神輿日本料理 (已結業)

最近返工好大壓力,放工後要用食物黎填補一下以前好怕去旺角食日式放題, 怕餐廳環境坐得迫, 食物質數麻麻不過望過呢間新新地,見人地Post出來又唔差, 一於試試佔用成層地方, 夠哂大門面的等候地區都好大, 空間感多裝修及佈置都好日式, 起我現有的心情, 去唔到旅行, 黎到呢度感覺很舒暢經過千鳥居的入口後, 中間也放了sake酒瓶感覺非常良好, 因為真的很怕'迫'的密集感覺良心的老闆好讓客人坐得舒服又可滿足視覺起碼唔會因為想容納多d客人, 而無哂呢d日式裝飾我們二人被安排到4人卡位, 坐得舒服又寬鬆, 食都食得舒服好多啦因為放題通常都會喪叫, 至少檯面都夠位放先厚過電話簿既分類點菜單, 種類由刺身, 壽司, 天婦羅, 小食, 爐端燒至飲品, A-J 10項咁清晰分門別類第一輪就是喪點, 神輿與出面其他日式放題有不同的就是飲品及甜品都是order, 不是自助我覺得好處是不浪費以及不會造成混亂由於太大壓力下, 是晚很需要酒精 (每位要加$28)我要了一瓶凍sake, 易入口等了一回, 食物陸續的端上刺身類有11款, 雖不是厚切 (反而我喜歡, 這樣可以多吃其他別的) 刺身的色澤不錯, 尤其甜蝦

話說小妹比較為食，出去食飯見到咩都想試，真係好易食到好貴......所以對我來講食放題會比較抵~今次朋友帶左我來呢間位於創興廣場的日式放題，話價錢平得來質素ok，當然要試啦!一出LIFT門就見到個咁醒目的門口，整到成個神社咁，好有特色。menu好大本，一睇就知勁多野揀。由於在場有唔食生野的朋友，所以今次揀多左燒物、小食。烤粟米感覺上好健康，一口蕃薯亦好甜。燒雞翼都幾香口入味。一口芝士年糕係放題必點，啖啖芝士勁邪惡呀！另外炸蠔都有驚喜，除左個皮炸得香脆，Ｄ肉仲好多汁。至於芝士焗虎蝦，睇個樣都知道勁正，有層厚芝士同埋沙律醬覆蓋成隻蝦，惹味得來又唔會掩蓋蝦的鮮甜。芝士焗蠔好JUICY。燒菠蘿唔係燒得好乾，咬落仲好多汁。終於到重頭戲－－刺身喇其實全部都好新鮮，但個人最鍾意帶子－真係夠哂肥美。如果三文魚再肥多少少就完美喇！壽司方面，推介鰻魚同埋花之戀。我覺得呢度的壽司最大的優點係飯量唔會太多，大家唔需要驚食完太飽而只嗌刺身。魚同飯的比例剛剛好，推薦！值得一讚的是店員服務態度很好，落單之後野食好快送到。而且價錢好平，平得來竟然樣樣質素都OK，真係大件夾抵食！

今日同同事即興放工到油麻地睇玩具(其實係老婆夜晚約左人, 夾硬拉個同事陪🙊)。今日收穫都唔錯, 我地攞住一人一袋戰利品行去旺角搵野食。由於時間尚早加上Lunch我地食麵都唔太飽, 同事提議去食放題, 所以我地行到放題集中地創興揀下食邊間。Openrice揀完一輪最後揀左位於5樓呢間神輿日本料理, 因為見到呢間嘅評價好好而且價錢比其他仲要平。神輿日本料理店面積都幾大, 裝修好有日式風格, 門面有一個大大的鳥居, 店內放滿日式擺設。可能時間尚早, 我地不需要等位已經入到, 坐位比一般放題都寬敞, 店內空間感十足, 坐得幾舒服。👍點餐紙好誇張, 超厚。食放題我地當然會先試刺身, 每款刺身我地都點了幾件, 之後再選其他食物。上菜非常有效率, 我地仲攞住之筆揀緊野食時, 刺身已到, 咁我地唯有品嚐左佢先啦。😋 刺身好新鮮, 當中我最喜歡象拔蚌同帶子, 好快清完第一輪後我地立刻Encore。😙由於怕吃壽司飯會好易飽, 所以壽司我地只點了最想食的火灼和牛壽司同鰻魚壽司, 鰻魚壽司味道正常唔算特別, 火灼和牛壽司幾香口, 牛肉味濃, 壽司飯唔大舊, 味道都唔錯。神輿的炸物幾有水準, 天婦羅蝦好香脆,

