祥囍煲仔小廚

营业中

休息中

冬天總是想吃熱騰騰的食物-煲仔飯是必食之選. 與友人去食炭燒煲仔飯貼地又窩心。七點到達時，已經人頭湧湧，街坊客多。心想這麼早便爆場，應該有一定水準啦！試過就知！炭燒煲仔飯是必叫，很多枱上也有至少一煲！好決定叫雙鱔煲仔飯. 因為是炭燒，而且是即整，所以等候時間比較耐，但超值得。美味的食品要等是正常。煲仔飯和豉油分開上，白鱔和黃鱔舖滿整個飯面， 煲仔飯的飯焦是重點，金黃，脆口但不會覺得油膩，很好吃。又飽又暖，很滿足椒絲腐乳通菜，味道剛好，有鑊氣！小炒就是要有鑊氣。普通菜式，但做得美味。薑蔥魚雲煲，朋友把所有薑蔥統統吃哂。上菜時，煲仔傳來啪啪起，煲的溫度超高，食物在煲中尚超熱，魚雲骨脆脆的，飲啤酒必配.麻辣牛展，麻辣醬超野味！喜歡吃麻辣的朋有必試！今晚與朋友用餐時，已經決定要encore 此店嗱！

前排係網上有人介紹哩間煲仔飯店咁鐘意食煲仔飯既我 緊係去試下啦都幾多人 地方都有少少難搵如果搵唔到可以打電話去餐廳問下 有人教點去好多煲仔飯揀因為我地唔多人食 所以就叫左兩個飯同一個菜半隻雞等位時 我見到都好多人食哩個 所以就叫黎試下豬潤好食 唔會熟哂不過唔係好多片哩個雞好好食d汁好香 雞都好香叫左半隻 都幾多肉 唔係得d骨重頭戲煲仔飯 唔知係唔係因為鱔既關係所以d飯好多水所以我地同行既朋友就有小小失望不過哩間野岀名係飯焦王咁個飯焦係好脆既臘腸好食 哩個就好d無咁多水 所以個飯焦比上一個仲脆d d料都落得好足同好多 幾好如果大家有興趣就試下啦

这是我来香港吃的最好吃的煲仔饭。其它东西，比如羊腩煲、烤鱼、小菜，也看上去很好吃，太赞了。要不是一个人来，一定都尝尝。适合和朋友一块。店家的服务也很好，超赞👍

早幾日同老朋友聚舊，他提議到這裡食出名的炒小菜。黃金鮮魷 ($88):將鮮魷魚筒切細後用上了炸粉製造，不但食落金黃鬆脆，而且用上了滾油去炸，食落香脆無比，加上魷魚鮮嫩可口，入口爽滑，絕對係一定要叫的食物。椒絲腐乳通菜($52):用上了香辣的腐乳炒製的通菜，不但食落條條都有腐乳同麻油的味道，而且炒功了得唔會把菜炒到黑晒,所以食落都知大廚炒丐了得。冰震梅子骨 ($98):生炒骨平時食得多，所以一試冰震梅子骨。起初以為好像一般生炒骨，但原來食落好大分別。不但食落有陣陣梅香，而且用了冰來放底，令到排骨一冷一熱,入口脆滑。燒汁肥牛卷($98):將肥牛切到薄一薄後用上了金菇,紅蘿蔔絲悔包實,再係面上用上燒汁,食落帶點日式風味,加上甜甜的醬汁,實在係不可不食的食品。最後,這裡係最適合大家三五知己食野既好地方, 不但地方大,而且份量亦大,絕對係必食之地。

今日，同朋友來到筲箕灣於是一到這裡一食佢地出名的精美小菜。椒絲腐乳通菜($52):大廚用上了腐乳,蒜頭,紅辣椒,糖,麻油，來炒的通菜，不但食落香辣，而且每條菜都吸收晒腐乳的味道，令人一食難忘，加上唔會好似一1般店少到D菜黑晒，淨係賣相都一絕。黃金鮮魷 ($88):外皮用上了炸鮮奶的脆粉做成，不但將鮮魷炸得金黃通透，而且鮮魷的鮮味亦冇因為高溫油炸後，令到水份流失，絕對係必食之最。加上，鮮魷用上了蒜頭,沙糖,紹酒 去醃製,令到鮮魷更有海鮮的味道。燒汁肥牛卷($98):用上了新解肥牛切成的肥牛卷內裡包住了金菇,紅蘿蔔絲,實係不得不食之菜。甜甜的燒汁，淋在鮮肥牛上，不但令到肥牛味道突出，更令到牛肉鮮味係口腔散發，加上肥牛脂肪比例平均，唔會太肥，所以多食都唔會油膩。冰震梅子骨 ($98):用上了華梅去製造的排骨，不但令到排骨吸晒梅子的酸甜味，更特別係用上了冰去盛放，一冷一熱實在係對口1感非常刺激的食法。加上鮮甜的菠蘿，令到梅子骨推昇到令一個屠次。總括來說，這裡菜式份量巨大,價錢合理，絕對係一大班朋友聚腳之地。

