祥囍煲仔小廚

营业中

休息中

嘩。。天氣凍除左打邊爐，最想食一定係煲仔飯啦！仲要炭爐嘅先最正吖。。由於太想食於是上網睇下有咩好介紹，點知什我發現呢間隱世巷仔小店。其實睇完網上評價，我都好期待黎食㗎，同埋一定叫呢個招牌臘味煲仔飯，入面有臘腸臘肉膶腸同埋蝦乾，上檯時先焗一陣，唔好心急等一陣吖（笑）好足料，而且唔係得個肥膏嘅臘味，用料正，飯係一粒一粒咁有咬口夠乾身，最怕煲仔飯濕漉漉，呢個飯同豉油配合得剛好。睇下啲蝦乾大粒到呢～好香，好硬有排咬（爆）飯焦果到我交俾朋友食多啲，我怕痴牙食左一啖，好香炭燒味仲脆卜卜添，鐘意飯焦嘅朋友必試。除左煲仔飯，我想講佢地嘅小炒都非常吸引，呢晚2個人只能食到個飯，炒個菜同埋呢個雞煲。。我想講，個雞係惹味到你不停夾黎食，太香太好味，而且雞肉仲係好滑的。我一定會再嚟encore，我想試埋其他多一啲小炒呀～

我是一個熱底、但經常手腳冰冷的人，聽來有點複雜，亦搞得自己也有點糊塗！熱底的我，吃不了太多上火的食物，要不然喉痛發炎這位老朋友便來襲，總之涼茶、花旗蔘是我的良伴！至於手腳冰冷，不用寒流襲港，平日在冷氣間也會出現。下星期低溫重臨，幸好早前找到一個不錯的寒冬開飯的好地點，抱著煲仔，溫䁔入心！ 第二回走上這條隱蔽與小斜的愛民街，由於地利的關係，我和老媽於6時半前，即「祥囍」一打開門做生意便抵達，現場所見不到七時，食客陸續抵達，七時後便需要排隊輪候，快人一步，果然理想早達到！ 「祥囍」格局一如地道的茶餐廳或飯店，地方不大，設座有限，大概容納不多於四十名食客！牆上貼滿菜式的名字和海報，不單秋冬羊腩煲夠吸引，連服務員的姐姐也十分親切可人！ 那邊有我喜歡的老火湯，價錢親民，惹起我這個湯癡的湯癮！ 「祥囍」唯一一張供十二人的大檯，看來大伙兒得提早預訂！ 除了煲仔，「祥囍」亦主打小菜，這邊多是香口小菜，還有惹味雞煲和剁椒菜式，正好來啤一啤啊！ 薑蔥魚雲煲 HK$70 老媽第一時間看上薑蔥魚雲煲，不消一會魚雲煲便備妥，廚房效率似乎不錯！香氣隨揭開的蓋子飄出，熱燙燙的瓦煲內，面層盡是翠綠的芫荽、薑片、蔥段和

我朋友話打麻雀🎲贏咗💰錢請我去一間位於💁‍♀️筲箕灣愛民街嘅隠世小廚～～祥囍煲仔小廚～～食飯嗰度真係非常隱蔽要行入口行嘅後街🧐但係去到雖然係平日🤨全場爆滿🤩犀利！話嗰度有活魚供應😬因為我係一個魚🐠痴🙆‍♀️無🐟不歡😋而且話嗰度夠晒鑊氣👍價錢實惠🙆‍♀️去到真係見到有一個魚缸🐠🐠有好幾條生猛嘅沙巴龍躉仔喺度游嚟游去🤩二話不說梗係整條蒸魚試吓啦！清蒸沙巴龍躉仔＄168Wow😯！話沙巴龍躉仔但係勁大條！覆蓋著成隻碟😏而且肉質鮮美😋火候控制得非常好🤨啱啱謹熟！必食😍菜乾豬肺湯＄68🥣啱晒我個老友打咗一日通宵麻雀🎲補一補潤一潤😏有大量嘅菜乾湯底非常鮮甜😋飲完即刻舒服晒😎炸子雞半隻＄108外皮炸得非常香脆，內裏保留肉汁最重要係冇乜肥膏🤨唔會食咗成口油💁‍♀️大家注重健康！都唔可以食得太油太肥膩🤓雙拼煲仔飯＄71來到話明煲仔小廚點少得煲仔飯呢⋯⋯叫咗滑雞同排骨，飯面鋪滿滑雞同排骨！😋

