神輿日本料理 (已結業)

想推介下呢間放題俾大家因為幾適合帶呀爸呀媽一齊去事關佢生食熟食質素都一樣高！就算我呀爸呢類老餅唔好魚生去到一樣有好多高質熟食岩佢！而且環境好舒適 裝修幾靚Encore 左三次既牛柳粒超正既蒜香味 一啲都唔韌好多肉汁芝麻雞翼非常入味！炸得香脆！炸蠔雞軟骨等炸物味道絕對可媲美平時出街餐廳食到既！一啲都唔hea!羊架超肥美 好正唔會太so每種熟食送上黎都係熱辣辣唔否認好多放題既魚生都高質又肥美鮮甜但好多會忽略左熟食質素 所以今日突別推介下呢間生熟食都同樣高質既放題俾大家

今日周年記念 專登揀間放題黎慶祝下🙈見到呢間openrice comment 都ok 就試下一入去見到呢間放題環境唔錯比起其他旺區放題大 又坐得舒服 唔會同隔離枱好迫由於太肚餓 坐底就叫左刺身先三文魚，甜蝦，帆立貝，帶子全部都好新鮮😉😉驚會食飽只係叫左少少壽司試下😁好彩佢都唔係好大舊，係一口size🤣又叫左小食炒雜菜、矮瓜同枝豆都唔錯☝️食放題一定會芝麻雞翼啦仲叫左個第二隻味都好食😁仲有燒魚仔 yum yum🤪🤪佢有仼飲可樂同其他汽水甜品仲有雪糕 我食左綠茶同芝麻味都好味😎都叫做可以係價位相宜質素又唔差😋😋

旺角創興中心一向多食肆，近年似乎新舊交替之後，進駐幾間頗有名氣的餐廳，找機會試一試吧概然好耐無食過日式放題，今次就試神輿19:00已經好多人入座，食物質素應該不錯，心諗應該無中伏啦😬食放題落單技巧：食得精、叫得妙第一張單當然叫刺身啦⋯⋯嘩果支落單紙厚得像本字典😲食第一輪刺身先嘩！質素幾好啊⋯⋯刺身色澤鮮豔，夠新鮮；背寄貝好爽脆鮮甜醬燒魚骨腩是店員特別介意的，所以叫了一客果然無介紹錯，骨腩肥美，表面焦香可口串燒和天婦蘿是放題不少得的食物，天婦蘿只隨意叫了秋葵、海老和雞軟骨串燒有我鍾意的豬豚肉、和牛串，雖然簡單用黑椒粉調味，但燒得剛剛好，肉質仲好Juicy唔乾身燒羊架都不錯，神輿的爐端燒做得好有水準👍🏻壽司一人一件，手握壽司比較好味，的骰細件，唔會好飽滯只要間餐廳有芝士年糕，我都一定會落單的！1.5小時放題，慢慢食其實都好飽啦，比著以前真係由頭食到尾架！人大了心態變了，找個舒適地方食餐飯傾計最好不過！

非常日式裝修 好別緻格局設計可以自成一角令人談天說地更暢快食物種類都非常多起碼有成十張紙以上基本嘅都一應俱全尤其係飲品嘅種類都比好多其他放題有更多嘅選擇甜品種類唔多 但有我最愛既綠茶雪糕就夠哂！另外要讚下係一張單都冇漏過上菜非常速度快得黎食物質素係頗高的係熟食同炸物就可以睇得出！上菜時係超級熱辣辣的！而且服務態度好好特別推介下各類壽司卷物俾大家超級新鮮肥美高質高質高質！不斷encore再encore！刺身必點！整餐放題讓人食得好開心推薦下俾大家^_^

