神輿日本料理 (已結業)

呢次係第二次嚟,上次係開左冇幾耐,覺得嘢食ok, 想食放題就諗起呢間。點知開左都一段時間,仲係一啲進步都冇…仲驚星期六晚多人book定位,上到去冇人等位,入到去都唔爆,已經有少少心知不妙。坐低第一轉叫刺身,等左15-20分鐘先有得食。數量自動減半都算仲漏左兩款冇嚟,咁唯有再叫過,點知過左半個鐘都未嚟,又叫人幫我check下,佢竟然話入面冇晒單,叫我再落過。之後啲單一係漏單一係好遲嚟...食到好忟…總之無下次！

今晚舊同事聚舊，當中有一位是日式放題控，提議去旺角的神輿日式放題一聚。門口的裝飾已經充滿日本風格，店內的座位也相當寬敞，一進去感覺良好。這裡的放題食物種類不少，任點任吃。我們先來一個刺身盛，點了多款刺身，樣樣都新鮮，個人最喜歡的是帶子及甜蝦，清甜可口，也油甘魚及馬刀貝也相當不錯。炸物類一向不是我杯茶，但這個芝麻雞翼真的值得推介，香脆可口，雞肉亦不會炸得太亁身。至於燒物類，我比較喜歡芝士大蝦、串燒魚蛋及墨魚丸，還有吃完再返點的烤羊排，羊肉沒有過大膩味，軟腍不乾不硬，而且大件香口呢。飲品有多款汽水及熱飲選擇，而我們也加了$28可以選擇酒精類飲品，以求盡興，而溫熱的清酒更是不二之選。整體性價比非常高，7pm前入座更是抵上加抵! 而各類食物質素相當不俗，加上温熱的清酒，把酒言歡，實為三五知己一聚的好地方。

2018年第一次晚市放題，當然要大刷特刷一番！創興廣場一向多食肆選擇，今晚應友人的建議，選擇了日式放題，據他說此店的晚餐時份，食客並不多，但食物質素不錯，那就試試吧！日式放題有多種類別：刺身、壽司、小食、卷物、天婦羅、炸物、串燒、鍋物、甜品、飲品.....芝麻脆皮雞翼啡色外皮十份香脆，滿佈白芝麻粒，還帶點微辣，非常惹味。雞肉軟骨串棒原以為是雞軟骨串，實際上是以雞肉混合雞軟骨的燒物，外形像普通肉串，但咬一口卻有軟滑的雞肉質感，配上鬆軟雞軟骨，容易入口。燒物類燒虎蝦，起初以為是普通燒虎蝦，但上枱時是開邊虎蝦配上另類醬汁，估計是燒汁配上沙津醬，清新感覺，令人回味。芝士燒元貝，原隻元貝配上芝士燒烤，份外滋味。燒羊架，大大件燒羊扒，適合二人分享，肥膏略多了一點。卷物類勻以小件奉上，一口一粒，方便進食，更可減少浪費。玫瑰花茶用大杯盛載的花茶，雖然看不到玫瑰花片，但仍有陣陣淡淡的玫瑰花味，顏色有點像烏龍茶。

刺身壽司既選擇同其他放題大致上一樣，有十張唔同種食品類既剔剔紙，包括飲品同甜品。 壽司同卷物既飯細細舊，可以叫d特別d既壽司試下，例如有和牛壽司，用火槍燒到七八成，上到檯仲見紅，別有一番風味，不過怕食壞腸胃，都只係叫左兩舊嘗下鮮。 手卷就唔建議叫，因為飯同料既比例差好多，超碼三四舊壽司飯，但個料就得一層仔、指甲咁大大。 落刺身既單上面既數量可以寫多d，因為無論寫幾多，佢都只係比佢就手既數量你，例如落三次二十隻甜蝦，佢每次只係比六到八隻黎。 服務方面就麻麻，雖然落單唔夠十分鐘就上齊，但只限刺身壽司個d,熟食既單亂到咩咁，無落既就俾左黎，有落既就冇黎，數量少左之餘仲等左好耐，食左兩輪生野都未上得齊熟食。 同時，d侍應放碟上枱唔收力，或者係張枱應聲定隻碟傳聲勁，反正就大大聲。有位侍應呀生仲懶，我張枱右邊靠牆，左邊前邊都有枱，佢就向個兩張枱中間遞過黎叫人接住，真係心諗行多兩步會死？其他人都識行後邊上枱，係佢唔識。 再者，如果侍應上錯枱，你千祈唔好叫佢退，如果唔係個廚房大佬實大大聲x，（唔確定係咪大佬，但由佢唔同設計既衫，以及倒瀉野時冇人話佢，我當係）由於佢個刺身壽司部係開放式既

