祥囍煲仔小廚

营业中

休息中

煲仔飯新店筲箕灣不嬲多野食，今次司令試左間新開既餐廳，小菜、煲仔飯一應俱全，性價比亦都好高。 椒鹽九肚魚 ($65)食得小菜，椒鹽一向都會係司令必叫既系列😝。今次司令叫左椒鹽九肚魚🐟，咬落覺得粉漿唔厚，而魚肉肉質嫩滑，都算得上係外脆內軟。配上椒鹽炸蒜，鹹鹹香香，送啤酒🍻一流呀！ 窩蛋牛仔肉煲仔飯 ($62）飯既份量算多，而且牛肉亦都唔少，配上蛋同煲仔飯特別既豉油，風味十足😚。簡直啖啖飯又啖啖肉，而肉亦都好滑，唔會韌😍！而配埋煲邊既飯焦食，令到個飯更加香口！但可能因為係窩蛋，所以飯會較濕潤，但司令略嫌佢太濕，少左粒粒分明既感覺。 白鱔煲仔飯 ($70)白鱔肉非常多，佈滿哂成個煲，配上絕配嘅豆豉同蔥，鮮味十足😋。而魚🐟本身亦都好新鮮，咬落彈牙，一d 都唔會霉呀！底下嘅飯仲吸收哂豆豉同特製豉油嘅味道，味道香濃。而且食落仲有淡淡既果皮香，所以唔會有魚腥味，仲令到個飯更加香添👅，剩係食飯已經食到司令停唔到口。 煎封龍脷魚 ($118）廚師將原條龍脷魚煎到脆卜卜，再加上特調既醬汁上碟。就咁睇，已經覺得會唔錯😏！司令影完相就即刻夾嚟食，雖然扁身，但肉質好滑，可見廚師控制

天氣時暖時寒，人日過後又再要穿大衣，幸好陽光普照，潮氣盡消！下班後如常覓食，今次向東走，坐懷舊電車十多分鐘便到達筲箕灣，過年花費了太多，這夜打算光顧這小區的平民飯堂。邊行邊想，十多度的天氣，除了蛇羹、火鍋外，最好不過吃一碗熱飯，而熱飯之最莫過於煲仔飯。曾幾何時，我亦是煲仔飯的追隨者，廟街的丶西環的x記x囍丶中上環丶大坑等等，聽說用炭火燒的就衝好試，花款不少，往往吃得滋味滿足。 尋尋覓覓，想到不遠就有一家，名叫祥囍煲仔小廚，位於橫街小角。 街坊小廚格局，並不期望有何裝潢，但求光猛企理便已經足夠，門外自有廚師推介吸引路人，店內牆上自然又會貼滿招牌菜式。 膠面餐牌，密密麻麻，亦是一貫茶餐廳作風。首次光顧，香惹丶小炒及兩煲飯，二人飯局，綽綽有餘。油浸筍殻魚 點菜才一會兒，一條頭大尖扁丶身形粗壯丶頭尾揨起丶深褐顏色丶看似炸至酥脆通透的筍殻魚便已出場，浸在鼓油汁內，有紅辣椒粒及蔥綠點綴。 備以刀叉，我們一刀切下，有酥脆的＂索索＂聲音，魚肉露出，雪白幼嫩，而魚皮是酥不只是脆，入口酥碎口感非常好，完全不乾硬，魚內香嫩有水份，河魚中之石班，味道果然甜美，成功炸至外酥脆內香嫩之效果，完美無

真係由開張嘅第二日幫襯到而家，由當初一晚得幾檯客幫襯到而家9點都仲要等位，真係好味，出色，保持水準先可以食咁多次。我本身對飯係無咩興趣，但無奈哋真係會有種心癮想去食吓㗎喎，不過本身除咗推介嗰幾樣餸之外，其實仲有好多都想介紹吓支竹羊腩煲超滑嘅菜膽雞西檸雞

6:15在筲基灣兩個人揾食，短短一條小街已有幾間出名食店，天氣凍凍地，試間煲仔飯。白鱔煲仔飯，即叫即整，約需時2O分鐘，白鱔肥美大件，鱔肉彈牙爽口，除了一般薑蔥辣椒絲外，仲多了果皮香味，把白鱔的本身鮮味大大提昇，也多了一份層令味蕾回味的層次感。米飯飽滿乾爽分明，完全吸收了白鱔的魚油及秘製的鼓油，聽店員推介先焗十分鐘才進食，的確在米飯中食盡煲仔飯的味道精華精髓，食到底，薄薄一層飯焦，甘香脆口，吾痴㡳不嗆喉，超正，滿有咬口過癮。窩打牛肉煲仔飯，牛肉應是鮮牛肉片，無崩沙味，夠軟夠鮮牛味，米飯香味加鮮牛味加旦香味加鼓油的甜咸，再加上沙煲煮熟的焦香味，簡直係無得彈，非一般己失傳的窩打牛肉飯。份量之大，用料之上乘，價錢之實惠，味道之絕頂滄海遺珠，一定要推介。

