立体派拉麵 (威靈頓街)

营业中

休息中

位於中環鬧市小巷內的立体派，雖然地理位置上不如其他餐廳般有優勢，其受喜愛程度卻絲毫不減!店面外觀低調中予人舒服清新的感覺，店內裝璜亦簡潔有格調，令人滿意。禁果之鹽(熱)： 看到牆上貼了兩款特別推介，便忍不住和友人各試了一款。拉麵名稱十分引人遐想，先喝一口湯後，卻驚喜萬分！湯底是非常清新的貝類鮮味，跟平常豚骨湯那種黏稠濃味完全不同，則有新鮮感而且非常好味。即使喝了半碗亦不會有很油膩的感覺。拉麵和叉燒的味道也完全對得起拉麵名店的盛名，是一款評價非常高的拉麵。禁果之鹽(凍)： :朋友第一次吃凍的拉麵，雖然名稱相當，名家卻細心地安排了不同的食材配搭，凍的貝類清湯配以類似於西式的冷火腿和三文魚子，感覺有點像西餐，味道就不如熱湯般出眾了，但對於希望嘗鮮的朋友也是非常值得一試，是另一種體驗呢!自家制餃子：不得不說，這個餃子真的非常好吃，毫不誇張地就是非常好吃，上碟時真的是熱辣辣的，煎得香口內軟，調味也是剛剛好，好久沒吃過這樣好吃的日式餃子，很喜歡呢。

難得有個空閒既星期三🤣黎中環附近行陣街同朋友仔嘆下拉麵日本野啦☺️特級白湯 (大)呢碗打響名號雞白湯拉麵大賣賣相🐔☺️🍜叉燒豚肉脂肪比例均勻啖啖富有油香😆🐷溏心蛋更煮出100分既絕佳流心效果🤩🥚而拉麵亦夠硬身食落爽口🤤🍜配合以慢火熬製煮成既雞白湯🐔🤤👨🏻‍🍳味道啖啖濃郁雞香鮮味☺️🐔果然名不虛傳😆😋🍜九味醬油湯拉麵濃香醬油湯底既豚肉拉麵🍜微微鹹香肉質滑嫩脂肪比例均勻既東坡豚肉🐷配合十分之掛湯極硬有咬口既拉麵滋味萬分😋🍜日式唐揚炸雞炸雞沾上份量剛好既炸粉食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔

去完donki後就嚟到食拉麵🍜 今日係揀左幾出名嘅立体派💓💓.Menu又有新嘅嘢當然要試下啦！揀左雙子嚟試，其實就係一冷一熱，湯底都係用左禁果之鹽🤪 名就好有趣啦！食落係特別嘅，由其係冷湯，配上左魚子一齊食所以鮮味突出！而麵質就更加煙韌有咬口🥰 熱湯就湯底濃d嘅🍜.另一個就叫招牌白湯啦！碗就真係好大只，份量就當然有番咁上下啦，女仔就叫番normal size好啦👻 白湯係重味少少🤏而且比較creamy, 配上麵同荀食就正哂！叉燒半肥瘦，3大塊好滿足，而且有2只溏心蛋添💗💗.試埋個日式餃子，不過不失啦😍😍

