神輿日本料理 (已結業)

已經有一段日子沒有和朋友食日式放題，所以留意下旺角有沒有些新開的放題可試試，發現了這家在創興廣場5樓的神輿日本料理。來到餐廳，裝修好像日本的神社，環境舒服又光猛，座位非常寬闊，人多也不會有擠擁的感覺，急不及待落單試試看。刺身我們點了三文魚、油甘魚、象拔蚌、帶子、中吞拿魚腩、北極貝、希靈魚、甜蝦。象拔蚌鮮甜爽口在放題餐廳比較少有，北寄貝帶子鮮甜彈牙，油甘吞拿厚切，甜蝦鮮甜入口即化。壽司有海膽壽司、鰻魚壽司、芥辣八爪魚壽司、火灼芝士三文魚。海膽壽司，質素一點不差，夠鮮甜回甘。其他的壽司都做得很不錯，飯量不多，不會有強烈的飽足感，不會膩。小食有柚子醋蕃茄、芝麻醬豆腐、中華沙律、酸子薑、蟹籽沙律、味付螺肉。幾款小食都很清新開胃，清凉爽口。炸物、天婦羅、鍋物：海蝦、吉列炸蠔、榴槤球、芝士年糕、芝麻脆皮雞翼、日式海鮮鍋。海蝦肉厚彈牙，炸粉好薄脆，內里熱辣辣。吉列炸蠔夠份量，皮脆蠔味濃。芝麻脆皮雞翼有驚喜，好脆口，肉質嫩滑。芝士年糕流心，口感煙韌。爐端燒：菠蘿、日本蕃薯、一口牛菠蘿鮮甜多汁不會乾，日本蕃薯甜甜黏口女士最愛。一口牛肉質嫩滑，一點不韌。一品料理：蒜香茄子、芝士焗蠔、清酒煮扇貝、羊架。個人

今晚约埋表弟收工一齊到旺角"神舆"食放題，佢最锺意食日式料理，時間七點尚早不用等位順利入座……分時段收費，限時2小時，7~9點 $ 228 裝修以神社為主題，門前掛有祈福牌作裝饰……裡面很寬敞，光亮……翻開厚厚嘅Order纸……先食刺身……八爪鱼，蟹栁棒，吞拿鱼，希靈鱼，北寄貝，馬刀貝，象拔蚌，帶子，甜蝦……等，好很新鲜！由其帶子與甜蝦特别爽口鲜甜！炸物，天婦羅……QQ的芝士年糕好香口，吉列炸蠔外脆内嫩滑甘香，紫薯甜，最特别好味的榴槤球外脆内軟滑香甜！寿司，手卷……爐端燒……清甜燒波蘿，塩燒鷄翼香口，塩燒鷄腎串，海老……嫩滑新番一口牛！食燒物飲番杯清酒好唔錯！清酒煮扇貝柚子醋-藩茄口感清新！甜品有红豆和綠茶雪糕吃過甜品……又係大满足！飽飽！！

今晚屋企人各有節目, 我就去左搵婆婆2個撐檯腳, 問佢想食乜....竟然話想試下後生仔而家好興既放題, 係openrice見到呢個格局好舒服又寬敞, 唔似一般放題店轉身都會撞親人咁逼, 就揀佢試下啦～餐廳門口裝潢設計好日本風～今日晏晝開始肚痛, 搞到唔敢食刺身....好慘唯有怒嗌熟野補數啦, 呢到都好多唔同款既野食選擇, 睇到婆婆好開心！最好係佢連飲品都係叫，唔使自己去拎！見隔離枱壽司細細舊，我都嗌左幾件壽司俾婆婆試下好冇食我自己嗌左件燒三文魚腩 好多汁又香口芝士焗蠔 蠔係連殻的，保證唔係重用蠔殻，好肥美😋沙律醬焗大蝦 醬同蝦好夾，又熱辣辣 我地食唔停口翻嗌左3次軟壳蟹手卷 店員細心提示紫菜好快林快啲食我encore 了2次串燒都燒得岩岩好，唔會變燒焦，塊菠蘿好甜甜品有和果子同雪糕任叫總括黎講，野食好有水準搵日一定要再黎試下佢d刺身先得!

