今日黎到筲箕灣一間好隱蔽既港式餐廳，的確地方唔易搵，因為係條小巷入面所以冇乜人留意到，不過唔緊要啦，好食既地方怕咩遠怕咩難搵呀，搭下 ding ding 捉下小精靈轉眼間就到啦，餐廳入面都充滿港式味道，地方都幾寬敞，目測坐到連埋上層應該坐到一百個人左右啦，而牆上掛哂特色小炒既餐牌，仲有餐牌入面冇既餐牌，另外一讚既係招呼好周到，服務對於 baby 黎講都好重要 😎
< 臘味蝦乾飯 $80 > (Score: 8.5/10)
呢鑊真係堅系堡仔飯，唔通深水埗食果啲濕既整熟就算，呢個煲仔飯堅系炭燒，打開個蓋一聞都聞到果份誠意，啲飯收哂水仲有我最期待的飯焦，重點係煲飯係超級香，果啲臘味味，真係一聞就暈低，加上服務一流，貼心開蓋蓋，然後幫你倒一半醬油，再擺返個蓋上面焗一兩分鐘，然後再開返問夠唔夠味，嗚呀，好夠味呀，飯味同人情味 💕
< 白灼爽豬肚 $78 > (Score: 7/10)
我就唔係咁鍾意食內臟架姐，但係店員推介同埋我友人想食既情況下就叫左，我一食，覺得唔錯幾好味，主要佢既整法整得好食，整得好鮮，然後配上呢個蒸魚醬油，帶到個鮮味出黎，而友人就話好爽好彈，好好味！
< 糖醋生炒骨 $68 > (Score: 6.5/10)
個皮炸得幾香脆同埋個芡汁整得幾好，但係肉有點兒韌實，如果再多啲鑊氣同熱氣會更好，不過都幾大碟幾抵食既！
< 椒鹽鮮魷 $70 > (Score: 7.5/10)
呢味鮮魷好夠椒鹽味，岩哂重口味既朋友 😋 炸得好脆而且鑊氣熱氣十足，魷魚好爽好入味，正！
< 蒜蓉粉絲蒸娃娃菜 $65 > (Score: 9/10)
點解我會比 9 分呢，因為真係正到不得了，超大碟不再講，整得超級好食的說 😍😍😍😍😍 係用上蒸扇貝既方式去整呢道娃娃菜，將我最愛既娃娃菜同蒜蓉同粉絲一齊蒸，再加埋鮮味既蒸魚醬油，真係世界級，雖然 baby 都整過一樣咁好食，冇諗過係出面都食到呢隻味，真係好香好好食，必叫 ❤️
