石鍋堂

营业中

休息中

這間食店，平時同朋友行旺角，每逢星期六，都會在這兒吃Tea，價錢不貴同味道不錯，坐位都坐得舒服，今晚第一次在這兒吃晚飯，又另一種味道，我選了鲜活蜆石燒手打烏冬，湯很有鲜味同熱，烏冬有口感，好味

Happy Friday 同朋友揀佐食呢間石鍋烏冬💛7點頭黎到等佐幾張枱就入得。厚切豚肉石鍋手打烏冬-魚介豚骨濃湯($72)食烏冬，一定係飲下個湯先！熱辣辣一路滾住，都幾重魚介湯味。烏冬彈牙，厚切🐷肉好嫩滑，食落唔會太肥膩，仲有成四五塊好足料！照燒雞扒石鍋手打烏冬-山地獄辛辣湯($68)雞扒略嫌咸佐小小，但個湯底都都幾惹味👍🏻呢個價錢食到如此烏冬，好抵食👍🏻👍🏻食完仲有2粒豆沙餡既水晶糕😋大滿足不過大家就唔好預坐得好耐都係食完就閃，環境較迫～為食指數: 3/5性價比指數: 4/5推介指數: 3/5

第一次來到石鍋堂，當時是吃招牌的石鍋烏冬，一人一鍋乾淨又衛生！石鍋堂海鮮石燒手打烏冬：配上了魚介豚骨濃湯。熱辣辣的石鍋烏冬看相都仿佛聽到jar jar聲，所以十分熱要小心！這個烏冬有蟹柳、櫻花蝦、鳴門、蝦、帶子、蜆等等，配上濃濃的魚介味，海鮮味道配料層次豐富！蒲燒鰻魚雞扒石鍋飯：上枱時熱辣辣，鰻魚份量很足，加上配汁，對本身比較乾身的石鍋飯是適合不過，肉質爽口並帶有少許油脂。雞扒的份量亦很足，雞扒肉質鮮嫩，非常入味。赤坂魚蛋：加入烏冬一齊食唔錯😊😊最後仲有免費甜品。

之前第一次去食嘅時候食咗個照燒雞扒石燒手打烏冬，魚介豚骨湯底幾濃味，烏冬十分彈牙，但係照燒雞扒就普普通通唔算特別出色，所以果次食完都係覺得中規中矩啦！但近日喺旺角行街既時候又經過番呢度，見肚餓又唔使點等位就決定再俾多次機會佢。今次叫咗鮮活蜆石燒手打烏冬（黑松露香菇湯）：湯底嘅黑松露香菇味十分濃郁，啲蜆都好新鮮，但係就好似有少少沙！不過整體來講都算好好味。食到最尾嘅時候差唔多飲晒全部湯。呢個配搭真係唔錯！好味過上次燒雞扒烏冬！石鍋堂海鮮石燒手打烏冬（黑蒜油湯）呢個係男朋友叫嘅，呢個海鮮烏冬有幾種海鮮每樣都有少少，而且都OK新鮮！面頭有啲蒜片，另外個黑蒜油味都幾香，食落又唔算好油！不過相比之下我都係比較鍾意黑松露香菇湯！今次叫呢兩個烏冬十分有驚喜！感覺好食過上次！今次亦見到好多人叫吉列豬扒，諗住下一次去嘅時候再試下！

以前食過黑松露石鍋烏冬，懷念非常。今次覺得失望左🍜 無黑松露湯底，食左山地獄辛辣湯 雞扒 石鍋烏冬。 以前食到一半個鍋都仲熱。而家擺上枱面一陣，就無咁熱了。 湯，唔算辣，學侍應哥哥話齋係泡菜辣。 雞扒夠厚，但覺得有點太甜。🥛水蜜桃綠茶： 我叫凍的。正常服務：侍應哥哥有禮貌。 但如期待老闆侍應熱情招待就沒有了。 我之前去的時候，有個老人家做野，好好禮貌。當時老闆都好有幹勁同禮貌，而家唔同左。🍡有甜品。幾好。收費：要加一。 well. 哦。

石鍋烏冬比較少見喜歡它熱騰騰上碟的感覺而且湯的溫度會比較保溫(本人喜歚熱湯)以前通常食尖沙咀那間而家喺旺角都有得食了本人覺得呢間質素都唔差的點了~吉列豬扒石燒手打(和風咖哩濃湯)烏冬呢個咖哩湯係幾特別好香.....有咖喱味但唔會好辣飲多幾啖湯都唔會覺得好辣坊間湯烏冬都比較少咖喱湯底豬扒上碟時係新鮮熱辣的咬落去算鬆化唔會好干份量中規中矩啦本人唔算細食都覺得飽~鮮活蜆(黑蒜油豚骨湯)烏冬本來係點魚介豚骨濃湯但被告知賣晒左有點失望今晚係想食魚介豚骨湯嘛好似第一次揀黑蒜油豚骨湯都有少少驚喜比想像中夾烏冬我都飲左好多湯佢好香但又唔會過濃烏冬索晒湯好正蜆算大SIZE唔會好瘦削果D都有好多隻算幾大方~蟹棒青瓜沙律呢個清清地平衡番個烏冬既濃味又想食下蔬菜味道正常蟹棒份量都唔算好少$35 黎講算OK下次一定要食番個魚介豚骨濃湯