同家人黎這裡慶生日，早前響這幢大廈其他樓層食過，經過這層都好多人，𥄫𥄫睇落放題黎講好似幾新淨企理又聽聞評價幾好，就決定黎這裡一試地點剛響油麻地同旺角站之間，所以2站行過去都差不多！這幢大廈食店居多。溫馨提示：等𨋢時留意要搭左邊𨋢！因為唔為意一黎到樓下見排隊等𨋢，原來全部都係上高樓層的，又要再等過喇今日約左7:30，暫未見有人等位，地方企理新淨，裝修特別好大空間令人坐得好舒適一d都唔焗促放題簿A-J 任選，另店員再有張海膽手卷、壽司紙可選！食物點得太多款式，不能盡錄不過記憶深刻既有：一口牛串燒、金菇牛肉卷刺身類：甜蝦、帶子都好壽司類：紫菜林林地，脆身點會好味好多薯蓉帆立貝：雖然薯蓉質地唔似平時的咁實身，不過味道都唔錯大灼和牛壽司：一聽個名都心動但唔好諗太大期望吧！飲品類：大部分飲品都係紙包飲品。除左汽水，其他都唔係一支支一罐罐的。只得菜蜜同日本麥茶係特色d！另都有啤酒、sake：每位+$28店員收碟既速度都好快，有留意每枱客既進度同需要中途去洗手間先知原來地方真係好大時間充裕，可以食完抖下又食過埋單加一後$502，每位都係$251，抵食

男友和我都是吃貨，放題對我們來說都是頗抵食的，因為會吃很多好久沒吃，所以今晚下班就放蹤自己的胃這一家非連鎖店的放題餐廳感覺新鮮，就嚐新吧。門口有一大個鳥居，相當有日式風格。今日的價錢是228加一，喜歡喝酒的加28元可任飲，不過我們的胃當然留來裝食物啦～店面好大，都是用木造的枱椅配軟墊，座位寬闊舒適，我們坐中間一排的更有個屋頂，好特別呢！這裡的食物種類算多，不同類別都有數個選擇。由於男友不吃刺身，我就自己吃掉一盤再encore其實所有刺身都非常新鮮又甜，全部貝類尤其象拔蚌都好爽口，三文魚和油甘魚好新鮮，最喜歡吃下去後那豐腴的魚油卻不肥膩的感覺甜蝦和蟹腳都是啖啖肉的壽司類就男友吃的，幸好飯量較少。厚燒玉子清甜，鰻魚和火炙三文魚既香且嫩滑，我點的火炙和牛也好香濃，就算有飯佔胃部空間都值得吃的。然後到炸物。這類我們基本上怕熱氣會少吃，卻擋不到芝麻脆皮雞翼的誘惑，一人兩隻。上菜時剛炸起，又熱又香，咬下去外層薄皮又脆又惹味，中間的肉又滑又juicy，好邪惡，好正紫薯餅是誠意之作，外脆內軟外，餡料是紫薯蓉配粟子粒，不太甜又有口感到肉的時間了，也是我們點得最多的。牛魔王的我倆點最多是牛。一口牛每一粒都

平日去食晚市放題當然揀第一輪最平的時段去食啦但去到門口reception個死肥仔黑口黑面好似得罪佢咁問佢野又有極不願意回答你嘅樣咁，同你講嘢對眼永遠唔係望住你，但做得日本食肆應該學下人哋日本人的基本禮貌啦⋯⋯唔通呢D就係香港特色講返食物啦⋯⋯刺身都好新鮮啦，羊扒雖然有啲肥但都肉質好juicy，而天婦羅普通，燒雞翼燒得夠火喉，飲品都算多選擇，整體食物呢個價錢都算好不錯👍🏽只係出食物是可能會有啲混亂因為我哋好似重複左啲單，因為食緊嘅時候而人多實在留意唔到但都食到一半是就會自然發覺點解越食越有嘅

