福岡漢堡扒 (厚福街) (已結業)

就黎聖誕節就梗係要去尖沙咀睇燈飾🎄，早少少同朋友去醫肚先，朋友推介呢間福崗漢堡扒，就去試下一入去好多鐵色好似水龍頭咁既物體，朋友就話係抽氣扇，真係大鄉里😂呢度係用QR code 落單，我地就叫咗二人套餐，套餐都有幾款比你揀，漢堡扒同埋主食都有唔同既組合今次就叫咗ver.4 ，有🍍🥓菠蘿煙肉和牛漢堡扒及🧀🥚芝士蛋蒜和牛漢堡扒，一上枱畫面好靚，忍唔住嘩一聲，首先漢堡扒比想像中大個，同兩款都有蛋漿，漢堡扒係要用小剷仔，每次小小分量放係石燒上面整熟佢，過程又有得玩，有得食👍🏻漢堡扒好多汁，和牛真係唔同啲，菠蘿煙肉呢款真係估佢唔到，我地🍍都放埋石燒到燒，再連埋所以材料一齊食，好夾而芝士蛋蒜，個蒜片好香，同和牛係最佳拍檔咁啦，好好味😋另外仲有個主食，芝士泡菜豚丼，分量都真係唔少，泡菜係唔會太辣個隻，好味，同埋豚肉都係半肥瘦最後飲品就加錢叫咗西柚梳打、金柑檸檬梳打，又又係好大杯，正😄超gur 呢間真係性價比好高既餐廳，朋友無介紹錯，下次一定要再試下其他口味

Interested in making your own meals like yakiniku? Hamburgers can be made like that too! Although it was a bit awkward at first since there was a huge chunk of raw patty in front of you, but after you get the hang of it it gets easier. I chose the garlic egg mix which could also he reheated on the piping hot metla surface, the ventilation here was really pretty good as when I left I didn’t smell like I live in a chimney They also have this huge donburi which is great for sharing. Not only is the

聽講呢間係韓國過江龍既石燒漢堡扒專門店，係門口睇menu俾佢既球狀漢堡扒吸引左，就入左去搵位🤭佢呢到係⽤左澳洲和⽜，將佢搓成球狀，再用高溫熱石，俾客人慢慢逐少逐少燒個漢堡扒黎食🤤除左漢堡扒，仲有炸雞、薯條同埋丼飯可以點，我同媽咪叫左個二人餐，抵食d！漢堡扒係會包埋椰菜絲沙律、泡菜、麵豉湯、鹽同自家醬汁😍好豐富！墨西哥辣椒和牛漢堡扒：個球形漢堡扒上面舖滿曬墨西哥辣椒粒，然後逐少分切漢堡扒再係熱石上面加熱，每邊幾秒其實已經熟曬！個人覺得球形漢堡扒既肉質好鬆軟無咁死實實，食落仲好juicy！加埋墨西哥辣椒，好岩乾烤，食落辣辣地又帶少少甜，好惹味同開胃！芝士蛋蒜和牛漢堡扒：芝士令到個漢堡扒帶拉絲效果，邪惡但配埋香脆既蒜片，好match！即刻覺得無咁漏！連底下既蛋都連埋炸蒜，所以食落啖啖香口！輕輕係熱石上燒兩下已經ok！和牛乒乒乓拌飯：入面有菜、和牛碎同埋煎蛋，拌埋韓國辣醬，香口惹味！食落呢個拌飯，真係飽曬大滿足了！二人餐仲包2杯飲品，飲品有柚子蜜、紅棗蜜或者梳打汽水類，都幾多選擇！呢到可以食下，自己燒下玩下，幾有意思！唔錯唔錯！

某日夜晚去咗厚福街搵食，見到呢間食福岡漢堡扒嘅餐廳，可以自己石燒漢堡扒，未試過幾特別，入座時間比較早唔算太多人，咁就試吓啦~揀咗$359二人套餐，大家都想食芝士蛋蒜味嘅漢堡扒同埋個丼飯吸引啲~🔘芝士蛋蒜和牛漢堡扒首先漢堡扒成個橙咁大，分別試咗鋪厚啲或者薄啲嘅漢堡扒，自己覺得厚身啲好味啲，裏面保持到香濃嘅肉汁，漢堡扒有油脂，燒到外脆內嫩，配搭炸蒜片同芝士蛋，穩陣之選實好味，每個位都有吸氣管，食完唔會太大油煙味!!🔘月見味噌牛丼飯份量好大嘅丼飯，有隻生雞蛋、菇同埋肥牛，撈埋一齊食味道唔錯，個汁都幾好味!!🔘無糖可樂🔘檸檬茶

