百樂潮州酒樓 (希慎道) (已結業)

前天的元旦日,剛往潮庭吃過一次潮洲菜,但是還希望多吃一餐潮菜,是次選擇了多年前曾發生老鼠事件的百樂潮洲酒樓。追隨百樂多年,從前愛到利舞台那一間,但自從他們擴充失敗而結業後,便從回光顧老店。不竟已開業超過四十年,不走新派潮菜的路線,而決定繼續堅持酒樓維持傳統路線的方針,實在令我這類傳統派的追隨者頂力地長期擁護。 步進百樂酒樓,侍應安排了一圍靠牆的圓檯給我們,而靠牆的位置放了多幅掛牆紙。很多人會被宮庭的壁畫掛牆紙吸引,從侍應口中得知,很多食客誤以為一幅幅的宮庭壁畫是繡錦,只要稍用手摸過,那手感便會給你錯誤的信息誤以為是繡錦,如各下有機會到百樂,不況觸摸一下那幅凸出的宮庭壁畫牆紙吧! 據侍應了解,牆紙是專誠從內地買回香港擺放的。個人方面,較樂於見到春宮畫多些! 每次到百樂吃晚餐,都離不開以下的菜式,可能每次的水準會有些參差,但每次都沒有動搖地叫以下的菜式: 滷水鵝片:鵝肉的嫩度與朝庭差不多,即是鵝肉雖然沒有韌口,但就是距離嫩滑還差小許。 而滷水汁內的肉桂皮下的頗重手,如沒有肉桂皮的味道,可以說這個滷水汁是淡口的。鵝片也因滷水醃得不夠入味而變得味淡,與潮庭不同之處在於滷水的鵝油浮上汁面,令一眾

lunch 第一次去呢間百樂潮州酒樓，覺得d 野食真係好貴，細細碟都已經$ 70-80，想叫點心但又好少，普通蝦餃燒賣都23蚊一籠，最後都係叫潮州小菜，好似值d，叫左5樣野，其中一樣鹵水雙併，加埋一都$ 512 lu，d 野食好食都話姐，但真係好普通，唔值，下次都唔去了。我地有3男2女，其實我相信大家都係just enough，未去到好飽，不過咁貴就唔再叫了！

我記得細個時, 屋企人時時都會帶我去呢間銅鑼灣百樂度食飯. 最愛食佢地o既滷水鵝片, 同煎蠔餅. 相隔11年, 移民回流hk後, 我尋日終於有機會帶同老公仔女去食晚飯. 特別再次點番蠔餅, 滷水鵝都一樣係咁好味, 味道同以前分別不大, 令人懷念呢! 水準keep 得唔錯. 我地又點左潮式扎肉試下, 都幾好. 因為而家比較少在街上食到扎肉呢. 其他小菜如: 川椒雞, 豬肚湯都ok. 最後加多個炒飯比仔女食. 甜品反沙芋都好夠熱, 不過我只食左一個, 怕肥.so far 都唔係想像中咁差. 係一餐愉快o既晚餐.

We went there for celebrating birthday with 10 friends. Ordered the simple and basic Chiu Chiw dishes. All the dishes were going smaller and some of the dishes like deep fried shrimp ball and crab meat ball were not hot enough. Don't know why they charged so expensive??

2007-07-03去了外地幾個禮拜﹐剛回港﹐發現原來舅母也剛來了香港﹐當然相約一起去吃家鄉菜﹐怎知換來的只有一場失望﹗本來想百樂是從小吃到大的地方﹐一個月前才和父母來光顧過﹐應該是有保證的選擇。可是這餐卻是餐桌上每個人都甚不滿意﹗我們六個人(全部都不是大食的人) 點了一個拼盤和5 個菜﹐卻一點都吃不飽。先來的是拼盤﹐其中一拼我們要了玻璃蝦球﹐來的是一堆炸蝦﹐炸漿甚厚(比蝦肉更多)﹐除掉炸漿後只有小小的蝦﹐怎看都沒有玻璃的效果﹐也沒有蝦球應有的size。我們找來侍應詢問﹐以為他們搞錯了﹐怎知他們(對﹐是他們﹐因為有幾個包括部長在內來圍觀) 先說沒有搞錯﹐是這個樣子的。當我們說不是炒蝦球加玻璃獻的麼﹖他們就說那是廣東式﹐潮式是這個樣子的。o下﹖一檯都是潮州人﹐卻沒有人見過這個款的玻璃蝦球﹐當然不服了﹐亦告之然。他們說不過了﹐就說他們公司是這麼做的﹗既然如此﹐我們亦無話可說喇﹗繼之來的川椒雞份量的少﹐實在不可置信。$78 一碟只有7-8 小塊﹐其中幾塊更不知所謂的是雞肝﹐我們都是第一次見﹗我們一個月前去的時候都不是那麼少的﹐當然要問問為甚麼只有這個份量﹐換來只有一個不負責任的答案﹕從來都是

