影片
更多
2018-01-03
136 浏览
刺身壽司既選擇同其他放題大致上一樣，有十張唔同種食品類既剔剔紙，包括飲品同甜品。 壽司同卷物既飯細細舊，可以叫d特別d既壽司試下，例如有和牛壽司，用火槍燒到七八成，上到檯仲見紅，別有一番風味，不過怕食壞腸胃，都只係叫左兩舊嘗下鮮。 手卷就唔建議叫，因為飯同料既比例差好多，超碼三四舊壽司飯，但個料就得一層仔、指甲咁大大。 落刺身既單上面既數量可以寫多d，因為無論寫幾多，佢都只係比佢就手既數量你，例如落三次二十隻甜蝦，佢每次只係比六到八隻黎。 服務方面就麻麻，雖然落單唔夠十分鐘就上齊，但只限刺身壽司個d,熟食既單亂到咩咁，無落既就俾左黎，有落既就冇黎，數量少左之餘仲等左好耐，食左兩輪生野都未上得齊熟食。 同時，d侍應放碟上枱唔收力，或者係張枱應聲定隻碟傳聲勁，反正就大大聲。有位侍應呀生仲懶，我張枱右邊靠牆，左邊前邊都有枱，佢就向個兩張枱中間遞過黎叫人接住，真係心諗行多兩步會死？其他人都識行後邊上枱，係佢唔識。 再者，如果侍應上錯枱，你千祈唔好叫佢退，如果唔係個廚房大佬實大大聲x，（唔確定係咪大佬，但由佢唔同設計既衫，以及倒瀉野時冇人話佢，我當係）由於佢個刺身壽司部係開放式既
壽司同卷物既飯細細舊，可以叫d特別d既壽司試下，例如有和牛壽司，用火槍燒到七八成，上到檯仲見紅，別有一番風味，不過怕食壞腸胃，都只係叫左兩舊嘗下鮮。
手卷就唔建議叫，因為飯同料既比例差好多，超碼三四舊壽司飯，但個料就得一層仔、指甲咁大大。
落刺身既單上面既數量可以寫多d，因為無論寫幾多，佢都只係比佢就手既數量你，例如落三次二十隻甜蝦，佢每次只係比六到八隻黎。
服務方面就麻麻，雖然落單唔夠十分鐘就上齊，但只限刺身壽司個d,熟食既單亂到咩咁，無落既就俾左黎，有落既就冇黎，數量少左之餘仲等左好耐，食左兩輪生野都未上得齊熟食。
同時，d侍應放碟上枱唔收力，或者係張枱應聲定隻碟傳聲勁，反正就大大聲。有位侍應呀生仲懶，我張枱右邊靠牆，左邊前邊都有枱，佢就向個兩張枱中間遞過黎叫人接住，真係心諗行多兩步會死？其他人都識行後邊上枱，係佢唔識。
再者，如果侍應上錯枱，你千祈唔好叫佢退，如果唔係個廚房大佬實大大聲x，（唔確定係咪大佬，但由佢唔同設計既衫，以及倒瀉野時冇人話佢，我當係）由於佢個刺身壽司部係開放式既設計，當個侍應拎翻碟野過去（侍應第三次上錯枱彈翻轉頭，所以點解我話熟食單好亂），佢就好大聲講「我x,又係個張枱？真係x佢xx」然後眼睥睥望住，我好脾氣冇扯火，但心入面呢間野既服務質素就去到零。
张贴