立體派又係一間過江龍嘅拉麵店💁🏻‍♀️夜晚去食嘅話經OpenRice訂仲有八折如果係平時lunch time去食就要早少少去排隊啦今次我哋兩個人就叫咗兩碗拉麵再加一份小食. 🎈雞軟骨餃子($48)比起一般餃子煎得比較油🤭但係佢嘅餃子餡有d脆脆地既雞軟骨 口感比較豐富但就煎得太油膩 碟底都係油 一般日式餃子都會配上日式嘅餃子汁 而呢一度嘅就係配沙律醬 冇去除到呢一款煎餃嘅油膩感 相對來講有少少敷衍評分: 6/10.🎈海體醬油湯拉麵($88)拉麵湯底有d鰹魚味 甜甜地 整體偏淡但相反腩肉叉燒就幾好食 又淋又入味👍雖然冇入口即溶嘅感覺 但係連埋肥豬肉一齊食係恰到好處至於個拉麵就比較普通 不過不失評分: 7.5/10.🎈林隆臣拉麵($118)一上碟就見到隻碗非常之大😂😂仲有兩隻煮得啱啱好嘅糖心蛋👍一碗麵三塊叉燒 偏肥有油脂香但略嫌燒得唔夠 迫唔哂d焦香味出黎相比起一樣係過江龍嘅座銀呢一間嘅湯底就比較清淡 但就會多咗一種淡淡的黑胡椒味相對來講我會比較鍾意座銀嘅白湯湯底評分: 7.5/10.🎈總括而言拉麵湯底兩個都比較普通 比較印象深刻嘅係舊肥豬肉 非常之香同埋軟熟👍只係餃子就真係相對較差 評分:

中環威靈頓街食肆林立，呢間拉麵店唔係大街，而係位於小巷 (蔡瀾pho傍邊落去），唔睇地圖好容易miss咗個小巷。基本拉麵湯底有齊：鹽味、豬骨、醬油、辣味。餐牌見到鯖魚湯底+大大隻海蝦好吸引😍。餐牌寫住2:30後先供應😢，但店員話今日lunch time 有得食🥰🥰海蝦同拉麵分開上，因為海蝦係凍嘅🦐🦐🦐海蝦都幾大隻，食得出係酒浸😚, 但唔係話好濃酒味。野菜有娃娃菜同菇，分量比想像中多😆仲有幾塊紫菜😍😍😍😍鯖魚湯底喺香港比較少有，呢款帶少少辣味，將湯底味道提升！唔算好辣，唔食得辣嘅人都應該食到。拉麵麵質係我最鍾意個種彈牙口感😍係日本小店食到嘅味道🥺🥺海蝦加野菜加大大碗拉麵超飽肚😚雖然呢款拉麵好似係餐牌最貴，但係幾特別，絕對可以一試😋

朋友話想食拉麵，睇左幾間食評，決定左落中環試下立體派，去到威靈頓街都差D miss左個門口，好在佢有D壁畫eyes catching左，沿番幾級樓梯落就係！超級肚餓，同朋友心思思乜都想試。叫左一人一碗拉麵之外再叫多左三樣小食，有餃子、雞翼同菠菜😆特級白湯拉麵🍜湯底一百分，濃濃豬骨味飲落唔油膩，雖然無紙仔俾我揀拉面既軟硬度，但係佢軟硬適中，我本身好怕食好腍既麵，佢既麵質啱啱好，薄切叉燒三大塊，仲有隻溏心蛋加埋D配菜，襯埋個湯底好正！鯖魚湯香菇野菜海蝦拉麵🍜魚湯底清香，最鐘意係海蝦分開碟另上，咁樣分開可以慢慢嘆。最貼心有埋手套俾我食蝦，三大隻海蝦食得出好鮮味，配埋個鰹魚湯好夾，同埋佢既香菇同野菜份量都好足夠，感覺多菜健康D👍🏼鰹魚凍湯浸菠菜🥬我地都好鐘意食菜，所以叫多個小食菠菜，$28份量都唔錯😍自家製餃子🥟5隻餃子煎得皮薄餡靚，我反而好鐘意佢個辣椒油，辣度啱啱好😋名古屋風雞翼雞全翼最緊要係有手套仔配埋俾你慢慢食，芝麻配埋炸得好香脆，肉質鮮嫩又入味👍🏻

