祥囍煲仔小廚

营业中

休息中

筲箕灣係我最愛去覓食既地方，今次同事話帶我去佢屋企附近，最多街坊幫趁既餐廳食煲仔飯。原來係天悅廣場隔離既橫巷裏面。7點去到已有幾枱客人，坐低後同事先落單煲仔飯，再點涼拌貢菜、冰鎮梅子骨、豆豉鯪魚油麥菜。涼拌貢菜（15元）聽聞之前係進貢皇帝食用，故取名頁菜。食落爽脆，帶少少麻辣，加入薄薄的豆乾，爽脆加軟滑口感好特別！好味！豆豉鯪魚油麥菜（65元）油麥菜好鮮嫰、惹味冰鎮梅子骨（98元）用玻璃盆裝著一半冰，上面是冒著熱氣的梅子骨。先嚐一啖，入口酸酸甜甜既話梅味道，外面脆口，保留肉汁。其實好欣賞廚師的心思，令我食到三種口感的梅子骨。開始係食到熱辣辣香脆！等一下食係一半熱一半凍，個感覺真係好特別！食到最後梅子骨完全冰凍，吸收曬醬汁嘅精華，味道更加突出。我更喜歡最後冰凍嘅梅子骨啊！😋😋😋臘味蝦乾煲仔飯（80元）期待已久的煲仔飯上檯了，開蓋淋上豉油，再蓋上等幾分鐘。終於可以食飯啦！一打開蓋，香味四溢！原來師傅將臘腸、潤腸同冬菇切粒，唔似一般只係簡單成條臘腸上，女仔一定鐘意！飯軟硬適中，粒粒分明，有少量飯焦，撈勻臘味蝦乾一齊食，好味！下次會再去！想食好味煲仔飯唔使去油麻地啦！

地膽推介 隱世大排檔好多人講起筲箕灣、西灣河嘅美食，自不然會想起東大街、太安樓，但地膽情報下，想不到鄰近筲箕灣道的一條隱世小巷，林立了數間菜館，燈火通明、熱鬧得很，其中一間就是今天的主角。隨着大排檔漸漸式微，當中有特色嘅菜式也少之有少，菜館特色小菜之一有懷舊炸大腸，炸大腸炸得非常鬆化脆口呈橙紅色，沒有太油的感覺，配上甜甜酸酸的醬汁，非常惹味，菜館更配上新鮮菠蘿一解肥膩感，很周詳的想法，很欣賞菜館仍然將炸大腸放入菜單，因為炸大腸看似簡單，前期的準備功夫卻很費事、費心、絕不馬虎，絕對吃得出小時候大排檔的味道。炭火臘腸滑雞煲仔飯，採用炭火烹調而成嘅煲仔飯，火候的控制非常好，飯粒不軟也不太硬，最欣賞是有一點脆口和輕微燶的感覺，很多時在外面比較出名煲仔飯的菜館中的飯也偏向燶，更加一提是當中的臘腸是以厚切一片片的，除咗很重要是方便進食之外，更重要是臘腸當中油份滲入飯粒之中，令整個煲仔飯更香更滑，菜館還加上蔥花和辣椒片更色香味俱全。本人一個非主流非客觀嘅準則是每到中菜的餐廳是必叫生炒骨，正所謂「生炒骨炸得好，間野點都有個譜。」薄薄炸粉、沒有太多麵粉的感覺、半肥瘦嘅排骨、經過酥炸過後的排骨和糖醋醬汁混

今日我地一大班同事一齊食lunch, 當然要先訂枱再出發。我地係openrice搵左呢間評價都唔錯嘅祥囍, 但由於佢嘅位置實在太難搵, 結果我地要逛了10多分鐘才找到@@我地因為訂了枱, 所以一去到店員就安排好我地坐嘅位置, 不過唔知同佢咁隔涉嘅位置有冇關係, 午市嘅客人都唔多。由於我地一心想黎試小菜, 所以我地冇點已包餐飲同白飯嘅是日午餐, 不過結果老闆都免費跟白飯俾我地點嘅小菜^^呢個肉最好味, 外脆內軟賽螃蟹撈飯一流西檸雞檸檬味夠而不太酸咖啡牛腩亦係撈飯之選鱔好好食菜正常, 同埋都幾大份

