神輿日本料理 (已結業)

甩單情況非常嚴重，嚴重都不能忍受。兩個鐘內只有第一張剌身嘅單係無甩到，之後所有剌身嘅單都話無落單。要不停追不停問先有得食，之後嘅一個鐘，連雞翼都冇得食。第一次食放題，係唔飽。差差差差差差差差差差差差差差差差差差差差差差差差差差差差差差

星期日同朋友們慶祝生日，一行九人諗住試下呢間新開嘅放題。裝修係幾好，但甩單情況非常嚴重，嚴重都不能忍受。兩個鐘內只有第一張剌身嘅單係無甩到，之後所有剌身嘅單都話無落單。要不停追不停問先有得食，之後嘅一個鐘，連雞翼都冇得食。第一次食放題，係唔飽。我和朋友唔會再幫襯，亦會公告所有朋友唔好去！

呢間創興5樓放題一出lip就覺得好似去左日本個d神舍，牆上面掛住啲木板俾人寫。嗌左7隻鹽燒雞翼最後只係黎左一隻 店面係我地入座前亦冇話海膽軍艦暫停供應 個下真係有啲嬲！間間放題都會有漏單既情況出現 免不了的haha 不過黎得比較慢 芝士焗蠔好細隻 同埋吾係好理解點解啲芝士係青色⋯😂 仲有象拔蚌都好似冇 因為寫左幾次單都冇黎到。另外熱食既清湯雜菜煱裏面既娃娃菜好硬 應該未熟😑燒鰈魚冇乜特別 賣相亦吾吸引😂值得推介既係烏冬 幾個人share食 如果吾係好快飽!! 帆立貝 和牛 左口魚壽司都好食！如果有蒸蛋食會更好其實lol

旺角真係有好多日式放題食㗎 睇咗好多間 同朋友仔決定呢神與日本料理試下。一嚟我哋兩個都未食過，2嚟呢間係新開嘅好似幾正咁一上到嚟見到 佢個門口好架勢呀， 淨係個門口已經贏曬其他嗰啲 放題餐廳， 又高又寬敞 又光猛企理佢分咗唔同嘅時段有唔同嘅價錢， 我哋今日係星期四嘅7-9點， 228蚊一位加一， 價錢相當合理如果想以最抵嘅價錢蝕可以六點前或者十點半後嚟食仲抵百幾蚊 已經可以勁食喺等入咗嘅時候都可以喺門口寫番個許願牌㗎 ， 感覺好似置身日本嘅神社， 好warm呀唔止門口夠大， D卡位都夠哂大， 仲坐得好舒服添點咗幾款鍾意嘅刺身， 佢呢度 既刺身就咁放喺個碗度簡簡單單咁， 唔會話好似平時 食開嗰啲放題 好浮誇嘅出場。 不過我個人覺得就冇乜所謂最緊要啲刺身夠新鮮好味。試咗佢哋嘅帶子同埋象拔蚌刺身，仲有甜蝦刺身，同三文魚刺身都很不錯，鮮味十足。在簡單點咗幾款自己鍾意食嘅壽司， 師傅手勢都幾好壽司食起上嚟唔會跌飯， 而且佢哋嘅壽司款式都好多 不過我就冇點太多啦廢事食太多飯食唔落其他嘢鍾意飲sake嘅我當然忍唔住加28蚊嘅飲sake啦， 飲 一壺都回本啦佢呢隻實佢都幾啱女仔飲清清哋有少少帶甜呢個蒜

今次上網睇到呢間餐廳食放題地方裝潢日式，很花心思，加埋地點就腳。 在旺角創興商場，所以就訂定位黎食番餐 (創興廣場真是放題林立之地)。 這裡地方比我想像中大，地方寬敞令人食得坐得舒服。 仲有卡位枱，富獨立空間。 這本厚厚的是放題MENU點餐紙，每張枱有，下單時寫上TABLE NO。(食物無漏單，值得一讚) 壽司，軍艦SIZE小小的，一口一件可以試到多D款。 放題主角之一係刺身環節，呢到刺身有三文魚，油甘魚，八爪魚，松葉蟹柳，帶子，北寄貝，象拔蚌，希靈魚，馬刀貝，甜蝦。 甜蝦重點推介之一，除左蝦身大隻之外，味道非常鮮甜，肉質彈牙。 跟住，呢到個帶子都係必點，帶子唔會太薄，有甘甜鮮味。 除左刺身之外，仲有好多熟食可以推介<芝士焗虎蝦>，焗得好香，虎蝦肉質厚身，味道鮮甜，加埋面頭芝士一齊食好夾。 如果食蠔，可以點呢個<芝士焗蠔>，以放題水準黎講，呢到個水準好，蠔肉唔會好細，即使用左芝士配搭，仍可以保存到蠔本身個味道。 鹽燒雞翼，燒得好好皮脆肉嫩，咸咸香香，燒雞翼食落唔會覺得油膩。 燒菠蘿用上新鮮菠蘿，燒完特別甜香，菠蘿味更加出。 燒粟米燒得岩岩

