相撲手日式放題 (已結業)

有一段時間沒吃放題, 又心思思想食啦, 所以便約朋友陪陪我囉,可能因為以前公司在尖沙咀, 所以無論逛街或食飯,也特別鍾情這地區呀~相樸手是固定場次的放題, 第 1 場已趕不及只能選第 2 場 20:45,座位也算多, 我們 2 人給了 4 人座, 所以很闊落、舒適,食物一次過到也不怕呢~為什麼是與別不同呢, 就是它們設有特別食材在指定時間,由廚師即席切割分配, 想吃便要排隊等候啦, 另外在尾聲時,部份甜品也是限定數量推出, 只需舉手表示, 職員便會送到你面前,但數量有限, 有機會得不到架~坐下不久便會有服務員推著滿載飲品的流動車,想飲什麼可隨意選擇丫, 另外它們的食物份量也蠻大,所以第 1 次最好不要點太多, 而 order 紙上亦印有大嘥鬼圖像,提醒食客不要浪費食物呢~冷豆腐還有配菜, 不會單調又清新健康呀~西湖牛肉羹算是較中式的湯, 材料豐富, 味道一般囉~水餃鍋餃皮不會過厚, 湯很清甜, 還有金菇, 蔬菜等呀~雞翼、多春魚、魷魚圈多春魚在放題比較少見,但味道就沒什麼驚喜囉, 雞翼很香口, 不錯呀~花之戀、三色花之戀、蟹籽腐皮船, 還有些壽司, 大件、新鮮、美味, 很滿足丫~野菌雜

由於食量真的不算太大，所以較少食日式放題，但久不久放縱一下亦無妨(ฅ>ω<*ฅ)放題最好之處在於喜歡食什么便自行叫什么，跟朋友完全採取自行負責制，自己叫的食物當然要自己包底這次去的【撲手日式放題】雖然門口的位置不太大，但內裡其實佔地很大而且走廊位置也很寬敞，不用怕很容易就跟人撞到，非常適合帶小朋友來這次竟然幸運地輪到了卡位，有位子可以放袋子真的太好了2-3個人坐非常寬敞，但4個人的話就可能很擠了一開始入座時，侍應會推著大大的滾桶飲料車來讓食客先選了飲料如果想要再拿可以自行到飲料櫃取用這邊有我最愛的C+檸檬，真的太好了！！番石榴也很好喝，石榴味濃郁另外，也有熱水和茉莉綠茶可以自斟自飲魚生吧採半開放式，剛好就在我們附近看著師傅手起刀落處理食材，真的非常賞心悅目最喜歡的是點菜紙，每樣食物都有圖片對照，很容易就可以找到自己想要的食物對於有老人家和小朋友的家庭，這點也非常加分，感覺很貼心吃日式放題，首先當然要來個魚生大拼盤墊墊胃了魚類和帶子都很鮮甜肥美蝦的話還是喜歡小小雙的甜蝦，這種大隻的總感覺很難入口，不過也彈牙就是了玉子燒就沒什么特別，還是喜歡熱吃多於凍食貝類因為不吃，所以沒

近四出去不同地區揾下好味食店,當中有伏有唔伏,人生總要試下不同地區美食，日本放題在半年時間試了幾間,徐了同朋友去吃之外，亦應該陪下屋企人,上星期六同屋企人去了TST行街，我同屋企人好愛吃日本料理，今次同屋企人去吃放題,我之前吃過放题知道要book位,我打電話book定位先,我揀了吃相樸手放題,價錢同我去MK差不多價錢，我吃放題首選質素，好似kwan fong個間平價放題不會再考慮了，TST放題需然貴些小，質素有保證，今次去相樸手之前有上過OR做參考，評價兩極化,從來只信自己味蕾，亦不會人云亦云，我想同屋企人吃好一點放題，我book了上星期六6:15,我們先在TST行下街,我們見時間就快到,就行去相樸手準備拎位，我們行到柤樸手樓下見到有人龍，亦有店員幫客人登記，只是排了10分鐘，排得好快,我們上到時候，店員安排了6人梳化,因為我之前book咗5人,其中2個屋企人有事冇一起，店員幫我們更改人數,店員話其他枱已經full晒,就不能安排其他枱,我同屋企人覺得冇問題，反而坐得仲舒服，我們好快叫了第一轉,這裡好特別，有店員企係度搞氣氛，第一次見到放題有咁安排，店員用咪介紹自己店鋪，第一轉冇甩單下送

