立体派拉麵 (威靈頓街)

营业中

休息中

放左工之後就同同事去左公司附近食埋晚飯先番屋企，我地想試下呢間拉麵店，都好多人食，有哂信心保證咁~鯖魚湯香菇野菜海蝦拉麵拉麵有三大隻海蝦，味道好濃郁，肉質好彈牙同鮮甜，拉麵係香菇野菜湯底，入口清甜，同一般傳統拉麵湯底不同，但都係好好味，如果食慣左傳統拉麵豬骨湯底，想清新一下，都可以一試呢款拉麵，我就覺得好好味~Ramen Cubism 特級白湯好大碗，仲有好多豚肉片，份量絕對夠哂足料，男仔食都會覺得飽~湯底用左大量豬骨熬製，入口就感覺到味道好濃郁又唔會好油膩，拉麵好彈牙，掛湯能力幾好，啖啖麵都充滿住豚骨味香炸雞軟骨餃子餃子即叫即炸，點上沙律醬，好開胃又中和番炸物嘅油膩感，餃子入面包住左肉碎外仲有一粒粒嘅雞軟骨，口感好豐富，又令味道多左一份鮮香，我同朋友都好鍾意食~放工過黎坐低食餐飯減下壓都幾好~

好耐冇食拉麵，今日就去位於中環小巷既立體派。之前尖沙咀店一開已經去試過佢哋嘅拉麵，今次搵唔番佢既每日限定黃金拉麵😗於事我哋叫咗一碗細既白湯、海體豉油湯加拉麵同埋韭菜餃子。店員好好，解釋咗大碗嘅白湯其實係比細碗嘅多咗一隻蛋同埋兩塊肉，面嘅份量係一樣嘅。海體豉油湯拉麵值得一讚，佢嘅豬肉味道整得好好，肉質好林，肥膏同肉分明，食落唔肥膩冇豬囊味，皮嗰層好似啫喱咁😋我食嘅白湯拉麵，雞湯味好鮮甜，不過不失。煎韭菜餃子嘅皮好薄，煎得好脆，內裡肉汁豐富👍

🍽 Premium Cubism - White Broth (Large)💰 HK$ 118 (lunch, 10% service charge)Ever since its soft opening back in 2019, Ramen Cubism has always been one of the frequent places I go for lunch. Even though the location is slightly discrete, the brightly coloured graffiti mural on the wall which is so conspicuous, points you towards the entrance. The interior furnitures are dominated by wood, creating a relaxing environment for customers to dine in. Personally I will always order the Premium Cubism in

疫情底下，好耐先出一次街，今日同屋企人去開中環，一於食碗高質拉麵，去唔到日本，都要試一試由2位來自日本嘅大師級人馬開設嘅立体派！餐廳外牆佈滿壁畫，我地打咗好耐卡🤣<Ramen Cubism特級白湯>一碗拉麵最重要嘅元素就係佢個湯底，呢碗特級白湯不得了，以雞骨、雞腳、雞肉熬煮8小時以上，啖啖濃郁雞味，非常鮮甜，而且係無任何油膩感，雖然份量多，我都食得哂！🤪 <海體醬油湯>好有驚喜！湯底由9種秘製醬油調配而成，比起白湯更濃郁，厚切叉燒超級好食！入口即溶，好邪惡呀🥰🥰🥰<手作韭菜餃子>外耐煎到好脆身，咬落去超多韭菜！<名古屋風雞翼>雞翼炸得好香口，好中意個醬汁，值得一讚係，餐廳好細心咁準備咗手套俾我地用👍🏻

中環呢間分店既地理位置比較隱世，係條唔係咁起眼既小巷內，有一輪係食得密到店員問我唔係尋日先去完咩🤣▪️ Ramen Cubism 特級白湯（大）💲118個碗好巨型，不過其實份量同其他拉麵店既一樣🙈湯底望落已經好清，飲落味道香而不膩，加上既一舊半溶既牛油有畫龍點睛既效果，大概係走順喉既路線🤫同座銀濃稠既係兩種唔同風格，各有特色兩樣都鍾意😉薄身叉燒入口即溶得黎感覺會係偏輕盈，溏心蛋口感嫩滑，個蛋黃芯由外熟到入面流心，個層次做得幾唔錯，麵條唔係好粗身，但掛湯力不錯🔎 整體評分（8/10）

