神輿日本料理 (已結業)

景點般的神輿日本料理 一打開升降機門，日系木制的裝潢、伎藝的壁畫、日式的燈座、日式的燈籠、日本米酒的盛器、日本廟宇見到的許願木牌，還有大大個鳥居，彷彿置身於日本中，短暫的日本之旅體驗。刺身類刺身種類選擇多，有三文魚、吞拿魚、甜蝦、帶子等，色澤鮮豔夠哂新鮮，最重要是夠哂凍，為其加分不少，魚生厚度十足，滿足夠口癮。壽司卷物類壽司是即叫即製作，送到時還暖暖的，每件份量小巧，食多幾件都不怕濟，而且種類繁多，有玉子、鰻魚、火炙三文魚、帶子等等，卷物亦新穎有牛油果蟹卷、鰻魚芝士卷、黃金蟹卷等。烤焗類重點之一，芝士焗虎蝦，開邊虎蝦夠彈牙，蝦身結實，加上芝士醬惹味！芝士焗帶子和芝士焗蠔也是推介！炸物類當然是不了炸物，熱騰騰的，熱氣冒出，天婦羅炸蝦、南瓜、紫薯甘栗餅、芝士年糕、吉列蠔等，新鮮炸出來當然無得輸，而且隔油時間夠，外皮不會沾上太多油份太油膩的感覺。串燒類花姿丸、魚丸、一口牛、日本蕃薯，串燒時間剛好，不會太乾身和調味不會過份重手，夠哂juicy!甜品類最後少不了解膩良品，有和菓子、綠茶雪糕、芝麻雪糕及紅豆雪糕，紅豆雪糕混份粒粒紅豆，芝麻雪糕味道超濃，而雪糕奶的比例較重，吃起來時口感更綿更crea

同朋友都好耐無一齊食放題，因為人大左始終唔似以前年輕時咁暴飲暴食又食極唔飽咁！今晚嚟到旺角呢個唔少放題既地區就試下創興廣場５樓既呢間神輿日本料理。店內其實面積都幾大，裝潢都帶點日式風格。飲品係任飲，有可樂/雪碧/LOTTE 錫蘭檸檬茶/LOTTE 忌廉溝鮮奶，如果想飲熱飲亦有熱抹茶同熱玫瑰茶等。店內食物選擇唔少，刺身選擇有三文魚，吞拿魚，八瓜魚，松葉蟹棒，帶子，帶靈魚，馬刀貝，甜蝦，油甘魚，北寄貝同象拔蚌等。三文魚都幾肥美，甜蝦亦都爽口。其他壽司仲有燒牛肉，花之戀，芝士鰻魚，火灸三文魚，以及唔同既軍艦，卷物等。一品料理又有燒一口牛，豚肉燒等。食物選擇唔少，天婦羅，燒物，炸物等應有盡有，不過食唔到太多所以無叫太多，費事浪費食物嘛，叫自己食到既份量就足夠。芝麻炸雞翼，炸得香脆，肉質亦都幾嫩滑。除左壽喜燒之外仲叫左呢碗海膽炒飯，份量確實唔少呢。甜品除左有和菓子外，仲有雪糕，朋友食紅豆味而我就食綠茶味，都唔錯既，綠茶味甘香亦帶點奶香。放題唔同時段唔同價錢，最平只係$168起！整體嚟講食物選擇唔少，絕對食得飽離開。

好耐無去食日式放題，朋友話呢間掂，唔諗咁多，食！門面好闊落，做木柵做主題，感覺格外舒服😌。有大量梳化位供應，檯面又闊又大，最適合🈴️同一時間放很多很多食物。性價比非常高，三個時段價錢吸引，任食任飲唔嬲。各種Sashimi非常新鮮肥美，忍不住點完再點，食完再食。多種壽司🍣任食，絕對有水準！日式焗生蠔，元貝，燒菠蘿，和牛串燒，雜菇，實在太豐富啦⋯⋯諗得出既都食到，仲要係樣樣都幾滿意。尤其是天婦羅，海佬天婦羅，生蠔天婦羅，又係食過番尋味！chicken wings一樣正！日式焗虎蝦必試，香，鮮！尾聲已經飽到上腦，但堅持✊食埋個芝麻味同抹茶🍵味雪糕🍦，堅香滑味濃！飲品任飲，超飽超滿足，又一次增肥完畢。 🤗