旺角勁多放題， 要揾到好味一d都唔易。 因為黎黎去去都係食大喜屋！ 吉壽甘！ 今次試呢間神輿整體好正！ 每人200 幾蚊 環境舒服 唔會太迫 ! 食物有勁多選揀 點野食紙都 10 幾張！ 啤酒清酒任飲刺身好新鮮！ 尤其係三文魚 ! 夠肥味！ 蟹棒好厚肉同鮮甜！仲有北寄貝又甜又爽口 yummy ! 熟食都好正 比較突出係佢既羊架 超大件勁肥味 ! 牛肉串又夠juicy , 雞腎好爽滑！ 燒雞翼更係大大隻 夠哂肥美 鹽燒既味道好夠 十分唔錯 ! 整體好好食 !而且仲有一品粒理 好似香滑牛肉鍋 燒三文魚 天婦羅等等 ! 都好正 值得去食

<旺角區性價比好高既放題>😋 日本放題既野其實唔洗多講 黎黎去去都係嗰d ! 😂 最緊要係乜野呀？ 就係喺有限度既價錢又可食到好多唔同既日本野 ! 呢間神輿唔錯 ! 😀 環境幾闊落 ! 有卡位又有長枱 . 唔同種類既刺身🐟 壽司🍣 串燒 熟食 雪糕 🍦啤酒🍻 清酒都有 而且質素唔錯 每人都係250 蚊！ 好抵食 講番食物1.刺身 🐟北寄貝 三文魚 馬刀貝 帶子 海蝦 象拔蚌 希靈魚 劍魚 應有盡有 重點係夠哂新鮮 尤其係蟹棒同北寄貝十分鮮甜 象拔蚌好爽口 😋2, 熟食真係有勁多😋 熱辣辣甜味十足既牛肉鍋 牛肉夠哂軟林！ 仲有生蛋同滑豆腐 ! 羊架勁大件夠哂肥美🐑 牛肉粒好juicy 🐮 仲有香脆芝麻雞翼🐥 入味既芝士焗蠔😋 有咬口既雞軟滑 ,.鹽燒入味既燒雞腎🐥 燒三文魚腩 真係勁多選擇！ 🐟 仲有茨粉剛好夠哂 香脆既蝦🦐 茄子🍆等等既天婦羅 全部質素中上！😋3. 飲品方面 除左一般烏龍茶 ☕ 汽水外 仲有清哂 🍶kirin 啤酒🍺任飲 kirinb真係好少見好抵飲 以每人250 蚊 , 食物質素多又唔錯 環境唔差黎講 真係好抵食！ 鍾意放題既朋友要試下

見依間放題都幾抵食，於是決定去試下..門面好靚，同埋坐位係sofa黎架，平既放題又坐得舒服都幾難得😎今日6點前入座，168蚊位😍好厚既放題單有10張食物款式揀，款式都幾多刺身好新鮮，性價比幾高👍🏻仲要每樣都好有質素芝麻雞翼外脆內軟👍🏻芝士燒蝦都好好食👍🏻👍🏻份量雖然多，但依個姜炒豬肉好入味👍🏻👍🏻牛油炒雜菇，份量多，但都好香👍🏻👍🏻飲品都有少少估唔到，除左盒裝飲品仲有熱/凍菜蜜仲有職員好細心，食完既野會好快拎走，拎完仲會將我地成枱既食物執一執，方便我地食..食咁多次放題...真係好少何會夠位放食物..仲有職員係唔洗叫，自動幫你執野、拎單，有service！👍🏻👍🏻👍🏻

