石鍋堂

营业中

休息中

咁啱嚟開油麻地買嘢，一直沿着通菜街搵食，見到石鍋烏冬好似幾特別，就揀咗呢間餐廳。入到去見到大部份座位已被坐滿，叫咗照燒雞扒石燒手打烏冬 ($74)同石鍋堂海鮮石燒手打烏冬 ($84)。餐廳枱與枱之間嘅位置好窄，其實都有啲擔心會容易發生意外。上菜時湯仲滾緊，店員都有特登比隻碗裝海鮮殼。兩款石燒烏冬都叫咗黑松露蘑菇湯，見到其實係好稀嘅蘑菇湯再加啲黑松露喺面，攪勻後食落去味道都唔算好濃，烏冬都因為浸得太耐而塌晒。雞扒好乾身唔入味，比較好嘅地方係餸嘅份量比想像中大。不過覺得衛生麻麻，下次未必會再嚟😰

Switch出新Game所以就出咗旺角買Game，因為疫情下嘅我，已經成兩個月無行過街，無出過街食晚飯了。所以買完隻Game後點都要行多陣同食埋晚飯先返去。難得晚上7點無咩人的女人街，行過路過都真係行得舒服。行行下發現一間餐廳有人排隊，同條街形成一個大對比，我就八卦望下。原來係石鍋堂，諗下自己又好似好耐無食過石頭鍋，咁我同Honey就排埋一份。拎咗個籌好好彩都好快有位。入到去發現原來要搭枱，都無所以啦。不過剛剛又有一張2人枱埋單，職員仲主動過嚟問我地轉唔轉枱，真係好細心。排隊嘅時候就已經諗定食咩，好快就落到單。Honey點了石鍋堂海鮮-山地獄辛辣湯見到有嘅海鮮包括蝦、蜆、帶子Honey比咗蝦同蜆我食，都好新鮮，蜆無沙，蝦就好鮮甜另外見到帶子都好大粒。而我就點咗安格斯牛肉-黑松露香菇湯黑松露比想像中份量都算多，望落都有成一湯匙我就先飲咗啖未撈黑松露嘅湯，已經好香菇嘅味道再將黑松露撈埋落D湯，成個湯嘅味道再提升哂鍾意黑松露嘅人真係一定要試吓。另外牛肉份量都幾多，因為我分咗D比Honey後都仲有好多塊。而且牛肉肉質都好嫩滑。除咗兩個石鍋烏冬外，我地仲點咗3個小食日式炒雜菜-味道都幾好，不過除

間鋪比較細，所以都要等位，不過店員就係我地等緊嘅時候比左menu我地點餐先。一坐底佢就有樽酒精搓手液比我地😆我就叫左個黑蒜湯底嘅炸豬扒烏東，我覺得湯底咸左啲，其他都不錯，個豬扒好正之後再叫左炸軟殼蟹，好食我地3個人食一碟其實唔夠喉😂😂😂食到咁上下店員無啦啦上左碟野話係送比我地嘅甜品，類似麻糬咁，個皮煙煙靭靭，入面係紅豆，味道不錯。 但有樣唔好嘅事發生左，就係食食下有隻好細嘅昆蟲係枱度行😰嚇死

📍熱辣辣石鍋烏冬 -- 石鍋堂🍜旺角通菜街好多好嘢食😍烏冬有好多款式，有照燒雞扒，鰻魚，豚肉，安格斯牛肉等等，真係選擇困難發作😂掙扎完一輪揀咗厚切豚肉😍跟住又要掙扎埋湯底😂最後就要咗黑松露香菇味😋-------厚切豚肉石燒手打烏冬 配 黑松露香菇湯（$74）石鍋烏冬熱辣辣標晒煙😂聞到好香嘅黑松露味😆豚肉份量好多，有成五大塊，仲要件件都勁厚🙊啱晒肉肉控😂湯底味道帶黑松露味，但小編略嫌唔夠濃😭扣咗少少分😭豚肉索咗湯底嘅黑松露味，食落唔錯，好軟腍，仲冇肥肉👍烏冬食落滑捋捋，但唔知係咪喺石鍋一段時間之後受熱太耐，食食下會開始變腍，唔夠彈牙🙊整體不過不失🙊-------創意照燒雞扒蛋包飯 ($72)首先份量多，好大碟😍蛋包飯嘅蛋皮炒得幾香，可惜口感食落比較鞋口老身，略為扣分，但好彩淋喺面頭嘅照燒汁為蛋皮加返少少濕潤嘅感覺，令佢不至於乾身。內裏嘅炒飯好香，帶照燒汁甜甜地嘅味道，惟炒乾身少少會更好👍雞排件件都好厚肉，咬落爆晒肉汁，好juicy😍😍雞皮仲燒到脆脆地，好邪惡但忍唔住係咁食😋整體唔錯，性價比高，可以一試💕另外店員服務好有禮貌，用餐體驗好好😍------評分（10分滿分）賣相：7味道：6性價