食物款唔算多，自動同你扣量都算啦，好多放題都有呢個問題，但最大問題係叫乜冇乜，嚴重漏單。叫燒物，刺身，炸物樣樣都催極都冇，d野賣哂又唔同你講，等到2046先走出來話冇。真心垃圾。比$200幾食到嬲，真係喊出來，以同樣價位大把好選擇。呢間真係一試冇回頭！

好耐之前食過一次 今次再食 睇下有無乜唔同無失望喎我地7pm去 $228加一任食二個中 都食左2個幾中無得坐卡位 入到去已經full唒唯有叫野食 個menu好厚 分abcdef....刺身開始叫起 一開頭掛住食無影三文魚好新鮮 不停encore 再點壽司 好中意呢度細細舊 食多幾舊都唔會好飽 壽司種類都ok多又點左芝士焗蠔同忌廉焗帶子 好多cheese!!熱的稻庭烏冬 幾爽口彈牙呢度飲品都多選擇 仲有酒飲 不過今次無加$飲值得推介的放題

又在旺角附近找好吃的日本料理，這次來到這間。這間的裝修真的很有日本風格，入口依神社的設計而做，內裡是燈籠，店內中間留了部份空間作擺設。在寸金尺土的香港，一般餐廳較少用大量空間作擺設。門口的宣傳拉架清楚列明價錢，星期一至四正價每位$228。室內有具日本特色的裝潢，空間寬敞。侍應先送上一杯綠茶，過往喝的綠茶主要是茶包的茶，這裡比較接近平時買的日本綠茶粉。我點了熱玫瑰花茶，熱時帶玫瑰花香，冷卻後口的味道帶甜，用來消滯不錯。友人點了一杯熱天然菜蜜，如喝蜜糖，還是玫瑰花茶較好喝。另點了一罐鮮蘆薈樂及一罐蜜桃忌廉鮮奶，蜜桃忌廉鮮奶難喝，不知是甚麼味道，還是鮮蘆薈樂較清甜好喝。先吃開胃菜，燒過的菠蘿特別甜和多汁，補充一下纖維。芝麻醬豆腐如山水豆腐，芝麻醬味淡，作開胃前菜。聽說這裡的雪糕好吃，尚未吃正餐便急不及待點雪糕來吃。綠茶雪糕綠茶味濃。芝麻雪糕的黑芝麻味重，如要二選其一，還是綠茶雪糕較香濃。芝士焗虎蝦是必點食物! 甫上桌已帶香濃芝士味，沙律醬與芝士配搭比例恰當，蝦肉實而爽，之後再點了兩次。芝士焗蠔的芝士味濃，蠔肉有點小但新鮮，醬不會做得太濃。然而忌廉焗帶子做得更出色，帶子爽腍，以忌廉做調味令帶子

一定唔會再食 首先食飯物質素已經差 加上漏單情況好嚴重，可以話係離哂譜，點食物張紙件可以話係冇咩用，每次落完單隔左10至15分鐘先有一碟野食或者要催職員先會有食物到 但都唔係落單既份量，結果落左5次單，但所食既量都只係5份之2。總括尼講e 放題差到冇朋友，但如果當佢件係法國菜咁食都幾岩feel～…。。…。。…。。。。。。。。。。。。。。。。。。。。。。…。。。。。。。。。。。。。。。。。。。。。。。。。。。

第一次到神輿日本料理晚膳，與朋友到達創興5樓，電梯一開，充滿日式和風的裝修，令人感受到比一般的放題店來得有誠意！ 每枱均有一本厚厚的order簿，我們先選飲品，有14款是免費任飲的，亦可選擇加28蚊元一位，任飲酒精類飲品; 我們再選刺身，有三文魚、油甘魚等等，共11款刺身供任食，拼盤擺放比較平實，沒有別店的誇張花巧，但刺身質素高，非常新鮮， 特別是帶子很鮮甜， 值得推介！接著我們就點了爐端燒， 當中的一口牛、海老、菠羅均是心水之選， 而一品料理的忌廉焗帶子、七味焗雞翼、 芝士焗虎蝦， 都很美味， 不能錯過！榴槤球充滿榴槤香，吃了3回也不嫌多 ，而最喜出望外的就是，天婦羅中的秋葵， 口感一試難忘！放題所提供的壽司、軍艦、 一品料理、 鍋物等等， 種類繁多，不能盡錄， 味道均具水準！ 此店令我欣賞的是，沒有出現漏單情況，比別店有更高的服務質素！最後，甜品有和菓子和三款雪糕選擇，是次放題使我們感到非常 滿足呢！