平時都係圍繞東大街搵食,好多中式小菜館都食厭了!今日收工約左老公食飯﹐老公比較喜歡食小菜﹐所以去左離東大街遠一點的筲箕灣祥囍煲仔小廚食飯!餐廳不在大馬路,但都算易搵到!餐廳環境整潔,令人舒服!是日燉湯為菜乾豬肺,的確不含味精,下火一流,火喉十足!雞翼浸在酒中,面頭放了幾粒清甜杞子和幾條甘香的芫荽,雞肉嫩滑,其烹調入味,啖啖滿有酒香,令人陶醉,忍不住把碟中所有的酒也通通飲光!天氣炎熱,二話不說叫了一個涼拌菜開開胃,麻辣味份外惹味,很快就吃光!十分惹味的一道菜,肉質鮮嫩,配以泰式辣醬,香氣撲鼻之餘卻沒有刺舌的辛辣!煲仔飯係呢度既名物,一打開煲蓋已經香噴噴，熱辣辣,米飯粒粒分明火候掌握得宜,材料好香，那香味跟飯味融和在一起!飯焦不單只香，而且脆得來鬆化,餐廳建議食法是用白砂糖灑上飯焦上面一齊食,出來的效果果然驚喜,我同老公兩個食到停唔到口!

琴日Lunch慶祝同事放完長假旅行返黎, book左祥囍再試佢嘅小菜, 靚仔伙記好Nice👍, 仲free左我地全枱飲品😘係呢邊返工, 之前好少食呢間, 不過今日一試十分美味, 尤其個賽螃蟹👍👍👍期待下次再同同事去刷多餐😋

自從天氣開始熱，有住家飯食嘅日子就越黎越小。所以今日又係一個冇飯食嘅日子，行到附近入巷仔嘅時候真係有小小驚，不過行多幾步先先原來巷仔入面好多人lol一入到去間餐廳有啲似室內嘅大排檔，不過食物嘅種類都幾多，有泰國豬頸肉又有重慶烤魚。菜乾燉豬肺湯，唔係講笑，68蚊大大煲，果隻並唔係一隻匙羹而係湯羹黎！飲落個湯好清好甜，啲菜乾嘅味唔會搶哂們湯本身嘅清甜。話說呢次都係我第一次食豬肺，個口感好特別，有小小似豬腸入面果層咁。椒鹽九肚魚，不得不讚個九肚魚真係炸得好好，而且切左一舊舊細細舊好方便我食。個面頭炸到好脆，入面嘅九肚魚好滑，真係好正。炸蝦丸，蝦丸好爽，外面好脆嫁！入面真係好多料，仲有啲蝦肉碎響入面見倒。豉椒蒸魚雲，個汁真係好特別，同平時嘅味道好唔同，食落有小小甜。個魚雲真係好滑，蒸得岩岩好。呢度啲小菜真係煮得好好，而且個湯仲好有家嘅感覺

My families and I went to a Chinese/HongKongese style ''cha chaan teng'' called ''Cheung Hei''(祥囍煲仔小廚)located in ''Shop 4A-5A, G/F, Sun Lee Building, 6-28 Ngoi Man Street, Shau Kei Wan(筲箕灣愛民街6-28號新利大廈地下4A-5A號舖).The restaurant is tidy and neat. A lot of long term customers who lived nearby had dinners here.Stir fried shrimp and scollops with broccoli (帶子蝦球伴西蘭花) HKD$98The shrimps are springy, bouncy and flavourful. Large in size. Yummmmm.The scollops are not rubbery at all.The broccoli is fresh an

處身於橫街窄巷的小廚，未必會識找到，好彩，從小就在筲箕灣長大，對這個地方總是認識的，何況是一間已出名以小菜，煲仔飯聞名的，又怎能錯過呢？其實，我來幫襯過了三次，總是食不厭的，想起那煲仔飯，就垂涎三尺。好野，自然多人去食，我帶表弟一家食過，都話唔知呢度有間正野，隨即第晚又來食過。午餐推出超值午餐，三日更換餐牌一次，總有一款合你胃口。鱷魚膠扣鵝掌～老闆親自介紹，初時都有些抗拒，因為從未食過有關鱷魚做菜的食物。放下抗拒，欣然接受！幸好接受，已愛上它了！鱷魚膠及鵝掌炆得煮剛好，稔中帶爽滑，比海參好食，咬落啖啖膠質，豐有骨膠原，鵝掌有嚼口。雞肉排骨煲仔飯～一定要食！煲飯都有五碗飯，足夠兩人食，上檯時，嗅到超香飯焦味，飯面鋪滿排骨雞肉，灑滿青蔥，增加香氣，飯粒夠乾身，粒粒分明，配上煲仔飯醬油，更可口，飯焦脆卜卜。胡椒鹹菜豬肚湯～用鹹菜帶出湯底鮮甜味，豬肚唔係幾稔，有小小韌，有嚼勁，胡椒味濃郁，喝落開始有辣味。