呢度最得意嘅體驗係可以自己燒漢堡扒，仲要係和牛黎架！我地揀左個份量好多嘅兩人套餐（$366),包括 1)菠蘿煙肉和牛漢堡扒2) 芝士蛋蒜和牛漢堡扒3) 芝士泡豚丼飯4) 蜂蜜生薑茶（+$10)5) 蜂蜜柚子茶（+$10)和牛漢堡扒係圓碌碌咁上，賣相幾討好，岩晒打卡！底下舖滿蛋同配料，有塊細圓形石燒板就係比你燒漢堡扒架喇～中途啲店員見到塊石開始痴底都有主動過黎幫我地換石👍自己燒最好就係可以自由決定生熟度，我自己鍾意燒到半熟咁，品嚐到肉質細嫩，入口都多肉汁！驟眼睇都知超足料嘅芝士泡菜豚肉飯👍熱蜂蜜生薑茶我幾推介，薑味好出，超岩冬天飲！

🧀芝士蛋蒜和牛漢堡扒肉質軟而肥美，好重牛肉嘅味，而且煎到外脆內軟，再加上鹽或醬汁食落都唔會膩，再加上鐵板上面嘅芝士蛋質地好滑，加上邊脆焦香，口感好正一個餐仲有沙律前菜同埋味噌湯，份量十足🐷芝士泡豚丼鋪滿芝士及泡菜嘅泡豚丼好吸引，每一啖都拉絲嘅芝士食落口真係好邪惡🍟足半磅薯條（芝士醬）薯條好粗身，入口熱辣辣，食落卜卜脆，仲要每一啖都有好濃烈嘅芝士味🍹百香果特飲 &巨峰提子特飲兩杯嘢飲好巨型，而且仲要唔貴，好抵飲！

食肉獸出沒注意🤪今次嚟咗尖沙咀嘅福岡漢堡扒 @hambageu 食佢哋至出名嘅石燒漢堡👻自己一邊燒一邊食 感覺勁爽 除咗尖沙咀 旺角都有分店㗎今次我哋order咗二人餐 除咗石燒漢堡之外 仲有埋丼飯/前菜/飲品🥤店員都好nice 會簡單介紹點燒先係最好二人套餐 有五款選擇，我哋揀咗Ver.4，入面有 菠蘿煙肉和牛漢堡扒、芝士蛋蒜和牛漢堡扒、芝士泡豚丼飯😋餐廳嘅漢堡扒係選用澳洲和牛。首先用鏟將小量肉放喺熱石上面煎，漢堡一放落去已經閒到啲香味湧出嚟😚由於嚿熱石非常熱，所以每邊煎8-10秒已經ok，點埋餐廳嘅特製醬汁嚟食真係一流🤤加埋整菠蘿同煙肉食仲可以減低返牛嘅油膩感，成件事好balance😚另外芝士蛋蒜又係另一個享受，鹹鹹啲芝士、嫩滑嘅蛋加埋極香濃嘅蒜片用嚟襯漢堡扒估唔到係咁夾，可以送到好多飯🤤芝士泡豚丼有大量嘅芝士、泡菜、豚肉，喱三個組口唔需要多講都已經feel到好味，又唔會太辣，用嚟送漢堡扒係完全無問題☺️跟餐包兩罐飲品，我加錢叫咗杯巨蜂特飲，嚟到嘅時候嘩咗聲，估唔到咁大杯，又大杯又好飲，食哂個餐都未飲哂🤣👍🏻

之前喺尖沙咀食過一次覺得好好味！今次喺旺角見有分店再加有二人餐就決定回訪多次😆 ✨兩人套餐（Ver.3) $359- 芝士蛋蒜和牛漢堡扒(M) 兩份- 月見味噌牛丼飯- 飲品兩罐*另配麻醬椰菜、味噌湯各兩份雖然食過一次，但我真係唔太識燒🤣第一下放落熱石上面，好緊張唔夠快反佢，結果就癡晒底🤣好彩同行朋友都有返咁上下功力幫我燒🤭同埋餐廳都有指示教我哋點燒：先將適量漢堡扒平鋪喺熱石上跟住每隔3秒就快快脆翻一下重覆咁翻面直到佢熟就可以了！呢度嘅石燒漢堡扒果然係signature煎完外脆內juicy真係好好食～同埋芝士+蒜片+蛋呢個重口味組合真係好正啲蛋熱住咁耐都仲keep好嫩、好香～真係食幾多次都唔厭(˶‾᷄ ⁻̫ ‾᷅˵)套餐入面嘅牛丼都好值得一試！飯同牛嘅份量都好多！唔會好多飯好少牛🤓同埋佢會有啲金菇mix埋落個飯度增加口感，又幾唔錯啵！另外味噌汁都好夠！岩岩好唔會過鹹！拮穿埋個蛋黃～令每粒飯都掛晒汁(⁎⁍̴̛ᴗ⁍̴̛⁎)呢間餐廳真係好好食好推薦～可惜偏油膩啲，唔係我一定成日去食🤣而且性價比都幾高，加少少錢仲可以upgrade個肉嘅size如果大家自認好大食可以一戰🤓呢個份量對我嚟講真係超級豐富，好夠皮