最近有啲秋意成日想食啲熱辣辣嘅野😋通菜街呢間「石鍋堂」就真係正中我下懷🤣去到已經大排長龍座無虛席～.鮮活蜆石燒手打烏冬 配 魚介豚骨濃湯 $82 店員用燒熱嘅石鍋上菜食到最後d湯仲係熱嫁😆（小心唔好掂到個鍋，我已經吸取左教訓）店主一d都唔吝嗇😍 蜆隻隻都大大粒😍 手打烏冬特別彈牙可口湯鮮味十足🤤 .厚切鵝肝野菌石鍋飯 $88（可轉普通碗上）鵝肝有輕輕煎過～煎到表面甘香、脆卜卜裏面軟糯、細膩充滿鵝油香🤤🤤.食到最後仲有甜品送

自從疫症之後，出街食飯既次數真係少左，難得今日星期五，就同男友出街食石鍋烏冬燒鰻魚 魚介豚骨濃湯男友鍾情鰻魚，湯底就揀魚介豚骨，湯底幾鮮味，但就咸左少少，食番舊鰻魚，甜甜的鰻魚醬就中和番鮮活蜆 黑松露香菇湯上枱見到成碗都係蜆，都幾驚喜，蜆肉新鮮唔腥，黑松露湯底味道濃郁，但又唔會蓋過蜆肉鮮味，兩者都幾夾，仲有香菇粒粒，入哂味好好食湯底原汁原味，唔係味精湯，食完唔好口渴，讚👍🏻關西風石燒流煎餃子開頭以為係煎餃子，但上碟又唔似，似半蒸半煎咁，唔係脆口的，但外皮又乾爽，幾特別，配埋木魚碎同餃子汁，味道唔錯

環境麻麻食物質素普通，真係唔值得排隊食！之前睇Ig有人介紹已經想食好耐，點知好失望🙈。星期六望七點幾去到女人街見餐廳門口好多人排隊，心諗應該都吾差嘅。等左半個鐘左右有位，見到店內環境真係好迫，四人抬打橫放塊版，食嘢都頂住個頭，好彩坐左去二人枱，但都好迫有人行過走廊都擔心會被撞。一個石鍋烏冬都吾平要七八十蚊，滿心期待應該質素都會高，叫左個肥牛咖喱湯底石鍋烏冬同新鮮燒蜆黑松露濃湯石鍋烏冬。石鍋黎到都好有睇頭，好滾滾到差啲瀉幾有視覺效果，個烏冬都好熱好滾比起出面餐廳嘅石鍋熱好多，要非常慢甘食。👎🏼問題來了，個烏冬食到一半已經好似唔想食，因為湯底同烏冬都好普通，烏冬冇咩口感一咬就碎，兩個湯底都好似自己屋企整都得甘😂何必用80幾蚊食一碗。由於個鍋不斷咁滾得好熱，個面嘅餸越滾月熟雖然個牛有啲鞋，我個蜆本身係鮮甜好食嘅蛋滾到好硬🙈真係好可惜應該要一早夾晒出嚟先。小食叫左燒雞翼，上面淋左七味粉個皮好脆都幾好食。飲品方面就差啲，個店員拎過嚟嘅時候手指掂晒個杯邊，本身朋友要我估杯飲品係咩，我飲一啖超甜完全唔知飲緊咩，用幾分鐘先諗到佢係桂圓味，完全係糖水味，真係吾想飲，不過個烏冬太熱所以都飲晒杯凍飲。

味道：⭐️⭐️⭐️⭐️以前超中意呢間小店 真心覺得佢既烏冬真係幾高質但過左今日，我應該唔會再幫襯呢間小店第一次食飯食到咁嬲🔥🔥🔥事源 今日去食飯 同朋友一行三人去到鋪頭拎籌既時候 店員就比左張22號既籌再同我講：「你行下再過黎啦，無咁快到」因為小巷入面好焗咁我地就行開左小小過左一個鐘後去問多次係未到 咁多人 我地都理解既～又行埋一邊繼續等🙃一個半鐘後 行返去鋪頭正門店員話：「雖然你地22號，但另外果2枱企正係我地門口等左好耐，所以我比佢地入先」咁點解店員唔同我講清楚唔好行開？！加上我都係係過小小既位置等派籌既意義唔知係咩lol 40幾號既人都可以早過我入座因為咁 我地等左1hr45mins❶吉列豬扒石鍋烏冬 $70曾經係一間令我不斷encore既小黃店烏冬熱辣辣 豬扒又脆而且價錢合理👻但今日之後 我blacklist左佢 byebye

