神輿日本料理 (已結業)

係長期嘅實習中 終於可以同好朋友夾到時間決定玩完再食餐好搵左呢間特色放題未入都覺吸引店內環境好似置身日本咁鳥居嘅裝飾帶動左氣氛是日平日 唔算多人朋友係刺身愛好者 呢到有小有嘅吞拿魚厚實唔腥易入口三文魚亦肥美 甜蝦鮮甜又乾淨仲有小有嘅馬刀貝刺身 而且小弟最愛嘅帶子大大粒 唔似其他放題切到細細舊爽口又甜壽司不得不讚飯底好細 唔會比大大舊飯食飽你 食多幾件都唔怕另外小食入味又多選擇叫一份就可以兩人份量由其羊架唔腥 又juicy 但唔會油膩 而且肉質鬆軟一口牛亦好淋好食天婦羅雖然較細但熱辣辣 外皮好脆好小有完全食到外脆內軟嘅南瓜外脆內爽口嘅大蝦呢到店品同飲品都係落紙叫其實咁都好 起碼乾淨啲 唔會比人搞到污糟糟呀！

朋友話旺角有間新開嘅放題有海膽壽司同手卷供應，作為粉絲嘅我，就緊係要去朝聖啦！呢日去到都 full 咗，好彩朋友已經 book 咗位，唔駛等就入得，枱椅都闊落，食得又坐得舒服。食物種類都有好多款，有小食、炸物、天婦羅、鍋物、燒物、壽司、刺身、飲品及甜品等。餐前小食叫咗八爪魚、中華沙律同螺肉，開開胃先~~跟住再嚟就係刺身，有帶子、甜蝦、象拔蚌、吞拿魚、希靈魚、八爪魚同蟹捧，全部都好新鮮，當中最愛甜蝦同帶子，encore 咗幾轉。之前就到呢晚最期待嘅海膽軍艦，朋友真係無介紹錯，海膽好新鮮肥美，完全無腥味，仲食到淡淡海水味，我哋叫咗幾次，呢餐真係抵返晒。另外，仲叫咗鰻魚芝士卷、軟殼蟹卷同手卷，唔錯!燒物叫咗秋刀魚同菠蘿，秋刀魚皮脆肉嫩，幾好味，燒菠蘿次次我都必叫，呢度嘅菠蘿切得厚身，又甜又 juicy，又係食咗幾轉，正! 天婦羅秋葵比較特別，出面啲放題餐廳少見啲，估佢唔到又幾好食喎!朋友話焗蠔都好食!最後食埋雪糕同、菓子同玫瑰花茶結尾，和菓子係煙韌外皮再包住微甜豆沙餡，好食! 玫瑰花茶加咗洛神花，酸酸哋又有花香，無咁單調，幾好飲! 呢餐二百幾蚊，但有任食新鮮海膽同其他高質海膽刺身，任飲汽水啤

曾經有一段日子經常食放題，勝在唔洗諗又個個都岩食，人大左就反而唔想食咁多。 今次旺角行完街想食日本野，久違地隨意入左附近一間放題。 一坐低已經俾台上厚厚既點餐紙嚇親，足足有成隻手咁高，可算係我見過最多點餐紙既放題。 食物種類都幾多，起碼有十個類別，包括刺身、壽司、卷物、小食、炸物、鍋物、爐端燒、一品料理、主食、飲品同甜品等，淨係搣紙都搣到手軟。 店員會另外俾一張海膽軍艦同海膽手卷既點餐紙，即時叫左幾件。 紫菜仲好脆，睇得出係即製，海膽新鮮唔會腥，值得一讚係舊飯夠細，食完都唔會太飽。刺身難得地有北寄貝、帶子同馬刀貝等少見既選項。 見其他食評話野食黎得好慢，所以急急腳狂落單，但等左一陣就有得食喇喎。三文魚超級肥美，帶子夠新鮮大粒，馬刀貝亦比一般食到既爽脆大塊，全部食材都好新鮮，屬水準以上。 感覺到師傅選材唔馬虎，因為第度有時會食到鞋口劣質既蟹柳話係蟹腳，但呢度用既係滑嫩既大蟹棒。小食雖然放題叫冷盤係好傻豬，但鐘意食真係控制唔到。 居然好有驚喜，芝麻八爪魚同味付螺肉都好巨型，特別係螺肉好似一蚊銀咁大，亦好夠凍，好有衝動encore。炸物海蝦天婦羅炸粉唔太厚，仲食到爽口既蝦肉。 作為秋葵愛好者