入冬後第一煲煲仔飯，雖然排了半小時但值得。蒜蓉粉絲扇貝，一隻33元，足料鮮味，當然每人一隻啦冬天天氣乾燥，要飲湯水補一補！菜乾豬肺湯，咁大煲68蚊，立即order.先飲湯，後上小炒！椒鹽雙拼，豆腐加鮮尤。香口，上菜時勁熱騰騰，送啤酒無得輸主角煲仔飯，order了白鱔和臘味。但掛住食唔記得影白鱔煲。因為是即煲，所以要耐心等候，但值得，煲仔飯乾身，有香脆飯蕉。二個都好好味呀仲有一個豉油王炒腸腸，鵝腸勁肥味，芽菜吸味，真係一流

因為實在太多好食店都值得去嘆，但始終得一個人，所以每次都要先想好吃那間才去，今次睇下有乜新嘢，朋友帶我到這店，介紹煲仔飯款式多及正，他沒說錯，除此其他小炒都算很好吃，值得一到

嚟到筲箕灣，突然想搵一間大排擋食啲小炒，筲箕灣最多嘢食嘅就係東大街，但係都搵唔到一間比較吸引嘅大排檔或者港式小炒店，結果係OP搵到比較多人介紹嘅就係呢間祥囍。雖然呢間餐廳嘅位置距離地鐵站唔算太遠，但係都唔容易搵到，事關佢係筲箕灣道嘅一條小巷入面嚟，第一次行到去個度先發現原來個度都有幾間唔同嘅餐廳，而祥囍係明顯地特別多人係門口等。嚟到嘅時間係六點半左右，大約等左十五分鐘，因為佢款式都好多，都諗左好耐先揀到餸，最尾就叫左以下嘅：麻辣雞煲呢個係大家都大讚嘅菜式，麻辣味同雞味混埋一齊 雞都係好有口感只食得小辣嘅我都完全無問題，食完麻辣嘅味道仲會留係口入面！白鱔排骨飯聽講呢度最出名嘅就係煲仔飯，點可以唔叫個！雖然佢飯焦唔多，但係食落啲飯粒粒分明，白鱔同排骨味都好濃郁！豉椒炒蜆有好多隻都係無肉係入面🤔 但係有肉嘅都好入面薑蓉豆笛雖然望落普普通通，但係食落去真係一絕！薑蓉味好入到，菜都好鬆軟易咬，炒得好好！下次再嚟筲箕灣一定要再試！

又到左煲仔飯嘅季節啦！話時話真係好耐冇食過囉！一係唔食，要食就要食炭爐煮嘅（笑）今次黎到呢間小店比較僻，但為左食好西就乜都得啦。2個人叫唔得多，唯有叫一個豆豉雞煲 & 椒絲腐乳生菜啦！omg...個雞煲好味到呢，超級惹味，好香嘅豆豉味好夠火喉，岩我重口味啊！一整煲上熱辣辣，點聽得住吖，雞肉都算嫩滑嘅，不得不提個雞皮。。嘩，香口到呢？encore再黎就係萬眾期待嘅蝦乾臘味煲仔飯，內容豐富吖，有臘腸、膶腸、臘肉、蝦乾、冬菇。最中意佢係碎上，好處係煮嘅時候啲油平均滲入飯中，加上濃淡適中嘅豉油，正到呢（笑）係吖。。佢地臘味質素唔係肥到你唔食果種，偏瘦嘅，感覺冇咁油膩囉，可惜我唔太喜歡飯焦呢樣野，所以呢方面我就唔講太多啦！下次，我會再返黎食埋其他小炒，我見到隔離檯啲餸好想過去夾2舊囉（大爆）

放工和太太去吃晚飯，就到附近祥囍好彩早點去吃飯，(6:30pm)如果遲多幾個就冇位坐了，老闆說最好預先打電話book枱飯店有很多選擇，羊腩煲，雞煲、海鮮和很多特別的餸菜，還有炭燒煲仔飯，冬天也有火鍋⋯⋯鐘羊腩煲$188，裏面有好多舊羊腩，羊腩肥美不會太霖，有咬口，也不覺有羶味豉油王吊桶$98，鮮嫩爽口，非常入味，份量也很多臘味蝦乾煲仔飯$80，正宗炭燒，上枱香噴噴熱辣辣，飯米一粒粒的油香十足，每啖飯也可吃到臘味，好味菜乾豬肺湯$68，店舖寫明全部不加味精，飲這個湯就好像媽媽煲的自家靚湯，清甜有肉味，真係好飲我自己一個都飲咗三碗，好滿足的一餐

