福岡漢堡扒 (厚福街) (已結業)

呢間餐廳個名其實吸引咗我地好耐，因為佢個名係韓字但又叫福岡，到底係日式定韓式呢😂 所以今日決定去一探究竟🤣今次我地比較懶，一嚟就叫咗個兩人套餐 ，佢有分4個Vᴇʀsɪᴏɴ，我地就揀咗Vᴇʀsɪᴏɴ 4，個套餐366蚊，包咗兩款漢堡扒，一個飯同兩杯飲品菠蘿煙肉和牛漢堡扒（中）呢款漢堡扒走清新少少嘅路線，自己決定落幾多漢堡扒係熱石上面，再煎至焦脆，幾生幾熟幾厚幾大，全部自己話事，漢保扒油脂豐盛，咬落去外脆內軟，配埋菠蘿食可以中和返個油膩感，煙肉用嚟增加食落去嘅層次😚芝士蛋蒜和牛漢堡扒（中）呢款就相對比較濃味，會再惹味啲🤭 適合一啲重口味嘅朋友仔，兩款漢堡扒都會有蛋跟埋，本身蛋味蛋香已經好濃，呢款再有額外嘅芝士，令到隻蛋更加滑身，更香濃👍🏻芝士泡豚丼飯足足有成塊面咁大嘅飯🤣🤣 泡菜，芝士加五花腩，呢個組合不嬲都係無敵，味道微辣，再夾埋煎香咗嘅五花腩，真係食唔停口😍呢度勝在所有嘢都可以自己話事，有得玩又有得食👍🏻 而且店員都會好主動換熱石，呢樣真係好抵讚，因為石愈熱，先煎得個表面越脆😙

今日同朋友去左尖沙咀食和牛漢堡扒。呢間係用上和牛漢堡既韓國料理。一睇餐廳名都有少少誤會係日本菜。我地叫左個2人餐，都有4款可以選擇，按自己口味及食量簡。菠蘿煙肉和牛漢堡扒高溫熱石即煎熟漢堡，每次分一少塊，放落熱石隨即就有和牛香味撲鼻，秒邊香煎3秒，好快就食得一片新鮮又熱啦啦既漢堡，再夾埋旁旁既蛋一齊食好滋味，煙肉都相當香，配埋菠蘿既酸甜咪更加冇咁膩。芝士蛋蒜和牛漢堡蒜片既味道好出，蛋味混合左蒜味，漢堡再加少少鹽，口感更豐富，套餐仲有椰菜絲同味噌飯跟埋。芝士泡豚丼飯芝士味十分濃郁，中間夾住大量泡菜，味道夠哂香辣，豚肉片好入味，飯量亦多，用黎餸飯一流。2個人食綽綽有餘。飲品就叫左蜂蜜柚子茶同百香果特飲。

呢間漢堡扒燒肉店長期人氣高企，今次我哋6點就嚟食，唔使排隊等位🤭我哋要咗個二人餐，有M size菠蘿煙肉和牛漢堡扒、M size 芝士蛋蒜和牛漢堡扒、芝士泡菜豚丼同埋兩個飲品。電子落單後店員就會送上麵豉湯同埋椰菜沙律。食呢款石燒和牛漢堡扒絕對係邊玩邊食，店員教將漢堡扒波波切一小份出嚟，然後鋪喺高達400度嘅熱石上面，用小鏟子輕輕按壓，每3秒返轉一次，燒成自己鍾意嘅生熟程度。熱石果然好夠熱，一放落去冇幾耐就可以燒成焦香嘅漢堡扒，裏面保持肉汁，牛味香濃😋塊石仲要唔黐底，真係好玩又好食。店員仲會留意住你夠食嘅熱度，唔夠熱會幫客人換石👍🏻另外燒煙肉都好正，熱力迫晒油分出嚟，煙肉焦香，唔會覺得油膩😋燒菠蘿都好好食，充分發揮菠蘿嘅香甜多汁😍兩款和牛漢堡扒其實都有蛋，呢個蛋絕對唔係配角，因為溝埋一啲芝士好香好正😋芝士蛋選嗰款，仲會有啲甜蒜頭片鋪喺蛋面上，甜甜地又香又惹味😍芝士泡菜豚肉丼望落去超紅，以為會好辣，但係食落又OK，泡菜嘅酸辣酸辣加上香濃奶香芝士，勁邪惡🙈豚肉片亦都唔會嚡，成個配搭好好，好好餸飯😆

