稻乙日本料理

营业中

休息中

食物雖然係唔錯，夠新鮮，同味道符合價格，但係食足成餐二手煙我覺得好大問題。香港室内食肆禁煙好耐啦，間野仲要唔係地鋪黎。個日普通平日夜晚去食，早幾日已經book 左位，個日又早到左， 一入到去疑似經理話得番門口位，仲要搭枱。都算，大廈2樓黎，但門口成陣煙味，成餐飯無減弱過全程吹埋黎，而侍應既回應係無辦法。我心諗，咁你都要解決咖，比到咁既價錢，搭枱加二手煙，大佬依家飲茶咩，結果食完想坐多陣都頂唔順，急急腳走。

朋友介紹黎呢間日本野喺度食飯我哋六個人本來打算book房, 點知想book嘅時候已經冇曬,需要坐一般六人枱。入到去間舖見到有兩間房,兩間都係傳統日本房需要除鞋入座。唔緊要坐外面都一樣可以食得好開心。首先嗌咗兩個刺身拼盤, 厚切魚生食落好新鮮,海膽係鮮甜既跟住嗌咗壽司拼盤,因為我地一行6人所以encore咗兩碟,食得出都係新鮮嘅叫咗個雞泡魚乾,正正常常用黎送酒。佢呢度有一樣比較特別嘅,就係我哋揀咗酒之後,佢拎咗一盤唔同嘅杯畀我哋,自行揀選心儀嘅杯, 用嚟飲杯中物值得一讚嘅係佢嘅烏冬,一人叫左一碗,個湯幾乎個個都飲曬,而個烏冬亦好煙韌,好味道!

朋友女生日話吃日本餐，地點決定左尖沙咀，搵來搵去，見稻乙評價都好高，就決定試一試訂位時只有吧枱位，朋友女話可以，反而我自己就好鍾意坐吧枱，可以睇到食材。係仲未諗到吃咩時，師傅先送上蟹肉前菜，蟹肉新鮮因為懶惰，又想試多啲唔同嘅食物，就先叫左特上刺身拼盤，有海膽，吞拿魚腩，油金魚，池魚，牡丹蝦，赤貝，帶子，全部都新鮮美味拖羅入口溶化吃過刺身，熱食選擇左串燒：厚燒牛舌，雞軟骨，牛舌厚薄適中天婦羅拼盤：炸粉薄脆，絕對唔會一口油膩感雞泡魚干

日式食肆在香港一向受歡迎，而近年隨著交通發達及運費趨向便宜，很多合時海鮮都以飛機貨形式每日空運到港，亦造就了一衆以選用高檔新鮮食材為招徠的高級日式食店應運而生。早前筆者來到尖沙咀一間以廚師發辦為主打的小店，店内面積不算太大，裝修以日式木系為主調，一排舒適的卡座和以榻榻米形式設計的廂房，感覺滿有東洋味道，目測所見大部份客人均和員工有講有笑，相信這店的待客之道定有其過人之處。當晚享用的雖不算是廚師發瓣，但菜式還是由大廚操刀以最時令的食材擬定。先來第一道菜是和風伊佐木薄切，伊佐木雖不是甚麼貴價魚，但有時對海產而言新鮮度就是一切，薄切後的魚生白裏透紅，晶瑩透亮，入口魚味偏淡，鮮甜爽彈很有質感，帶著淡淡的脂香，佐上蘿蔔蓉酸汁和蔥花，添上了清新氣息，是一道鮮味醒胃的前菜刺身。之後是來自日本熊本縣的真蠔，即開即食，蠔身肥美大隻，蠔味突出，海水味不强不會太鹹，鮮甜Creamy，配上蘿蔔蓉和蔥花後更略為提昇了層次，吃後還帶回甘，鮮味十足。跟著是幾款小食，鱈魚乾裁得大大塊，像吃薯片般酥脆口感十足，帶著淡淡的魚香，沾上日式蛋黃醬更顯滋味。芥辣八爪魚，八爪魚切細粒撈上芥辣醬汁，滑溜煙韌，辛香醒胃，不愧為是佐酒

和朋友去吃日本料理呢～安康魚肝安康月肝比鵝肝少了一份膩滯，但還有肝的軟糯口感。微辣的蘿白蓉和蔥花同吃，少少的刺激味蕾，十分醒胃。剝皮魚刺身配肝醬本來會以為是有韌度的剝皮魚，吃上去卻是柔軟得很。魚肉細緻光鮮，配上剝皮魚本身魚肝打成的醬，肝醬配上了濃濃的海鮮鮮味。加上蘿白蓉、蔥等等，還有爽脆的口感。榮螺原隻上的榮螺很巨型，每一片螺肉都爽脆無比，而且加上醬汁更令味道濃郁。雪糕不同味道的雪糕做一餐之結，精彩。