食放題等位就試得多，如果你話係排成條街咁長，小弟就第一次試喇。難得假日，朋友訂左位，一去到竇勒巷。嘩左一聲，使唔使咁多人阿，排電話咩?!!?我們食的是六點十三分時段，未到六點鐘就已經咁長，好快侍應生就幫我地MARK位，好彩訂左位咋，如果唔係都唔知入唔入閘。因為人多，所以要行樓梯上餐廳，入到去。餐廳的裝潢比起一般的日式放題更有日本風，職員會係門口帶位入座。坐低後，立即搵點餐紙，原來裝左在一個錦盒內。二話不說一定先點剌身，吞拿魚，三文魚，鮑片，北寄貝，帶子，馬刀貝等等，十分新鮮，選擇都不少，可惜沒有我的最愛八爪魚。再來<<福射相撲甜蝦>>，勁大隻，好似中左幅射咁。除左大隻啖啖肉，食落都好鮮甜，推介。點了的<<枝豆>>也很快來了。咬下去，幸好不是落了很多鹽，可則會令入口十分咸及口渴。之後點了<<鹽燒雞翼>>，雞翼燒至金黃，食入口雞肉嫩滑。<<脆脆蒜香雞翼>>也來到了，雞翼炸至表皮香脆，入口有點點蒜香，內裡肉質嫩滑。串燒方面，<<監燒海老串>&

與一班同事一起慶祝今年的生日，來到了這家日式放題，我們晚九點入座，人仍然很多，一來就吃了兩條手掌一樣長的蝦，肉質彈牙，多汁，黏黏的，配上豉油，入口感覺是不錯的。之後叫了一大碟火炙三文魚壽司和蟹棒壽司拼盤，壽司個頭都小小的，一口一個，火候到位。之後是軟殼蟹手卷，裡面加了火箭菜，不喜歡火箭菜的朋友慎選。吃飯的過程中，主廚會表演切魚和片魚的功夫，吸引很多人去圍觀，回來的時候還能帶回來一些新鮮的食物，我們拿回來了現烤的羊排，熟度正是我喜歡的，羊肉新鮮而不油膩，羊肉入口易嚼碎，肉汁也會滲出來。最後沒有想到店家會為每一桌都上來一盤壽司生日蛋糕。最後我們要了一個寒天做的甜品，什麼名字忘了，吃下口有各種香味，好像有桂花，又有些什麼很熟悉的香草味，很難形容，很彈很滑。

成班同事放工去食飯，當中有幾個大胃王，放題就最岩啦！相撲手位置唔錯，價錢都正路，同事訂埋位就FIT晒。佢地嘅甜蝦可以話係我食過既放題當中最好既，隻隻都成支筆咁長，又粗，味道鮮甜，連唔食蝦既同事都忍唔住試左幾隻。佢地有一個羊架時間，由廚師推D新鮮熱辣焗起嘅羊架出黎，一排排放晒係到即叫即切。羊架生熟剛剛好，加上個面有落麵包糠，食落口感好好，鮮嫩既羊肉唔洗落汁都已經好好味。壽司刺身就正路野，冇驚喜，不過叫幾多都到幾多。刺身都算新鮮，味道普通。熟食試左唔係好多，當中最中意就係燒牛舌，牛香滿載，食多幾件都唔覺。

成班朋友又係食放題嘅好機會~ 朋友介紹話食過尖沙咀相撲手不錯就試試！鋪頭係二樓，接待就係地下，所以等位果時係冇冷氣架，不過都好貼心送把扇畀你撥涼～裝修都幾日式，地方四正，仲有店員間唔時推介下有咩野食等等，都幾過癮。放題唔多講，即刻嚟兩輪刺身先！種類都幾多，放題較少有嘅劍魚腩同馬刀貝都有，仲有大大隻生蠔添！生蠔味道係就係鮮味，不過冇乜海水味道淡咗啲姐。每間放題總有一樣賣點，相信相撲手嘅就係甜蝦。一見到個名都驚一驚，叫福射相撲甜蝦，不過此福射又不同彼幅射嘅～同隻手指公一樣大，真係不得了，一個字甜。如果係甜蝦愛好者呢餐都值回票價咯。食完刺身剛剛好手卷就到～海膽味道唔差，不過份量少咗啲，店員仲好細心提醒要盡快食以免紫菜變淋添～食食下有廣播話師傅即席切羊架，生熟程度都適中，唔錯。食完啲回本野之後成班人就進入瘋癲狀態～勁多壽司勁多燒物臨完仲有甜品～有法式燉蛋、玄餅揀，味道都唔錯～好過就咁食雪糕嘅～朋友生日仲有小驚喜添