每次夜晚經過厚福街都會見到呢間餐廳大排長龍，來自韓國餐廳既福岡漢堡扒，以手作DIY紅足厚福街。兩人套餐(Ver. 4) $366#菠蘿煙肉和牛漢堡扒#芝士蛋蒜和牛漢堡扒底盤滿滿既蛋漿，放上大大塊圓滿既漢堡肉碎，配合唔同配料，菠蘿帶出新鮮感覺、芝士蒜香帶出濃味感，細細塊放上熱石上自己調校漢堡扒燶度。芝士泡豚丼飯二人份量勁大碗既丼飯，滿滿泡菜豚肉加上邪惡芝士，配搭埋燒好既漢堡扒認真和味。飯前有麵豉湯同埋沙律開胃，跟餐附送汽水兩罐，唔想飲汽水可以加$10有特飲可以選擇。

講真，平時係屋企就唔會下廚，但出街就覺得自己動手好好玩，到底係因為啲咩先導致啲咁奇怪嘅思維⋯⋯冇錯！就係唔使自己洗野買野。我缺乏嘅係自己動手嘅心咩，Nonono ，我係唔想自己去準備野炸（則係簡稱懶）而且一個兩個人份量嘅漢堡扒，真係好難準備，然後無意之間就比我發現咗呢一間可以自己DIY漢堡扒，咁當然要來試吓啦因為都知道依一間都算係人氣餐廳，所以好早就過咗去食，基本上食嘅時候就冇咩人，所以就算食完都唔會話好大陣油煙味，但係唔係好肯定係唔係因為個抽風系統好嘅關係，或者是因為我哋食嗰陣冇咩客嘅關係（雖然每個位都對應一個抽風管，但係唔係100%可以完全抽走晒，所以盡量唔好着啲吸味嘅衫）因為是第一次嚟，梗係試啲最普通嘅先，咁就同朋友嗌咗個兩人套餐（Ver.1）分別有芝士蛋和牛漢堡扒(M)、雞蛋和牛漢堡扒(M)、忌廉艺士沙律和兩杯野飲；咁除此之外，仲有白飯，湯同一份細細碗嘅胡麻沙律職員將食物上枱之後，會問你係唔係第一次嚟食，如果係的話，職員會簡單介紹一下點樣整，之後你就可以自己動手啦，不過一開始可以先整份細份少少嘅比自己熟習一下，唔好好容易煎燶我就食芝士蛋和牛漢堡扒，咁味道方面我覺得原本嘅味道已經

服務好，又貼心，會主動留意顧客需要。我地舊熱石冷卻咗，我地剛想開聲換，店員已主動來幫忙。時間啱啱好！食物也好吃，份量十足。而且很有特色，可以自己石燒，很好玩。推介！

呢間韓國人氣餐廳主打係石燒和牛漢堡俾你自己燒，有供應埋爐具比各位自行煎漢堡扒，好吃又好玩,但如果你唔想燒/唔識燒就可以好似我錦叫個丼飯食其實都係冇去旅行想食下其他國家概菜懷念下,食概都係情懷平時基本都多人,始終有得自己動手整夠好玩好適合男女朋友過來邊食邊玩增進感情咖哩豚肉丼飯 $48大大件脆卜卜概豚肉，外脆內軟有肉汁有口感唔會乾，再配埋好味香口嘅咖喱一個字正 咖喱撈埋個飯 飽哂~ 福岡漢堡扒地址 :尖沙咀厚福街11號地下A號舖 電話號碼:64801989營業時間:星期一至日11:30 - 23:00