近期天氣入夜比較涼，想吃點熱東西暖肚，朋友提議去吃石鍋晚餐。這小店非常旺，晚飯時候爆滿，我們離開時還有人等位呢！鮮活蜆石燒手打烏冬我們選了黑松露香菇湯底，一上枱香氣四溢。石窩很夠熱，湯滾得沸騰。湯底菇味濃郁，黑松露醬給得慷慨，有一大舀，非常美味，滿滿的大蜆蓋滿鍋面，蜆肉大粒鮮甜，手打烏冬煙靭順滑。原來石鍋溫度可高達300度，怪不得吃得最後，溫度還是保持熱度。燒牛仔骨牛舌石鍋飯燒汁牛仔骨肉質鬆軟，惹味。牛舌雖是薄切，但牛味濃洧，有咬口。飯絕對是重點，加入店內自家調製的芝麻日式豉油，撈起飯粒和脆口飯焦，非常香口惹味，一大鍋亦吃清光。絕味燒雞翼一份有兩串，共有四隻中等size雞翼。雞翼燒得皮脆，油香十足，灑上少許辣粉，是非常惹味的小食。最後，還有甜品送呢。是紅豆餡的菓子，煙煙韌韌的外皮包着紅豆餡，不會太甜，我們都吃得滿足。

好耐之前去過石鍋堂一直念念不忘所以今晚晚餐決定帶朋友去係市道低落下石鍋堂依舊滿座真係唔簡單我地兩個人分別叫左安格斯牛肉石燒手打烏冬照燒雞扒石燒手打烏冬吉列蠔佢地店既賣點係即叫即製 熱辣辣手打烏冬用石鍋上保持住温度 沸騰個人好鐘意佢地既手打烏冬粗幼度岩岩好比一般既烏冬粗身非常有咬口而且非常彈牙索湯汁冇得頂必試朋友既安格斯牛肉好有質素切成薄片 半生熟入口非常之香軟我既照燒雞扒都非常有份量外表燒到出哂油香雞肉十分嫩滑 而且好入味到小食吉列蠔有3隻 即叫即炸處理得好好 唔油膩 又香脆岩哂鐘意食蠔既朋友仔總括黎講石鍋堂 性價比好高好味道又親民既價錢

今日黎到旺角，又係搵野食既時間，天氣突然凍返少少，梗係要食啲暖既野食喇！今次揀左石鍋烏冬！以為食烏冬好普通？一定唔係，呢間餐廳有不同湯底俾大家揀，你可以揀自己鍾意的餸菜配上合適的湯底。今次我地試左大蜆配豬骨濃湯。蜆的數量唔多，其他配料又唔多，好快食哂。湯底有少少偏咸，如果唔鍾意濃味既人要留意。另外仲點左吉列豬扒配黑松露磨菇湯，呢個湯底好香，遠遠都已經聞到，湯底有少量菇，好好味，湯底係其他地方較為少見，可以一試。豬扒炸得唔乾，有肉汁鳥冬較為粗身，好彈牙