成大班人食野真係好難揀嫁! 而放題就其中之一最好既選擇訂左8:45, 早左少少到, 等左十分鐘就入座。店內環境尚算寬廠, 唔似有啲真係逼到你路都行唔到! 成間鋪頭都貼左同"相撲手"呢個名詞相關既poster@@唔理三七廿一, 咩都order左啲先啦! 刺身極速上枱, 賣相唔錯亦有冰底。三文魚都幾厚, 食落幾新鮮!其他魚我本人唔係咁好, 所以無試到, 但朋友話唔腥。另外帶子同馬刀貝都好好味好新鮮, 比三交魚更值得encore!全部人都係甜蝦瘋子, 所以一口氣先order了三十幾隻。估唔到甜蝦上到黎咁驚嚇, 佢既size係成隻手掌咁長!!大家都瘋狂地搶, 好難先影到張相啊哈哈! 甜蝦亦好新鮮, 蝦頭好多羔, 喜歡食蝦羔既朋友必試!! 後來睇返order紙先知呢隻叫"福射甜蝦" , 哈哈好嚇人既名字但好有gimmick!壽司order了唔係好多款色, 因大家都唔想食咁多飯食到飽哂! 所以只order了幾款火灸壽司。火灸和牛,三文魚,蟹柳都唔錯。鵝肝相對就遜色啲, 無外脆內軟既口感。黎放題食生蠔其實都係種挑戰, 挑戰自己個胃@@ 蠔都算大隻, 但竟然無配檸檬同辣椒醬?! 好奇怪喔~幸好蠔都算新

同事生日所以一行十幾人去放題慶祝下，上網見到有手掌禁大隻甜蝦，就決定黎食！十幾人一坐低當然係禁叫嘢食，甜蝦黎到即刻一人搶隻！吾好見影出黎好似好細隻，佢長度同部iPhone 6plus 一樣，食落去仲鮮甜多爽口，成餐我地個枱起碼食左六七十隻，但餐廳依舊點幾多黎幾多，一D都吾手軟。刺身就吾特別講啦，都係中上水準CP值高，其實因為食太快我想影想嘅時候已經俾人食曬 XD 不過值得推薦嘅係呢到嘅燒物，種類多之餘，味道一流，我個人最中意個魷魚算，小小甜又吾會太un，真係想一個人食曬佢。另外要一贊嘅係個軟殻蟹手卷，新鮮熱辣上枱，配埋小小沙律醬係入面，又脆口又開胃！之後係羊架，呢到最特別係師傅有個台會突然推出一D剛出爐嘅食物，係你臉前切同分，我去個晚就有羊架同鰤魚。呢個羊架外面有小小麵包槺，食落去外脆內軟，羊味十足，可以話係水準之作！最後係甜品同特色生日蛋糕，生日蛋糕係吞拿魚他他整成，賣想吾錯，食落去有別於一般吞拿魚刺身，可能他他左嘅關係無根淨肉，食落去幾鮮味配埋餅乾口感更好。另一個上網成日見嘅玄餅，初頭以為會好似啫喱，不過原來係大菜糕嘅口感加上桂花糕嘅味，好新奇值得一嘗！

星期三一星期的中間做嘢做到灰灰地全team十三人就決定去食個放題放鬆下上網見到這間放題的甜蝦大fit所以就決定打電話訂個枱夜晚黎試一試這樣的環境不差放題來說 枱與枱之間空間都足夠每次食放題刺身必定是第一樣點的刺身種類不少每款都十分新鮮特別是三文魚和馬刀貝三文魚十分肥美很creamy馬刀貝就十分爽口十分鮮甜這裡的甜蝦真係大fit很大隻的甜蝦大約六七吋長的甜蝦是放題來說是小見的鮮甜肥美燒蝦也不錯的燒得不會過份乾還保留了蝦的鮮味生蠔算是任食來說不過不失整體來說是超值之選$268加一能夠食到這樣質素的甜蝦是物有所價的

評價有好有壞，心大心細去搏一搏。次次食得自助餐同放題，我最在意既就係刺生。好怕雪味好怕雪到好硬仲食到有冰係入面，好在佢好新鮮，仲有我大大大既帶子，大大粒好鮮甜。不過我見D 刺生台台都一樣甘，好似係整定放係雪櫃，因為我地都無點到吞拿魚… …而最不滿係，佢唔應該叫放題囉!生蠔食左1隻就話賣晒，我覺得佢係計人頭1人1隻，味係好鮮應該係即叫即開，但… … 得1隻好令人意想不到!放題D熟食一直都唔係主打，只要不過不失就可以! 但又係一個估你唔到!壽司唔得，D飯好硬；炸物好油膩，個皮比KFC更差；見人食燒玉子，但食唔到因為又係賣晒；拖羅，無；牛肉，正常味唔好要求好嫩；羊肉，全晚最入得口既熟食，但… 又係小得可憐，一人一份；甜品，又係有限供應!先到先得，仲要無Refil!其實，樣樣都限，唔係任食… …可唔可以唔好叫放題?!最好食既係刺生，但調轉諗… …依個價錢去好多地方都食到生鮮既刺生!