突然興起想食放題，上開飯網望到呢間開左無耐，一於試試! 由於致電book位，一去到就安排入座。店內環境闊落，客人唔算太多，以放題可以做到甘寧靜環境算係少有！兩人安排到四人座位，多張枱放下食物。呢份餐牌有齊晒所有食物，成本字典甘厚！細心位：提供2支筆!刺身：款式係幾多，但可惜大部分都完全無味道。象拔蚌：離奇地咸蟹棒：丁點甜味都無帶子＆北寄貝：爽口但無味 甜蝦：size比較細，屬正常味道。三文魚：厚切，但較瘦削。成盤刺身最入得口相信已經是油甘魚了！海膽壽司：海膽份量唔少無異味。有手卷選擇，但個人認為壽司飯量較少，海膽比例較多！稻庭烏冬：烏冬質感煙韌，但熱湯底好甜 ！炸秋葵 ：咬落滑溜溜嘅感覺依然，但炸左感覺怪怪！鹽燒海老：蝦肉質算爽口新鮮，唔痴殼！食甘多款，呢道質素算中上。焗海老：剩係食到上面舖面嘅沙律醬味！酒精飲品加28蚊任飲，但其實只有一款麒麟啤酒同一款清酒！ 清酒：超級難飲，溝了水芝麻脆皮雞翼： 是整頓飯嘅亮點，前後食左7至8隻香口夠脆夠熱，咬落juicy!最後甜品：雪糕 綠茶味算比較濃郁!旺角放題有太多，記憶點又低，但呢間可取嘅食物比例實在太低! 埋單每人$238 再加28 加1

最近超級想食肉, 所以我就引誘肉友一齊去. 神輿日本料理 (Mikoshi Japanese Restaurant) 係一間日式放題, 而且我不嬲都like日式放題, 而且係新開嘅,所以唔應該差得去邊.店面足足用咗一層, 而且一入門口就有一個好大嘅鳥居, 而且入面放咗好多日式擺設, 成間都好有日式風味. 坐位比其他地方都寬敞, 空間感十足, 坐得好舒服.枱面有一本超厚嘅分類點菜單, 種類由刺身, 壽司, 天婦羅, 小食, 爐端燒至飲品都有, 由A-J分類得好清楚.第一輪我同朋友係喺度喪點, 但係唔使一陣, 食物陸陸續續咁上嚟.刺身有11款, 雖唔係厚切,但係咁樣反而好,因為咁樣我就可以食更多嘢. 壽司有17款, 部份賣相有點鬆散, 但是材料新鮮.軟軟夠味新番一口牛, 熱辣辣大大粒七味雞軟骨粒, 香脆可口芝麻脆皮雞翼一口牛,鹽燒雞翼, 菠蘿, 日本番薯, 正!!一口牛都唔差, 比新番一口牛乾身, 2個食法都唔同, 但2款都好味天婦羅同炸物都炸得好脆口紫薯餅的味道好正, 入面亦都食到一粒一粒嘅紫薯, 唔係仿製出嚟其實食到尾, 望返個menu, 我哋仲有好多美食都未試過, 例如一d鍋物, 好

尋日行完街去食飯，8點11上去到見到無咩人而9點入又有優惠(平30蚊，但要計正價既加一)見差5分鐘咪等一等囉，夠鐘入到去，俾張2人枱，側邊有塊板，板後邊有架收用過既碟既車，係我呢1個鐘頭都無既晚餐中，試過好幾次失驚無神咁嘭嘭聲，應該係撞到架車或者掟碟，極度影響心情！食物方面~只可以講未至於難食，一開始見d壽司咁細件，以為方便客人食多幾款同唔好浪費食物，點知碟炒雜菇大過個牛肉鍋兩倍幾，食物選擇已經夠少，點知海膽又無，經理話優惠時段，係唔會有海膽提供，只有正價時段先有，唔明點解入去個時唔講，一早知無就唔駛黎試，飲品選擇唔多，見到有放題少見既菜蜜，叫左杯黎飲，點知淡到好似飲水咁，結果都係飲返罐裝汽水另外唔知係咪客人太少，上菜速度快，但侍應全場都係得幾個，叫人黎收單執野都要等人行過...完全唔明白，到底呢間放題買點係咩~同區或者同一幢都好過呢間