嚟到中環突然好想食拉麵🍜中環算比較多拉麵餐廳 左揀右揀之後揀咗呢間拉麵餐廳 因為我未食過🤣🤣😂餐廳位置比較隱蔽 不過算容易搵到叫咗個大特級白拉麵 未食早餐所以太肚餓要食大碗🤤 湯底非常之濃郁!!!唔係講笑真係好好飲creamy得黎唔會好漏拉麵軟硬度適中 流心蛋整得恰到好處肉片厚薄切得還好 可以厚小小就更好一啖湯一啖面一啖配菜 大滿足呀真係 另外一碗叫咗九味醬油湯拉麵九種味嘅豉油黎醃豬腩肉 豬腩肉醃得非常之入味 豬皮黏口係骨膠原呀🤩 真係做到入口即溶嘅感覺湯底鮮甜 似昆布味 正👍🏻另外叫咗自家製餃子🥢食日本嘢多數都會食埋餃子咁先夠地道餃子底部煎得香脆 內涵肉汁算多拉麵加餃子飽到撐着肚皮走啊🤩🤪🤪

朋友約我食飯因為我響中環附近返工所以佢就返我揀中環食飯其實佢都有啲私心因為佢相信中環嘅餐廳係有一定嘅質素呢間餐廳對我嚟講真係好有隱世雖然話響威靈頓街但原來個門口係要落樓梯嘅平時路過係唔會留意到呢度亦可經史士丹利街上樓梯到達好彩我哋比最繁忙時間早少少到達，仲有位上菜時已經座無虛席證明有一定吸引力特級白湯拉麵 (大) - $118對我黎講係一個浮誇造型，因為個碗超級大😂。碗大，當然擺碟都比返啲心思啦！雞湯湯底濃郁唔鹹。叉燒又薄又大片，完整咁夾起相當有難度，師父刀功相當好！溏心蛋好綿好滑，而且係少有嘅一隻開邊！配菜都好豐富！鯖魚湯香菇野菜海蝦拉麵 - $98呢個魚湯拉麵相對清好多，而且有微微嘅辣味，食落好開胃。菇類和蔬菜類亦相對較多，適合喜歡蔬菜類嘅人士。海蝦係分開上，因為用酒浸住吧！海蝦新鮮，肉質結實彈牙滲透著酒香，ichiban！雖然拉麵粗幼軟硬無得選擇，但兩碗拉麵同樣入口彈牙，咬感十足，相信師傅專精在這個質感的拉麵吧！📍立体派拉麵 (威靈頓街)中環威靈頓街27-29號元益大廈地庫

我唸係因為天氣開始🧥轉涼, 所以最近唸去邊度食飯都會優先考慮食碗熱辣辣既湯麵。今晚透過OPENRICE訂左呢間位置方便我地, 無中場休息(呢個好重要, 因為我地多數晚上6點前就會食晚飯)同評價唔錯既湯麵店。如果唔係專登去幫襯佢, 一定唔會發現到呢間食店, 佢既位置係條巷仔入面再要落幾級樓梯。我點左特級白湯(大)拉麵, 老公點左特色辣味濃厚白湯拉麵。特級白湯(大)拉麵 - 見食評話佢地既湯底係由有機飼養京都丹波地雞熬製而成, 自然會令我同之前食過既座銀同金鶴聯想起黎。首先立体派拉麵既湯底並唔係白色而係好似平時食既豚骨拉麵咁係金黃色。飲落亦唔係好似座銀同金鶴咁有黏口既感覺。不過就真係有好濃郁既雞湯味。有佢自己既特色, 都好飲。然後佢地只有叉燒沒有雞肉, 但我覺得立体派拉麵沒有必要用慢煮方式去烹調佢地既日式叉燒, 因為佢地既叉燒本身已經切得好薄, 相信就算用傳統煮法煮都唔會韌, 用慢煮方法煮反而令叉燒有一股未熟透既肉騷味。建議慢煮後🍳煎一煎香D叉燒。特色辣味濃厚白湯拉麵 - 店員話只有少少辣, 但其實唔係, 我飲左一啖, 好辣, 七味粉既味道, 老公話佢既辣味掩蓋左雞白湯既味道。暫時食過3間