整體是暖色調的木系裝修風格，很有日本風味。蕃茄胡麻醬沙律，$58先來是我喜歡的蕃茄沙律。女性都是喜歡先吃酸酸甜甜的刺激味蕾，而且日本蕃茄比較甜，沒有大蕃茄的鯹味，很清新。而旁邊還有火箭菜，切得工整，看上去已經很有日本料理的風味。秋刀魚刺身主角是秋刀魚刺身，秋刀魚肉質有韌性，而且秋刀魚難保鮮，是難得做刺身的食材，我們有口福了。天婦羅再來是考功夫的天婦羅。天婦羅盛合中有大蝦、南瓜、魚、帶子。最驚喜是帶子，天婦羅帶子是比較少見之食材，可能水份較多，天婦羅後有機會太濕。這兒的帶子天婦羅厚身，可以吃到外脆內軟的效果。網燒西冷牛扒牛扒充滿肉汁，柔軟有彈性，我們兩個大食王搶著吃。魚湯稻庭烏冬上桌是比豬骨湯更濃厚的魚湯，吃上口有漿口感。烏冬掛湯後很滑，最後暖一暖胃。

男友12月頭生日，早幾個月前已經搵緊有咩日本餐廳岩心水，要知道香港要搵到好食既日本菜唔容易，見到依間會用日本空運食材，又有魚湯，就衝住魚湯而黎一早訂位，要求坐壽司吧枱，舖面細細唔算好多枱店員帶位，已發現有唔少熟客，見到雪櫃，雙眼即刻發光😍第一件事..睇下有咩清酒，當日冇上善如水，諗唔到飲咩..於是叫店員推薦淡味又甜口既清酒師傅首先比左前菜，但冇影到相再叫左真蠔刺身同鱈魚白子刺身蠔：爽口，淡淡蠔味，問師傅，今次係熊本蠔...如果可以揀唔要蘿蔔蓉就好，我自己鐘意就咁食/落少少檸檬汁鱈魚白子：好滑，冇腥味，好creamy..第一次食覺得幾有趣到刺身，我地叫左最貴果款刺身拼盤、有拖羅，hamachi，牡丹蝦，赤貝，北寄貝，海膽，時令既有池魚同鯖魚每樣都新鮮，拖羅入口即溶，接近冇筋赤貝冇腥味，出面食唔知點解一係有腥味一係太爽口，但依度冇北寄貝.....難得食到唔似橡筋既池魚肉較實，海膽淡味牡丹蝦基本上邊度食都差唔多Wasabi..雖然師傅話都係磨出黎，但我地一食就食得出溝左野，如果有生磨wasabi就好除左拼盤，仲叫左時令既剥皮魚刺身，我男友話剥皮魚切得太厚既話會好軔，唔知佢會唔會切得好厚師傅教

同女朋友半週年紀念，又點可以hea 揀餐廳呢食譚仔應該會被分手，食Omakase 又會被破產揀居酒屋會岩D，試問有邊個女人唔食日本野，穩陣見呢間D食評正負值幾好，加埋裝修唔會太暗，食飯唔洗怕眼訓(押左韻請留意)真蠔刺身 $78/ 隻好大隻，好肥美，之前去蠔吧試過同一款法國蠔都有機會一大一細，呢2隻一樣都好大好Juicy, 海水味同金屬味都唔係太濃，岩我食，因為我個人唔重口味蜜柑鯛 $280想讚下師傅既刀工先，每一塊都簿簿的，差唔多厚度，好岩女仔食因為佢地唔鐘意太厚太膩！加上蜜柑調味真係好醒胃，魚鮮就不在話下活燒鰻魚 $140/ 半條呢個係全晚中心，因為即燒鰻魚真係要好有心機，外面燒到脆脆地，裡面係新鮮鰻魚既鮮味，而唔係出面食既鰻魚汁味！魚湯烏冬 $75/ 碗未夠飽又怕破產既我，緊係叫碗烏冬頂下肚！第一啖魚湯我就覺得好健康、好溫暖！肯定無味精，用成千上萬既魚熬架啦肯定係，只有屋企先煲既野竟然會係街食到到，有驚喜