唔明d好評響邊度刷番泥係得個裝修呃得下人7個人食 刺身比得果一細碟仔 之後叫極都無叫帶子寫7件比得兩件D烤蠔燒到燶晒D味道仲差過兆萬果堆放題仲要唔係平唔怪得繁忙時間唔洗點排隊就有位啦呢間野冇下次

見到有新場，當然不少得為食的我，加上聖誕節太多朋友要安排飯聚，選了旺角區，來到創興有點擔心，地下排隊上電梯嚇到我呆了，但幸好5樓人龍比較短，所以更加要通知大家。門面好像日本鳥居， 地方坐位都寬闊。很多年輕人，真的很多學生青年感覺，選擇款式，我個人覺得海膽壽司，手卷都很新鮮，飯細細件，燒和牛壽司都不錯。 刺身夠凍，店主選擇厚切三文魚，鮮帶子，吞拿魚，希靈魚，象拔邦，甜蝦，油甘魚，北寄貝，八爪魚。 比較喜歡鮮帶子和三文魚，很爽口，北寄貝，象拔邦都爽甜，甜蝦有甜味，比較細size. 燒羊架不得不讚，沒太羶有淡淡香草味，燒得香香勁大塊，好似食扒一樣燒雞翼，乾身脆口，開邊鹽燒燒粟米，燒菠蘿， 很甜很香又健康！炒雜菜，居然吃到有鑊氣 洋蔥，椰菜，紅蘿白絲， 韮菜炒成(⌒∇⌒)炒雜菇，用了黑椒，雞脾菇，金菰♡壽喜牛肉鍋，牛肉嫩滑，日本鮮雞蛋。燒芝士焗蠔 蠔肉縮到好細，可以不點。基本燒物，刺身，壽司 最好最滿意的

完全唔明白依間店嘅好評係如何得來！22:00坐低，坐到22:45都未有熟食黎過，追左2次先有熟食。坐到23:15第一轉落單既野食先至不停岀。等都等到飽曬！另外佢啲碟又係，一隻雞翼都用一隻勁大的碟黎裝，張枱又細，又冇人黎收返啲碟！好阻訂！除左漏單，食物質素都唔掂，味道好一般之餘，熟食竟然無一樣係熱既。全部都係只有微溫（除左烏冬之外最後，想食個甜品就算啦走人啦，等兩球雪糕都等左半個鐘！！！🤦🏻‍♀️到底我地做錯咩事會食著間咁嘅店呀？？好失望！價錢就238，但完全唔值呢個價錢！出面無數間食店可以選擇！大家真係唔洗食依間！美好嘅平安夜就係俾依間店破壞曬心情！唔係唔體諒你食肆大時大節忙，但真係各方面都真係差，唔係有心唱衰依間野！！只係伏真係中一次就夠！！！