近年好流行食日式放題, 自己和家人也不例外, 講真食物間間都差唔多, 太差嗰D都應該已被淘汰, 但坐得舒適又有哪幾間呢! 3人食坐4人枱最好, 2人位就真係迫到阿媽都唔認得, 連放背包在椅後都話阻街。登。登。登。登。直至尋晚䃥中食喱間, 真係贏人成條街, 坐得舒適, 食物又快又新鮮, 飲清酒加錢是常識吧！服務態度未算殷勤但好有効率喎，收貨有餘啦! 正呀！

諗住平平地試下呢間放題尋晚6個大漢走去食,放題梗係食左刺身先啦6個麻甩佬第1輪叫甜蝦帶子象拔X同北寄貝馬刀貝各20片6個人咁既份量其實真係好少,不過諗住試下水溫先點知奶左野,佢黎得人頭份量, 即係6件甜蝦6件帶子6件象拔X6件北寄貝同6件馬刀貝嘩,我當堂嚇左跳,然後得啖笑咁大間放題收人2舊水有多,俾得人食就唔好咁姑寒啦如果我食淨你額外收我錢當然冇問題,但係咁樣計人頭黎俾野食人我真係第1次見唔係一次,係成晚無謂我ORDER10/20/30件都好,佢都係黎得6件咁樣食野邊會開心,更何況係6個大漢坦白講,質素唔係話好好,可以接受,但係份量呢方面真係收得皮食左成晚真心嬲足成晚,下次請我都唔黎如果各位有幸睇到呢篇野既話請大家唔好再去呢間野

呢晚同屋企人嚟食放題，一入到餐廳感覺比一般放題店舒適，枱與枱之間空間感足，唔會有侷促既感覺。呢度既刺身好新鮮，系我食過既放題之中最新鮮既！尤其系甜蝦非常鮮甜，連屋企人都連連讚好。壽司款式多，而且做得唔馬虎。鰻魚夠哂軟滑，玉子燒香甜，帶子嫩滑，都唔錯！又淋又香既枝豆加上少少鹽，簡單好食。秋刀魚大大條，燒得好香。燒蠔好惹味！帶子焗薯蓉夠滑夠creamy!芝士年糕軟左啲，煙韌啲就更好。醋番茄清新開胃！蝦上面舖滿酸甜沙律醬，好惹味！最後點少得甜品？除左雪糕之外仲有和果子，冰涼煙韌包住豆沙餡，正！

前幾日同朋友去了旺角食神輿，貪地點夠方便，而且選擇夠多。去到一坐下，指定動作當然是點刺身啦！ 我最愛吃的甜蝦新鮮就不在話下，而且非常甜美，所以只是甜蝦我都點了兩輪！還有帶子刺身三文魚北寄具等等等等都十分有水準，我跟友人食量雖然都不大，但都點了兩輪刺身。至於壽司，我最喜觀就是燒三文魚壽司，上面一層燒溶的芝士配以三文魚，這個配答都同樣令我點了一又一次。要知道放題這類型式，通常我都傾向不重覆點同一道菜，但多菜我都點了一次以上，因為試過一次後，我跟友人雖然食量都不算大，但都想再食一次。神輿每道菜水準都很不錯，很飛菜式我都試了一次又一次。熟食方面，炸物都十分不錯，夠熱之餘，食材質量都不會馬虎。其中我最喜歡就是燒牛舌，燒牛舌最忌就是燒得太乾，但在神輿吃到的牛舌，內外都沒有很乾，火候掌握得十分之好。總括來說，神輿的食物質素好，環境舒適服務亦很好，我十分滿意這頓飯。

