立体派拉麵 (威靈頓街)

营业中

休息中

🍜特級白湯(小) $88😋：8/10有另一個大啲既就$118真係好大碗下🤣都幾多人叫小都唔係話特別細 即係正常size湯底幾濃但唔會油膩味道啱啱好 又唔會太咸！幾欣賞佢啲竹旬係有用黑椒調過味幾特別 都幾好食叉燒好軟身 幾嫩滑下🐖味道都唔錯～🍜醬油清湯拉麵 $88😋：7/10呢個湯比雞白湯更清滲出淡淡既醬油味唔算濃味 不過飲落會覺得係舒服非重口味人士可以揀呢個🤣🥟林隆臣餃子 $48😋：6/10呢個係自家製既餃子都係正常日式餃子既質素😂可以試下其他小食 冇咩特別👅總結：想食雞白湯拉麵既時候會翻兜呢間🥴叉燒真係幾出色～似係慢煮既！濃豬味又嫩滑😛同埋麵條都幾彈牙😋不過食完過左陣會覺得有啲口渴😂飲多幾杯水先走🤫佢仲有個鯖魚湯底好吸引～有機會下次試下😋🤔呢間位置都幾隱蔽雖然佢都係地鋪黎係要行條樓梯落一層左右咁❣️有收加一服務費🍜🥟🍜🥟🍜立体派Ramen Cubism💸價錢：人均～$120📍地點：中環威靈頓街27-29號元益大廈地庫

今次又係行山前一條友去食拉麵，揀左呢間立体派。嗌左辣味濃厚白湯拉麵同雞翼。個拉麵睇落好似好辣咁，但其實無睇落咁辣，不過亦有可能係我食得辣所以先唔覺辣😂個雞翼勁失望，好淡而無味，好似無醃過淨係淋左啲汁上去咁，絕不推介呀！

前幾日約咗個朋友去試呢一間評分幾高嘅拉麵店。食完好想推介一下，個麵同個湯都超正！真係有來自日本正宗原味道。呢間拉麵店出面係好特別嘅藝術壁畫牆，其實影得都幾靚，不過條樓梯有啲窄，想影到靚相就要有啲技巧。我叫咗個特級白湯拉麵（大）$118個碗好大賣相好靚🍜，豚肉超大塊，個湯好濃好好味😋食拉麵個湯真係好緊要，呢個湯完全係滿分💯濃郁得來又唔會太油膩。碗麵上面仲有隻流心蛋👍🏻👍🏻鍾意食流心蛋嘅朋友就有口福。個麵都爽口彈牙。個麵嘅份量對我來講其實多咗少少，如果想試多幾個味道其實可以同朋友share。九味醬油拉麵$88我朋友就叫咗呢一個。我冇叫呢個係因為我怕醬油味會好鹹，但係呢一個我試過d味都唔會好鹹，味道都唔錯！最重要一定要推介佢個肥豬肉，超夠份量，而且入口即溶，秘製醬汁個味道入晒去個豚肉度😝。我覺得呢個價錢有日本原味道質素超抵👍🏻👍🏻如果大家掛住日本嘅正宗原味道，好推介大家嚟呢度食，止下癮！總評分😺：8.5/10.0

同同事食飯，一行四人去左食晚市。枱同枱之間真係勁近，最重要係冇隔版！超大的漏洞，完全冇1米，但冇得口罩的時間overlap!反而同事中間有塊版都冇咩用：（我地唔知點解叫晒海體醬油拉麵，講真好普通，個拉麵唔係話好熱，舊叉燒一上真係嚇親，肥到我同事食左半舊放棄。鹹事小，塞血管事大阿。比左男同事食，最後都係食唔晒.....唔係係咪想用巨型出位啦，巨碗巨叉燒，但巨型肥膏，就唔係好work囉：/至於服務，冇乜服務啦～落單要搵到人都要一陣，落完冇幫我地收餐牌，最後我地自己放返去counter度。埋單又係搵唔到人，其實人又唔係話多，咁都失去聯絡，可以考慮下自助比錢走算：） 收加一？可能加左喺送個黎個下。

