神輿日本料理 (已結業)

今日系其中一個中學同學既生日，雖然已經各自工作 但我們也會出來慶祝一番；今次就去了佢成日推介既放題 - 神輿 了！一開lift門，就見到好多寫滿字句排掛系餐廳出面；當然我同朋友又寫左願望上去呢～價錢方面適中啊！order紙既數量好驚人呢～餐台紙仲有得摺紙，又可以親子活動一下！刺身：三文魚刺身好厚身而紋理刀好靚，食落夠凍之餘又有魚油既香味；甜蝦系成隻上，絕對吾系短身個隻 甜蝦食落爽口又鮮甜，令我好回味！帆立貝依舊系大大隻 夠厚身 所以食落刀會充滿口感，同樣鮮味啊～希靈魚刺身同樣吾錯 size剛好 可以食出黃色一粒粒 口感好cute⋯海膽壽司：個人覺得海膽壽司刀系吾錯既推介，海膽份量吾少；入口即溶，口中會有海膽既香味。飯又吾會太多 吾怕食飽晒呢！壽司：花之戀細細舊，可以一啖一個 就是另一種食三文魚既食法；芥末八爪魚的確夠晒供鼻，一食落就·有芥末供出黎；而且八爪魚爽口吾硬⋯⋯飛魚籽份量可以佈滿飯上 食落一粒粒 正！海膽手卷：海膽除左壽司 仲可以揀手卷；一上台真系有啲失望 心諗海膽去左邊？但食落原來海膽系手卷飯中，只系由上面望吾到咋！燒蕃薯：蕃薯好甜，又夠林。芝士黃金蝦：超正推介！芝士可以做到

呢棟大廈多野食 隊又長。但係呢呢間放題就有電梯上商場再入去，唔使排隊！格錢合理 二百幾蚊環境寬敞舒適 難得有卡位 睇落就好似一間日本小房子刺身的份量同order相符，肉質鮮美無筋，吞拿魚推介，象拔蚌爽甜壽司大小剛剛好，一口一件，牛肉甜美，蟹子脆卜卜串燒是最好的！每一串都是即訂即燒，所以都分成一碟碟上，熱騰騰的上菜，色香味十足，菠蘿是必不可少，入口juicy, 甜蜜滋味，牛舌爽口，鹽巴醃製，更為香口值得一提，服務用心，飲熱菜蜜的，待應會及時加熱水，唔使重複order

放題通常我食到ㄧ半已經唔想食,原因食太多重複,食到最後見到張紙已經飽,其實唔知叫满足定純粹好飽。。平時見得多咩大X屋大x喜個d放題,試下其他先呢間神舆我都係openrice睇完見到食評係有驚喜,甘咪試下。。(最驚喜係所有熟食都熱架,好多放題成日野食上枱都係凍冰冰)創興中心真係好多食肆，呢間門口真係幾靚唔係敷衍式裝修,xdd好多野食揀刺身好新鮮,帶子,蝦好鮮甜清酒帶子,湯咸左少少關東煮，冇特別好好味,入面竟然有粟子重紫薯,真係好正壽司size好細件

旺角放題多蘿蘿•捉咗老公陪我試新野•上咗創興5/F「神輿」試試•裝修格局好有日本feel •日本控必like 嘩•夜晚六點幾甘早就甘多人•質素應該有番甘上下•刺身一定唔少得象拔蚌同螺片鮮甜爽口•忍唔住order咗三rounds e d 蚌類唔係間間有架•芝士焗大蝦蝦真係大大隻•size同我隻手差唔多大•蝦肉彈牙•唔會霉牙淋牙•滋味十足•🔥羊架甘大塊驟眼睇以為係豬扒•時間煮得啱啱好•幾juicy•蒜片牛柳粒一口一粒•牛肉比較淋身•無牙嘅小朋友公公婆婆都食得•🔥菠蘿每次放題必點一咬d汁湧出黎•味道清甜無渣•整體唔錯•下次可以encore•

朋友聚會，首選係放題，而依間係朋友介紹，點解揀依到⋯就係因為海胆壽司和手卷係任食一入座，已經覺得好好，有舒服卡位，座得舒服食得先會開心。一開始一定係食刺身，係新鮮推介甜蝦刺身。手卷揀了軟殻蟹，紫菜夠脆亦有蟹味，而且唔油。為海胆而來，當然必食啦⋯⋯一個字🉐️，都係好新鮮。 天婦蝦，外皮炸得好味，但蝦味冇乜。反而燒蝦好香，又有蝦味。 羊扒ok，係太大件，用哂肚內位置焗蠔同炸蠔，我較喜歡炸蠔，另外雞亦都好味，點講呢，入味又夠脆。而燒菠蘿都係必食。基本上我愛食都👌🏻