這晚放工後到朋友家拜訪後，便一起吃晚飯。想不到祥囍煲仔小廚地點位置不太顯眼，卻吸引了這麼多人來吃，想必一定不錯的。炭燒白鱔煲仔飯（$72） 這個炭燒白鱔煲仔飯絕對也不簡單，原來師傅以前是在西環某間煲仔飯做的，難怪做出水準之作。 煲仔飯配料選擇非常多，當中雙鱔（黃鱔、白鱔）更是店內招牌，另外更有傳統必備的臘腸、臘鴨、排骨等。煲仔飯粒粒煙韌有嚼口，配上豉油一流！白鱔新鮮肥美，最想不到是用了豆豉來蒸，配在煲仔飯裡簡直一流！ 麻辣水煮田雞（$128）是嗜辣人士必點的，田雞肥美大隻，彈牙可口，旁邊還有大豆芽、雲耳和豆卜，吸收香辣味道，麻麻香香，不會太辣且愈吃愈滋味！ 懷舊炸大腸（$78）是家人的最愛，炸大腸份量挺多，外層香內層軟，做到懷舊味道！ 環境和服務都不錯，店內還有很多招牌菜色，眼闊肚窄，未能一一試過，唯有下次再來試吧！

< 真．煲仔王 >今日黎到筲箕灣一間好隱蔽既港式餐廳，的確地方唔易搵，因為係條小巷入面所以冇乜人留意到，不過唔緊要啦，好食既地方怕咩遠怕咩難搵呀，搭下 ding ding 捉下小精靈轉眼間就到啦，餐廳入面都充滿港式味道，地方都幾寬敞，目測坐到連埋上層應該坐到一百個人左右啦，而牆上掛哂特色小炒既餐牌，仲有餐牌入面冇既餐牌，另外一讚既係招呼好周到，服務對於 baby 黎講都好重要 😎< 臘味蝦乾飯 $80 > (Score: 8.5/10)呢鑊真係堅系堡仔飯，唔通深水埗食果啲濕既整熟就算，呢個煲仔飯堅系炭燒，打開個蓋一聞都聞到果份誠意，啲飯收哂水仲有我最期待的飯焦，重點係煲飯係超級香，果啲臘味味，真係一聞就暈低，加上服務一流，貼心開蓋蓋，然後幫你倒一半醬油，再擺返個蓋上面焗一兩分鐘，然後再開返問夠唔夠味，嗚呀，好夠味呀，飯味同人情味 💕< 白灼爽豬肚 $78 > (Score: 7/10)我就唔係咁鍾意食內臟架姐，但係店員推介同埋我友人想食既情況下就叫左，我一食，覺得唔錯幾好味，主要佢既整法整得好食，整得好鮮，然後配上呢個蒸魚醬油，帶到個鮮味

平時好少食中菜今次咁岩去開筲箕灣 發呢間叫送食飯的茶記小菜價錢好親民 平均$60-$80一個菜而且碟碟都好大碟原本諗住叫咕嚕脆雞但係最尾知道黑醋脆雞係佢地招牌所以轉左叫黑醋雞個賣相雖然黑炆炆 但係味道補救返食落有少少甜味 又鹹鹹地送飯一流 呢碟我同朋友兩個人食到停唔到最後估唔到可以成碟清晒沙爹牛仔骨煲雖雞天氣熱 但都好想食煲仔野個煲入面有菠蘿 原來同沙爹味都幾夾牛仔骨D肉好嫩 沙爹味亦都好夠椒鹽豆腐呢個菜好大碟 一碟我估夠4-5人食不過個人覺得佢唔夠辣但係佢炸得好脆而且唔會太鹹 味道岩岩好總括黎講呢間平民小菜館食物味道唔錯而且價錢唔貴 樣樣餸都好大碟下次去開呢頭會再黎