好耐無食日本野啦，所以今日收工後約同事去食日本野，為左食得滿足，所以我地決定食放題。上openrice 睇呢間食評都幾好，所以直接上去拎位食裝修得幾靚，好似整到好日式咁樣，好精緻食放題必定一定叫左刺身先，呢間餐廳d刺身真係好新鮮又大舊，甜蝦真係好鮮甜，一d都唔腥！，劍魚腩，三文魚刺身食落去唔霉！我地食左3轉刺身，每1次都好好食，有驚喜海膽壽司好正，海膽好多吖，紫菜仲係好脆，乾身綠色壽司我忘記左叫咩名，但食落去幾特別，唔錯真係好滿足吖，勁多壽司食，每一款都好好食，飯細細舊而上面d魚生大大塊，所以唔怕好快就飽鍋物我地叫左壽喜鍋，牛肉有好多而且唔肥，入面有好多菜，豆腐！個湯甜甜地，唔錯燒蝦好香，都算大隻雞翼有輕微辣，燒得好脆，我食左3隻，炸蝦就正常！為左唔想浪費食物，所以我地每樣都叫1份試下，燒菠蘿好味，食左好開胃，酸酸甜甜到最後我叫左碗滔庭烏冬，開頭我以為好細碗，點之一來到係勁大碗，幸好我中意食，全部食曬同事就叫左海膽炒飯，又係勁大碗，同事話炒得幾好，佢都食曬今餐真係食得好飽，值得再來食，水準高，多野食到最後飲番玫瑰花茶消下滯，食埋個紅豆雪糕同和菓子就返屋企啦

今天是出糧的日子，老公說要吃餐好的，今晚決定吃放題。店舖在旺角鬧市，一入去很有氣派。而座位很多，而且相對寬敞。食物種類繁多，刺身、壽司、爐端燒、炸物、鍋物、一品料理，應有盡有。連枝豆也是熱乎乎的最喜愛芝士年糕，外趣內軟，而且芝士流心。燒菠蘿亦是心宜之選，既熱且甜。刺身、壽司雖然相對小巧，但可以試多幾款，食量大可以點多幾次。拉麵及烏冬亦意外地好味道，惟拉麵湯底相對鹹少少，但亦點了兩碗拉麵。雪糕及和菓子吃完甜點，幸福滿瀉。

呢間真係一定要寫下，竟然有我最鍾意嘅海膽任食。刺身新鮮好正路當然要即刻叫海膽軍艦食啦，仲要係好新鮮嘅加拿大海膽，我仲食咗差不多10件跟住點左呢個燒黃金蝦同埋燒大蝦，啲客好新鮮好好食。跟住我同我朋友中招左支清酒飲添，清楚味道唔錯幾易入口再嚟就係天婦羅，同芝麻雞翼，炸秋葵幾好食，燒菠蘿都唔錯新鮮得來唔會太熟，芝麻雞翼好好食好香脆裏面嘅雞肉好多汁炸蠔裏面好新鮮多汁，榴槤球好香榴槤味鍾意食榴槤嘅你一定要試羊架一個字正最後到個沒茶雪糕，應該唔係細嘅牌子，抹茶味非常之龍好香滑呢餐非常之滿足，呢度嘅放題價錢唔太貴，食物質素都好高，一定會返嚟再食。

除海膽外，其他嘢食好普通。所謂「一客」其實只得一粒/件，不如你改返啱咗個數量單位先喇？死罪係漏單，嘢食唔熱，同無service。未試過食放題75分鐘就唔想再食！

我當初是因為OPENRICE的相片看到那個門面感覺不錯看，其他食物照也不錯，就跟朋友說我想去這間門口實在是挺吸引的內在裝修也挺不錯雖然我坐的位置不算太舒適有點狹窄點菜紙...很厚...滿心歡喜點菜紙大概有8張有啤酒跟清酒，應該有不少人覺得不錯我自己跟朋友就沒有喝酒刺身有油甘魚和帶子缺憾是沒有我朋友比較喜歡的大頭蝦只有甜蝦海膽手卷跟壽司特別的有小小張紙感覺是比較特別推介刺身來了，第一次朋友點有點少，拍照起來不太好看呢...再來吧！象拔蚌、油甘魚、蟹棒、帶子都不錯雖然不到很新鮮，也算是肥美的三文魚我覺得可以再肥一點一口牛，肉汁也多咬口適中，沒太林也沒太韌um....海膽手卷真的...太少海膽了不建議叫海膽壽司就好多了！我比較推薦吃這款花之戀小小的一口可以吃下豆腐不夠滑這個薯蓉做底，我一個best friend一定勁喜歡可惜這次她沒來帆立貝小口的一個挺惹味炸豪是一般來貨即炸還好，算夠熱這裡有秋葵的天婦羅我最愛秋葵，如果上桌時可以熱呼呼就更好芝士焗蠔不知道是否送的芝士再濃會更好金菇牛...不用這麼大的碟放這麼小的一舊東西吧我有點嚇了一跳食物質素一般，很快就覺飽了500多2個人，我個人覺得可以有

