神輿日本料理 (已結業)

為食小先鋒又再次出動！最近留意到旺角放題黃金聚腳點－創興廣場有間新日本放題駐場，我當然唔執輸去窺探一個究竟。這間神輿日本料理裝潢別緻，一踏出電梯門就見到餐廳充滿心思的佈置－日本神社常見的鳥居，食野等位之餘仲有得打卡，一次過滿足到兩個願望。 一坐低當然立刻叫食物，呢度貼心之處可見於落單之上，上至鍋物，下至飲品，客人亦無須移步到外自行領取，餐廳服務員會一一為你送上，非常方便。 刺身上得好快，充滿光澤度，顏色吸引，兩個字：新鮮！而且師傅切得厚薄適中，可謂入口即溶，鮮甜味美。選擇亦很豐富。壽司細細件岩曬女士們，飯量均勻，一級棒啊！ 不得不提放題必食的炸物，炸粉不多，好鬆脆，一炸就立即上枱，聞到香噴噴味道，令人食指大動！ 另外，烏冬湯底味道好豐富，烏冬好爽口，配合我最愛既豚肉叉燒，真係想叫多碗。成晚亮點還有這碟金菇肥牛，燒汁入曬牛肉味，包住濃濃既牛油金菇，令人難以抗拒！食左一大堆野，填飽肚子，來番杯花茶解解胃氣肚脹，為呢餐畫上完滿句號。