星期3 晚無咩節目，就揾左間日式放題店食晚飯！個名睇落好有氣勢，去到環境都好勁咁，門口用左勁多位置嚟做佈置，而唔係為左揾錢擺多兩張檯，真係見到個心喺度！入面環境勁大，少到好似我咁1-2 人一檯又得，大到十幾人一齊食既檯都有，真係良朋共聚食返餐既好地方！坐底無耐，餐廳放低左本厚過聖經既落單紙，真係行害，入面選擇真係多不勝數，壽司，刺身，炸物，料理，串燒，手卷，甜品，飲品都有提供！要特別讚既係餐廳加錢提供酒精飲品任飲，不過可以按個別需要加錢，唔駛一檯人飲就全檯人加，我覺得非常貼心！餐廳出菜速度都ok快， 刺身壽司尤其快手，好多時落完單無耐就已經送到，份量真係按照要求出，寫左3 片就嚟3 片， 唔會少左！壽司整得細細件，食多幾轉都無問題！料理份量十足，每款食一次都不得了，蒜片茄子做得唔錯，酸酸甜甜既茄子加上惹味香脆既蒜片，幾夾！仲有雞肉軟骨棒燒得外脆内嫩，軟骨有咬口！芝士焗帶子，芝士焗蠔係餐廳主打菜式，必食推介！大大件羊架，餐廳一d都唔吝嗇，點幾多出幾多，而且質素都唔錯！串燒款式係幾多，推介一口牛同雞腎，燒得唔錯！一品料理入面以汁燒一口牛做得最出色，肉汁豐富，嫩滑！就得夾埋蒜片一齊食！炸物

為食小先鋒又再次出動！最近留意到旺角放題黃金聚腳點－創興廣場有間新日本放題駐場，我當然唔執輸去窺探一個究竟。這間神輿日本料理裝潢別緻，一踏出電梯門就見到餐廳充滿心思的佈置－日本神社常見的鳥居，食野等位之餘仲有得打卡，一次過滿足到兩個願望。 一坐低當然立刻叫食物，呢度貼心之處可見於落單之上，上至鍋物，下至飲品，客人亦無須移步到外自行領取，餐廳服務員會一一為你送上，非常方便。 刺身上得好快，充滿光澤度，顏色吸引，兩個字：新鮮！而且師傅切得厚薄適中，可謂入口即溶，鮮甜味美。選擇亦很豐富。壽司細細件岩曬女士們，飯量均勻，一級棒啊！ 不得不提放題必食的炸物，炸粉不多，好鬆脆，一炸就立即上枱，聞到香噴噴味道，令人食指大動！ 另外，烏冬湯底味道好豐富，烏冬好爽口，配合我最愛既豚肉叉燒，真係想叫多碗。成晚亮點還有這碟金菇肥牛，燒汁入曬牛肉味，包住濃濃既牛油金菇，令人難以抗拒！食左一大堆野，填飽肚子，來番杯花茶解解胃氣肚脹，為呢餐畫上完滿句號。

第一次嚟呢間神輿食放題，一入到門口，已經好鍾意佢嘅環境同裝修。四處都裝修到好似日本神社咁，幾吉利，又有氣氛。入到去啲位置好大又好舒適，感覺好休閑。好多放題都係又逼又嘈，唔知點解呢度俾人一種好舒適嘅感覺，似食日本野，多個放題。正！枱上大疊點心紙隨便order ,有刺身、壽司、天婦羅、燒物、小食、鍋、甜品和飲品，總之選擇非常之多。刺身同壽司方面，各有10幾種，我每款都叫咗黎試吓。刺身最鍾意食三文魚、蟹柳、北寄貝、螺片、甜蝦。壽司最好食係鰻魚、燒三文魚、同牛肉。小食方面，我哋都叫咗螺肉同沙律等等。朋友唔識生菜類既野，佢叫咗個炒雜菜，好大嘅份量，不過蔬菜甘健康，多食無妨。燒物我好鍾意食呢個小番薯，每一粒都好甜，而且一口一粒，唔會太飽肚。紫薯餅都唔錯！甜甜地。天婦羅即叫即炸，好食！中意芝士忌廉既有呢款燒蠔同扇貝。食左個烏冬，一人份量，剛好！雪糕，有芝麻味、綠茶味、同紅豆，任食任叫，記得留返個肚啊！