朋友又介紹我食好西，今日食嘅係神輿放題，我真係興奮又期待！卡位非常舒適，闊落又隱蔽，適合聊天。食物方面都幾多選擇，即使我非常肚餓，最後都係食唔晒咁多款式。鍋物令人喜出望外，用料豐富，鮮味無窮，好快就一掃而光。各款壽司非常迷你，火炙的油脂豐富，令人食指大動！燒菠蘿就比較失色，好似生咁。仲有我最鍾意嘅一口番薯，非常甜，每次食放題都必點。焗蠔！滋味到極，誠意推介！飲品唔係自己出去攞，都係需要寫紙。雖然有少許漏單嘅情況，但整體來講服務態度良好，而且地理位置非常方便，相信會有下次！

今日同朋友嚟到創興廣場食放題，揀左價錢親民嘅神輿，估唔到環境咁大，裝修仲好有日式風味添！食物選擇都唔少，刺身款式應有盡有，食落都幾新鮮，個人最喜歡係甜蝦，蝦頭嘅蝦膏真係一流！仲有壽司、炸物、串燒、熟食、甜品，唔好講咁多，馬上去相！壽司每件都細細粒，唔會咁易飽。炸榴槤球係我嘅至愛，我一個人就食咗三粒！其他仲有芝士年糕、炸番薯等等，熱辣辣地上桌，也不太油膩，推薦大家一試！雞翼炸得乾身，香脆可口。今餐真係好飽，期待下次再嚟食過！

見到好多食評啲相都影到呢度好靚，被佢嘅裝潢吸引咗而拉咗我男友入嚟試!!!!嚟到呢度真係好似去咗日本啲神寺,門旁放咗好多許願木板，正門又有個鳥居咁嘅設計。入面環境唔錯又夠大，位與位之間唔會好迫，好有私人空間。食物有好多選擇，我們差不多每款都試，壽司方面都選擇多，啲飯仲暖和夠細件,唔驚食咗幾件就飽。炸雞和芝麻雞翼超好食,呢個基本上係食放題必點，我地仲不停添食。唔夠飽仲可以叫拉麵，湯底唔錯，最重要係唔會太大碗。佢地有個special,就係芝士焗大蝦,這個無得頂,芝士味濃，蝦又大隻。至於甜品一定要試2款雪糕,好好食, homemade，又唔太甜。

去旺角創興多數唱k，今次就去呢到食放題。成個裝修好有日本神舍feel，令你覺得自己去左日本神舍甘。佢個設計好闊落，唔會好逼，枱同枱之間都有距離，所以都好好坐。👍🏻👍🏻👍🏻👍🏻我地6:45已經到左，可以用到優惠價$198💪🏻💪🏻💪🏻佢個放題仲限時食2個鐘，對比食90分鐘果既餐廳已經好足夠。😂😂個點餐紙成本字典甘厚連張點還紙都特別d，可以撕出黎摺紙。因為我地7點都未夠就開餐，無咩客人，所以一交完order紙，係極速就送上黎😝兩個細胃既女人，驚自己食唔晒，所以刺身就住黎叫，食完再encore右下角個芥辣八爪魚壽司好好味，估唔到佢芥辣味甘重，一啖拍落口，眼水都標😂😂😂跟住到熟食，有燒菠蘿、天婦羅、一口牛、紫薯餅、金菇肥牛卷。個燒菠蘿係超好味，燒到唔會乾晒，我邊食佢邊滴，好甜好多汁，勁鐘意，即刻再order多兩件。個紫薯餅同天婦羅都好好味，紫薯入面仲夾左粟子碎。叫左海膽炒飯、芝士焗蠔、牛肋骨、燒菠蘿、雞翼。熟食都好多，全部送上黎唔會凍冰冰甘。飽到上心口都要叫埋甜品，綠茶雪糕、芝麻雪糕同菓子。芝麻雪糕超好味，必食👍🏻👍🏻👍🏻總結，地點、環境同價錢都好好👍🏻👍🏻👍🏻