約左老友係中環食拉麵，星期一既晚上，都已經非常多人，可能大家不能到日本旅行，只可以在香港搵日本正宗口味。今日叫了兩款拉麵1) 特級白湯真是要逐樣講，首先是份量，係超級既大份。今次叫了(大)，真係真材實料。白湯，好濃的雞味，濃而不膩，而且好滑好香，但又唔會過咸。飲落去唔會覺得油或膩。 蛋，隻溫泉蛋其實相當不錯。基本上拉麵都有蛋,但今次隻蛋真係好食。 麵，麵冇得揀軟硬的，但反而更好，相信師傅準備既原味道。麵身爽，彈牙，唔會覺得太硬。 叉燒，薄薄一片，但就吸收曬白湯的精華。每塊都好入味 2) 鯖魚湯香菇野菜海蝦拉麵一樣好食，一樣有驚喜 首先又講講湯底。鯖魚湯比白湯清，但一樣好香，有少少辣，但反而更開胃，而家天氣又有一點涼，好岩而家食。 香菇野菜，食得出新鮮。海蝦方面，蝦是另上的，因為係凍盤。其實湯底帶少少辣，但反而蝦就係凍盤，好特別的配搭。蝦本身帶有酒味，好入味，單食都好好食。 另加了一個小食雞軟骨餃子新鮮炸起，裡面配雞軟骨就更加脆，更加爽，香口。 整體來講，食完唔會覺得油，覺得幾好食。與一般拉麵店有所不同。

［中環小巷拉麵］立体派拉麵 🇯🇵 🇭🇰 小編近排中環番工 放飯周圍行下有咩好食 見到條巷仔好多拉麵壁畫 於是入左去試吓 而依間拉麵店總廚係日本人特級白湯（大）HKD118 🍜 依個拉麵真係好大碗 不過係指個碗 入面份量又唔係太多 不過麵質幾好 好彈牙 而湯底係用 日本米鴨 丹波地雞 同籠目昆布熬出嚟嘅 不過小編自己食落覺雞湯味唔多出 反而食倒糊椒味叉燒就不過不失Rating5👍🏻為滿）味道：👍🏻👍🏻👍🏻環境：👍🏻👍🏻👍🏻👍🏻抵食：👍🏻👍🏻👍🏻📍: 立体派拉麵 (威靈頓街) (中環)中環威靈頓街27-29號元益大廈地庫

剛有朋友將要出國讀書，約了朋友出來聚聚。這次約了中環威靈一間出名的拉面店試一試，店面在一條小巷中，門面有壁畫，好有新式拉面店的感覺。進入打開餐牌，拉面款式不多，行貴精不貴多的路線。我選了特級白湯(大)(注:真的很大)，拉面乳白色的湯入口清甜，相比傳統拉面湯底濃郁及油膩感，食得很舒服，把湯飲完都不會有負擔的感覺，而宜配菜質數很高，令我留下深刻的印象，值得再來品嚐。朋友就選了鯖魚湯香菇野菜海蝦拉麵，湯頭清爽有特色，咸度適中，最有亮點是清酒煮的蝦，特出鮮味又大大隻，朋友食得好滋味。餐廳更貼心附上膠手套，服務一流。另外，我們叫了三個小食，分別是炸雞，薯波波及餃子，比較出色的是炸雞，金黃鬆脆。最後還點了兒時最喜歡的波子汽水，有掛懷的感覺。總體來說，這間餐廳令我有食拉面的新體驗，值得再來。