喺旺角唔知食咩好，所以又揀翻上次意猶未盡嘅石鍋堂😽雖然店鋪喺女人街 店面小小 但質素好好 亦充滿人情味👍🏻我地嗌咗燒鰻魚烏冬-黑蒜油豚骨湯味 $96烏冬好高質🤤 煙韌得黎帶點軟糯 都掛湯湯底好香黑蒜油味 但唔會好味精 鰻魚份量都唔少～燒鰻魚個汁啱啱好唔會太甜 肉質就半肥啦🤣 脆味軟殼蟹 $45軟殼蟹炸到好脆 加咗七味粉好香 調味做得好好👍🏻點沙律醬令炸物唔會太膩炸芝士年糕 $22/2pc呢到炸物真係出色～ 炸得好脆但唔會好油外脆內軟 芝士年糕同樣地流心🤤 焦糖朱古力意想不到幾好飲😽 焦糖同朱古力好夾 又唔會太甜兩個埋單200已經好飽😆 真係好抵食！

女人街的食店上，這間店都算幾旺閒日七點多來到，門外已經有些人等位相比同街其他店較有人氣 厚切豚肉石燒手打烏冬, 黑松露湯 | $74石燒鍋放在枱上時燒得滾滾的，上面舖了一堆黑松露醬厚切豚肉好腍，肉與油脂相間，食落好香滑，有大約四塊厚切的豚肉，交換餸後每人都有兩大塊，好多湯味撈了黑松露好香照燒雞扒石燒湯手打烏冬, 黑松露湯| $74照燒雞扒皮燒得香脆，但肉質依然嫩滑雞扒都幾大塊，又夠厚，啖啖肉。石鍋的好處是食到最後整個烏冬仍然熱力十足關西風石燒流煎餃子| $35 5隻餃子跟平常普通日式煎餃子不同，上面舖滿了木魚，加了沙律醬及燒汁，跟八爪魚小丸子的味道相似一邊食一邊沾滿滿碟邊的醬甜品和菓子甜品是送的，紅豆饀料和菓子，不會太甜，而且是免費，覺得賺了下次要再來試下其他湯底或者蛋包飯

朋友話上次食完呢間烏冬之後又想再食，陪朋友再黎食過😋店舖唔算好大間，但就人山人海好多人食，亦有唔少人等位。呢到除左有石鍋烏冬亦有石鍋飯選擇，而且配搭種類都有好多選擇。今次試左呢個燒牛仔骨牛舌石鍋飯，牛仔骨同牛舌肉汁豐富，而且好爽口，石鍋飯仲要有埋飯焦食，好香口。呢到石鍋烏冬真係出名好食，就算食完個飯先再食烏冬，d烏冬都唔會林哂仲熱辣辣。我地今次試左呢個厚切豚肉，雖然厚切但肉質好林，配埋個豚骨湯底好入味。👍🏻呢到仲會送埋甜品食。

逛街經過，便被這間主打食石頭鍋菜式的餐廳吸引了。天氣開始轉涼，我們都選擇石鍋手打烏冬。烏冬也有很多組合，可先選擇主菜，再選湯底。照燒雞扒石燒手打烏冬，配和風咖哩濃湯。香氣撲鼻，濃濃的咖哩湯底配烏冬很夾。手打烏冬軟滑，有別於一般烏冬麵。雞扒是另外碟上的，厚切大份。石鍋堂石燒手打烏冬，配魚介豚骨濃湯。石鍋保存了熱度，食到尾也熱呼呼的。有很多海鮮，帆立貝、蝦、蜆等。可先進食海鮮，免於過熟。魚介湯底清甜，帶點海鮮鮮味。點了岩鹽燒鯖魚。 燒得剛剛好。店員還送上紅豆和菓子，煙煙韌韌。剛吃完熱石鍋烏冬，配上這冰凍小甜點，取個平衡，好滿足。

收工去咗旺角逛完街，見天氣涼涼地，所以想食碗熱辣辣的湯麵，於是就去咗女人街有一間叫(石鍋堂)的店舖試試！海鮮石燒手打烏東＄82每款烏東都可以自選湯底，我就選咗(山地獄辛辣湯)，辣度適中 ，湯底加入了泡菜，辛香味濃加上300度高溫的石鍋，keep 住個湯底晤會變凍，越食越惹味，而海鮮方面，蝦肉爽甜，帶子大大隻，蜆冇沙而帶鮮味，重有蟹柳，粟米粒等等．．．超滿足😋😋！安格斯牛肉石燒手打烏東＄82魚介豚骨濃湯，用了多種不同的魚乾熬製十小時而成，每一啖烏東都掛滿湯汁，味道濃厚，牛肉份量亦晤少，沾上蝦米仔一齊放入口👍🏻👍🏻！最後原來有甜品送😌😌太好了！