餐廳：福岡漢堡扒地區：尖沙咀地址：尖沙咀厚福街11號地下A號舖日期：24/11/2022時間：19:30人數：2人 等位： 0mins 價錢： ＄442上次去旺角食完之後一路都番尋味😋，可惜次次經過尖沙咀分店每次經過都大排長龍，好彩今次落雨唔使等位🤣⭐️菠蘿煙肉和牛漢堡扒⭐️鐵板石燒和牛漢堡扒真心勁正😍漢堡扒用澳洲和牛製作，用鏟切少少肉每面燒到金黃色，一路燒一路聞到和牛香飘四溢🤤，再配韓式煎蛋、炸蒜片、菠蘿，又甜又香又juice 😋⭐️芝士蛋蒜和牛漢堡扒⭐️蛋蒜鐵板燒到好香，加上邪惡嘅芝士🤩真係啱曬重口味嘅我哋，炸蒜同芝士令和牛層次鲜明，加上炸蒜香酥脆口，越食越香😝⭐️芝士泡豚丼⭐️好正！依個丼嘅芝士有火炙過🤩撈埋啲泡菜同豚肉食真係胃口大開，一撈真係滿滿既芝士，搞勻曬所有配料，每一啖都有芝士味，超滿足🥳⭐️金橘檸檬特飲⭐️清涼又解渴，酸酸甜甜又可以解膩👍大大杯好抵飲☺️ ⭐️巨峰提子特飲⭐️巨峰提子味好濃但又清甜，其獨特嘅果香大大啖咁飲超爽！

又係食過番尋味系列😋今次同妹妹兩個人嚟食叫咗個二人套餐😍每人都有份前菜、麵豉湯同沙律芝士蛋蒜和牛漢堡扒 菠蘿煙肉和牛漢堡扒每人有一份漢堡扒，漢堡扒圓碌碌，有得玩又有得食，先用個剷剷起，一細舊咁放上熱石度燒，和牛牛味濃郁，入口肉質好鬆軟，仲好juicy添🤩每個位都有個小煙囪，吸返啲油煙，員工仲會主動嚟幫你換熱石👍🏻，唔怕唔夠熱燒肉🔥芝士泡豚丼二人餐仲有一個丼飯，勁大碗，好震撼😆成個飯鋪滿晒餸，芝士配上泡菜同豚肉，酸辣惹味😋西柚特飲 +$18巨峰提子特飲+$18食完肉肉梗係要飲返杯，兩杯特飲都勁大杯😍西柚飲落酸酸甜甜，而巨峰提子清涼解渴，兩杯都係解膩一流

今次同男朋友食二人套餐，我哋兩個都大食但最後都食唔哂🙉.呢個二人套餐包括有兩份中size嘅芝士蛋蒜和牛漢堡扒+月見味噲牛丼飯 + 兩罐罐裝飲品，另外配每人一份麵豉湯+沙律+配菜。之前都已經食過兩次呢到嘅漢堡扒～每次將少少漢堡扒放上石，壓實佢，燒到外層脆脆哋咁，食落幾香！點少少鹽食配飯食係最好食😋塊石唔夠熱可以叫店員換石～因為係叫二人套餐，所以漢堡扒冇配白飯，不過跟餐有一個牛丼飯牛丼飯肥牛同埋飯量都好多🍚.漢堡扒油脂豐富，煎緊嘅時候可能會彈油，所以唔好着太靚嘅衫嚟🤣今次一開門入餐廳就見到油煙好大🥹覺得抽風系統可以更好

༺福岡漢堡扒༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 福岡漢堡扒𖠚ᐝ 兩人套餐(Ver.2) ($355)⚑ 尖沙咀厚福街11號地下A號舖 ʀᴇᴠɪsɪᴛ: ♥︎♥︎♥︎♥︎♡ ☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽第一次食福岡漢堡扒！真喺好食又好挽！切少少肉再慢慢煎到六七成熟，keep住熱辣辣🤤每款都有蛋、漢堡扒同唔同配料～漢堡扒會跟左麵豉湯、椰菜沙律同泡菜～ ➳ 芝士蛋蒜和牛漢堡扒(M)呢款喺基本配搭-芝士、蛋同蒜！和牛漢堡扒油脂感滿滿，好juicy!! 再加埋芝士好邪惡，又有少少奶香味😆仲有蒜片添！➳ 墨西哥辣椒和牛漢堡(M)呢款墨西哥辣椒辣度唔高！雖然食落會有啲辣椒既香氣，不過覺得有啲唔太夾🥺➳ 和牛乒乒乓拌飯其實喺韓式拌飯咁！有生菜、和牛同蛋，加埋韓式辣醬拌勻哂，就食得啦🤩唔會好辣啱啱好！➳ 巨峰提子特飲➳ 烏龍茶枝裝套餐仲包兩杯飲品-巨峰提子好飲，唔會太甜！好飲🥰☽‎⋆.•*¨¨¨¨¨¨¨¨¨餐廳環境¨¨¨¨¨¨¨¨¨*•.⋆☽職員服務好好～會主動教我地點樣我煎塊漢堡扒，又會幫我地換舊石～而且唔會有太多油煙😚