位于始創中心五樓的神輿，是我推薦給大家的日式放題。新鮮、好味、上枱快、價錢抵食，而且環境非常有特色，跟足日本的神社設計，漂亮豪華的入口，未坐好，已經拍了不少照片，連等位，也成為樂趣！厚厚的一本字典，裏面都是充滿驚喜的美食！刺身種類很多，三文魚、油甘魚、八爪魚、松葉蟹棒、帶子、吞拿魚、北寄貝、象拔蚌、希靈魚、馬刀貝、甜蝦。任食壽司和手卷還包括海膽！當然還有三文魚、鰻魚、左口魚邊、劍魚、火灼牛等人氣壽司。真是想吃的刺身和壽司，包括貴價的美食，一個價錢，這裏都包含了！太驚喜！看，海膽壽司的份量，絕無欺場！飲品方面，只要加＄28 ,便能任飲酒精飲品，我認為這個項目是必要追加的！因為除日本啤酒和清酒外，他們還有白桃汽酒、巨峰汽酒、芒果汽酒任飲！我在日系超市買，每罐都差不多要＄10，今晚已經喝了半打！4% 酒精，好飲又不易醉！值回票價！你看，今晚就是清酒已回本了！吃串燒怎能少了清酒？！嘩，放寬心情盡情喝！串燒我推薦一口牛、超彈牙海蝦、菠蘿、雞腎。天婦羅海蝦真心不錯！前菜小食款式挺多，螺肉和八爪魚必食！炸物中，我最愛芝麻雞翼，又香又酥脆，可以encore 。甜品方面，綠茶雪糕和芝麻雪糕是必食佳作，再

剛剛去完日本，一回到香港又想吃日本菜，於是又來到老地方神輿日本料理食放題！裝修以日本神社作為主題，有不少卡位，不會擠迫價錢公道，上菜速度快得驚人，而且沒有漏單，十分抵讚刺身水準高，三文魚肥美甘香，甜蝦鮮甜大隻，帶子亦鮮香軟糯正價時段有海膽壽司無限量供應，海膽顆粒完整，質感實淨爽身，鮮甜無腥味壽司款式多樣，惟壽司飯偏實，但用料新鮮可口，扳回一城焗蠔焗蝦份量大不吝嗇，焗蠔芝士味香濃，焗蝦肉質爽口彈牙新番一口牛醬汁開胃，肉質鮮嫩有牛肉味，章魚小丸子香脆惹味豚角煮味道香醇，油脂豐腴，甘香可口炸物上枱熱辣，剛炸起十分脆身京燒鰈魚油脂香口，配以沙律醬提味，更上一層樓，秋刀魚肉質厚實，味道甘香最後以雪糕作結，綠茶雪糕及芝麻雪糕兩者均屬水準之上間中放肆一下的地方

同朋友慶祝生日， 想在旺角區找一間 日式餐廳， 朋友介紹 在旺角 港鐵站 E1出口 步行數分鍾，在創興廣場5樓， 有一間神輿日式料理。這間餐廳設計很有 日本 風格， 餐廳環境舒適 ，光線柔和， 讓客人有一種身心舒暢的感覺餐廳內有很多款 美味 新鮮 的 壽司 ，可供客人，任點，任食。還有 不同款式的 炸物， 我們點了最喜愛吃的炸雞翼。炸雞翼 不算油膩，而且皮薄， 爽脆， 雞肉嫩滑 ，非常香口 好味。還有串燒 方面，有雞肉串燒 ，醃製入味，口感一流 ，一邊吃串燒 一邊同朋友聊天 ，悠然自得 ，非常開心。還有芝士焗蠔 ，厚厚的芝士 鋪在生蠔上，濃郁的芝士香味 非常鼻， 我們急不及待 地，把整碟芝士焗蠔 很快便 吃光了。

近日約咗班朋友 ，去旺角 食飯 ，朋友推薦 我們去間餐廳 是，在創興廣場5樓 神輿日本料理。 近港鐵油麻地站A1出口 交通非常方便。我們到了這間 神輿日本料理， 在門口就已經感覺到 餐廳的 氣派， 裝修 很有特色。 充滿 日式風格。餐廳內座位 舒適， 環境清潔整齊， 光線柔和 讓客人 感到 舒 坦， 可鬆弛一天的， 緊張的工作， 盡情享受晚餐。我們先啦 order一盤刺身， 有新鮮大隻的 金蝦 刺身， 肉質嫩滑 的 油甘魚 刺身， 肥美的帶子 刺身， 厚切 新鮮的三文魚 刺身， 還有 爽口 的蟹柳 刺身。 款款新鮮美味， 非常吸精醒神開。還有肥美 大大塊的羊架， 值得再試。炸物和天婦羅 ，款款美味 ，炸蝦和炸小丸子 ，炸粉 薄，而且脆， 非常爽口 。芝士焗蝦 ，芝士味濃旭， 喜歡食芝士的 我，當然不會錯過。還有其他壽司， 炸物， 應有盡有 的食物，可以隨意任 食， 咁嘅價錢 ，認真超值。