六十八蚊以為係一碗，點知一煲上，菜乾味濃，清澈唔油膩，係未見豬肺蹤影羊腩煲嗅落就唔錯，胃炎未能食多，試咗一件，肉比較乾實，味道亦未見濃郁主要嚟食下個煲仔飯，飯煮得還好，尚算粒粒分明，店家嘅豉油顏色就深，但調得就淡，排骨味道不錯，土魷肉餅比較油，剁得非常碎

天氣開始轉涼，即刻同同事一齊去食煲仔飯。見google map寫話由地鐵站行去只要六至七分鐘，第一次去其實真係幾難搵，去到愛民街之後發現原來舖頭係橫巷，好彩個條街有其他食肆所以有啲人氣，先發現到條橫巷。七點幾到幾乎坐滿同埋原來有樓上，一坐底就叫左煲仔飯先，因為怕要等得耐。兩個人叫得唔多，叫左個蒜蓉粉絲蒸娃娃菜同椒鹽豆腐。 份量黎講其實都幾多，椒鹽豆腐熱辣辣夠香口，娃娃菜就略嫌有部分未夠淋，但都算ok。食到咁上下就到煲仔飯，一個田雞加潤腸，一個肉餅土魷。兩個飯都有飯焦，味道濃郁，果然煲仔飯係要炭爐好P.s. 見到有好多人嗌左大大煲菜乾豬肺湯，好想嗌但奈何餸既份量好大，已經食唔落，下次如果再黎就必會試！

同事升職請我地全班人一齊食LUNCH，我地又想食好野又唔想食得太貴，最終揀左我地成班人經常去食小菜嘅祥囍煲仔小廚。祥囍煲仔小廚雖然地址係愛民街地下，不過實際餐廳正門位置係愛民街同筲箕灣道之間果條小巷，唔係地膽就算有地址都好難搵到，所以我地係佢開業初期黎食時客人真係好少。由於餐廳都開左一段時間，食物質素又保持到，而家LUNCH如果冇訂枱要搵位都唔易，我地今次都照平常一樣用WHATSAPP訂枱，祥囍嘅WHATSAPP頭像就係是日午餐MENU，呢個做法都幾方便。由於LUNCH時間不多，我地係WHATSAPP已訂定小菜落定單，我地今日一行11人點左10款小菜，店員仲係WHATSAPP回覆我地LUNCH點小菜可以免費跟埋飲品同例湯，今日例湯仲係我好鍾意嘅蕃茄薯仔湯。 我地準時到餐廳，由於已點好菜，店員已把餐具擺放好，起菜亦都好快。今日我地除左揀選幾款平時都有點嘅小菜外，亦都揀左幾款新菜色，當中我覺得以冰鎮梅子骨最特別。呢個梅子骨唔太酸，用冰鎮住能令牆汁更能掛係排骨上面，外層夠脆，雖然用冰鎮上枱，不過中間仍然係熱的。今次食過之後，相信會成為我地之後嘅必點菜色。祥囍嘅黃鱔煲係其中一個同事最愛嘅菜式，

今日同朋友喺筲箕灣食晚飯，兩條麻甩佬都想食啲鑊氣小炒，上網搵到呢間祥囍煲仔小廚喺天悅隔離嘅一條巷仔入面，如果唔係住呢頭都要搵一陣本來都想食啲小炒就算，但係見到有羊腩煲就敵不過誘惑懷舊炸大腸大腸洗得乾淨無異味，炸得香脆可口，配上甜酸醬同菠蘿，屬推介之作，如果大腸可以肥啲就仲正蒜蓉油麥菜為免兩個麻甩佬食肉唔食菜，一開始就叫定個菜，唔會太油，冇煮過熟夠爽脆，但始終都係一碟炒菜，如果話好食到飛天就真係呃你避風塘炒蟹炸完大腸都唔夠熱氣，仲要食個避風塘炒蟹，隻蟹一食就知道係新鮮肉蟹，先走油再同配料快炒，蒜粒辣椒乾身香口，惹味得嚟唔會遮咗蟹肉嘅鮮味，又香又辣，啱晒重口味的我地羊腩煲兩個人叫中size $188，一上枱都嚇親，因為真係好大煲，羊腩係連皮帶骨，肥瘦適中，分量極多。其他地方嘅羊腩煲一人食兩三舊就食完，呢度廚房俾羊腩真係唔手軟。而湯底加咗甘蔗，清甜唔會燥羊腩煲仲跟一碟菜，竟然係豆苗，真係驚喜中嘅驚喜呢度嘅嘢食份量真心多，尤其是羊腩煲，真係食極都食唔完，如果天氣再凍啲嚟食就真係無得頂，下次要試埋佢啲煲仔飯