見到有得DIY自己用石燒漢堡扒 覺得幾得意兩人套餐三百零蚊有得玩又有得食😂所以去試吓我哋嘅二人套餐包括有菠蘿煙肉和牛漢堡扒芝士蛋蒜和牛漢堡扒芝士泡菜豚肉丼再加錢試吓西柚特飲同百香果特飲前菜有蔬菜沙律同熱湯^_^呢度應該係韓國Crossover日本嘅組合😂因為叫福岡但係又有泡菜❤️首先會有一個生嘅免治牛肉球喺鐵板上邊少量放上去一個圓形嘅石上邊燒幾好玩喎🤣不過我呢啲緊張人勁驚燒燶😂本身擔心如果咁樣燒完食落去會唔會好乾點知又唔會喎，仲好Juicy 而且漢堡扒味道都唔錯👍🏻我哋仲將鐵板上面嘅蛋都再放上去燒完再食燒過特別香～～每次燒完一嚿就配一大啖芝士泡菜豚肉飯份量都好大碗佢枱面有一個迷你嘅給油煙系統，都算吸得幾好 店入邊都唔會好大油煙同埋立次次～～好似冇試過喺香港玩呢一類型嘅DIY用餐體驗 都幾得意架～～

福岡漢堡扒韓式石燒DIY體驗厚福街食肆種類多有間過江龍平時大排長龍今日居然冇人門外排隊於是決定入內試試芝士蛋和牛漢堡扒(中) $123 雞蛋和牛漢堡扒(中) $116 漢堡扒配飯 + 麵豉湯 + 配菜 + 沙律重量有3個選擇：S-130g, M-160g, L-190g+$7 加芝士，香蒜，菠蘿，煙肉+$10 加墨西哥辣椒，另加白飯自己手動自己整肉餅自己食，又好玩又好味，和牛質素高，肉味濃，蛋嫩滑，CP值超高，加上服務員好細心，先為食客講解燒漢堡扒方法，又會定時定候更換熱石，保証熱石有熱力，另外每張枱都設有抽氣管，唔怕食完全身油煙味。唯獨要注意是，餐廳座位並不算多，用膳時間只限60分鐘，如果唔想等太耐，建議一定要先訂位，又或平日到訪碰碰運氣😆

黎到尖沙咀厚福街的#福岡漢堡扒梗係推介枱枱都食的招牌漢堡扒Lunch set好抵食 around$100就有飯有肉有飲品我地叫左二人餐芝士蛋蒜和牛漢堡扒🐮同菠蘿煙肉和牛漢堡扒+錢要左加大增量190g肉😈套餐仲有個泡菜芝士豚肉飯 邪惡又巨型上枱望落以為好細球 點知食食下就知眼闊肚窄兩個都食唔晒🤫用鐵鏟仔切啲肉擺係石燒每面燒3-5秒 每個位都有強力煙囪負責吸油煙唔好掛住影相 如果唔係就會好似我咁燒燶咗🤫下面嘅蛋漿建議唔好留到最後食 會熟左但有溶左的芝士同蒜片好香好惹味🧄自己燒幾好玩 熟度可以自己控制配飯食好快清晒成碗😂😂整體性價比高 黎開尖沙咀可以一試📍福岡漢堡扒 @hambageu.hk尖沙咀厚福街11號A地下

福岡漢堡扒，長期都好多人排隊，今日突然無人排就衝左入封食喇！月見味噌牛丼🐄冬菇同埋金菇多到不得了，同埋有好多肥牛，加埋生雞蛋，係一個好足料嘅牛肉丼！主角當然係要食福岡漢堡扒！🐂DIY 漢堡扒玩得又食得，煎到一塊金黃色隨便漢堡扒，真係好有成功感！之後我哋變咗鬥煎得靚😆😆加埋芝士同埋炒蛋，味道very goood 🥳叫左百香果特飲同西柚特飲兩杯飲品都好大杯！食完有熱氣野 下火一流！DIY好食又好玩😍讚！