行過附近，諗起呢間野好似幾出名，就去試下，星期六18:00幾冇咩人，叫左個海體醬油拉麵，同雞白湯拉麵。雞白湯拉麵就正正常常，都係鹹鹹地，但冇咩雞味，其他拉麵店既雞白湯比較好食，但係個海體醬油拉麵，真係好奇怪，個拉麵好似公仔麵咁，幼身，唔彈牙，個醬油湯就好似公仔麵既湯底，味道係一模一樣，應該有味精，兩舊五花腩都幾大舊，都好肥下，我自己就真係麻麻地。呢兩款拉麵都係叫佢寫住招牌，所以先叫，但招牌都咁一般，唔知其他拉麵質素係點，但應該唔會再食。

話說近排終於轉左公司，去返一個正常嘅環境工作，決定去食餐好嘅拉麵✨ Ramen Cubism 特級白湯聽講呢一度嘅湯底大有來頭係用咗日本嘅白鴨同埋京都雞調製而成，從而製造到呢種鮮甜嘅白色湯底。一飲落去覺得雞味好濃郁，好有鮮甜嘅感覺，但係完全就冇一般拉麵嘅油膩感，值得一讚。成碗拉麵好靚有一種好乾淨嘅感覺，食完都唔會有罪惡感✨海體醬油湯拉麵個湯底係用咗九種唔同類型嘅醬汁調製而成。湯底嘅味道相比起特級白湯更為濃郁，但係依然係唔會有一般坊間拉麵果一種油膩嘅感覺，相信就係呢度拉麵嘅特色。呢一份拉麵嘅配料係五花籃肉，五花籃雖然有一層口口嘅肥膏但係真係好好食入口即溶，完全唔使咬，塊肥膏已經自己融化咗😂✨ 手作韭菜餃子手作餃子保持依舊水準嘅發揮，餃子外層煎到好脆卜卜，好食✨ 唐揚脆炸雞 極大份量嘅炸雞，嗌完發覺份量真係太大一對情侶嘅話就未必食得晒咁多野，好彩我唔係一般嘅男仔，我依然將枱面上嘅所有嘢食清晒😛😋炸雞外脆內嫩，一咬落去就覺得好Juicy好多汁，性價比好高嘅小食

今日Mary 話帶我去試吓佢上次同同事食嘅一間🍜拉麵店。佢話唔知有呢間店嘅人應該都好難搵到。😂的確，佢係要轉入一條小嘅內街，😍但係嗰度好有特色同🏮風味，鋪面出面嘅外牆全部都畫上油畫，🖼好靚而且好寫實！🏮入面嘅環境都好靚，令人坐得好舒服，燈光柔和，店員嘅服務態度仲好好添！😊🍜餐牌上嘅拉麵款式都正常，價錢方面喺中環來講都算正常。⭐️特級白湯👍🏼呢個超大碗！先講個湯底，湯底係白湯其實係🐔雞湯嚟嘅，佢食落好濃郁，係唔錯嘅味道。而且食完嘅感覺唔會話好油膩，追求美味又唔好咁肥嘅條件底下，呢一個絕對值得一試！🥰其實我哋叫咗個兩碗拉麵，雖然唔同湯底，但係食落都唔油膩，所以都非常適合成日要減肥嘅香港人。🐷至於豬腩肉方面，佢都有比四片，佢呢一個豬藍玉比較薄同埋冇乜特別嘅調味，所以如果想食一啲味道膿味啲嘅豬肉，就可以另外叫一份！⭐️我哋追加左一份厚切叉燒。👍🏼超級好味，醬汁已經深深地落咗舊叉燒入邊，而且叉燒本身厚身，脂肪同肉一層層咁，佢煮嘅時間亦都夠耐，所以一放入口，有半舊已經入口即溶！🤤⭐️醬油清湯拉麵🥰如果鍾意醬油味同埋想清清地嘅話冇咁油膩，就一定要叫呢一個！Mary就係鍾意醬油，佢食完佢嗰個都話覺得呢一個好