二人餐真係好抵！！有齊芝士蛋蒜和牛漢堡扒、丼飯、沙律同飲品餐廳用上鐵板上，上枱時牛肉還是生的，漢堡扒用澳洲和牛製作，用鏟切少少肉再每面大概燒3秒左右就食得，漢堡扒油份高而且好滑口！用熱石自己煎，有得食又有得玩！漢堡扒上面有蔥粒、炸蒜片，燒肉既時候加埋芝士碎齊拌勻，漢堡扒既油香，入口久久不散！當你舊石開始唔夠熱嘅時候，店員仲會好貼身幫你適時換石 ，保證夠熱力！菠蘿煙肉和牛漢堡扒漢堡球上有配料 旁邊有韓式煎蛋一款配上菠蘿 另一款配上芝士蒜片煙肉同牛肉又估唔到幾夾喎！至於芝士蛋蒜和牛漢堡扒，就係芝士配炸蒜，上唔同既配料，芝士味濃厚，仲同蒜片好夾添！岩曬中意重口味既我😗芝士泡菜豚丼巨大個丼！泡菜豬肉拌飯加勁多芝士，真係滿滿既芝士，搞勻曬所有配料食每一啖都有芝士味😌😌最後我地都係簡配茶去飲😗減底罪惡感

朋友介紹午餐一齊去煎漢堡扒， 是自己煎。廳落好似幾好玩🥰， 當然要試試啦😂（5⭐️最高）二人餐 菠蘿煙肉和牛漢堡扒 （5⭐️）甜甜地既菠蘿混入蛋中， 中間有一個女士握拳✊頭般大的牛漢堡扒， 上面有4片煙肉😋。有一個圓柱體熱石， 用黎煎漢堡。枱上面有個抽氣扇抽油煙 😁， 每次只需要煎3秒就反， 要幾熟/生， 自己決定😎。芝士蛋蒜和牛漢堡扒 （5⭐️）尼款比較香味重身， 蒜片在蛋中，慢慢滲出香味。 因為有熱板， 所以蒜片食落好脆口。 👍🏻芝士泡菜丼（5⭐️）大大碗😂三個人都夠食😍泡菜好好食。 因為我唔食辣， 而尼款亦都唔辣， 正🥰。 芝士份量又多。 好滿足😁🍹飲品可以選擇罐裝飲品或加錢選擇即沖飲品😏

去尖沙咀揾食一定會去厚福街，選擇又多又高質，今次就去咗人氣韓國石燒餐廳 — 福岡漢堡扒！每個位都有吸氣管，喺燒肉嘅時候將吸氣同石頭位置對準，吸氣位吸油煙力幾強，食完頭髮、衣物都唔會有太大浸燒肉味。落單可以自己scan QR code，我哋今次就叫咗個2人餐（$355），包兩款漢堡扒、一款飯、湯、沙律同飲品。芝士蛋蒜和牛漢堡扒，漢堡扒會整到係一個圓滾滾嘅波，造型得意，鐵板上面仲有拉絲芝士蛋。燒肉時，先用鏟以垂直方式切出適量嘅肉，再加湯匙輔助放上石板，稍微壓平，每面大概煎三秒，想食焦香啲，可以燒多五、六秒。芝士漢堡扒加上燒香蒜片，邪惡又好味！墨西哥辣椒和牛漢堡，鋪滿墨西哥辣椒粒，燒肉扒時記得拌入，呢款漢堡扒入口富肉香仲有椒香，口感更濕潤，刺激惹味，愛辣人士必試！和牛乒乒乓拌飯，齋食漢堡扒可以會太膩，配個飯就最好！香濃和牛肉、太陽蛋及沙律菜加特製韓式辣醬拌勻，口感豐富！巨峰提子特飲、西柚特飲（+$18）特飲杯好得意，容量超大，前者富提子香氣，檸檬片增加香氣同層次，後者酸甜兩種味道都幾濃，整體味道唔錯。