔係問題，問題係佢加咗我10% Service charge,其實呢間野一啲服務都冇憑咩收我服務費！）
我行上少少食「座銀雞白湯拉麵」好食過佢多多聲，服務態度一流，絕對冇理由再幫襯，除非係鍾意受氣... 大家唔好中伏
张贴