在香港食日式放題，我相信很多人都嘗試過，但置身於充滿日式的環境食放題而價錢又便宜的，應該比較難找到。今次就來到神輿試一試，一出𨋢門，就看到環境彷如置身日本的寺廟，畫繪馬、祈福等。等候的大堂充滿日式風格，十分吸引。大門口有鳥居，著實令人感到好像到了日本的寺廟般。大門中央的位置捨棄像一般放題店般放置大量餐桌，以賺得更盡。相反，以一桶桶日本酒作擺設，令風格更日系。（但唔知啲酒真定假😂）座位相當闊落，四人枱坐4個人都好舒服！一啲都唔似普通放題店咁，肩貼肩。餐牌一如以往的放題店，一大本電話簿。飲品種類不太多但起碼可樂不是百事。想飲酒都有得選擇，俾錢就得！正價時段，有得叫海膽手卷/壽司架，親！刺身質素好，比起一般放題名牌連鎖店還高，值得一讚，但可惜種類比較少！海膽壽司，質素不錯，海膽新鮮亦creamy!沙律不過不失，可接受。天婦羅🍤蝦、秋葵、粟米芯都有，炸得香脆，粉漿不會太厚！可惜的是，沒有蘿蔔蓉。焗歎士蠔、蝦，好好味，夠芝士。必食榴連球，榴連粉絲不容錯過！整體來說，服務、環境、價錢、食物質素都不錯！唯獨選擇比較少，希望黎緊會多返啲啦！

今日嚟到創興廣場5/F 神輿日式放題 . 試新嘢星期一至四7-9點一位228加一 其他時段仲平d！環境乾淨又唔會好逼 坐得幾舒服 。食物選擇都幾多，來得快，夠熱飲品除左一般汽水 韓國罐裝飲品仲有果味汽酒同清酒 熱玫瑰花茶有陣陣花香。刺身新鮮 特別帶子同甜蝦夠鮮甜。壽司飯量有雖然點多, 但魚生夠新鮮 。沙律都有好多款式 我叫左芝麻醬豆腐同八爪魚。好食。原本以為蒜香茄子凍食會好奇怪 點知食落好香蒜味 個汁又好夾。炸物炸得夠脆 粉漿唔會太厚 特別南瓜同蕃薯天婦羅超級甜。七味雞軟骨雖然唔夠七味粉 但有一大兜蛋黃醬搭夠。爐端燒都有好多選擇 比較特別嘅有雞軟骨肉棒 菠蘿都好甜。扁身嘅烏冬好彈牙 仲有日式魚蛋同肉。'牛油炒雜菇 對於兩個人來講有d大碟 但就好香牛油味。甜品有雪糕同和菓子。

神輿用日本鳥居做大門裝飾, 直接見到大堂中央大日本酒樽 日本放題大多坐得迫迫夾夾, 手掙碰手掙, 食得唔舒服, 神輿有很多卡位, 足夠4-6人坐得舒適神輿嘅放題刺身選擇不少, 最重點嘅係放題有得任食海膽軍艦及海膽手卷令我喜出望外, 今晚我地ORDER 咗2 ROUND 海膽軍艦一共食咗成20件, 刺身質數唔錯, 每款都新鮮甜美, 最LOVE 係甜蝦全隻上, 鮮甜無比, 連連ENCORE, 呢度亦有放題少見嘅吞拿魚, 鮮紅如血就知新鮮, 無筋.  只係希靈魚可以大件D唔駛叫咁多件就可以食得過癮喇.熟食都做得好好, 羊架超大件, 夠2個人SHARE 一件, 好香嘅羊膻味, 燒得剛好肉質嫩.  牛柳粒不論串燒或炒都肉嫩無雪味, 食肉獸嘅朋友對呢2款肉類都連番大讚.神輿嘅平日晚市價格由$168 - $228/位 (早到早著數, 識食嘅朋友要自己睇時間喇), 食到以上咁好質數嘅食材已可以回本而且還有數十種嘅選擇, 如 : 關東煮, 天婦羅海蝦, 秋葵, 玉米芯, 忌廉焗帶子, 芝士焗蠔...太多太多, 真係講唔晒.炸物中吉列蠔, 炸漿唔厚, 蠔肉大小適中, 炸完仲保持到鮮味及唔會乾.  燒菠蘿,