開心食放題，不開心也食放題，放題係治癒心情的最佳良藥。神輿日本料理位於食肆立林的創興廣場，地點絕對方便。最重要的是可以在任何時間入座計用餐2小時(不像某些放題般要在特定時間入座，然後迫在大堂等候入座，然後迫在同一時間下單)。而且也重要的是無漏單的情況，以我們點了又點來說，真係你點幾多就來幾多，超讚。店內環境設計好日式，給人簡潔舒服的感覺。而最最最最重要的當然是食物質素，以放題來說這裏的食物質素相當不錯。刺身新鮮美味，有新鮮肥美的三文魚、油香味濃的油甘魚、厚滑的帶子、新鮮的吞拿魚、鮮味的甜蝦、爽口彈牙有鮮味的北寄貝、象拔蚌及馬刀貝。壽司也很不錯，真是即叫即做，芥辣八爪魚軍艦壽司的紫菜是脆口的，好感動。火灼和牛壽司入口軟綿綿、火灼芝士三文魚壽司炙得剛好、劍魚壽司和左口魚邊壽司味度濃厚，推介。見這裏的壽司出色，所以我們也叫了明太子沙律手卷和蔥吞拿魚腩手卷，紫菜一樣脆口，蔥吞拿魚腩肥美，明太子沙律爽口入味，也是不錯的選擇。爐端燒的一口牛入口軟綿綿，而且調味剛好，不禁食完一串又一串。芝士焗虎蝦、芝士焗蠔、忌廉焗帶子熱辣辣，芝士味與海鮮配合得出色，推介。羊架燒得香脆可口，味道唔羶。天婦羅海蝦、青椒

動用了我的第三個胃來吃我這頓"放題"！ 超爽！ 朋友請吃飯，選址要遷就大家， 就在“旺角創興廣場＂揾食! 拖着疲累的身軀，放工後立刻去大飽口福、痛快淋漓地大吃一通，這是何等快活的事! Menu 成本書甘厚， 任你在2小時內發揮你的小宇宙， 類別由 A 至 J , 則是有成 10 種。。。 每一類別又有不同的款式， 狂 "剔、 剔、 剔" ， 奉勸大家，珍惜食物，食得哂才好"剔＂ 啊! 因為人流多， 所以食材能保持非常新鮮， 壽司看得出是即叫即做的!刺身 無得輸， 吃完再翻又再翻尋味喜歡榴槤的你不要錯過， 一定要嚐下 真係好多嘢食， 吃一次根本不會試哂的 會再光顧， 因為服務員的態度很好， 除了食物火速送到； 收拾和派發清潔碗碟也極快， 乾淨俐落， 真的要贊呢!!!

以前和田都係常客，呢間接手之後來過兩次，但一次比一次差，食物差，招呼差、入去右手邊位置完全無冷氣，同侍應講想掉位，但佢話已經開哂冷氣，一半坐都無，食唔到兩個小時就走啦，應該唔會再來，心淡

朋友生日，8個人一齊去食放題，雖然遲到，但食左超多野，放題黎講真係唔錯，刺身都好新鮮下，加錢仲有消酒飲，十分推介海膽壽司，叫左好多野，食得好飽，因為呢度有好多唔同既小食，雖然唔係好多特色野，但所有食物都有一定既質素，有個薄餅估唔到咁好味，個名睇唔出，值回票價，鍾意佢個芝麻雪糕，同埋D服務都好好，上菜既時間好快，人唔多，所以適合傾計，不過星期六日應該會好多人不過好適合一大班人黎食，好抵食！！！！！！