今晚與友人到西洋菜街搵餐廳食飯，見到是石鍋料理幾特別，於是揀左呢間餐廳。餐廳都幾細心，正值疫情施虐，餐廳都幾細心，四周都擺滿酒精搓手液俾客人用！超級細心。見到餐牌嘅時候，每樣食物價錢都唔貴，絕對是價錢貼地嘅餐廳。出菜都好快。我最滿意的絕對是石鍋烏冬！我完全估唔到厚切豚肉（魚介豚骨濃湯）肉嘅份量係可以咁多！比起一般日式麵食餐廳真係多得多！我和友人分享的時候，夾極都仲有！超級開心！加上我地食得比較慢，掛住食小食，點知再夾烏冬食嘅時候都仲係暖暖的！加上湯底非常濃郁，但絕對唔係鹹！烏冬都好煙韌彈牙爽！小食方面，真係不負我所望，串燒黑松露帆立貝好燒得啱啱好！咬落去好juicy，唔會乾巴巴！好後悔冇點埋其他串燒！炸芝士年糕，咬落去爆芝士果下真係大大嘅滿足！令友人最驚喜的是關西風石燒流煎餃子，可能是燒的緣故，成個餃子乾乾的表層但係入面係濕軟的口感，最後友人竟然同我搶食！

今日同朋友行完街，就去女人街睇下有乜好食，一見到石鍋烏冬覺得幾吸引就選擇依間，都要排一陣隊但15分鐘就已經到朋友選擇左吉列豬扒石燒手打烏冬配黑蒜油豚骨湯，用石鍋熱滾滾甘上枱，真係好想即刻大啖大啖食但 實在太熱，豬扒外脆內嫩，湯底香濃，烏冬口感夠煙韌，還有因用石鍋關係就算差不食完都還在出煙，真係好適合冬天去食我自己就選擇了厚切豚肉石燒手打烏冬配黑松露香菇湯，湯底濃郁但又不會太膩，豚肉真係好大件又厚切，女孩子胃口細真的未必食得完最後仲有個紅豆糕送，但我太心急相都未影已經食左，100以下食到一碗好足料既烏冬，真心平靚正

雖然話疫症嚴重，但點都要行街食飯，難得今日出左去旺角，就同老公去行下佢至愛既玩具鋪，行到咁上下就上開飯睇下附近有乜好食，為免揀太多人既食店，揀左好耐，終於揀左呢間石鍋堂👍🏻店舖不算大，而我地到達時間都算幾早下，所以不算太多人，亦都唔駛等位👍🏻望下餐牌，就在餐紙點餐，兩口子點了一個石鍋烏冬，一個石鍋飯，一個小食，一杯飲品，已經好滿足😋安格斯牛肉石燒手打烏冬：有幾個湯底選擇，我地就揀左黑松露香菇湯。當侍應將石鍋烏冬送來時係熱騰騰，塊牛肉係好靚，而且黑松露香味好正，撈勻之後，提升了成個烏冬味道燒牛仔骨牛舌石鍋飯：超香，牛仔骨好嫩滑👍🏻我特別好愛石鍋上的飯焦，好正要推介這兩串岩鹽燒牛舌，超好食超好食超好食要close up比大家睇下，係非常之厚切😍雖則厚身，但完全唔鞋，好滑呀，好回味大家一定要點👍🏻仲有兩件甜品係送既，令成餐飯好滿足🤗

心血來潮好想食鰻魚飯，在旺角女人街難得找到一間有提供原條鰻魚飯的餐廳。這間店向來人氣高企，無論是午餐時間或者晚餐時間來，都會見到等位的長長人龍，店鋪最出名的當然是招牌石鍋烏冬！今日過來，聽到店員說現在只有在晚市才會提供石鍋烏冬。不過我今次來是一心想食鰻魚飯，所以順利成章點了「原條鰻魚飯」跟餐飲紅棗桂圓茶。鰻魚份量十足，每啖咬下去都超滿足，不過鰻魚汁略嫌不夠，店員說如果不夠汁可以用放在檯面上的豉油，不過本來食鰻魚是想食甜甜的味道，變成配豉油飯感覺怪怪的。。。🤔而跟餐飲品紅棗桂圓茶味道偏甜，亦都飲唔到紅棗味。

