福岡漢堡扒 (厚福街) (已結業)

韓燒，日式燒，到底係咩嘢燒，原來係DIY 熱石燒。同事今日帶我去了尖沙咀厚福街一間來自韓國品牌，主打不同口味嘅石燒和牛漢堡扒。以100%澳洲和牛製作，好食又好玩。芝士蛋蒜和牛漢堡扒餐店員細心講解食法。枱上有一枝大煙𠧧，用來抽走油煙，果然餐廳內沒有太大油煙味。將一球嘅和牛漢堡用小鏟切一小件，放在熱石上壓平，吱吱渣渣嘅油聲，將兩邊燒得焦香。肉香滿溢。傍邊嘅蛋漿，芝士和蒜片都相當惹味。追加了菠蘿，跟和牛漢堡一齊食，可中和油膩感，多了一份小清新。又可夾泡菜更添味美。套餐包沙律，白飯和麵豉湯，相當飽肚。