今日落雨, 天氣冷冰冰, 想起暖笠笠的煲仔飯, 便選擇了筲箕灣的祥囍煲仔小廚, 响港鐵A2出口, 向前直行, 經過街市向著電車路行, 上一條小斜路就係愛民街, 這條小巷有幾間食肆聚在一起, 7:00晚飯時間, 每間食肆都非常旺場, 每間都要等四五張枱, 我也是, 大約等了10分鐘, 入座後, 馬上叫了幾個菜, 包括馳名的白鱔煲仔飯, 薑蔥田雞煲, 沙爹牛肉麵, 魚湯鮮菌芥蘭。先上菜的係薑蔥田雞煲, 熱辣辣即叫即整, 遠處送來已聞到超香的薑蔥味, 田雞肉質結實, 煙韌, 超惹味, 不會太濃味, 不用餸飯也可, 另一吸引係馳名白鱔煲仔飯, 差唔多見到每枱也點了這個菜色, 白鱔件肉質爽口, 微彈牙的, 好香的白鱔魚香, 食到肉身膠質黏感, 配以豆豉絶配, 唔會有魚腥味喎, 到飯底, 原煲上, 熱辣辣的, 沾上甜香豉油, 飯香, 到底時還有飯焦, 好脆口。 還有沙爹牛肉麵, 麵底炸過的, 好脆, 面淋上沙爹汁, 唔算好重的花生味, 沒有蓋過沙爹香味, 最緊要係個牛肉, 好滑嫩, 稔身,  最後叫了個魚湯鮮菌芥蘭, 白雪雪的魚湯浸住, 好鮮甜, 足料正宗的奶白魚湯, 令一個本來普通的清菜芥蘭顯得

四個街坊搵緊附近有咩新奇野食, 係網上見到依間煲仔飯, 飯焦可以成個起出泥, 仲有砂糖飯焦咁創新既食法, 當然要一試到底 個晚9點都等左一台, 但有得落單先因為需時製作叫左兩個小菜同四個煲仔飯, 小菜上得算快, 椒鹽鮮魷同炒什菌(什菌冇影)接住煲仔飯都一個個咁上煲仔飯夠曬熱, 鼓油應該係甜鼓油, 因為吾會只有色冇味道。飯粒亦夠乾身, 睇泥水份控制得幾吾錯!值得一贊既係, 蝦米大大粒, 好足料呀。清淡之選最遲先泥, 可能吾夠爐, 但最好食!!!最後問店家拎左砂糖泥試下加落飯焦度, 但可多work。店家好搞笑又好老實咁同我地講, 依d係gimmick野泥既啫

T和我雖然認識了不久，我們因為開飯而相識，大概應該接近一年的時間吧。她和我應該有幾個代的鴻溝，對於她的年青，對於她的習慣，對於她的愛好，我不太了解和明白，不過，因為食這個共通的話題，我們做了好朋友，雖然中間吃過不下幾次的飯，但我十分欣賞她的文筆和率直的爽朗，上次還記得她的短聚，令我想起那個蘇博文的年代。那一天我們會飛雖已經過了氣，我也已經過了能夠飛的年代，如今T真係要飛了，她將會去龍紋身女孩的國家exchange 半年，是晚，我和D先生兩位叔叔就和她來個告別晚會。選的地方是非常麻甩味重的地方，T小姐擁有最好的女性性格，夠男性化，食乜都得，於是我們便選了入冬最適合吃的東西。之前睇雜誌看過位於筲箕灣的這間祥囍煲仔小廚，是剛剛區內新張的，老實說，我覺得係膽大之作。這區已經有出名到不行的珠玉在前，煲仔飯食到街知巷聞的小廚就在附近，正因如此，我更想知佢有乜把戲。剛好冬季感強勁的夜晚，我想煲仔飯作告別令佢可以和香港食物見多個面，絕對是對得很的菜式。約定六點多的晚飯，有人遲到了，但幸好遲到，因為好難搵，你唔會係個地址找到呢度。其實鋪頭係大廈後面，如果你正常係愛民街搵，呢世應該都搵唔到。係大廈旁邊小巷

隨興，好聽點說是坐言起行，但欠缺周全考慮及計劃，就怕亂套。還記得成為Openrice用戶之後，在某個時間點終於正正常常打篇文。如是者忘了幾多篇後，什麼編輯推介的突如其來，準則嗎？天知道。但難得的第一次有隨興的編推，當然不會輕易忘記那頓隨興的二人煲仔飯聚。將近一年，筲箕灣煲仔飯，我回來了，然而目標卻不是舊日那家。　　數天前好友傳來UFood Facebook專頁的截圖，說的就是這家新開小店。祥囍的店名讓人聯想到西環的嚐囍（等等，我還未打後感）。看UFood的介紹，原來真的有關聯，老闆正正曾在嚐囍及坤記等煲仔小菜餐館待近十多廿年。功架可見一斑，所之要秒速將其撥入心中的美食清單，剛好這晚就派上用場了。到場才知道原來文中所指，要「等了又等」是真有其事。就算位處兩街之前屈入去的暗黑小巷，卻是滿場，且有不少食客再外頭等，包括我們。　　餐牌一邊是午市套餐，供應的是平日常見的餸飯、焗飯、湯飯及炒飯粉麵。另一面才是我們是晚的重頭戲，由煲仔飯、煲仔菜、焗飯及湯品。到蒸、煮、炒、炸等的各式小菜，更有素菜可選，照顧客人的口味取向。三個人，說多不多，說少不少，但也不能點滿桌，肯定是吃不完的。不單像紹華般有鎖定好