排隊等左陣，都算快還可～叫左石鍋烏冬，豚肉松露菇湯底～石鍋上好熱，豚肉入味啖啖肉，呢一茶匙嘅松露伴住每一啖烏冬，係滿足嘅，食完好飽下。-不過drinks唔好飲都係真心，不過食熱野好難唔叫野飲喔。炸蠔可以skip，粉偏厚，蠔細粒唔係特別香，無feel。-但燒牛脷好食，要叫！厚切但唔會燒得太熟，無UN，呢個價錢黎講算好掂。-溫馨提示：相對上座位係冇咁舒適，要搭枱，傾計難少少，明白嘅，女人街嘅食檔係咁。

呢排天氣咁凍 最啱就係食熱辣辣既石鍋啦😋😋呢間餐廳除左石鍋都有好多其他菜式 但我地始終都係試左佢既石鍋先 下次再試其他😛首先要左個安格斯牛肉 配魚介豚骨濃湯 一上黎個時個湯重滾起 熱辣辣！上面重有啲櫻花蝦 令個湯底更鮮味！睇住啲牛肉慢慢碌熟 可以跟自己喜好食唔同生熟度既牛肉 不過呢個牛碌耐左都唔會好硬 而且牛味好重！👍烏冬都係我中意既 煙un有口感！朋友點左燒牛仔骨牛舌石鍋飯 食石鍋飯最中意就係熱到佢有飯焦 夠香口😋😋兩款牛都唔錯 份量亦好足 一定夠配一鍋飯食！呢碟炒雜菜亦好推介！佢個汁好好味 配埋會入味的蔬菜 正！埋單都係每人一百蚊鬆啲 但就暖笠笠了☺️

從前中學就在油尖旺區，時常也在旺角街頭流連。當年通菜街內的餐廳，除非門面太過不吸引的，近乎每一間也吃過。已經起碼五、六年沒有在這一帶覓食，每次都只是途經此地。一直有留意到這家名叫石鍋堂，主打石鍋烏冬的餐廳，門外總是滿滿的人潮。這天剛好下午六點多，又經過這裡，店內人數略少，便決意一試。石燒手打烏冬，也有五款湯底可選，配料更不在話下。安格斯牛肉石燒手打烏冬(黑蒜油豚骨湯底)($80)，配料比想像多，冬日夜晚，吃一碗熱騰騰的石鍋烏冬，特別惹味。男友點了汁燒牛仔骨和照燒雞扒冷烏冬($78)，滿滿一碟肉，令二人都嚇一跳。烏冬份量也不少，配上胡麻沙律醬，經典的香口惹味，性價比極高。起初不知食物份量如此驚人，還點了吉列芝士豬扒($25)作小食。十分欣賞夾在豬扒內軟熟、流心程度剛好的芝士片。無論拍照或食用，一樣滋味。離開時才不過晚上七點，店外已排著十幾人。吃畢還有甜點附送。果然，價廉物美，自然有口碑，大眾也會懂得選擇。

今日同個朋友去開旺角搵食, 凍凍地, 好想搵D熱驣驣既野食下, 朋友提意去食石鍋飯, 諗起女人街入面有人間成日有人排隊既”石鍋堂” 今日有機會試下了, 去到真係好好生意, 但係啱啱好有兩個人走, 又剛剛好有位, 但係好可惜, 我地可能太夜去到, 全部牛同牛舌都賣哂, 店員推介我地試下佢地既烏冬, 佢話湯底包有驚喜, 我地叫咗一個魚介豚肉烏冬, 另一個叫咗黑松露豬軟骨烏冬, 小食叫多咗個芝士吉列豬扒, 等咗一陣D烏冬好快到~ 上枱個刻真係好震撼~ 兩碗野熱到火山咁滾, 個石鍋好堅~ 堅熱~ 魚介湯真係不得了~ 好濃鰹魚味~ 每條烏冬都入哂味~ 豚肉有DD肥, 好林, 好啱冬天食~ 小食芝士吉列豬扒, 芝士勁流心, 炸得好好, 不油勁脆~ 結論: 用心製作的小店, 性價比十分高~ 會再去食好餐廳