神輿日本料理 (已結業)

在香港食日式放題，我相信很多人都嘗試過，但置身於充滿日式的環境食放題而價錢又便宜的，應該比較難找到。今次就來到神輿試一試，一出𨋢門，就看到環境彷如置身日本的寺廟，畫繪馬、祈福等。等候的大堂充滿日式風格，十分吸引。大門口有鳥居，著實令人感到好像到了日本的寺廟般。大門中央的位置捨棄像一般放題店般放置大量餐桌，以賺得更盡。相反，以一桶桶日本酒作擺設，令風格更日系。（但唔知啲酒真定假😂）座位相當闊落，四人枱坐4個人都好舒服！一啲都唔似普通放題店咁，肩貼肩。餐牌一如以往的放題店，一大本電話簿。飲品種類不太多但起碼可樂不是百事。想飲酒都有得選擇，俾錢就得！正價時段，有得叫海膽手卷/壽司架，親！刺身質素好，比起一般放題名牌連鎖店還高，值得一讚，但可惜種類比較少！海膽壽司，質素不錯，海膽新鮮亦creamy!沙律不過不失，可接受。天婦羅🍤蝦、秋葵、粟米芯都有，炸得香脆，粉漿不會太厚！可惜的是，沒有蘿蔔蓉。焗歎士蠔、蝦，好好味，夠芝士。必食榴連球，榴連粉絲不容錯過！整體來說，服務、環境、價錢、食物質素都不錯！唯獨選擇比較少，希望黎緊會多返啲啦！