很久也沒有食過煲仔飯，但又不想到廟街同人迫，於是朋友就介紹了筲箕灣一間後行小店，說他的煲仔飯很出名飯焦香脆。這裏不容易找，靠 Google Map 還要自己摸索。廚師推介食品全部也非常吸引，很有打冷宵夜的味道。和三五知己一邊進食一邊暢飲，感覺非常熱鬧。原來不少雜誌，也報道過這裏的飯焦王。一坐下，店員就立即詢問我們是否想吃煲仔飯。因為是即叫即製的，製作需時接近30分鐘。如果打算吃煲仔飯的話，就要立即落單。於是我們就點選了臘味蝦乾煲仔飯。本來在菜單內是沒有看到這道麻辣蓮藕片，但是看到別人在吃得津津有味，於是就向店員詢問。麻辣但爽脆的滋味，叫人吃不停口。醒胃提神，絕對是最佳的餐前小吃。另一道值得推薦的食物，就是椒鹽九肚魚。九肚魚炸得鬆軟，椒鹽不會過鹹但極度香口。從遠遠就聞到他的香味。我真的連骨把他們整條吃掉了。既然飲食需要均衡，我們當然也不會缺少進食蔬菜。蒜蓉炒芥蘭，不過不失。望穿秋水的美極蒜香一字骨終於出場。一字骨炸得鬆軟，可惜軟骨較多，肉也沒有吃得多少。因為這一餐吃熱氣的東西較多，忍不住也點了零係可樂來解渴。這時候，即叫即製的臘味蝦乾煲仔飯已經準備好了。一打開蓋，香味撲鼻。飯粒粒粒分明，

新年成班朋友上山行完大運，就專程去試呢間朋友好推薦嘅煲仔飯。揀左滑雞同鹹魚肉餅，因為製作需時都1等左好一陣。黎到我地就焗多佢一陣先再落豉油，然後再焗8-10分鐘左右，事關越焗得耐，脆卜卜嘅飯焦越多 真係真係好好食！不過係雞件略嫌骨比較多而肉唔夠多 祥囍嘅客人真係好多，建議都係早早卜左位先，朋友話好多時係會多人到未必可以即日卜到只可以排walk in。嗰日我地因為早到，安排到室外嘅位置。但咁岩上面滴水，環境比較迫，覺得如果有卜位可以坐入去就好啦

冬天一定要食煲仔飯，今個冬天好似無食過，要趁尾聲食返個煲仔飯先，好彩搵到朋友陪我去食主角煲仔飯出場了，臘腸係不可缺少的煲仔飯吸收哂d雞油&臘腸油，所以特別香而且重點係d飯煲得好乾身，飯焦完全唔吝嗇所以呢個煲仔飯要推介俾大家啫啫芥蘭芥蘭煮得好淋，而且好入味泰式辣鳳爪原本無打算order的，但見到隔離枱點左，見好吸引，當然唔錯過啦，辣味好夠，真係會食上癮的同埋好開胃椒鹽鮮魷魷魚好淋，亦好有鮮味，不過d粉漿有d厚，而且椒鹽味唔夠，有d遜色不過呢餐好抵食呀，埋單都唔駛$400會再黎食其他野的

好多人話食煲仔飯要去油麻地廟街， 但港島人食煲仔飯梗係要去筲箕灣啦！ 有次去完表妹柴灣屋企打麻雀， 表妹就帶路去左筲箕灣愛民街後街的「祥囍煲仔小廚」。  「祥囍」裝潢和港式茶餐廳一樣，有內外座位， 晚市8點半來到都仍然滿場。😯  而餐廳最出名的就是煲仔飯和小菜， 所以我和表妹就點了好幾個小菜和一個煲仔飯。  西檸汁煎雞（$73）  西檸雞新鮮熱辣，炸粉厚薄剛剛好， 雞扒肉炸至香脆肉嫩，啖啖肉，  惟檸檬芡汁對個人來說不太夠味，有點兒失望。☹️ 薑蔥魚雲煲（$85） 原煲上仍然相當有鑊氣，一上桌仲「唧唧唧」聲緊。😯  魚雲份量十足，件件都大大舊好厚肉， 肉質又嫩滑肥美，香口惹味，值得一試！😏 三色蛋唐生菜（$65） 一看便知道用料不馬虎， 上湯裡有不少鹹蛋、皮蛋、炸蒜頭和肉碎等，  令爽脆嫩滑的唐生菜相當入味，不錯！ 終於到重頭戲出場啦！👏🏻 滑雞潤腸飯（$71） 「祥囍」出名的地方在於其煲仔飯主張用炭火燒，而且即叫即做， 所以需時較久，要耐心等候。 打開煲蓋，陣陣炭香味便傳來。😌  雞肉嫩滑帶炭香，潤腸香味濃郁， 飯粒乾身，而且粒粒分明，微微散發着潤腸的臘味， 建議食法先把飯放到碗仔後