神輿，就是神坐的橋，祭祀時將神位抬到遊街的轎。抬扛之物，好在當地四處遊行，既能祈福求願、亦能消災解厄。換個方式來說，就好比是在祭典當日專供神明搭乘的名貴跑車，好一同上路兜風。因為名字特別，忍唔住google search 下其意思講返呢間放題，絕對係極緻高端，先講環境，呢個價錢還真的很有驚喜，乾淨企理，裝修有心思，枱同枱之間非常寬敞，坐低傾偈超舒服！次次食親放題都係勁迫，隔離位細細聲講野都聽得一清二楚，真係好想死！呢間環境真係一流。食物方面都好好，雖然選擇唔算超多，但全部都係精緻用心，海膽壽司尤其出色！海膽鮮甜，紫菜膽卜卜，加上超熱嘅白飯！超正囉！小妹一人竟然鯨吞八件刺身方面基本的都有齊，最鍾意食甜蝦！大大隻手指咁粗！鮮甜肉質佳。煮物係另一個亮點，一口牛做得出色！肉質軟稠有口感，味道好好！芝麻燒雞翼超脆口，有芝麻的點綴，將雞翼味道推至極致！總括，每人二百零蚊有咁好嘅質素，我指係環境、服務、食物質素，全部都係超曬班！

友人想食放題，於是决定放工黎尼間食。一見到門口，已經覺得好有日式原來7點前入座只係$198加一就OK，星期五六日都只是貴$10入到入面好寬敞，而且不是暗的，黃色木材的裝修令人很舒服其實在日式店食壽司，光亮的主調比昏暗的光線更令人食的舒服。坐底見到餐牌，有很多的選擇。餐紙的選擇有刺身、燒物、鍋類、手卷等等友人點了沙拉和海膽壽司 味道不錯刺身總共叫左3轉，吞拿魚、北寄貝唔錯而三文魚、蝦刺身是叫完再叫！系新鮮無腥味菠蘿很甜芝士焗蠔的芝士味很足芝麻雞翼皮香肉嫩有趣的是，平時的放題會將燒物擺一起，但神輿會逐樣上，那怕點的只有一樣。其實是好的，因為不會染到其他食物的味道 （雞翼和炸芝士餅是本人親自放在一起）滿滿的壽司沒想到飯是少的，很難得這麼的有質素。壽司可以再叫多一轉一口牛份量不多，2個人食一人一口很回味，很香，味道濃再次叫刺身，今次就食想食的友人愛希靈魚，她表示不腥，不錯最後叫左三款雪糕（綠茶、紅豆、芝麻）和和果子做甜品滿足的一餐。比想像中是高質而價錢合理

前幾晚同幾個朋友去旺角食放題。雖然旺角有唔少放題餐廳，但其實間間都差唔多。因為臨急臨忙book唔到出名個幾間放題，唯有試下新野。呢個刺身無靚靚乾冰做裝飾，但三文魚同蟹棒都好出色，三文魚🍣片片都厚切無雪味！蟹棒大大條唔會散修修勁易散。蟹籽沙律份量細細份，唔會太佔個胃太多位！另外個青瓜無出哂水爽口，正！冷烏冬個湯底甜甜地鰹魚湯，幼身烏冬好爽口。雖然無咩餸，呢個比起熱烏冬好食，涼涼地好開胃。芝士焗蠔蠔仔細細粒，撈埋芝士醬好juicy!最後點左綠茶雪糕，味道有淡淡綠茶味，但甜度唔高。如果好鍾意食甜D，就可以叫紅豆雪糕。呢間放題比想像中好，價錢唔算貴。

SERVICE IS SO FAST WOW LAMBORGHINI FAST. Everything is really fresh. Surprisingly good fried wings and the tempura is also surprisingly crispy and hot! Great fresh sashimi and a lot more vegetable options than most all you can eat, so at least i can eat a bit healthier than usual at these kind of places.Comfortably decorated and designed seating with a very clean bathroom too.