十月係好月，因為好多假期又係生日月 😆所以約埋十月壽星出黎食飯！！搵搵下發現到呢間日式放題，於是就即刻book la!!平日大約七點都唔算多人，門面好靚，入面好多日式裝飾，十分有feel！最重要空間感好強，絕對唔覺迫唔覺嘈👍👍上菜速度好快，呢頭點完轉頭有野食(小食)，其他野都好快上，爐端燒例外其他都無咩漏單。職員服務都唔錯，收野都快手仲會主動加茶👍一黎到緊係叫返盤刺身先！！刺身選擇都算多，整體黎講都好新鮮!起碼都溶曬雪👍甜蝦我以為係細細隻，黎到見到係咁大黎都好驚喜，好正👍openrice 見到好多人食芝士蠔同芝士虎蝦，我當然唔執輸啦!芝士蠔食落朋友話似葡國汁，味道唔錯，係蠔細隻左啲😂虎蝦我覺得相當唔錯，我地叫左幾round 😋😋 肉厚味濃，好正!👍甜品方面得四款，雪糕竟然無朱古力味😫所以雪糕叫左每味一款試下，估佢唔到個綠茶勁奶，我本身唔太食綠茶，呢隻味岩曬我!!好滑😋芝麻味有芝麻粒，紅豆味仲紅豆粒👍👍所以幾飽都叫左2 round 😂另外呢個紫薯餅勁驚喜!!!入面竟然大大粒栗子，甜度岩岩好，我一個人都食得曬😋😋一定要叫!!炸得皮薄，好正!榴槤波都好好食，熱辣辣，皮薄好多榴槤，仲好crea

真係好耐無放題，因為人大了，唔想食得咁趕又咁急，然而放題總係有條癮，耐不耐，就想瘋狂食下刺身。同同事們真係好耐無見，難得就到時間，大家二話不說都贊成去放題食返餐。今次揀左神輿日本料理，因為openrice見到環境寬敞，而且裝修比一般放題店有特色，價錢實惠而且評價不錯。Book好位7:30準時到，門外已有人龍，但因為有book，所以好快就入到去坐。座位好寬落，而且環境都寬敞，完全無一般放題咁肩並肩的情況出現～呢度食物選擇和一般放題店無異，燒物、壽司、卷物、一品料理、炸物等，想幾齊全。不過驚喜係有清酒可以任飲。上菜速度真係好有效率，落單5分鐘左右食物陸續上枱。一口牛細細粒配甜甜地的醬汁，好入味，食不停。蒜香茄子凍食，切得大小適中，爽中帶甜。 刺身encore左3轉，雖然不算十分厚切，但新鮮無冰味，甜蝦大大隻，帶子肥美，仲有三文魚、油甘魚油脂甘香，水準之作。 清酒煮扇貝估唔到咁大隻，雖然清酒味不算突出，但大大隻，絕對啖啖肉。 不得不推介呢度塊羊架，是出面的3倍大有多，燒得一啲都唔乾，而且羶味唔算強，肉嫩多汁。唔可以錯過。還有芝士焗虎蝦又是不可錯過的項目。虎蝦肥大，上面鋪滿了芝士和沙律醬，係一

一段時間無放題，難得阿媽主動提議去食放題，便順順佢意。選了旺角的神輿，因為之前聽同事提過水準不俗。 因為預早book好位，所以去到即刻入得。這裏的裝修比一般放題店有心思，門口一望就見到富日本風情的鳥居造型擺設，加上泰鼓，搶眼又配合餐廳主題。 呢度的座位係我比較欣賞的，因為全都是寬闊的卡位座，坐得寬敞又唔迫，無一般放題的侷促感。 食物選擇也不少，基本的都有，然而一般放題店限量供應的，呢度任食，頗驚喜。 落單和上菜都頗快，說時遲，那時快，已經全枱都係野食，好難得。先來的刺身，甜蝦、帶子、三文魚、油甘魚，新鮮又肥美，且無雪味，encore左幾轉都無漏單！ 阿媽最釺意食芝士焗蠔，蠔不算特別肥美，但面頭鋪滿芝士!!燒章魚丸食到粒粒章魚肉，都幾滋味。 平時放題甚少食壽司，但呢度的海膽壽司不可錯過，因為大大塊海膽放係細細嚿飯上面，雖然無海膽刺身點，但食件壽司未嘗不能解下海膽癮 因為最近腸胃不太好，所以我主攻熟食！豆腐湯夠熱辣辣，暖胃一流~~蒜香茄子真係有蒜味，大大塊蒜片係面，下面的蒜子薄切，汁料微甜，幾好食。 薯蓉帆立貝係滿滿的薯蓉包住幾粒帆立貝，熱辣辣上枱，上面仲有