🍭福岡漢堡扒🍭自己肉餅自己煎 石燒漢堡新體驗😝有得食又有得玩 朋友齊齊煎煎扒🤩🍴二人套餐 ($366)包兩個扒, 一個飯, 兩杯飲品漢堡扒上碟時係全生既, 將適量既肉放係熱石上自己燒每邊燒幾秒, 好快就有勁juicy既漢堡扒食🤪🤪🍴菠蘿煙肉和牛漢堡扒🍴芝士蛋蒜和牛漢堡扒漢堡扒好有牛味🐮煎到兩邊焦黃, 外脆內juicy好正🤩兩個漢堡扒其實係一樣, 分別只在於配料配清甜既菠蘿就能balance味道, 配芝士蛋蒜就香口惹味😋個人覺得唔需要額外調味已經好夠味~不過就比較油😂 要飲番d fresh既飲品中和下🍹我就叫左巨峰提子特飲, 超大杯, 正😬🍴芝士泡豚丼飯份量驚人😯😯 差唔多有三碗飯🍚泡菜偏辣, 配埋芝士豚肉, 味道都唔錯不過食左漢堡扒太飽, 完全食唔曬😂😂😂🍗韓式甜辣炸雞 ($48)食得出係即炸既, 估佢唔到😬甜辣醬偏辣, 都幾惹味, 不過炸粉有d厚, 硬身左d🙈份量都唔細, 岩曬大胃王🤣值得一提既係餐廳既抽風系統唔錯, 唔會好大浸油煙味係門口仲會有衣物消臭噴劑, 好貼心🥰評分: ⭐️⭐️⭐️⭐️

上次食左旺角店 今次試下尖沙咀總店 自己燒既漢堡扒二人套餐都算抵食($359)包好大碗的月見味噌牛丼飯，有大量牛肉同金菇絲+一隻日本蛋同蔥花撈飯🍚 然後再配芝士蛋蒜和牛漢堡扒(中size) 蒜味超濃好惹味 不過漢堡扒感覺冇上次旺角質素咁高 今次有啲位過份油膩🧄 另外大家真係要小心啱啱換既熱石 超容易就燒燶晒啲漢堡扒哈哈 要好頻密咁睇住先ok如果唔係有焦味🫣 剛剛燒好既漢堡扒撈飯真係好滋味 熱辣辣而且煎得外層微脆咁👍🏻

韓燒，日式燒，到底係咩嘢燒，原來係DIY 熱石燒。同事今日帶我去了尖沙咀厚福街一間來自韓國品牌，主打不同口味嘅石燒和牛漢堡扒。以100%澳洲和牛製作，好食又好玩。芝士蛋蒜和牛漢堡扒餐店員細心講解食法。枱上有一枝大煙𠧧，用來抽走油煙，果然餐廳內沒有太大油煙味。將一球嘅和牛漢堡用小鏟切一小件，放在熱石上壓平，吱吱渣渣嘅油聲，將兩邊燒得焦香。肉香滿溢。傍邊嘅蛋漿，芝士和蒜片都相當惹味。追加了菠蘿，跟和牛漢堡一齊食，可中和油膩感，多了一份小清新。又可夾泡菜更添味美。套餐包沙律，白飯和麵豉湯，相當飽肚。

聽到 福岡漢堡扒，初時以為是食日式漢堡的餐廳，原來是用熱石煎熟和牛漢堡扒的食品，就入內試試看。點了一個情侶推介二人餐，有 菠蘿煙肉和牛漢堡扒 和 芝士蛋蒜和牛漢堡扒，滿滿的肉球，由食客自己放上熱石上煎熟，特別是芝士蛋蒜，與和牛肉一起煎香，入口是滿滿的牛汁和芝士香味。細心的店員更提醒我們，和牛漢堡不要煎得過熟，特別是一上枱時，熱石溫度十分高，放在熱石上約三秒便可以。隨後熱石溫度略降，便可以慢慢煎。放心，店員會久不久就會過來幫忙換熱石，不用擔心不夠熱；而且餐廳設備十分好，每個座位都有立的抽氣設備，不用怕弄得一身油煙味。套餐還包括一碗豐富的 芝士泡菜豚肉丼、湯和汽水，三百多元，保證大家吃得飽，又可以過過廚師癮。