早兩個月，已有朋友好介紹，話係筲箕灣有間食小菜煲仔飯好正，咁啱有事要返筲箕灣攞信件，順便就咁去找呢間小廚食返個晚飯。想唔到，間鋪頭唔係系大馬路，系後巷，但一樣客似雲來，仲有樓上，客人同伙記有傾有講，好似一家人齊坐系度食飯，好融洽。呢間餐廳，雖然沒點樣裝修，好簡潔，勝在有人情味。除左小菜外，都有麻辣菜食，一樣出色。餐前點左個涼拌藕片，好清爽，仲有麻辣味，係一道餐前小食，增加食慾大開。美極蒜香一字骨，香味四溢，骨排酥炸夠入味，肉質結實，啖啖肉，蒜香入口有小小辣味。椒鹽九肚魚，賣相吸引，魚是酥炸，減味適中，魚肉入口即溶化，似燉奶好嫩滑，連骨都食埋，有creamy咁，好鮮味，只是份量少左些。蝦醬啫啫通菜煲，上菜時，已嗅到陣陣蝦醬鹹香味，仲有喳咋聲，通菜青綠，爽脆。只是一個普通的小菜，用料十足，有蝦米，乾瑤柱，肉碎，炸蒜頭，草菇，通菜吸收了配料香味，啖啖爽脆香口，口感豐富，價錢適中。主角煲仔飯，魷魚肉餅+鼓椒排骨煲仔飯，熱騰騰，仲有喳喳聲，未打開煲蓋，都嗅到陣陣飯香飯焦香味。魷魚肉餅、鼓椒排骨佈滿飯面，淋上煲仔飯鼓油，色香美味，即呈現眼前，肉餅結質，有些爽口，魷魚鮮濃，鼓椒排骨肉多骨少，飯焦卜卜

成日聽人講筲箕灣東大街有好多好野食 如果食煲仔飯既一定係金東大或者紹華， 但係而家人氣咁高排隊有排排 識食既我 梗係捐窿捐罅搵食啦 經過住喺筲箕灣既朋友介紹之下 竟然比我發現到一間隱世超好食嘅煲仔飯 呢間鋪頭既位置相當隱秘 係以前桃園條街嘅樂聲琴行轉右行入去，即係慈幼中學下面， 喺條人地既行入面 有三四間茶餐廳或者小菜店舖 成條街都聞到一陣陣既炒餸香味入到舖頭 瀰漫著家庭小菜既味道 望住個餐牌樣樣都想叫 我哋就問侍應有乜野小菜 好食 佢就建議我哋 叫左半隻霸王雞啫啫通菜 加個個鴛鴦鱔（黃鱔，白鱔）煲仔飯啫啫通菜真係聲如其名來到檯面通菜都仲係吱吱聲 鹹香味飄撲入鼻 一直以來我哋都有個習慣就係出街都不會要蔬菜類 因為會覺得好蝕底 但係喺度叫菜 你絕對唔會有咁既感覺 因為成個煲都係通菜，大大碟薑蔥霸王雞 大大碟 雞件非常嫩滑 加埋雞汁回味無窮重中之重緊係個煲仔飯啦 煲仔飯都唔例外 你都睇完都仲係支支聲 証明啱啱整好就即刻黎到檯面夠曬新鮮滾熱辣一開到個煲蓋 豆豉同個鱔油香味沖曬出嚟黃鱔 油香比較重，鮮味都比較濃白鱔 好鮮甜，爽口食到最後就梗係食飯焦，好似食緊米拱，脆扑扑

好耐之前睇過網上介紹呢間鋪頭既片段,知道有煲仔飯食,一直好想試下今次終於比我有機會黎食到啦!雖然已經夏天,但都無損我食煲仔飯既意欲黃白鱔煲仔飯呢度啲煲仔飯質素都唔錯,因為呢度煲仔飯用炭爐整架,香港真係買少見少啦!先係粒粒飯香又入味而黃鱔較肥美,鼓汁味超入味,不過相對咸啲白鱔就鮮甜啲,脹卜卜好厚肉煲仔飯另一重點係飯焦店員見我地姐手姐腳咁剷飯焦,佢使出佢一流既剷飯焦技術將啲飯焦完美剷出,成個煲形出哂黎飯焦唔燶,金黃色超香脆,好似食緊米通咁好好食,可encore!啫啫通菜煲出街食飯成日覺得食菜唔抵,因為又貴又少不過呢度完全打破左呢個諗法因為成煲都係菜,食極都仲有呀!啫啫煲本身已經係惹味,加埋通菜落去正呀霸王雞半隻霸王雞半隻都好多肉食,雞肉大致都幾嫩滑,係某幾舊特別鞋口雞都幾厚肉,整體係正既

今晚其實是為煲仔飯而來的~朋友介紹到話咁正！山長水遠都要黎試試啦~~首先叫左碟涼伴小食 貢菜~真係第一次食！食落好有口感！質感似菜脯咁爽爽脆脆~而且有麻辣味道！非常惹味~15蚊真係絕對值得一試！一路食一路飲啤酒~~一絕！！而且聽店員講貢菜好有益又健胃又補腦又可減肥！！麻辣水煮魚~大大碟！配料又夠多~豆卜，芽菜，雲耳吸收哂麻辣味~~非常正！大魚煮得好滑~肉質又樕！唔會乾爭爭！108蚊咁大碟真係非常抵食招牌煲仔飯~我叫左田雞肉餅雙拼！嘩~~真係勁好味！煲仔飯靈魂係飯焦，呢度絕對交到貨！好有煲仔飯既香味！肉餅田雞又入味！加埋d葱花食真係太吸引了！

