相撲手日式放題 (已結業)

我也是一樣好少寫文章,今次真是食到一肚氣.早前經朋友介紹話好食的放題.所以尋晚終於一試,我們訂了8:45放題.點知去到排隊已經話無晒空運生蠔,都算了因為一早已約好晒朋友,唯有試下其他食物啦.結果都係一樣咁差,首先我地一早點了既刺身全部都無來,只係來了全部熟食,後來問他為何刺身遲遲未到,他解釋話我地張枱太多野上唔到,所以hold 起左.最攪笑係他們的職員又唔會清理枱上的碗碟,緊係送唔到上黎啦.又經常開咪要排隊攞羊架,拖羅,限量生蠔(p.s要在他們的facebook like左先有得攞一隻).我地點了串燒,D串燒燒到乾爭爭,個芝士粉燒豬肉好難食，燒菠蘿無燒過一樣.後期來的刺身味道一般,無驚喜.到了十點已經開始叫last order,再過多十五分鐘就已經叫我地埋單,係咪超級CRAZY.在10:45已經開始清場,還開始放大音樂和冷氣,好似講客走咁.超級失望,以後都不會再來.

平時好少寫，今次真係唔寫唔得，尋晚過左尖沙咀同老公2人世界，諗住好耐無去食放題，上openrice度搵，見呢間有生蠔食，由於老公鍾意食蠔，所以就試下呢間，去到8點零，坐低時無咩人，劃左刺身同5隻蠔，黎到明明無叫鮑片又黎左wo,蠔又無，不過d刺身係好食，以為漏單，之後劃多次蠔，都無黎，我老公就話可能今晚無貨呢，誰不知8點9開始多人，我見左右2枱都有黎到蠔，但係我地都差唔多食飽，點叫D串燒上到黎唔太熱，仲燒到乾爭爭，個芝士粉燒豬肉好難食，燒菠蘿無燒過一樣，熱野食唔好食，仲要係個侍應態度有問題，好失望

今日難得約翻啲中同，又唔想食得咁頹，於是就即興話去食放題，咁就去左試呢間相撲手。個人覺得第一輪既刺身真係好正！特別係啲三文魚！估唔到佢會俾三文魚腩！一黎新鮮，個色澤幾好，二黎係厚切，唔似平時食開個d勁薄，所以個口感真係唔同，勁好食！然後估唔到仲有呢盤生蠔，因為平時食放題都係得焗蠔，今次有生蠔真係幾正，幾肥美，未至於到鮮甜，個蠔味都幾足，真係新鮮既，都算滿意。而佢既甜蝦刺身真係勁大隻！平時都幾中意食甜蝦，但真係未食過咁大隻，非常鮮甜，正！同埋第一次黎估唔到佢係一間咁有特色冒放題，會有師傅表演切魚生，日本黃鰭吞拿魚！我地個枱就坐正係前面，好surprise！佢即刻就劏，如果想食就可以出去排隊拎黎食，我地梗係唔執輸點都要試下～肉質同平時既係有分別既，比較鮮同厚實，一個字，掂！其他熟食都不過不失，主要都係想讚下佢既魚生～ 雖然比平常既放題係貴D，但下次應該會再黎食過！

位於尖沙咀的相撲手放題， 真心有驚喜呀!首先， 服務態度已是一流。我們約了七點半的時段， 但我們早到，店家七點已讓我們入座，並不會斤斤計較。相撲手的氣氛亦十分有特色， 有人在主持， 亦有師傅表演切魚生， 說是日本的黃鰭吞拿魚， 更要排隊品嚐。黃鰭吞拿與落單紙可點的吞拿魚最大的分別是黃鰭的肉質比較實， 沒有因雪過而令肉質鬆散，喜歡吞拿魚的朋友值得一試，不過不知道是否每日都供應。食物方面， 相當有水準， 魚生新鮮是基本了， 更有很多特色壽司。平日食放題我很少會食壽司， 因為飯很飽肚， 浪費quota,不過這兒的壽司飯很細， 魚生很大件， 有海膽壽司， 象拔蚌，更有大大條的炙海鰻壽司， 十分用心。炸物是即炸的， 熱辣辣。 不過燒物一般。 其中燒茄子有一點苦， 因為蒜蓉不熟的關係吧。甜品方便， 除了雪糕外， 更有焦糖燉蛋， 不過亦是限量十多個。