大熱天時，火熱的任食火鍋和韓燒都要讓路，想要任飲任食，別無他選，惟有放題。喜歡放題食品選擇多，食到盡，又可以坐以待食，食品直送枱上，不用操勞。今天目標是旺角創興廣場5樓的神輿日本料理。此店地方寬敞，不同時段入座，不同收費，價錢由$168至$238不等。用餐時間2小時，由入座起計。食品款式應有盡有，點心紙由A至J，共有10張，食品有刺身、壽司、炸物/天婦羅/鍋物、爐端燒、一品料理、主食、甜品、飲品和卷物/手卷。刺身款式很多，逐樣點，先叫了三文魚、吞拿魚、帶子、八爪魚、松葉蟹棒和甜蝦等。三文魚入口新鮮嫩滑、八爪魚片和帶子口感不錯、甜蝦肉鮮味甜，整體刺身水準不錯。壽司則叫了火灼和牛壽司、三文魚壽司、鰻魚壽司和火灼三文魚壽司。各款壽司製作認真，賣相不錯，材料新鮮，味道可口。小食例牌叫了中草沙律、芝麻八爪魚和味付螺肉。八爪魚爽口，螺肉冧甜。而爐端燒、炸物和一品料理等，就要了海老、一口牛、菠蘿、雞軟骨、南蠻炸雞、芝麻脆皮雞翼、汁燒牛肋骨、新番一口牛和炒雜菜等。汁燒牛肋骨，牛肋骨燒得剛好微焦，配上醬汁，十分好味。芝麻脆皮雞翼，外脆肉嫩，好惹味。新番一口牛、牛味豐富、肉身厚冧好吃。值得一讚的是一品料理

兒子終於放暑假，不用再捱更抵夜、「通頂」溫書，又是一家人外出覓食的好時機。年青人一向活力無限，食力當然亦比人強勁，提議不如去吃放題開心下。選了這間近排喺網上頗 Hit 的放題餐廳「神輿日本料理」，據說店裡嘅食物，款式不但夠多，而且價錢亦相當經濟，最平 $168 已經有交易。瀏覽網評，發現原來店子開張只有數月，反正沒來過，就一於找個藉口來探究一下。餐廳位於旺角創興廣場5樓，甫抵達，已即時被門面的布置吸引著，門口左右兩旁嘅朱紅色柱子，仿照日本神舍設計，配上門外牆身掛著的日式彩繪和牆角的清酒桶，裝潢充滿東瀛風味，讓人眼前一亮。踏進店，地方寬敞，環境通爽闊落，用餐區設有大量卡位，另外亦有包廂，而且座位沒坊間放題店咁擠逼，令人感覺舒服。開餐前先介紹一下店裡嘅放題，供應時間及價錢：如果是 6pm 前入座或 10:30pm 後入座：星期一至四 $168、星期五至日 $178；6pm-7pm 入座或 9pm-10:30pm 前入座：星期一至四 $198、星期五至日 $208；7pm-9pm 前入座：星期一至四  $228、星期五至日 $238。至於用餐時間，就由入座起計，可任食兩小時。 事不宜遲，立即

好耐無食過日本放題🇯🇵，貪吃的隊長B又忍不住為食基因，去探索新放題場🤤～今次搵到的就係呢間喺創興樓上的《神輿》～ 上到去其實都幾surprise😳 ，因為門口位已經好靚，櫻花樹下神社背景鳥居造型不同於其他放題場局促或堂皇的裝潢，呢度係有主題仲有寬敞嘅座位👹～比人一種好舒服的感覺～同佢地鋪頭名亦好相合💮～店員服務態度都幾nice，無走單情況💯～最搞笑係佢地嘅menu，好似一本手喻咁，雖然要撕出黎好唔方便，不過都幾得意🎋～ ----------------------刺身雖說細細塊但好新鮮👍🏻，味道亦很好，尤其係甜蝦，都幾大隻🦐！象拔蚌亦好夠海水味～收費唔算太貴，都係二百五，但有海膽軍艦同手卷，飯亦唔會太大舊一睇就知想塞飽啲客🙆🏻⋯ 卷物唔多餡，壽司款會相對好啲👌～但花之戀同蟹卷都ok 嘅～特別喜歡火灸壽司的燒三文魚同鰻魚～燒得剛剛好幾惹味😸～ 和食方面都有幾多選擇😽，基本上所有款式都有齊，焗蠔細細隻但芝士沙律味濃厚，好融好好味🧀～焗虎蝦用相同汁但因為有啲肉質咬下所以有另一種感覺😋～ 金菇肥牛卷好肥美整得幾好食🐮～完全唔靭，抵讚！蒜香茄子好清香，凍食好解滯清新，幾like