近排比較忙少咗同屋企人食飯，今日呢就book咗旺角放題，既可以滿足大食嘅細佬，又可以滿足呢樣唔食個樣唔食阿媽！不過，要搵放題坐得好少少都唔係一件易事！今日揀左神輿，因為之前有個月半族同事，話呢度冇一般日本放題甘逼，就一於試下！環境真係無甘逼，通道闊落，大卡位，我們一家4個月半族坐落去，都仲有位擺野，簡直係放題界少有，勁like ! 另外，店面、店內環境都蠻不錯，挺有高級日本餐廳風味！價錢都ok , 我們一家6:30入座，加埋一都係220 一個人，食到飽，坐得舒服，都唔錯！唯一美中不足，餐廳內飲品選擇較其他放題少，要飲酒🍻，亦要另外加錢！不過，飲品都係order 的，傾計、懶人一組應該會喜歡！講咗咁耐，係時候講吓嗰晚嘅主角—食物！刺身種類雖然唔係好多，但幾新鮮，尤其帶子好鮮甜，一家人追加左幾round!好少放題有海膽食，呢度任點任食海膽壽司，都算唔錯，如果有原版海膽食就好啦！😌😌😌串燒🦐都幾有質素，上枱速度都尚算快！一口牛勁推介，好有肉汁，最啱我哋呢啲牛魔王！佢哋都有幾多焗芝士系列，味道唔錯，最衰食幾舊就飽，唔食得多！總評：我幾鍾意呢間放題，味道唔錯，環境比較闊落，坐得舒服係食飯好重要嘅

每次同大班朋友聚會，如果係揀旺角的話，唔使問一定係去創興廣場! 因為廣場入邊有大量選擇日韓台式乜嘢種類餐廳都有! 所以我今次同朋友就揀咗呢一間日式放題—神輿日本料理 嗰名唔太識讀~呢一間個價錢同其他連鎖放題餐廳差唔多 所以今次就試吓呢一間睇吓水準如何。一上到去，佢個裝修格局好似真係去咗日本神社一樣 前邊大大個鳥居⛩ 感覺好正 入面個setting 好和式! 店員就帶我哋兩個坐低 但一坐低二人枱擺咗餐牌調味就已經冇乜位...位置比較窄..如果係兩個大肥佬一定會好迫...好喇都開始肚餓...即刻睇下呢間放題店有咩食物值得推介同好食先! 第一輪嘅刺身都係大路嘢～三文魚八爪魚筆北寄貝象拔蚌帶子等等～一如以往都淨係會叫三文魚帶子同埋甜蝦 三文魚保持水準厚切肥美 帶子亦都新鮮小食就叫咗螺肉田園沙律同蟹籽沙律份量適中間但始終係要點既～ 因為大路所以無影低haha每次去食放題我都會好期待一品料理環節因為好多餐廳都有佢地拿手料理仲往往有驚喜!!! 呢個汁燒一口牛值得強力推介!!!本身碟牛上到台我真係反左眼 啲汁同啲油多到不得了 但係食完一啖之後就對佢完全改觀!!! 乾脆蒜片加埋牛肉粒惹味開胃 肉身軟稔加

我極少寫評論嘅人，但係呢間真係令我火都黎埋😨野食款式少唔在講，服務又差，一入黎坐底已經好似想趕你走咁嘅款，令我越食越不安，野食食得出用埋晒d平價貨，焗蠔可以細到咁～刺身唔新鮮～雞腎直程可以唔熟😧雪糕⋯今時今日放題仲唔係用獨立式杯裝，仲係佢一球球咁比你😧野飲種類又少～價錢仲可以收到人呢個價，個老闆樣樣都慳住慳住，點會有人想幫襯你第二次啊～今晚我真係唔知自己食緊咩落肚👺食到一肚氣😡😡😡😡😡