今日同男朋友去咗慶祝半週年，終於唔係食麻甩火鍋，終於唔係食譚仔，而係本宮最鍾意嘅日本餐，算你啦，知道本宮心意炸白蝦$150去日本居酒屋食日本野，緊係揀啲可以送酒嘅嘢食，炸白蝦好香口，食得出啲油好新鮮唔係翻炸翻用嘅，無益味，蝦細細隻但好有蝦味阿波尾雞翼$35/隻又係另一款送啤酒一流嘅東西，店員十分推介，因為阿波尾雞翼原來係日本嚟嘅雞翼，體積比較大肉比較厚，雞肉嘅鮮味非常夠，而且廚師燒到啱啱好，雞皮好脆好香口，裡面好多汁好juicy白子天婦羅$180出面多數omakase 先有，見到menu 有，二話不說即刻叫，補下骨膠原，男朋友又可以補下蛋白質，用天婦羅嘅方式去食都係第一次，反而炸完覺得白子嘅腥味無晒，比起刺身咁食更好味！魚湯稻庭烏冬$75烏冬嘅質地本身好煙靱，好Q彈！烏冬掛住魚湯，比起好多烏冬專門店有過之而無不及，魚湯明顯唔係用味精雞精溝出黎，而係真材實料熬煮出嚟，好好飲

表哥最近升職加人工，帶我食好野呀！！我揀左稻乙日本料理，好似好出名咁～我地叫左好多野食，eg. 巨型日本生蠔、八角魚刺身、和牛卷、魚湯、雪糕等。巨型日本生蠔，賣相唔洗講，真係好得～～隻隻都非常飽滿、肥美，食落係海水既清新味覺，之後就係生蠔本身既鮮甜味，一ｄ都唔腥！！我同表哥一人兩隻，大大啖食，好滿足！之後點左個八角魚刺身，每一片都晶瑩通透～聽侍應講冬季係盛產期，因魚頭呈八角形所以個名就叫左八角魚！食落味道極為鮮美，配埋酸汁、辣蘿蔔蓉，能提升口感。和牛卷入口即溶，食落好香～至於魚湯，完全係冇得彈，味道濃郁、又鮮甜。。。最後豆腐雪糕，淡淡地，好清～

早幾日朋友話想試稻乙, 食日本omakase ~ 話要慶祝新工過probation~~我地叫左好多野食, 特別要推介:鮟康魚肝：味道鮮美，唔算腥～質地入口即溶，好軟滑！微辣既蘿蔔蓉完全將腥味去除，好好食！日本生蠔：飛機貨，蠔味非常飽滿突出，配上漬物，有清甜、酸酸地味道，食落開胃又滿足！鹽燒花竹蝦：勁大隻既蝦，蝦肉極彈牙+爽口，而且啖啖肉，燒得岩岩好，好正！魚湯：激讚，呢個黎到係熱辣辣既～～正宗魚湯，完全飲唔出有落味精～魚湯好濃郁鮮魚味，湯內仲有豆腐、香菇、芹菜～overall 都唔錯～

這天非常random在寶勒巷覓食，走到這座大廈發現有很多日式料理選擇呢！而這間稻乙的午市餐牌還挺吸引，而且午餐還有8折優惠，和男友就上去碰碰運氣囉！我選的是黑豚肉生薑燒定食，整個份量超多的！豚肉質地有嚼口但不會過韌，調味剛剛好，而且洋蔥份量也超多超入味的！主菜旁邊還伴有加了柚子醋的沙律菜！男友選的是網燒牛扒定食，份量同樣是大大塊！牛扒的肉質軟稔，而且充滿肉汁！有少許筋和肥膏，讓整個感覺更滋味。雖然看不到網燒的網紋，但的確吃的出有被燒的香味，再加入黑椒調味，味道很不錯呢！午餐定食除了主菜、米飯、味噌湯外，還有蒸蛋。可能我們都是蛋控的緣故(?)，略嫌這個蒸蛋缺少了蛋味，不過質地是滑溜的，而且熱辣辣！用餐最後，可以選擇餐茶/雪糕，而我們就當然選綠茶雪糕啦！茶味和牛奶味比例適中，為這頓午餐劃上滿足的句點。