3月11號晚大概9點先放工，諗住簡單食個拉麵算，因為之前都食過呢間立体派覺得幾好所以近近哋幫趁下。可以就收鋪嘅關係，個女侍應講嘢好唔耐煩咁，已經唔係咁舒服。叫咗個醬油拉麵，啲料係幾好嘅，不過個湯好甜，食兩啖已經飽。整個經驗幾差下，尤其係個服務，好似你阻住佢收工咁。我諗都無下次啦！

碗拉麵賣相超靚⭐️塊肉片又薄又肥美又軟稔稔 入口即溶 食完齒頰留香🤤碗醬油清湯一飲落就非常好 唔會太稀唔會太鹹😃麵粗幼、軟硬適中 唔係味X連鎖拉麵嗰啲鮮黃色拉麵🤔總括而言 食得出日本嘅感覺🤩評分 (out of 5⭐️)味道 Taste: ⭐️⭐️⭐️⭐️⭐️價錢 Price: ⭐️⭐️⭐️⭐️服務 Services: ⭐️⭐️⭐️⭐️位置 Location: ⭐️⭐️⭐️⭐️⭐️回頭率 To Return?: ⭐️⭐️⭐️⭐️⭐️

從來都未食過一碗拉麵個碗仲大過自己個頭特級白湯湯底，好濃郁，又傾海鮮湯味，又有啲麵豉湯既味道。食拉麵又點少得溏心蛋鐘意食辣既亦可能試下佢哋特色辣味濃厚白湯，望到隔離枱食好似唔錯。但係餐廳位置好隱蔽，入口係轉角小巷，就好似隱世美食一樣，要花d時間先可以食到咁吸引既拉麵🍜～

日本人新派拉麵。上枱碗麵好靚，白汁湯底好香，推介！相對鹽味清d。炸雞好味，$38唔貴冷麵特別，非傳統拉麵，我較鐘意熱食，但喜歡試新嘢的食家可能喜歡😘整體來講，值得一試。食完心情好！哈哈！

I want to complain this restaurant as even though I have make the booking the staff there require me to queue up again outside the restaurant. The female staff is extremely rude every time I feel really insulted. I have visited the noodle restro several times but every time the same female staff makes me feel really bad saying something makes me feel I want to jump the line.I wish this complain can be seen and I feel pity and shame to face the same staff everytime. It definitely the reason stop

🏅正宗日本拉麵🍜<<醬油湯拉麵>> $88<<特級白湯 大>> $118<<炸雞軟骨餃子>> $48麵條好彈牙好爽 🍜 係我鐘意食既一款拉麵 湯底精心炮製 好濃郁 兩款湯都好好味 我自己比較鐘意白湯 🐥味好濃 好甜 好重骨膠原質感豚肉就比較薄 但係好淋滑 唔會煮得鞋 肉有三大片🥓 大碗既size 有點大 😂 女仔可以叫普通版就👌🏼湯底同麵條係高質 👍

喺香港食到嘅雞湯拉麵唔多，但間間都各有特色，之前介紹個好龍嘅雞白湯鳥華亭，今次介紹嘅係嚟自日本大阪嘅冠軍級拉麵立体派。依間拉麵之所以係冠軍級係因為主理人係拉麵大師林隆臣，拍住日本廚藝界領袖人物松村貴大。林隆臣係大阪塚本駅既排長龍人氣旗艦拉麵店「創作らーめんStyle林」，松村貴大喺日本擁有八個拉麵品牌。-🍜 特級白湯(大) 💰118（👅: 9/10）呢款係唯一林隆臣推介既拉麵小，有得揀大同小，大同細分別在叉燒數量同有冇蛋，而份量唔差太多，大既個碗好大，食落個份量正常，足夠正常人食飽。食拉麵第一樣是會試佢個湯，師傅堅持用地道同天然既食材熬製湯底，湯底用肉汁豐腴既日本米鴨丶有機飼養既京都丹波地雞同由昆布職人獨家為林隆臣採摘既籠目昆布精製而成，所以雞白湯飲落非常濃同鮮甜，溫度足夠，偏重味，個人覺得係可以接受既鹹味，第一啖飲會有啲鹹，但再飲會飲到雞湯既味，飲落唔覺油膩，比起一般豚骨湯底冇咁油膩，幾滑幾香，有少少奶油嘅香味，我覺得係可以飲哂既雞湯。麵係偏粗，唔係九州個種細麵，微曲，聽講兩位拉麵大師特別選用優質既日本小麥粉、雞湯同雞蛋自家手造心目中最理想既中等粗度麵條，軟硬度無得選擇，傳統日本拉麵