(10/2星期六)我同個朋友夜晚12點半右左入座，點半last order 可以食到2點，一入到去大量座位，死都要我地坐細枱，我地要求轉枱被拒絕...算！叫野食，個menu少野到無論，落完單黎咗一半，再催再落，都係話廚房冇單，野食又黎得慢，到野食上枱，賣相求其，味道一落千丈，bbq野仲要唔熟，最好笑既係宜家仲有放題飲品甜品唔係自助既咩？落完last order之後廚房又話冇收到單，叫我地再落(當然係好唔耐煩地催啦)埋單每人兩舊，但好似冇食過野食咁，救命，天啊！我到食咗啲咩野！總結:服務，種類，上枱，味道同賣相一律欠佳，好難合再幫襯

今晚約左個好耐冇見嘅朋友黎依度食，真係冇黎錯正常一件海膽壽司假假地要$20，放題當然即刻要試下！海膽新鮮唔新鮮差好遠，唔到放入口果下都唔知好冇味，點知一試，好甜呀😍😍！！大大塊脆卜卜紫菜包住舊飯細細件，上面放住兩塊海膽，剛剛好，因為有大大塊紫菜關係，一d都唔漏，食落仲有d餓，即刻同朋友每人啪左5件🤣🤣芝士焗虎蝦同朋友Encore左2次😍🤤🤤未放入口已經好香芝士味，個焗蝦嘅醬較得非常出色，d沙律醬同芝士夾得剛剛好，加上隻蝦又好新鮮，食完隻蝦見個醬仲有剩，即刻用黎點埋個卷物食🤣🤣😋😋刺身都唔弱 油甘魚 松葉蟹棒 帶子 象拔蚌 希靈魚 甜蝦 樣樣都好新鮮 食完又再點 點完又再食芝士焗蠔芝士味濃，蠔肉偏小，味道尚可由於太多食物 不能盡祿 各種食物都好新鮮，值得一試依幾款推介卷物 花之戀 龍蝦和牛卷 牛油果蟹棒卷 中意食壽司的人 不能錯過最後整返個甜品 綠茶雪糕

今日超級肚餓咁就同朋友去食放題入到去望一望,就狂點啦好喇,先點刺身先刺身--油甘魚,八爪魚,松葉蟹棒,帶子,吞拿魚,北寄貝,象拔蚌,馬刀貝,甜蝦D刺身都幾新鮮,所以都叫左兩個回合甜蝦好正,鮮味到不得了,仲要甜到油甘魚肥美可口,好香既魚油香味D刺身都幾正,好新鮮所以食左兩回合芝麻醬豆腐,蟹籽沙律菠蘿---個皮好脆之外,入面汁又夠,正呀黑椒豚肉串芝麻脆皮雞翼海版天婦羅,吉列炸蠔,紫薯餅芝士焗蠔,忌廉焗帶子,芝士焗虎蝦牛油炒雜菇軟殼蟹手卷海膽夀司--個海膽大舊到呢.,一個字香口紅豆雪糕,芝麻雪糕,綠茶雪糕---食完野就當然ORDER返幾球雪糕啦

假使當初可以為了你　忘了愛所有人分開手去追尋　足可擁抱千萬人即使天空海闊沒有愛　還有你這個人即使不再光臨　一想起你怎麼可以　對任何人熱吻愛後餘生@謝霆鋒當一次又一次的機會，我應該捉緊，還是放手搏一次。有的時間真的不知道你是真心或是抱著還有青春可以玩的心態。反正這一刻我倆就是錯過很多次，我們還要繼續下去嘛？你還是那個貪玩的你嘛？我還是那位對你死心塌地的人嘛？我想不通更看不透你，你可以給我答案嘛？我們都有權利去守候 或向前走 這卑微軟弱關係下的我，是真的有權力選擇嘛？別忘掉是你愛他，多於他愛你………………每頓飯我也跟L小姐談起你，L小姐一看就知我的煩惱，說了又說，她說我倆還是自欺欺人，裝作對大家都只是朋友關係，但心中只有對方。旁人總比局內人清醒，看透了世事，但站在局內的總是混淆不清這局怎樣走下去。L小姐跟我原來今晚飯局是2018年第一次相見，原來眨眼間又過了一年，當好友找到幸福時，你是比她更幸福。我煩惱愁緒時，你還會陪我到處盪。這段友誼得來不易，珍惜一個會陪伴你的人，珍惜一個你受傷她比你更想教訓傷害你的那個人。神輿日本料理，旺角放題花多眼亂，選擇千百種，上次在這幢大廈發現了這店，說下次要來