從未試過放題係咁架！份量十足，超級飽飽D生蠔十分新鮮。大大盤魚生，唔似其他咁薄薄的，係厚切，蝦又夠大隻成日都有特別料理，又燉湯、又羊架、又和牛。唯獨熟食就好似差少少，唔夠熱。

食放題，食刺身就走唔甩！ 不過，最驚喜既係有得食生蠔既放題真係唔多！所以朋友一知道，個個都話揀呢間！一黎到佢地二話不說就order生蠔！又真係幾肥美！呢個價錢食到呢個質素，真係好抵！ 仲有呢度刺身都真係好出色！油甘魚同帶子果d都好新鮮！好少可帶子咁大隻又好食！另外，呢度炸物都好唔錯，夠香口又大份 ...唔會油lum lum （好押韻咩事！？）唔駛order幾廿次哈哈！個個生蠔fans都話要再encore wor！

返完會展之後同朋友過來呢度食放題 見到出邊有人派傳單 288蚊一位附加一服務費 見到賣相嘟還ok 所以上左來試下不妨xd呢間度好多野可以選擇 當中呢d係貴價之選 日本生蠔（好腥唔Fresh) 海膽壽司（份量唔多） 三文魚刺身（色澤漂亮 入口口感幾好 最緊要新鮮） 扇貝（細細粒 幾鮮甜） 之後又叫串燒 有一口牛肉 菠蘿 鹽燒雞翼 一口和牛 鐵板燒牛 整體嘟ok既不過個價錢就偏貴既 埋單要317  但對返食物質素我最多會比200蚊lor 飲品方面就有 cc lemon coke 汽水之類

前排情人節經過見到勁多人排隊，我同男友都嚇親。尋日終於的起心肝拉左佢去陪我試。我對自問對野食既要求唔算好高，相反男友就中意彈三彈四。平時同佢食開日本野閑閑地都1千幾百咁賣單，肉赤到我！！但佢今次竟然都好滿意好啦入正題啦，先講下刺生先啦，其實我真係冇咩要求，但三文魚一定要好食！呢個間個三文魚個款睇落好唔錯，色澤紅潤，食落真係幾新鮮。帆立貝好大隻！好鮮甜！不得不提個甜蝦，見到好多人叫，食落好鮮甜爽口！男友同我都好中意！但生蠔同海膽就麻麻，唔夠新鮮，蠔唔夠肥美而且蠔味偏淡。海膽略有腥味啦。但整體都ok。之後開始燒野食，男友幾中意個蝦同個一口牛，話個蝦夠大隻。一口牛就誇張d講話入口即溶，好正wor！我個人就幾中意佢個牛舌，夠入味，好唔錯！整體黎講算唔錯，平平地，下次會再黎食！

朋友預祝生日，同事介紹左呢間“相樸手”日式放題話大件夾抵食，咁中意食日本野既我地，緊係要試下！！我地餐飯約左星期六，好彩一早book定，唔係真係有排等！！一開波緊係要狂點刺身黎食番夠本啦！店員推介左個佢地既皇牌相撲手甜蝦！果然冇介紹錯！夠大條而且仲幾鮮甜！我地足足食左2大盤其他刺身都唔錯既，三文魚腩厚薄適中，食多唔膩，而且夠新鮮。帶子好大粒，好清甜。螺肉好爽, 一都唔靱！吞拿魚、海謄個d我唔敢講話好正，但都不過不失啦！生蠔算肥美，但蠔味也偏淡。整體比預期中好！呢個價錢唔會有過高期望或者拎去同高級日本餐廳比較。之不過，令我地最難忘既係真係當晚個mc同刺身表演！真係第一次食放題食到咁有氣氛！正所謂:有得睇、有得食！總括而言: 一個字，正！同事冇介紹錯！普通價位而食物質素、服務都比想像中好！一定會再食！