因為要係港島區返學，有時都會搵下附近有咩好野食。見好多同學都會推介呢間拉麵，而男友又鐘意食拉麵。所以就係返學前去食啦。上網睇先發現佢係一間由冠軍級日本拉麵師傅開既拉麵店。小妹就點了鯖魚湯香菇野菜海蝦拉麵，一上菜真係嚇親，估唔到份量咁足。海蝦好大隻，而且食得出既新鮮好料。食落彈牙仲有好香既酒味。至於個湯底就係用日本鯖魚等各種海產熬製而成鮮甜十足。當中的配菜菇菌亦係「好野」黎，絕對唔hea 呀。而男友就點了海體醬油拉麵，估唔到件叉燒肉咁如此厚身。食落肉汁鮮嫩，夠份味之餘又唔會膩。值得再食呀！海體醬油湯底仲唔會太咸，拉麵較為軟身，岩曬小妹呢d唔鐘意食口感硬既人。至於小食方面，我地就點了唐揚脆炸雞。炸雞外脆內嫩，超多肉汁。最後仲點埋男友最鐘意食既餃子。 呢款叫林隆臣餃子。餃子皮煎得好香脆，包裹既豬肉亦很新鮮，肉汁多。唔錯！立体派拉麵果然好有質素，唔怪得咁多同學都推薦啦！值得再光顧！

今日嚟到中環呢間拉麵店，呢度裝修好用心，行到去見到樓梯一路落去到門面都有壁畫，入到去同樣好有藝術感🎨因應疫情，餐廳都做足防疫措施，用版/膠片隔返開啲位👍🏻今次同朋友一人嗌咗一款拉麵🍜，朋友嗌咗比較傳統嘅特級白湯Ramen Cubism（大）。一拎到嚟～嘩～好大碗🤣湯底好濃豬骨帶少少黑椒味，溏心蛋流心程度啱啱好，叉燒切得比較薄，食落好有豚肉味 🐖 我自己嗌咗鯖魚湯香菇野菜海蝦拉麵，湯底微辣，特別一讚海蝦大大隻🤩，餐廳又好貼心提供埋手套方便碌蝦。蝦係凍食，有酒味，中和返微辣嘅拉麵👍🏻食拉麵點可以唔配餃子，呢度有三款餃子揀 — 自家製、手造韮菜同埋香炸雞軟骨餃子🥟今次試試雞軟骨餃子，炸得好香口😆最後就係汁燒厚切叉燒，肥到好似東坡肉咁😆食落入口即淋，夠肥好好食🤣

今晚約咗個喺中環返工嘅友人食飯 喺呢頭返工嘅佢當然知道中環有咩好食啦 我就同咗佢講我想食拉麵😺 因為已經成年冇返過鄉下日本啦 真係好想食吓日本嘅味道呀 於是佢就帶咗我嚟呢間拉麵店🤧唔係佢帶我嚟 我都真係留意唔到呢間拉麵店 因為個入口有少少隱蔽 不過一入到餐廳見到咁多人食就知係好野😛我同友人一人叫咗一個拉麵 仲有啲小食 我就揀咗林陸臣特級白湯拉麵 一上檯就好有氣勢 因為隻碗比一般拉麵碗大好多 三塊豬腩肉好靚咁鋪咗喺碗上面 湯底好濃郁😻 拉麵都有一定粗度 所以都幾掛湯鯖魚湯香菇野菜海蝦拉麵 呢個湯底明顯同特級白湯好唔同 有好fresh同蔬菜嘅甜味 另外仲有好輕微既辣味 我就覺得呢個冇咁heavy 海蝦係另上嘅 有手套可以俾我地用嚟剝蝦殼 蝦都幾大隻 食落有一陣酒味 配埋個湯底都出奇地夾🙊香炸雞軟骨餃子 呢個好脆卜卜 雞軟骨俾咗啲餃子一啲口感 點埋蛋黃醬食真係一流🐓麵豉香蔥黑豚腩肉 呢個肉有一部分略嫌瘦咗少少 不過都有肥瘦均勻嘅部分 當呢個小食係拉麵嘅加料都唔錯🐷飲品方面 我地嗌左波子汽水同埋烏龍茶 呢間拉麵店啲食物都幾質素 下次都會嗌雞軟骨餃子🥟🙊