係中環行行下,見到吸引既外牆,牆上既師傅好似同我招手咁,我就黎左咁有藝術感既拉麵店啦。叫左一份餃子,皮薄多肉,肉汁好味,好中意食日本餃子。拉麵我就叫左個大蝦拉麵,3大隻醬油蝦有好獨特既味道,拉麵軟身,同平日食既有少少唔同但都好好味,紫菜我有的就咁食,脆脆的,亦有浸在湯裡,但另一種口感。叫左支波子汽水,原粒波子,好有汽。呢度好多畫,好有抽象派風格,令人一邊慢慢觀賞,參透畫裡的意思,細味食物。好既餐廳就係要比到客人思考細味既空間,係呢度食野好舒服寫意呢!

好有隱世，尋寶嘅感覺!!係威寧頓街轉入去一條小巷入面~沿途有特色嘅畫帶領住我地入到去🤣由於疫情關係，佢最近3點就關門😢我地唯有早小小去食喇!!一入到去店員好有禮貌，量體溫，又安排我地坐小人啲個邊，疏散人流👍🏼👍🏼好安全！店面吾算大㗎，所以早小小黎好啲🤣餐牌好簡單，得3頁！但簡而清🤣証明佢地好專門！我一見到個白湯，我流晒口水😂好吸引！白湯大拉麵 $118超大碗！！我一個人食吾哂😂🤣不過飲得出個湯好濃，有豬骨同金華火腿味(咸咸香香)！溏心蛋超好食，係流心又入味㗎！！！叉燒好薄，入口即溶，因為有小小肥！我照樣食晒啲肥肉！🤣🤣海體醬油湯拉麵 $88相對黎講個湯就普通啲！但係！！！佢個肥肉超好食！！入哂味，一層一層肉，吃一啖就滿口油甘味🤩自家製雞軟骨餃子🥟 $48第一次食好特別！一路咬一路脆卜卜，而且點個蛋黃醬，好好食😋係外面好小有得食！推介！！一碟都幾多㗎！唐揚雞 $38性價比超高！佢新鮮熱辣炸起，個皮脆卜卜！個雞人面好嫩，好好吃！一定要放啲檸檬汁入去，清新啲🤣都幾好食嘅overall!!不過位置難搵小小，但有秘密嘅感覺，都不錯嘅！！！

星期六晏晝，喺附近做完嘢。咁啱見到呢間大使級拉麵店。想試吓佢有幾不同凡響，就同朋友一行2個一齊入來。本身印象幾好，但佢有個夥計喺門口樓梯級食煙，就都有小小影響唔好。咁講返嘢食方面就叫咗個炸雞同2個特級白湯（大），我同朋友對呢個湯期望好大。但唔知係咪就係太大，覺得個湯底冇咩特別。雖然都幾香又唔油膩，但味道冇想像咁濃郁。想講佢個碗真係好大，但其實面唔多，真係比人打卡用。佢唔係話唔好食，但未算得上特別出色。可能會再比多次機會佢再來一次試其他，因為始終佢係冠軍人馬。

介紹番嗰日我喺中環打卡嘅拉麵舖店舖位置係喺地庫 一覺不留神好容易錯過咗門口裝修好搶眼有好多好靚嘅圖案畫咗喺牆上面8pm一個人去都要等10分鐘先有位叫咗碗特級白湯拉麵(HKD118)雖然大size 但冇諗過個碗好似面盤咁大隔離左右嘅人都望住我碗麵(其他人係叫細碗咋😂)拉麵上舖滿好多蔥絲我鍾意初初食嘅時候覺得麵條有啲硬但當啲湯滲入咗麵條後就好好多拉麵有三塊薄到好似紙咁嘅叉燒一隻溏心蛋 絕對有流心效果湯底有香濃雞味 清清地唔錯由於當晚我太多肚餓嘅關係碗麵俾我清晒店舖嚴重唔夠人手兩位侍應睇晒全場可以落單嘅店員原來只有一位另一位只負責執枱、出餐負責落單嗰位小姐 全程黑口黑面態度極差店舖嘅食物就算幾好食都好遇著個服務態度差嘅店員係一個令我不會再幫襯嘅理由