旺角既放題唔少，神輿既優勝之處係環境唔錯，夠大夠寬落。有大量卡位、空間感十足，而且店員夠、上枱快。食物都唔錯，應有盡有！刺身有希靈魚、三文魚、象拔蚌、吞拿魚、甜蝦等，大路人氣之選，夠食。我鍾意食嘅小食，呢度都齊又幾好味。螺肉、八爪魚、芝麻豆腐、果醋番茄、沙律、甜粟米，一次過試晒。壽司方面選擇都唔少，我最鍾意食嘅係左口魚邊，和燒三文魚。燒物熟食，食左燒花枝丸、雞翼、大蝦、甜薯，甜薯好好食，encore 左三次！天婦羅都唔錯，有蝦有蔬菜，炸完脆脆的。燒扇貝，滿滿既蛋黃醬！佢哋嘅飲品選擇都有好多，鍾意飲熱野嘅有玫瑰花茶，鍾意飲酒嘅有清酒和麒麟啤酒任飲。如果想飲酒又唔怕醉嘅，仲有果汁汽酒任君選擇，可以照顧唔同人嘅需要，抵讚。甜品有芝麻雪糕、紅豆雪糕、綠茶雪糕，仲有日式果子。我最鍾意食芝士年糕，雖然比較邪惡，但係國流心芝士，真係食極都唔厭。舒舒服服食兩小時放題，遲啲會再同朋友黎食過。

好興奮！岩岩睇完期待已久既復仇者聯盟3，精神仍然處於抗奮中。亦正正係帶住呢個心情去食放題，食慾更加係大增。呢家神輿位於旺角，係裝修上都別出心裁，似要打造日本神社既感覺，係呢一方面值得一讚。放題紙係以書簿形式擺放於枱上，要點邊一類就摵下果一頁。所謂一斑窺豹，刺身既質素係某程度上都可以反映一間日式餐廳既水準。我地先點左甜蝦、帶子、吞拿魚等。刺身既溶雪程度處理得恰好，不會成冰狀 但仍維持足夠既低溫 所以刺身仍帶有清爽既口感，特別推薦甜蝦，鮮甜味十足。壽司我地亦都點左7、8款左右，份量細細份，可以食多幾種唔同口味，分別有鰻魚、左口魚、帶子、玉子。其中我最期待既係鰻魚同左口魚壽司，鰻魚肉燒得唔會太老 再塗上一層薄薄既鰻魚汁 配上壽司飯平衡口味，絕對可以再order多幾件。而左口魚壽司則唔係間間放題都會有得食，所以我都會逢有必叫，左口魚既魚油感係獨特而又其他壽司不能比美。當然唔少得另一半最愛既天婦羅。天婦羅蝦既外層炸粉炸得好脆，咬落去好明顯聽到chok chok聲，但略為炸得太乾身。天婦羅蕃薯則炸既火喉控制得比較好，蕃薯肉帶有香甜味。少不得一d串物同小食。圖中既酒煮扇貝但得一點，味道較為清淡，但卻

刺身唔夠新鮮，三文魚不如爭鮮買的，甜蝦有苦味，羊架好像豬肉肥而膩，串燒難食到嘔，雞肾一陣騷味，連青魚都冇，飲品甜品品種太少！坐落一睇先知道唔好，朋友話冇意思走所以照食，點知真是垃圾中的垃圾千萬不要去吃

⭐️芝士控注意⭐️🍣放題新選擇🍖($228 mon-thur / $248 fri-sun 18:00-21:00) 竟然有任食海膽壽司😳 仲有好多款刺新同鰻魚壽司熟食方面一樣出色.🎏芝士焗虎蝦⭐️亮點⭐️芝士加上沙律既邪惡又好食😈d醬食到停唔到口蝦又新鮮.🎏芝麻脆皮雞翼真係必叫好脆好香口肉質好滑仲有肉汁.🎏燒菠蘿好甜好多汁好啱食完咁多野食幫助下消化又可以再食😂.🎏甜品方面有和菓子,紅豆雪糕,綠茶雪糕,芝麻雪糕.🎏任飲汽水、果汁加$28可以任叫啤酒同日本汽酒白桃汽酒超正！ 淡淡白桃味🎏🎏🎏🎏🎏🎏🎏🎏🎏🎏🎏🎏🎏神輿日本料理 (旺角)旺角彌敦道593-601號創興廣場5樓