近期聽朋友推介，係筲箕灣試左間新野，啲野食都幾出眾，值得介紹一下嫁。叫左幾樣野，其中以煲仔飯同埋煎封龍脷魚最出色。 白鱔煲仔飯 ($70)我好鐘意食魚，當中鱔可以話係我最愛。一見到有白鱔煲仔飯，當然要叫黎試下啦👍🏻。整體份量都ok，滿滿嘅白鱔舖哂成個飯面，感覺好抵食。調味就用左豆豉同蔥，可以話同白鱔係絕配，鮮味十足。喱度嘅白鱔好新鮮，咬落爽滑彈牙有口感，無雪味亦都唔會腥。醬油味甘香，配埋有豆豉味同埋有淡淡果皮香氣，個飯底吸收哂所有精華，正呀。 飯焦超香！太正了。 煎封龍脷魚同樣非常出色。外皮煎得香脆，魚肉依然保持嫩滑。調味不花巧，簡單配上蒸魚豉油，已經好美味。

親愛嘅冬天逐漸離去，但又仲好想食煲仔飯，港島嘅煲仔飯差不多食過晒，記得報紙介紹過呢度有煲仔飯，今晚就試吓你啦！以為自己好熟筲箕灣嘅路，但點知都搵咗一段時間，希望食物好味啦，咁就難搵啲都值得啦椒鹽鮮魷拼九肚魚 ($85)因為熱氣又通常好油，所以好少食呢道菜，不過店員推薦，咁就試吓啦。一上菜已經哇一聲，首先食物排得好靚，一邊係鮮魷，另一邊係九肚魚，兩種炸物都係炸到金黃色但唔會閃令令，但重點係上面灑滿好多好多炸蒜，已經口水都流啦；先試一口鮮魷，炸粉勁薄而且一啲油味都冇，如果用萬年油炸嘅係一聞就會聞得出，而且炸粉同鮮魷好貼服，貼服得你會覺得佢係鮮魷嘅一部分，唔會一咬就甩咗個殼，而且鮮魷非常新鮮爽口，好易咬得開；九肚魚外脆內軟，有雙重口感，炸粉鹹度足夠，所以就算唔點豉油或醋食都已經味道足夠。呢道菜非常惹味，會令人忍唔住想不停不停食，直到一粒炸蒜都不漏，食到最尾碟上面都係冇乜油㗎！食完都唔會覺得好油膩蒜蓉粉絲蒸娃娃菜 ($65)蒸扇貝就食得多，蒸菜真係第一次。點菜嘅時候講咗要多多多蒜！上菜時又哇一聲，因為蒜嘅數量真係好多  ..... 娃娃菜蒸得啱啱好唔會過老，清新鮮甜；粉絲煙煙韌韌帶啲乾身，就算

煲仔飯新店筲箕灣不嬲多野食，今次司令試左間新開既餐廳，小菜、煲仔飯一應俱全，性價比亦都好高。 椒鹽九肚魚 ($65)食得小菜，椒鹽一向都會係司令必叫既系列😝。今次司令叫左椒鹽九肚魚🐟，咬落覺得粉漿唔厚，而魚肉肉質嫩滑，都算得上係外脆內軟。配上椒鹽炸蒜，鹹鹹香香，送啤酒🍻一流呀！ 窩蛋牛仔肉煲仔飯 ($62）飯既份量算多，而且牛肉亦都唔少，配上蛋同煲仔飯特別既豉油，風味十足😚。簡直啖啖飯又啖啖肉，而肉亦都好滑，唔會韌😍！而配埋煲邊既飯焦食，令到個飯更加香口！但可能因為係窩蛋，所以飯會較濕潤，但司令略嫌佢太濕，少左粒粒分明既感覺。 白鱔煲仔飯 ($70)白鱔肉非常多，佈滿哂成個煲，配上絕配嘅豆豉同蔥，鮮味十足😋。而魚🐟本身亦都好新鮮，咬落彈牙，一d 都唔會霉呀！底下嘅飯仲吸收哂豆豉同特製豉油嘅味道，味道香濃。而且食落仲有淡淡既果皮香，所以唔會有魚腥味，仲令到個飯更加香添👅，剩係食飯已經食到司令停唔到口。 煎封龍脷魚 ($118）廚師將原條龍脷魚煎到脆卜卜，再加上特調既醬汁上碟。就咁睇，已經覺得會唔錯😏！司令影完相就即刻夾嚟食，雖然扁身，但肉質好滑，可見廚師控制