呢日同男朋友去咗中環，就想試呢間好出名嘅日本拉麵。跟着地圖走就見到一個標誌，指示我哋向下行。雖然我哋係平日夜晚去食飯，但係人流都比較多。我哋分別叫咗一個特級白湯同海體醬油湯。兩款拉麵湯底都好香濃，但係唔會好似出面其他嘅拉麵咁油膩。因為我地太肚餓，所以選擇特級白湯既大size，會有六塊叉燒同兩隻蛋！個湯底係好香濃既雞湯，完全冇味精味，超級推介！而海體醬油湯係有九種特級醬油調製，雖然味道比雞湯重，但係十分清爽，仲有一份叉燒附送，煮得好淋好入味！我哋另外仲叫咗兩款小食，手做餃子食得出係舖頭自己醃製，唔會有出邊冷凍餃子嘅味道。名古屋風雞翼份量好足，外脆內軟，仲好貼心咁附送左手套比客人添。我哋見到舖頭有波子汽水就叫咗兩支，呢款波子汽水真係童年回憶啊

又一間中環打工仔返工好去處～ 唔知大家有冇發現lunch time嗰陣唔單止蔡斕要排隊，隔離仲有一間係要順住條樓梯排嫁呢？ 就係呢間人氣拉麵店！🤩我足足排左45mins... 本身其實係想試佢招牌嗰個特級白湯拉麵（$118）嗰個，但...嗰陣做intern實在太少錢啦，唔太想食lunch都食成舊水，就叫左：⠀⠀🥩海體醬油湯拉麵🍜 $88⠀因為好少喺日本拉麵店見到醬油湯底嘅拉麵（通常都係豬骨湯、豚骨湯、味增湯），所以就想試吓呢個湯底⠀✿ ⠀本身好驚醬油湯會好鹹，因為佢係話用九種特級醬油整嘅～ 但竟然一啲都唔鹹🤩⠀✿ 好有驚喜，唔鹹又唔會覺得重味精，食得出係長時間熬製嘅味道～ 雖然係屬於比較濃味嘅湯底，但就算飲完佢個湯/食完個拉麵都唔會覺得口渴🥰 覺得真係食得出心機～⠀✿ 拉麵好爽口彈牙，我比較鍾意呢種粗少少嘅拉麵，因為我覺得呢種拉麵比較索湯同吸湯，同埋浸太耐都唔會腍，覺得食湯拉麵用呢種拉麵真係好適合🥰而呢間店亦都煮麵煮得岩岩好⠀✿配菜有京蔥🤩同醃過嘅筍片～ 筍片都好似醃左好耐，好入味，但都冇礙佢個口感～ 依然爽口⠀✿ 重點黎啦！本身以為海體都係解一片片嘅叉燒/一舊大日式叉燒～ 原來係一舊

晚上約了朋友到中環飲杯嘢飲之前先填飽一下肚子想起這一間人氣拉麵店 — 立体派朋友都感興趣 於是便一起來了試一試餐廳位於地庫 從巷子的樓梯走下去特級白湯（大）選擇了拉麵大師 林隆臣的推介面上可見有數片薄切豬腩肉 入口化開而白湯底以雞骨、雞肉和雞腳熬製煮超過8小時 味道清淡 不會油膩 還配有吃拉麵必備的溏心蛋鯖魚湯香菇野菜海蝦拉麵海蝦分開上 一份三隻 新鮮彈牙還附有手套方便剝殼 乾淨衛生香菇野菜湯底味道濃郁 入口清甜還配有片片紫菜塊 好味道手造韮菜餃子外皮薄而且煎得香脆 滿滿韮菜豬肉餡料點上這裡的陳醋和辣醬 鮮甜好味道名古風雞翼一份兩隻雞全翼 塗上了日式醬汁肉質嫩滑 鎖著肉汁 和朋友都覺得不錯也可隨個人喜好加上檸檬汁 綠菜和朋友一人一支綠茶解膩 減少邪惡感