友人從網上得知最近新開了一間平民價的日式放題神輿 — 位於旺角創興廣場，此廣場本來也有放題、雞煲等食肆，可稱為美食廣場。即使只有2人，店員也安排了一張4人枱予我們空間十分大，方便我們叫滿一枱美食這是他們的菜單，以不同的主題分類。分別有：主食、小食、炸物、壽司、手卷、刺身、爐鍋燒、飲品、甜品。。。也分得挺仔細的，客人能跟據主題找到相應的食物，因而我跟友人坐下不到5分鐘就已經點好菜點菜後不到一分鐘店員馬上將飲品拿給我們這是我點的錫蘭檸檬茶，味道就是普通的檸檬茶囉但我很欣賞他的大小，小巧一罐，讓我們可以在放題中品嘗更多不同款式的飲品不會造成浪費(背景是我們厚厚的菜單）接踵而來的分別還有壽司跟炸物，壽司是以一件的形式去選擇，大家在點菜時要小心主意份量老實說，賣相一般，味道也很一般最好吃應該是炸物類，炸蝦天婦羅跟芝麻脆皮雞翼炸的剛剛好不會很重油膩味及厚粉，芝麻脆皮雞翼是我的最愛其實每個類別都選了一些菜式來試一遍，但都很一般，不論賣相還是口感。最後點了白桃氣酒跟雪糕作總結。綠茶跟芝麻口味口感軟滑，味道濃郁總結。這間的確是一家平民價的日式放題，每人埋單只需$200(已計加一)但味道，賣相，款式也很一

創興廣場好多放題、韓燒等既美食🍣🍲🍤🍙🍡✨今日黎依度食係因為朋友話依度食物質素好，但價格又同兆萬個邊差不多，所以我地就黎左依度食～一搭到5樓，門口已經好靚好吸引✨而店內亦裝修得井井有條，望落好乾淨之餘，地方亦好大寬敞，可以容納好多人👍🏻一黎到，梗係要黎食刺身啦😋😋我地3個人食，所以唔洗點咁多，所以就多點左三文魚🍣💓✨每樣都好新鮮，象拔蚌爽口彈牙👍🏻而且好乾淨~壽司我地最中意食火灼芝士三文魚🍣芝士加上三文魚簡直係天衣無縫的配搭，入口即溶😋忍唔住再叫多次😆另外仲有鰻魚、厚燒玉子、龍蝦沙律軍艦等等，樣樣都好好食❗️佢d飯唔係包得好多，所以食多幾件都可以👍🏻✨手卷方面，梗係要食軟殻蟹手卷。佢係炸的，新鮮得黎又有口感，食而不厭😍炸物方面，我地最中龍食芝士年糕，因為岩岩炸起，入面d芝士流心，熱呼呼食落口，芝士絲好正😋另外，燒汁一口牛點了2人分量，都好多，令我想起在台灣旅行時和朋友一起時食過的，牛肉粒肉質鮮嫩，雖然不算是高級，但食落口感一流😋甜品方面，我地點了芝麻同埋抹茶雪糕💓簡直係大愛😆因為味道好濃郁同埋好嫩滑，唔會好稀，所以一口氣就食哂一整球❤️飲品方面，我地點了菜蜜、玫瑰花茶。平時去cafe先有花

收工出到旺角已經12:30，四圍都已經拉哂閘，唯有去創興碰下運氣，睇下有冇未收工既，係地下跟住啲電話號碼打上去問，結果就黎左依間，剌身就真係比其他大乜乜屋差少少，但係就竟然有象拔蚌剌身，而且仲幾好味添，帶子雖然細細隻，但係真係好鮮甜，甜蝦就最普通果隻，馬刀貝有驚喜，三文魚，呑拿魚，希靈魚普普通通，除左我件羊架燒燶左少少之外，其他熟食味道就高質過大乜乜屋果啲好多，最後點左個牛肉窩，味道真係好好，我一定會再黎！👍🏻👍🏻👍🏻

收工做完嘢 ， 同好耐冇見嘅朋友去食飯， ， 一行都入去， 個場坐一半人到冇， 都知道伏伏地，算，好啦見到有卡位問下，嗰邊冇人可唔可以坐嗰度卡位， 一個好串戴眼鏡嘅樓面哥哥話， 嗰邊行六人枱你呢張係六人枱分開兩張枱座果邊唔得，ok，都算，叫野食，上菜......淡水蝦扮海蝦，服務員不知所謂，環境嘈雜， 沙律醬扮芝士焗， 馬刀貝臭嘅， 北寄貝好似橡筋咁，牛肉梅過梅德韋傑夫， 天婦羅冇味嘅，我真係好開心呀！ 放題做到禁，真係唔好做喇。。。。