So... We had been hearing how great the sashimis are. Although we saw mixed review from open rice we still thought we could give this place a try. We booked a table for 10, thought we had 12 people, they swapped the table for us WITHOUT TELLING US ANYTHING. We soon realized we only had 9 coming. Apparently #guest cannot be changed once seated. They refused to refund when asked about it, and said they had informed us about the policy when they really hadn't. Talked to the manager to no avail, foo

食物質素跟其他放題無異,味道與衛生尚算OK,所以不想多說如要選擇呢間嘢來食飯的話,請注意以下我所講嘅事實(唔知有冇人有同樣遭遇)我主要想講嘅重點係有關收費當日,中午時打電話訂座,接線員講:我地有2個時段,第1個係18點15分至20點15分係仲有位嘅,收費288蚊加1服務費;第2個係20點45分至22點45分,收費係288蚊加1服務費;另外如果以上時間都唔太好嘅話,可以隨便選擇2個鐘晚飯放題都係收費288蚊加1(基本上一樣)咁我就訂座5位當晚食19點半至21點半,而接線員都再重覆一次我所訂嘅人數5人,時間19點半至21點半,每位收費係288蚊加1確定無誤才收線當晚我同老婆提早些少上到去(唔想遲到),有一位阿叔在門口接待,佢見到我地二人就問我地有冇訂位,咁我就講訂左19點半至21點半嘅5位,佢問我齊人未,我答未齊人喎,咁佢就話未齊人都可以入去坐低等,仲可以食3個鐘架,我就問佢,可以食3個鐘咩?佢話得.....(但從來冇提過收費有異)19點35分我另外3個朋友都到齊啦,其間我食緊一隻大蝦刺身,兩手攞住蝦頭蝦尾,突然熜晒全埸嘅燈(喂!大老呀.成手都係.搞咩呀!)無啦啦有主持叫MIC話有人生日所

今日難得約翻啲中同，又唔想食得咁頹，於是就即興話去食放題，咁就去左試呢間相撲手。個人覺得第一輪既刺身真係好正！特別係啲三文魚！估唔到佢會俾三文魚腩！一黎新鮮，個色澤幾好，二黎係厚切，唔似平時食開個d勁薄，所以個口感真係唔同，勁好食！然後估唔到仲有呢盤生蠔，因為平時食放題都係得焗蠔，今次有生蠔真係幾正，幾肥美，未至於到鮮甜，個蠔味都幾足，真係新鮮既，都算滿意。而佢既甜蝦刺身真係勁大隻！平時都幾中意食甜蝦，但真係未食過咁大隻，非常鮮甜，正！同埋第一次黎估唔到佢係一間咁有特色冒放題，會有師傅表演切魚生，日本黃鰭吞拿魚！我地個枱就坐正係前面，好surprise！佢即刻就劏，如果想食就可以出去排隊拎黎食，我地梗係唔執輸點都要試下～肉質同平時既係有分別既，比較鮮同厚實，一個字，掂！其他熟食都不過不失，主要都係想讚下佢既魚生～ 雖然比平常既放題係貴D，但下次應該會再黎食過！

我希望我可以客觀咁交代件事。我朋友今晚本身book左七位，六點半，但有一位朋友失約，最尾六人入席。黎到坐低，就聽到有一位佢地既同事開中央咪搞gag,已經打個突，一來未食過放題會有人好似開talk show咁叫咪，二來佢叫咪既聲量完全另到我地傾唔到計，食一餐飯好多時係志在食環境同傾計，但係佢有能力可以完全破壞哂衣兩樣野。跟住叫第一轉，刺身壽司遲遲唔上，要過半個鐘，再落多張，先黎到第一轉。黎左第一轉無耐，原來同場有人生日，我食過有d放題都會為主人翁興生，佢都會，但同時間佢竟然會熄哂所有燈，係黑哂，果一刻除非你有好好既夜視能力如果唔係你根本食唔到任何野，為時我唔想作大，係三，四分鐘左右。跟住玩完開番燈，食左三幾個字，無啦啦就有位中年大叔無聲無氣咁隊張單埋黎，當我地六半入席，果時我睇錶七半未到，有d放題早3個字last order，無問題，有d早半個鐘，都無問題，但我食得一個鐘都無，叫既野你拖我時間黎得一轉，仲要三番四次咁比人打斷用餐既心情，果下已經食咩都無味。跟手望一望張單，噫，計左七個人wo，咁唔緊要，咪同佢講番聲我地六個人黎左，改番佢law，但係佢話入左單，唔改得？！真係唔知好嬲定好笑，