在旺角區，日式放題餐廳比比皆是，要在眾多對手中脫穎而出，著實不易。近日在這間「神輿日本料理」吃的一頓放題，就都算滿意。 這日本料理店以在日本祭典中常見的神輿為名，店內的設計也多與這主題有關，挺特別的。 至於服務，雖然這兒人手不是太多，但侍應勤快有禮，招呼都算不錯。而在價錢方面，我光顧的時候是在星期一至四的平日晚上，晚上六時至七時入座的優惠時段，優惠價只是 $198一位，雖然加一要以原價 $228計算，價錢都算相宜。要是在平日晚上六時前入座的話，更只是 $168一位，就更抵了。食物又怎麼樣？雖然這兒的放題食品與其他日式放題料理店大同小異，但不少食物的份量都是較多的，好像甜品的雪糕，無論「綠茶雪糕」還是「紅豆雪糕」都是大大球的，味道也挺好，綠茶味和紅豆味都見突出。即使只是普通的「枝豆」，這兒的除了份量多之外，還是熱暖而非凍冰冰的。也許這只是一些微小的細節，卻能給顧客留下良好的印象。吃日式放題，刺身是必叫的吧！這天點的「刺身」，有三文魚、吞拿魚、象拔蚌、北寄貝、馬刀貝、帶子、甜蝦、蟹柳等，都算新鮮，但切得較為細小，就吃得不夠暢快。「天婦羅」吃了炸蝦、冬菇和南瓜，炸功及格，不特別好，也不差

如果有人問我，要說到食品品質有質數，環境舒適而且抵食夾大件，我必定會毫不猶疑推薦呢間日式放題餐廳,神輿!!說到這家神輿，應該可以話係全新裝修，裝修及細節都一絲不苟， 整個裝修格局以日本嘅神殿為主題。一入門口，就會見到巨型嘅日式燈籠及擺設， 氣派十足! 價錢都比較大眾化，特別值得留意嘅係六點前嘅時段只需要168， 可惜今日七點幾先嚟到，（卻發現有意外嘅驚喜）一坐低就畀呢本巨型黃頁形狀嘅點菜紙嚇驚，選擇非常多元化!我同男朋友都特別篇好食壽司 所以第一件事就點咗各式各樣嘅壽司拼盤作為序幕， 呢度嘅壽司我覺得可以媲美大師傅級數， 埋上精緻， 而且仲有好多少有嘅魚類壽司， 非好多放題餐可以食得到，當然味道都非常之好，壽司飯份量亦恰到好處。刺身方便， 雖然同一般嘅日式放題餐廳無異， 但勝在質量取勝，刺身全部都好新鮮而且唔會太冰冷入口啱啱好! 略嫌wassabi唔太夠辣炸物方便， 由於並非我哋專攻既項目， 所以只係淺嘗， 不過 值得一讚嘅係燒得好靚， 粟米非常甜。芝士虎蝦非常大隻，虎蝦面舖滿芝士，而芝士燒到金黃色，視覺效果十足!來到今晚嘅重頭戲，就係海膽軍艦啦! 一睇就知道份量十足， 絕對係只有om

好耐冇食放題一路都有留意住有冇新既放題 去試下新野咁岩出旺角 上網睇到有間環境幾令既放題門口已經好令 入面啲環境已經好有日本feel所以就book位黎試試 book左星期日6點鐘原來6點鐘前入座就平啲 咁岩遲左小小入但店員好好人 照計我地6點鐘入 姐係$178一位一上到去已經覺得好令 入到去另外一位姐姐帶我地去一張4人枱 我地3個人 但入面有一個位張櫈係濕晒既 之後就問店員可唔可以換枱 店員就話只係隔黎滴水 如果濕既就坐對面個個位之後都覺得冇乜問題就冇再理 就開始叫野食一開始點左啲刺身 刺身賣相唔錯 幾新鮮幾好味但其他食物真係馬馬 燒菠蘿好似冇燒過咁鹽燒雞翼 海蝦同埋一串串既雞軟骨係完全冇鹽既味道 好淡口好難食 其他野食都唔係咁好食 相都懶得影但最好味既係芝麻炸雞翼 入口好脆好熱 有小小辣同埋漏單都漏得幾嚴重 叫左幾次先黎得一次 啲侍應仲亂咁俾碟野人仲有 我地坐底左冇耐 有3個人想入黎食 姐姐帶佢入我隔黎滴水個張枱 個3個人要求唔坐呢張枱 要求換枱 但姐姐唔肯換俾佢 最後3個客走埋 食都廢事食 另外 我地食食下 個丫姐冇啦啦拎個可以吸水既地拖黎掃天花滴落黎既水 點知一掃啲水滴晒落黎