適逢生日，poohpooh帶左我去食放題！平時放題多數以量取勝，估唔到神輿呢間食物質素幾好！一出閘見到嘅係神社一般嘅裝飾，一旁嘅牆壁仲比客人自由掛上寫上願望嘅木牌，幾得意！座位比一般放題餐廳闊落，仲有卡位，所以坐得好舒服。餐廳提供嘅食物種類好多，有小食、主食、刺身、壽司、卷物、炸物、天婦羅、鍋物、爐端燒、甜品同埋飲品等等，應有盡有！以下都係我叫左覺得好食嘅食物。刺身係其中一樣可以一點再點嘅類別，比起一般放題新鮮肥美，而且種類多。其中帶子尤其出色，厚切而且鮮甜。呢碟炒雜菇望落平平無奇，但係原來好好食！牛油味香而且菇嘅種類多。我唔係特別好壽司但係呢間放題D卷物真係唔錯，好足料，口味幾特別，例如芝鰻卷、龍蝦和牛卷同埋黃金蟹卷。稻庭冷烏冬一向係my favourite！好彈牙好有好有嚼勁。芝士燒虎蝦賣相本身已經好吸引，點知味道都唔錯，燒得好香而且醬汁惹味。最吸引嘅地方係開邊燒所以唔係自己剝落。平時放題好少有熱飲，呢度有養生嘅玫瑰花茶揀，正！

今日 18/01/2018 ，第一次寫食評，純個意見，我唔鐘意俾相食先，所以無影。 無聊約老婆食放題，上網揾左一輪，見有間旺角新開放題，重話可以任食海膽壽司，我就未試過去食放題有海膽壽司任食，見d人評論好食，抵食，咁未打去訂位囉。 好評： 刺身唔錯，包括甜蝦，三文魚，象拔蚌，帶子，ok好食。 杯抹茶好飲，燒菠蘿，芝麻雞翼唔錯。 服務接受。 差評 ： 款式少，點左後上野慢，壽司完全唔掂，舊飯差過機制個d, 咩火焰壽司，完全唔好食，個個任食海膽壽司，第一次快，跟住就再點都唔黎，一係就點6件黎2件，海膽無味，飯就又係一樣差。 海膽炒飯，都幾難見到有海膽，一口牛，好似肥牛咁的款，油到死..... 總之最後評論，唔會再去。

平時好耐都唔會去一次旺角，今日老公要去旺角做野，放工就去搵佢食飯啦. 見創興廣場成座都係餐廳，就決定去呢度搵食. 老公想食刺身，見呢間有刺身放題，價錢都幾抵就決定試下第一個令我驚喜的係座位. 平時食放題多數坐得好迫. 但呢度居然比卡位我地，就算坐4人都好闊落. 老公主要來食刺身，完全無簡錯，全部都好鮮甜，平時多數只叫一 round 刺身就夠. 今日居然 order 左3次另一驚喜必定係超鮮甜的海膽. 清楚見到海膽係一片片確保新鮮. 我同老公都大愛海膽. 只計海膽壽司都叫左十幾件. 真係回曬本喇!!!食刺身+壽司都包左7成其他食物，其他食物都叫係每樣食少少 jar. 面當中必要大讚的是每款食物上桌時都夠曬熱. 特別今日咁凍就正！食放題最後當然係雪榚啦！ 太美味喇!!!

朋友在旺角購物完，腿累了，肚餓了。朋友想吃日本菜，就去了最近我地的創興廣場吃放題，最後選了神輿。走出lift門，己看到日式的裝潢及佈置擺設。大門口位置放滿日式酒酲，把這麼大的地方用作擺設，而不是加多幾張枱做生意。可見這不會是唯利是圖的食店，食物質素也不用差。剌身款式不少而且都新鮮，當中三文魚及帶子都鮮嫩軟彈，甜蝦軟腍粘口。放題來說質素不俗。一口牛軟彈有肉汁，外層燒得微香，內裡軟腍，粒粒大少平均。芝士焗虎蝦/芝士焗蠔原隻虎蝦開邊芝士焗，焗蠔大隻，滿載芝味。清酒煮扇貝扇貝肉質軟彈，清雅酒香帶出鮮味 。汁燒牛肋骨牛肋骨軟腍入味，肉汁豐富肉味香 。炸雞啖啖肉充滿炸香酥味，咬開肉汁溢出 。甜品種類比較少。和菓子煙韌軟彈甜度剛好，芝麻雪糕充滿芝麻香，雪糕軟綿。