多謝男友帶左我去尖沙咀嘆日本菜，難得食到好多第一次既時令特色日本美食，而且由廚師發辦，由他決定當日又新鮮又係時令做嘅料理，我本身日本菜嘅忠實 fans, 所以心情有點興奮，廚師會先問我們有無什麼唔食的，跟手就安排當日 Menu, 睇見都急不及待了。鮟康魚魚肝第一次食到這種魚肝，味道鮮帶點腥但可以接受質地較軟滑，入口溶化，配上醬汁同食又另一種口感，微微辣的蘿蔔蓉亦將腥味去除。妙妙妙白子天婦羅又係第一次食嘅，上網查到原來係鱈魚既精巢，而且白子在冬天就最肥美，一條鱈魚更可擁有高達500克至1公斤的白子，質感柔滑豐腴含豐富營養，非常補身。起初都有點抗拒，不過廚師用天婦羅方法去作理料，賣相無影響我，反而好易入口棉蜜！八角魚刺身 我也是第一次食到架，係冬季為盛產期，因魚頭呈八角形因而得名，味道極為鮮美，配酸汁辣蘿蔔蓉就令一翻風味，薄薄魚片晶亮兼鮮。阿波尾雞雞扒今晚何其開心因為全部都係第一次食到，呢種雞係日本原來數一數二又名的，店員講解比我同男朋友有關知識，學到野有食到好味野，雖然雞肉比夠有咬口但肉質彈牙有雞味，連雞皮燒得好香脆，平時唔食雞皮嘅我都忍唔到口！ 火炙壽司三味，分別用上帶子，秋刀魚同左口

每逢月尾同老公都會四圍揾好野食，今晚老公話好耐無食廚師發辦，四圍問朋友 d行情，終於揀左一間食評好嘅試，位於寶勒巷10號，平時都會係呢個地點食野，但無特別留意，呢間日本餐廳原來2017先開，個個話 d魚湯好好味，就今晚幫陣打去訂位好彩還有位，設有卡位都幾高私隱度。八角魚刺身(薄切)本身八角魚肉唔覺太有味道兼煙韌，魚味偏淡所以用上微辣嘅蘿蔔蓉配酸汁就較能提升口感。鮟康魚肝買相似鵝肝，其實係鮟康魚嘅肝，食落口感軟滑帶點鮮，同樣用上微辣蘿蔔同海帶醬汁拌食，可以癖腥。白子天婦羅真係好特別未食過用白子做天婦羅，薄薄天婦羅漿包著軟淋淋滑嘟嘟的白子，入口溶化輕輕滑入口中，比新鮮更特別美味！不過又係用上辣蘿蔔蓉點綴！三款最時令火炙壽司，左口魚裙邊真係入口即溶，帶甘香，秋刀魚一入就滿口油脂美味，當然帆立貝更加無得輸夠厚身，微微焦香軟綿！阿波尾雞亦 最後轉左雞扒 黎自四國德島縣日本國內知名的亞波尾雞，係佢地驕傲嘅美食，今次就能夠嘗到，真係驚喜，外皮燒得香脆，肉質較彈牙有咬口，真係好出色兼無雪味。客人高度讚賞嘅魚湯，熱辣辣送上，見到奶白色就知應該係正宗魚湯，店員還說絕對冇落味精，魚湯有豐富營養，湯內還有豆腐

有一段時間沒吃omakase了, 實在有點想念高級日本料理的味道, 偶爾也要吃點好料放縱一下, 這樣才是人生嘛! 今晚相約了朋友來稻乙, 這天的心情不想吃太多壽司, 就自己來發辦吧。蜜柑鯛薄切$280傳說中有淡淡蜜柑味道的鯛魚, 很難吃得出那蜜柑味吧。比起平常厚厚的魚生, 我更愛吃這種薄薄的白魚刺身, 它會配上酸汁, 刺激味蕾, 襯托出那份鮮味, 魚肉細緻, 吃得出那甜香味道。粒貝刺身$320日本的粒貝亦即是我們說的響螺, 品質卻大不同, 粒貝可以刺身食, 價錢自然矜貴, 吃過一次後你便會記住它, 獨有的螺貝味, 咬落爽甜, 新鮮無比。鮟鱇魚肝$120被稱為「海裡的鵝肝」, 有著油嫩可口、入口即化、綿密粉嫩的口感，內含豐富的維他命及脂質, 有濃濃的魚肝香味。從前不太喜歡吃內臟, 卻發現鮟鱇魚肝是不能抗拒的。清酒煮大蜆$150酒的味道幾乎都已蒸發, 只剩下清清的甜味, 煮蜆我最怕牛油味太重, 這裡沒有這個問題, 蜆確是很大隻, 有四隻兩人分享, 還有生生的感覺, 這就夠滑夠鮮了, 蜆一煮太熟就會韌了。最後送上每人一球雪糕, 有芝麻味和豆腐味, 似日本雪糕的味道!早幾天去國內旅遊住五星酒店