本身打算食火鍋，但實在太多人所以改食放題，旺角創興廣場食放題最少都有幾間，最後決定食呢間呢間餐廳名都幾難讀要約都幾麻煩去到餐廳見裝修設計充滿日本風味，價錢都唔貴就決定食呢間。因為貨源問題呑拿魚和帶子壽司暫停供應，咁我未問下刺身有冇呢?點知個侍應好唔耐煩咁答:未寫咗無壽司囉！有刺身啊！(問下都唔比?)入到去叫嘢飲和點菜先，清酒加28$任飲刺身方面並無咩特別，但質素唔錯尤其象拔蚌刺身幾爽甜好多人讚壽司，但我認為普通只係叫咗一次前菜方面呢個蕃茄幾開胃㗎!我認為熱食比較出，羊架大大件而最出色係一口牛，因為冇醬汁更食出肉嘅美味至於海鮮都有水準，食落啲蝦肉無爛，蠔又唔見縮水不過到最後反而主食和鍋物叫咗無嚟!追咗幾次又話無落單，計數收錢又有少少爭執服務方面有待改善

今晚跟爸爸慶生。。。慶生既好去處當然係食放題 因為選擇又多。。。又可以自己食鍾意既野食。。最重要既係又可以任食。。一流今晚試呢間放題都係朋友極力推介。。。所以早前已經book了。。一放工急不及待飛出旺角會合爸爸。。。食店裝修得十分日本風。。門口有個大大鳥居，影相一流。。整個感覺令人置身日本而且座位數目又多。。。又唔會迫。。不用怕坐到背貼背。。。放題紙超多種類 花多眼亂。。。基本的刺身，壽司，小食，炸物，爐物，鍋物，甜品，飲品。。。真是應有盡有。。。放題任飲任食2小時。。其實時十分足夠的。。。因為餐廳上餐速度奇快不用一下子。。已經可以把我們整張檯鋪滿。。。不同款式的食物我們食了很多款食物。。由於我們得2個人。。所以我們所點的份量都不太多。。都係先食一下。。寧願食多點不同款式。。而且有d仲忍唔住手。。再追加另外，有些食物我覺得都值得額外再推介一下。。。因為真是超好味刺身。。。十分新鮮。。。三文魚又鮮又肥美。。而且甜蝦十分大隻 爽甜壽司種類超多。。而且我好欣賞這店的壽司份量不會太大件。。所以不用怕飯太多。。會更快飽。。。但可以見到魚生。。。配料超靚。。燒三文魚壽司超肥美及多魚油。。。一啖一件

朋友深知我愛海膽如命，於是相約我到一間日式放題晚膳，據聞海膽是任食的，一聽到這個消息，收工馬上飛出旺角。餐廳位於創興廣場5樓，地點10分方便。門面超級有氣派，簡直跟京都的神社一樣。侍應很快便安排我們入座，一進場看見地方寬敞，而安排的座位亦坐得很鬆動， 更有位置給我放手袋，有別於一般日式放題擠迫的格局，10分舒服。除了海膽任食外，連清酒也是任飲，冷熱均可，清酒入口比較順口，沒有一般清酒消毒藥水味，邊食刺身邊飲，人生一大享受。呢度嘅海膽任食，有海膽壽司同海膽手卷，女仔流流真係冇辦法食到幾多件手卷，所以我哋都係主力食壽司。海膽沒有怪味而且鮮甜甘香，最鍾意佢連紫菜都係即包嘅，完全冇淋到，夾埋個海膽邊有得輸。刺身10分新鮮，三文魚更是厚切，肥瘦分布10分平均，10分肥美。有唔同嘅壽司，不過選擇唔算多仲有唔同嘅和式添，款式都真係應有盡有最後食埋呢個雪糕，真係飽到郁都郁唔到喇。

2017-06-01 神輿日本料理******************平價放題之首選，食完仲可以寫願望板******************食物選擇幾多, 雖然係平, 但食物品質是OK的~~性價比係高嘅******************消費: $198 / adult (已加一)優惠: 時段特價