月頭先黎食左一次月中我又黎食喇上次靜係掛住食魚生，今次終於都試左其他野我發現除左佢嘅魚生好新鮮之外....佢啲熟食...同樣大讚！我最中意食佢個羊！好正一啲都唔「so」！哈哈 大讚！之後係咁叫佢啲天婦羅...熱辣辣啊！好耐都冇食過天婦羅自從有次唔知去邊度食嘅天婦羅係凍嘅之後，都唔敢食今次食左！睇黎以後都可以繼續食到好食嘅天婦羅喇！最深刻係個海鹽串燒！好入味...講起又想食多次，哈哈哈

其實黎之前都睇過openrice d評價有好有壞呢間野係貴過其他放題 食18:15時段 連埋加一$28X一個咁我見佢刺身好似都幾多種類 連生蠔都有所以先黎 點知就中伏一坐低我地就拎左好多張紙睇有咩食 之後個職員行埋黎話不如幫你地落左刺身先盤刺身好快黎左,但係完全唔係我地嗌果D黎,應該話多左好多野盤刺身咩都有D 應該一早執定晒比每一台 咁都算三文魚吞拿魚刺身味道同一般放題質素 帶子OK 生蠔超鮮甜好食 但淨係食左一隻諗住食下熱野再嗌多次生蠔啦 點知佢好快就拎咪講話生蠔無晒 D熱食亦都唔係話特別好味,種類亦唔多,睇openrice咁少熱食相就知焗蠔唔好食,炸野都無樣好食,壽司無乜味,牛油栗米就唔錯想再叫多次厚燒玉子,原來都已經無晒!真係傻的嗎 落左2次單都無黎過,亦都無人同我地講賣晒之類想食既野就咁快無晒!真係好嬲 比咁既價錢咩都無我不如食返其他放題算啦咁佢近門口有張台既,食食下拎左個羊架出黎切,排一次隊限拎一份,呢個羊架就幾好味之後終於到劏魚,見到openrice d人話有拖羅,好期待 點知原來係鰤魚黎 排一次隊2片薄的我諗會唔會係每日唔同或者食8點幾果個時段先會有拖羅 好失望最最最嬲

成日食放題嘅我....終於試左呢間我朋友食過話okay我先黎架！我黎到第一個反應係.....嘩！左一聲因為我見到佢地整緊條築地大吞拿呀！我個衰男朋友叫我唔好咁大鄉里....之後去到自己個位啦，開始叫野食，好興奮男朋友仔負責點野食我就望緊周圍嘅環境其實都幾多人，突然覺得 有啲似魚市場 哈哈哈第一黎嘅係魚甜拼盤嗚！好正呀！三文魚好新鮮，仲好厚跟住 真係不得不讚嘅係，佢個甜蝦好大隻，好肥嘟嘟呀跟住我係咁叫甜蝦食，佢已經代替左我個三文魚嘅位置喇勁開心，有生蠔之前搵過好多地方想食生蠔，今次仲唔比我搵到？！認真，幾肥幾鮮！唔錯其實我覺得價錢可能係貴左少少不是好難得佢有得食生蠔，魚生又咁正我覺得都值架～讚讚讚