日式放題最開心的地方當然係任食，好味的全部可以落完一次又一次訂單，食到個肚腩仔滿足為止，哈哈哈！這間店最吸晴的地方就於門口位置，除了有美觀的等候區，還有鳥居及日本酒莊的佈置；入店內，侍應很細心，安排我們於一個私人空間感好重的卡位，好適合我們幾個女仔談天說地，感覺很好！刺身種類都有幾多選擇，最重要有我最喜愛的(三文魚、松葉蟹棒、帶子、北奇貝、甜蝦)，全部都好新鮮，而帶子同甜蝦最鮮甜。好少食店會提供任食海膽款式，這裡真好，竟然有”海膽壽司”及”海膽手卷”，我當然唔會錯過大好機會，雖然唔係刺身，但”海膽壽司”上面的海膽份量都多，海膽仲要係好鮮甜，甘香味流在口內真係甘甘的，軍艦的紫菜又好夠脆。食壽司當然唔少得前菜啦，蟹籽沙律、味付螺肉，同樣夠份量十足，沙律清甜，螺肉有口感，全部都好新鮮。吉列炸蠔，炸粉唔會太厚，好脆，蠔肉好鮮甜。“七味焗雞翼”整得好出色，香口，調味全都好入味，雞翼上面有芝麻份外香。海蝦及秋葵天婦羅，每次都叫兩轉先夠喉呀～食刺身怕太凍，所以叫個關東煮，暖暖胃先，可能有白蘿蔔，個湯都特別甜。串燒菠蘿，酸酸甜甜好開胃，增加食慾，佢真係食自助餐時的良伴。“芝士焗蠔”及”忌廉焗帶子”，蠔

晚餐聚會的場地選擇久唔久就會返番去放題。 的確如果人唔多可以開懷暢食，放題便是最佳選擇。今晚親友聚會， 當中放題達人提議去放題新場。 位於旺角創興廣場。 這棟食厦近晚飯時間排隊搭𘋢的人相當震撼， 可見食店選擇多得很。食店位於5樓， 新裝修應該開張無耐， 全店和式設計，主要以淺色木 為主調作材料 ， 感覺平實柔和， 燈光亦簡潔明亮， 而且空間感十足， 有別於一般坐得擠迫燈光昏暗的放題食肆。軍艦做得不錯， 於正價時段惠顧更可以無限點選海膽軍艦。 計落我們都叫了3，4 round海膽軍艦。 絕對回本。 所採用的海膽味道不算太鮮甜， 但仍結實唔腥， 放題質素已經足夠有餘。三文魚腩壽司逼出的魚油口感豐腴。 輕蘸醬油已經非常美味。另一輪刺身質素也不錯。 三文魚厚切令口感豐富， 肥美鮮味。 章紅魚結實得來有淡淡魚香。 蝦刺身大大隻鮮甜無雪味。花之卷壽司，做得非常精巧， bite size 唔會太滯。芝士焗扇貝，醬汁偏鹹。芝士沙律醬燒虎蝦， 這個是必點推介， 因為唔單止虎蝦上嘅的沙律醬汁異常美味， 虎蝦亦相當彈牙鮮味， 難得是大size 蝦， 我們也encore了兩次!天婦羅蝦也做得出色。 蝦肉透明爽

朋友生日又係時候食餐好~咁岩大家都好想食放題見openrice呢間評語唔錯 而且平日228加一 唔貴~就算假日都係多10蚊 響旺角創興又就哂腳~~個門口幾靚 裡面好闊落 環境唔錯食物種類多....!!!我想食既都有 海膽係must先黎刺身..帶子夠大粒 新鮮無雪味吞拿魚色澤靚 赤貝彈牙又爽 整體水準好海膽壽司 我encore左4次 因為唔腥 足料 唔會加青瓜俾你 正呀~~芝士燒蠔 係我第2最愛 必食 ~好香!!又芝士年糕 炸蝦天婦羅 流心香芋丸同榴蓮炸彈~~~好足料~~牛柳粒夠淋 好入味~呢個焗薯係正 有煙肉粒 焗得岩岩好個菇係重手左點...比較油整體係幾好~下次再有fd生日可以encore加埋一 250左右 抵食!