門口睇落好靚，滿心歡喜諗住食好野，點知......刺身壽司同罐裝飲品算係成間鋪頭入面唯一可取既野串燒方面，雞腎冇味又腥肉味雞肉軟骨棒既肉好霉，入口即散，歡迎帶老人家黎食，感覺似烚完再炸羊架乾憎憎，冇羊味冇調味，只有燒焦左既味道秋刀魚筷子督落去好似督緊梳化咁，又硬又實，肉食落去冇味又乾芝士焗蠔，成舊肉灰灰綠綠咁，問食左既朋友評語只得3個字“腥夾臭”熱烏冬冇味，熱菜蜜冇味，味噌湯冇味。 好後悔貪個門口靚入左黎，寧願返屋企樓下食吉野家

一開始係見環境幾靚又有海膽壽司先去，去到發覺環境裝修的確幾靚，但係食物質素一般，而且漏單就非常嚴重！ 一般都知道放題唔會俾足，但係漏到食唔飽真係第一次！刺身單寫8張！只有3張單食物有到（當然到唔齊）！！！熟食單一樣10張嚟到大約一半。除了飲品齊，其他冇齊過，甚至冇到過！總之飽肚熟食就會快啲到，同埋到齊啲，刺身等貴價刺身就唔會齊。而且上食物速度十分慢！有時候真係唔知佢係漏左定係未到！同服務員講好多冇嚟到，佢地冇跟，只會叫你重新寫過，但係寫完一樣係漏！就係咁不斷寫，食物不斷唔到，再不斷重新寫，直到時間夠，佢問last order要啲咩，叫左點知都係冇嚟齊。食到嘅嘢實在太少，服務態度有改進空間。放題食唔飽 真心有啲崩潰 唯一安慰係海膽壽司唔錯！其他希望可以改進！

剛去完日本旅行，嚐遍當地各種珍饈百味，回港後不到兩日，便獲朋友邀請食日式放題。基於經濟學的邊際效用遞減法則，我以為這餐一定不過爾爾，怎知卻是驚喜連連，打破了不斷消費同一種物品，人在心理上的興奮程度或滿足必然減少的鐵律！ 3本聖經那樣厚的點菜紙，大大疊放於枱上，有齊刺身、壽司、炸物、湯煮、手卷、火炙、飲品、清酒、甜品等選擇。 燒羊架，完全無羶味，而且肉汁豐腴，口感嫩滑。 火炙之物：和牛壽司、龍蝦壽司，食材矜貴，薄切包上珍珠米已經好出色。 芝麻雞翼、汁燒雞翼，皮脆肉滑，有水準。炸蠔大大隻，蠔味濃。天婦羅蝦新鮮炸，粉薄不會過火。 迷你八爪魚、蜆肉，濃稠汁醬，是精華所在。 關東煮，配料好有在地特色，正宗，連湯都好味。 芝士焗蠔、芝士焗中蝦，完全感受到滿口芝味、拉絲不盡。 串燒熱辣辣，個人最愛雞肉串。 軟殼蟹手卷、有半隻軟殼蟹在內， 雖然是比較小隻的， 炸得倒是鬆脆香口。 刺身新鮮食得出不是低價魚生。赤貝、北寄貝、活帶子必點必食。   三文魚骨，多肉不腥，夠入味。 綠茶雪糕、芝麻雪糕、紅豆雪糕，雖不是名牌也見細滑。可惜胃納有限，不能再三添食！ 清酒、啤酒等酒品任飲每位加收$28，其中白桃汽酒最正