近年香港愈來愈多放題餐廳，不過試過幾間質素都是一般，試完一次都不會再去。昨晚跟一班朋友到了位於尖沙咀寶勒巷的相撲手日式放題，聽朋友說這間的質素很好，果然試過後覺得真的很不錯，食物服務質素都很好，用餐中途還會有不同的驚喜，與之前的經驗很與別不同，還打算遲點再帶家人去！每一節時段都幾乎爆滿，而因為餐廳外沒有空曠位置讓大家等候，所以入座前需要在大廈樓下排隊再上樓。我們訂了18:15，大約等了二十分鐘就能入座。這一節時段由18:15-20:15，連加一HKD 261，價錢不算便宜，所以對今餐期望很高！入到餐廳裝潢很有日式味道，走廊位置都很寬敞，空間不會太迫。落單紙方面，吃放題來來去去都是並不多款式，唯一特別的是有生蠔！每次食放題總會係落單紙寫起碼人數的兩倍份量，以為相撲手的師傅都會懶理你要幾多，總之有幾件刺身餵飽客人就升，但原來他們都很老實，寫十份就給十份，不會少！海蝦外貌，但有甜蝦的味道，非常鮮味，每隻體積都好大隻，很有咬口～三文魚腩好像是要訂夠一定入座人數先能有，每枱一碟，每一塊都切得很厚，三文魚味鮮美，但吃了幾件都不會膩。HKD 261 （連加一）的價錢還可以任點生蠔，生蠔大大隻絕不姑寒

中伏嘅一餐 今日諗住去食間好啲嘅放題 心目中就諗住極尚大喜屋同相撲手 兩間都未食過 點知去到大喜屋話無book台無位 甘之後就過黎相撲手試下 一上到就有位都覺得奇怪 旺角果啲有時9點都要等下位 依邊等到唔洗等就有位都覺得奇怪 甘無緊要 反正未食過 又諗住個價錢又未必人人捨得甘就算 入到黎一睇啲餐單都覺得麻麻 不過都簡返啲大路野 什麼三文魚刺身 蝦刺身諸如此類 個蝦一上到黎睇個款就興奮 諗住正常都好少食甘大隻 點知一食落口就有小小奇怪 心諗 甘嘅味嘅........ 之後其他刺身都上到黎 睇個款好就一般 唔係好鮮色又唔係好暗色 一食落口第二個心諗就黎 依個係2百幾蚊嘅應有水準？？？ 之後食左啲小身 其中一味蕃薯芝士棒太粉 一口鹽燒牛肉太咸 跟住個炒雜菜太咸 牛油粟米真係麥當勞仲好過佢 啲粟米熱得太耐 林曬 都無左應有嘅爽口感 最特別個焦糖燉蛋 （（老嘅）） 真係要俾個西利佢 星期日收288未計加1 完全唔值唔值依個價 啲質素同旺角百幾果啲有得比 依間野我估係有個後生嘅香港人係甘易做下show切下吞拿魚俾你睇 都唔知有咩噱頭野值甘嘅價

間野係2樓 一開始要人係樓下排隊 凍到.. 其他放題都係樓上又唔見要係樓下排隊明明間野出面都有D空位唉算喇講番D野食一開始叫刺身 都係一兩件咁叫之後黎成大盤 嚇到..係唔係同隔離台掉轉呀?隔離台又唔係叫呢D..硬食啦唯有話咩一開始黎多D..都唔係咁離譜呀??刺身: 麻麻地姐.. D蝦大就大..反而普通甜蝦好食過佢壽司: 咩火炙呀..HEA 燒就HEA燒啦.. 鰻魚張相好長.. 現實係又短又幼又難食..鰻魚都整到咁難食 D手卷又勁多飯炸野: 哇..天婦羅汁都冇 料理: 難食到.. 例如D 羅蝦湯 麥記都好飲過佢 咩咖哩脆豚 鞋到 X(  D野勁咸  芝士三文魚蛋包飯 芝士三文魚都冇..D味又怪 七味茄子.. 其實連咸味都冇..串燒: D肉好鞋雪糕得兩隻味 飲品又低級 D平過佢既放題都唔會咁啦...D平價放題..都唔會咁難食