今日終於可以去食「神輿日本料理」啦！上次去開創興廣場食飯時都已被這間料理門口吸引住，今日個客話想去食放題，我便十分積極提議去「神輿」隨即打電話去訂位，臨時臨急好彩比我訂到兩個位真係開心！客人可以在木牌上留言又或者像日本神舍一樣留許願祝福語我就是給他這個獨特門口設計吸引著我，一般放題好少會浪費這麼大空間作裝飾之用！這裡採用木制餐牌封面設計有心思！室內環境都幾有置身日本感覺刺身款式都算多，馬刀背、象拔蚌、三文魚、吞拿魚、劍魚、甜蝦同帶子件件仲厚切鮮甜美味蟹籽沙律餐前醒胃前菜炸物有冬菇、雞軟骨、大蝦天婦羅同紫薯⋯⋯食完呢餐又要有排減了。串燒蝦，咬落爽彈牛肋骨，好有牛香味烹調時間剛剛好，有點回味燒牛柳串，甜甜地醬汁配上肉質淋滑牛柳一口KO 哂$198 /位二小時任食無得輸啦！

喺香港食放題，好多時都講不上有咩主題。今次小編嚟到位於旺角嘅，「神輿」呢個名嚟自日本祭典期間為神明乘坐而打造嘅嘅屋形轎，可以帶住神明喺當地四處遊行，祈福求願、消災解厄，為整個地區多添福氣。神輿成間放題都帶有濃厚嘅日本色彩，等小編同你一齊去朝聖！一嚟到入口就見到一排「鳥居」，喺日本參拜神明必經之路一定會有鳥居，傳說係連接神明居住嘅神域同人類俗世嘅通道。刺身種類非常之多，總共有12種！除咗有必check嘅三文魚、油甘魚、八爪魚、希靈魚、松葉蟹棒、馬刀貝、帶子、甜蝦、中吞拿魚腩同北寄貝之外，仲有令人驚喜嘅三文魚腩同象拔蚌添！款款刺身都極之新鮮又夠晒厚切，淨係食刺身分分鐘都已經回晒本啦！ 壽司同樣都有多達18款選擇，舊飯仲唔會好似赤柱啲衫咁「加加加加大碼」頂住個肚，件件壽司都真材實料！特別係香港人至鍾意嘅海膽，食落好鮮甜呀！天婦羅一啲都唔弱，大蝦、冬菇全部大大件！仲有秋葵炸到啱啱好，食落感覺一啲都唔潺，外皮超爽脆。素食者嚟到仲有素食刺身、壽司同鍋物之類可以點，唔駛焗住一定食天婦羅，照顧得都算周到！另外，佢地仲有章魚小丸子等等放題少見食物同日本祭典相關食物提供，一齊嚟感受下祭典氣氛啦！

於旺角與朋友逛完街，想吃日式料理，於是想起另一朋友推介的神輿日本放題，便上網找其地址。7點多到達後，由於是平日所以不用等位即可直接入座。一進入店內，便覺得裝潢很有心思，以木條為主題，佩合多種裝飾品，給人一種日j本的味道。雖然限時兩小時，但因為上菜速度極快，所以根本完全不用擔心時間不夠。唯一要擔心的其實是食客因為選擇太多而眼花撩亂，影響點菜速度。而由於不同類別的食物寫在不同的點菜紙上，所以我和友人能同時點不同的食物。開始時，我們點了些前菜，如中華沙律和螺肉，豆腐等。然後便是刺身和壽司。神輿的魚生非常新鮮，而壽司的飯和魚生的比例剛剛好，真是很有水準。然後我們也點了些熟食，如天婦羅。天婦羅的選擇很多，有炸蝦，蘑菇，紫薯等。由於我沒有預料到天婦羅剛來時會那麼熱，所以一咬下去便差點被燙到了。而我問喜愛的炸物莫過於炸雞。神輿的炸雞不但外脆內軟，味道適中，沒有過鹹或過淡。總括而言，我們非常滿意這次放題，因為上菜速道快，食物質素高，而且裝修有心思，很能給人一種和風的感覺。