大家都知筲箕灣東大街多野食，今次我就反傳統，去到一間比較偏僻既茶記開餐。適逢呢兩日比較凍，煲仔飯正啱食，呢間祥囍煲仔小廚打正旗號，專做冬天必食各類煲仔飯。溫馨提示，由於即叫即製，所有煲仔飯至少等半小時，所以大家一去到點左煲仔飯再慢慢點其他。而我就點左出面茶餐廳較少見既白鰻煲仔飯，價格都係72大元，絕對超值，一開蓋，香氣直衝上鼻，忍吾住大快朵頤。白鰻香滑，飯焦香趣，加埋煲到融化豆豉，令我忍吾住刮到飯一粒不剩。冬天除煲仔飯，吾少得辣野，所以叫左水煮魚，有別於其他地方，魚塊先炸再加炸煮，感覺除左滑之後多左香同趣，亦避免左魚腥味，加埋豆卜，雲耳，芽菜呢幾樣基本配料，一大碟叫價都係158，絕對抵食。記得叫返杯汽水，食完辣野再飲本汽水，感覺超正。另外值得推介係呢間餐廳吾同菜的做法，大家首先揀左心目中菜類，之後配合吾同做法，可以金銀蒜炒，魚湯鮮菌上，咸魚蓉爆，麵豉醬炒，又或者豬潤浸亦可，仲有好多吾同做法，大家可以親自嚐試。我叫左蒜蓉粉絲蒸娃娃菜，娃娃菜吸收蒜蓉香味，與粉絲又係絕配，口感有粉絲爽滑加娃娃菜爽甜，仲有陣陣蒜蓉香味。整體來說，成餐飯感覺有別一般茶記，有心創新，想比更加多嘅好嘢大家，大家不妨

期望很久的煲仔飯，今晚終於到來。先來涼拌蓮藕，蓮藕爽脆，配上麻辣汁，開胃，以為會是好的開始，可惜是失望的。。。麻辣牛腱，牛腱一定有筋，而且D筋係脆什至乎可以叫做硬，所以涼拌的牛腱一定要薄切。但這裡偏偏是切成大大舊，這樣就只是牛腱的表面有辣汁，內裏冇辣汁又冇牛味，好似咬硬膠咁，牙都甩我們點了油鹽水煮蜆，結果來了豉椒炒蜆，亞姐話厨房整錯左，問我地介唔介意，介意就煮過。諗住是但啦，費時失手勢啦。蜆肉是甜的，但非常之多沙椒鹽鮮魷，個脆漿皮太厚了，令椒鹽與鮮魷之間有着一層重重的隔膜黑醋一字骨，一咬落去，肥膏多，肉少，怕怕麻辣水煮魚，這個是全晚最好味的，雖然D魚肉有超多骨，但麻辣汁一流，又麻又辣，食到大家雙唇也麻痹了，可惜我們問可否加薯粉，佢地話冇，就連米粉，河粉也賣晒唔係化，你地午市唔係有炆米粉，炒河粉賣架咩？今時今日咁嘅服務態度實在令人心淡本來想叫椒絲腐乳炒通菜，哥仔話通菜唔靚冇入貨，介紹我們吃西洋菜，嘩但係D西洋菜都唔覺靚得去邊，好似咬柴皮樹枝咁最後的白蟮臘腸煲仔飯，白蟮冇泥味，合格，飯粒唔夠米香味

天氣轉涼同朋友講想食煲仔飯，佢就話呢間餐廳既煲仔飯好得，於是就放左工一齊試啦！雖然地址寫住愛民街，但實際位置其實係愛民街入面既小巷內一入到巷最光亮同人氣最旺盛既餐廳就係祥囍啦，7點半左右黎到已經全場爆滿，好彩等一陣就有位油壳魚係第一道菜，之前未試過，但一試愛上。魚身外脆內滑，雖然油炸但完全唔會油膩，香脆外層成功鎖住魚既鮮味，魚肉十分嫰滑，點上香甜豉油令人停唔到口，另外值得一讚係條魚食到尾聲外層仍然保持香脆炸大腸本身比較考功夫所以唔多餐廳會整，見到有即點，結果無令人失望，十分美味，即使唔點醬都味道一流，不過如果醬汁再濃d會更吸引主角到了！老闆教落：開蓋後淋上豉油再蓋上等三分鐘後進食，豉油會更融入米飯，一打開已聞到香甜豉油同臘腸味最值得讚係蝦乾唔會太硬，而且愈嚼愈香，食得出係用心整既煲仔飯食完飯發現飯焦可以成底起出黎伙記經過同我地介紹新食法：加上白沙糖，就會有潮州菜兩面王的口感，試完朋友話作為潮州人佢都覺得似埋單每人$150左右，晚餐價錢合理，如果下次想食煲仔飯又多個選擇啦