japanese famous chef moved to hongkong to make no.1 ramen.there are two size for the ramenbig =118$small= 88$the main different is big one contains one more slice of meat and one egg. the rest and noodles size are remain unchanged.white creamy chicken soup with butter melt on top. chicken lover must try. noodle are thick and curve to aborb the soup in every try.you can see a small piece of butter melting on soup which would make it even more creamy. perfect match with the chicken soup.88$althoug

聖誕節去到竟然唔洗等位實在太幸運！雖然拉麵款唔係好多但都係有選擇困難症，每款都好好味😂 staff超nice同我地介紹，仲suggest份量點叫，好難得我地叫左大白湯，staff話大同細分別在叉燒數量同有冇蛋。先講湯底，非常甜嘅雞湯，女仔飲落完全有種被滋補嘅感覺！叉燒雖然得三塊但都好中塊亦唔乾另一款係醬油拉麵，本身好糾結叫唔叫呢款，因為醬油拉麵中伏過太多次。好彩，呢次真係好食，有醬油味但完全無「豉油溝水」嘅感覺，亦唔會覺得淡味，配埋厚叉燒食同佢個汁，有種提升左嘅美味😂講埋叉燒真係真係好rich 好冧同入味好正..不過食到後面好濟😂😂，下次霸食白湯會叫細份，咁就應該差不多而家唔係好多地方有雞軟骨餃子，純粹鍾意食

又係weekend出嚟睇醫生既日子，琴日喺openrice搵吓有咩好嘢，見到呢間拉麵舖評分好高，走嚟試下。weekend lunch time可以直入，之前睇過其他人啲評價，基本上唔睇menu都知道叫乜：雙子鹽味拉麵+汁燒厚切叉燒汁煮厚切叉燒$38 （9/10）個厚切叉燒到先，見之前啲人寫到好正咁，又真係名不虛傳，強推！點講呢，日式東坡肉？脂肪層都幾厚，但真係好鬼好味個燒汁唔會太鹹，啱啱好～ $38/四大件，價錢都好合理雙子鹽味拉麵$188 （8/10）比起味噌同豉油，個人一直都比較鐘意日本既鹽味拉麵，打孖嚟既真係第一次 雙子意思一冷一熱，服務員話我知先食熱再食凍，都啱既，熱既凍咗就無意思。每款拉麵都有一塊薄叉燒，開頭以為得一兩啖，點知都有一般拉麵既7-8成，即係齋一碗雙子拉麵已經等於平時既1.5碗，食完真係好鬼飽。熱嗰碗我第一啖先飲湯，暖暖地，好鮮既鰹魚湯（係鰹魚？），好好味。叉燒唔錯（當然同厚切叉燒無得比），麵底都好ok，係啲黑胡椒有少少搶戲。再食凍嗰碗，都係先試湯底，嗯，講真如果齋熱嗰邊我會比9分，凍呢邊我覺得有少少魚腥味，叉燒又有啲柴，係上面啲配料（魚仔干+魚籽）加分，麵都ok

Though queues no longer exist in front of Cubism, it still remains a solid ramen spot in the CBD.Their signature 白湯 ramen features chicken from Kyoto, duck from Japan and Khumbu providing a uniquely clear and sweet broth. Its portion is rather big with a bowl occupying half the table. Served with thinly sliced soft char-siu and soft-boiled egg, it’s very approachable to attract loyal patrons.Another order “The Sea Bird”, soup base was cooked with fresh shellfish and 9 different types of soya sau