工作完之後聽聞在巷入面有間親民價錢既好食小菜店,咁就心動不如行動去食啦入到去店員友善話個菜干豬肺湯正叫我地試下咁既價錢值得一試,就梗係叫一叫試下你龍鳳另外叫左蒜蓉粉絲蒸扇貝,酥炸咸鴨,啫啫煲通菜菜干豬肺湯--真心覺得好介紹,足晒料,豬肺平時食好驚會洗得唔夠乾淨會有味,不過佢完全無這個問題加埋菜干,先飲個清潤補湯真係岩晒這濕熱空氣差既天氣,這個菜干豬肺湯性價比好高蒜蓉粉絲蒸扇貝--熱辣辣蒸出黎爆埋熟油,粉絲夠晒林,蒜香味加粉絲扇貝真係超夾,新鮮海產,唔會蒸得太老酥炸咸鴨--醃好左既鴨,咸咸地,炸出黎都好有肉味,有肉汁唔會太乾啫啫煲通菜--一上枱就聞到好香好香既味,加埋夠熱...店員好nice提醒好熱要小心...食落去好香好食,唔會好油膩

夏天是觀星的季節，適逢有流星雨當然不可以錯過，由於根據過經驗，西貢東霸雖然是觀星最佳地點，但衰在出入麻煩，西貢市中心條的士龍一有流星雨就有過百人排隊，俾你入倒去影完都冇車出返黎，要步行3小時先可以出倒黎，所以今年決定到交通較方便的石澳影星算。放工跟朋友在筲箕灣集合，即使食埋晚飯先入石澳，隨時仲快過空肚入西貢。＊＊＊＊＊＊＊＊＊＊筲箕灣是朋友地頭，一於等佢帶我搵食，捐窿捐喇黎左哩間叫祥囍的小菜館，食店距離地鐵站雖然只有五分鐘路程，但因為位處小巷，所以如果不是熟人帶路，只看google map都要花點時間才找到。祥囍跟一般小菜館差不多，除了多張二人枱，另外亦有圓形大枱。天氣熱每人叫返罐嘢飲先，加多寶($18)有點小貴，可樂($10)價格就比較合理，雪得夠凍非常透心涼。冬瓜盅($88)冬瓜盅熱氣騰騰，我們都要等一陣才可以飲。一盅大約可以分倒四碗，入面有火腿、瘦肉和菇，都幾多料。冬瓜盅夠入味，非常消暑，夏天飲啱晒。我地先每人一碗，食完所有餸菜後，才每人飲多一碗，想不到冬瓜盅仍然係熱的。酥炸咸鴨($88)酥炸咸鴨是侍應推介，反正都想吃啲煎炸野，就點來試試。咸鴨是例牌，份量都正常。可能廚師驚住咸鴨

筲箕灣係我最愛去覓食既地方，今次同事話帶我去佢屋企附近，最多街坊幫趁既餐廳食煲仔飯。原來係天悅廣場隔離既橫巷裏面。7點去到已有幾枱客人，坐低後同事先落單煲仔飯，再點涼拌貢菜、冰鎮梅子骨、豆豉鯪魚油麥菜。涼拌貢菜（15元）聽聞之前係進貢皇帝食用，故取名頁菜。食落爽脆，帶少少麻辣，加入薄薄的豆乾，爽脆加軟滑口感好特別！好味！豆豉鯪魚油麥菜（65元）油麥菜好鮮嫰、惹味冰鎮梅子骨（98元）用玻璃盆裝著一半冰，上面是冒著熱氣的梅子骨。先嚐一啖，入口酸酸甜甜既話梅味道，外面脆口，保留肉汁。其實好欣賞廚師的心思，令我食到三種口感的梅子骨。開始係食到熱辣辣香脆！等一下食係一半熱一半凍，個感覺真係好特別！食到最後梅子骨完全冰凍，吸收曬醬汁嘅精華，味道更加突出。我更喜歡最後冰凍嘅梅子骨啊！😋😋😋臘味蝦乾煲仔飯（80元）期待已久的煲仔飯上檯了，開蓋淋上豉油，再蓋上等幾分鐘。終於可以食飯啦！一打開蓋，香味四溢！原來師傅將臘腸、潤腸同冬菇切粒，唔似一般只係簡單成條臘腸上，女仔一定鐘意！飯軟硬適中，粒粒分明，有少量飯焦，撈勻臘味蝦乾一齊食，好味！下次會再去！想食好味煲仔飯唔使去油麻地啦！