5個女仔去，星期六，9時，因為泉章居要等位，所以到百樂潮州(近利園果間)。一路都有去，2個月一次，覺得食物有水準又唔貴。而且服務都唔錯，如果你同其他老店比，佢簡直係好。哈哈(可能佢未夠老??)要咗:滷水鵝片—都ok大碟，有豆腐墊底，係暖嘅，ok。蠔烙—係好香好香，好多蠔仔，白雪雪，勁乾淨，好大碟，好味。川椒雞—ok，唔差，不過碟底有油倉魚肉碎粥—老實講我唔係間間潮州店敢叫呢個粥，因為怕d魚唔新鮮會腥。呢間係次次來都要叫，因為唔腥，又鮮，仰好多魚，足料。好果你愛潮州粥，呢個係蠔仔粥以外嘅上選。胡椒豬肚湯—勁多胡椒，好勁。有朋友覺得太辣，我覺得好香，不過都辣。腐皮卷—熱騰騰的，好脆，好味。冇叫甜品，因為太飽，但佢地送番薯糖水(一如以往)，都好。依然係水準之作，會繼續2個月來一次。仲有，佢嘅甜酸菜同功夫茶都好好。不得不試。

老細請食晏，同事就揀左呢間酒家。潮州菜其實都不是我杯茶，以前食過的潮州菜都不合口味，亦覺得潮菜難登大雅之堂。今日吃過後又覺得潮菜有其獨得風味，不像粵菜重「獲」氣或滬菜般濃味，而是菜式妣比較平實，材料又較平凡。今日只叫了個二人餐:點心拼盤，鴨肉湯飯(泡飯)，青豆炒魚片，一碗魚蛋河粉，數碟點心及一碟滷水鵝。一向喜歡食鵝，所以覺得滷水鵝不錯。至於魚蛋河粉的魚蛋，同事話以前利舞台那間最好吃，我吃不出跟其他名魚蛋有何分別。最後，值得一讚是那杯功夫茶，不澀的，一飲而盡，齒頰留「甘」香。另一讚，服務員頗有禮貌。我地不停問拼盤有咩，雖然佢地唔知(因隨師傅而定)，佢地都好有耐性解答，而且佢地梗有一個係附近，不停沖茶加水。

好像每次有親戚離港都是來的這裡吃晚飯話別的﹗不過在香港區又好像沒有別的正宗潮州酒家又好坐﹐價錢又不貴的﹗現在那些新興的新派酒樓好像潮樓是不會合老人家們心意的喇﹗先要了個拼盤($180)﹐有多款揀三款。要了蝦棗﹑紫菜腐皮卷和鵝片﹗蝦棗是不錯的﹐不過還是家裡的老人家做得比較好(比較足料嘛)﹔腐皮卷也挺鬆脆﹐不錯﹔那個鵝片也很嫩滑﹐不過份量就真是太少了﹐只有薄薄的6 片﹐一人都沒有一片﹗早知分開叫﹐才$80 (比現在才多$20) 一碟﹐份量比較正常﹗想要明爐蒸倉魚﹐沒有倉魚﹔罷了﹐要凍烏魚吧﹐一定有喇吧﹐怎知只賣剩半條﹗索性問部長究竟有什麼魚算了﹐部長話有凍黃花﹐和烏魚一樣價錢($120)﹐好﹑好﹐就黃花吧﹗部長沒有介紹錯﹐條魚好鮮甜﹐d 肉又滑又嫩﹐正﹗最緊要是一點都不腥﹐﹔連平時不吃凍魚的姑姐都可以吃﹗其他再要了幾個小菜﹐如﹕川椒雞- 雞球是連皮的﹐所以好滑﹐不過就有點膩﹗沙爹牛肉- 個沙爹汁好好味﹐微辣﹐又不會太杰﹐是超水準之作﹗豆醬白菜仔- 不錯﹐豆醬不是太香﹐不過亦不會太鹹﹐適合老人家﹗本來想要“反沙芋”的﹐不過部長話今天芋頭唔靚﹐所以求其要了幾碗糖水(幾好﹐不會太甜) 和半打水晶

unlike most comments heard, i myself like the shop at lee garden, thinking food tastes better, more varieties, more comfortable & better service (maybe more staff). i tastes the best 反沙芋here. when the taro v 鬆化& not overcooked, texture quite firm than elsewhere which appears not fried & dry enuh thus 'wu hau' & 'san'. taro not too sweet itself but sweet sugar coating v matching. & coating is more distinct & crispy (reminds me of creme brulee) yet not separate from taro pieces easily.other re

喜歡來這裡不是因為它的菜特別好﹐或是服務特別貼心﹐其實我覺得只是不過不失﹐但總是有份情意結。小時候覺得這裡是高級酒家﹐是特別喜慶才到的酒家﹐現在相對來說是比較affordable 了。最喜愛吃這裡的“反沙芋”﹗這度菜最在乎芋頭靚唔靚﹐所以我一定問部長那天有靚芋頭沒有﹐他說有才點。每次他們點頭說好都是好的(附﹕我不是常客啊)﹐不像其他酒家﹐一是沒有這個菜﹐二是有都用差一點的芋頭﹐總是不夠鬆化﹗其他菜式就沒有什麼驚喜﹐不提也罷﹗Service 是比利舞台分店好多了﹐起碼就算是full house 好多人排隊﹐侍應們都保持基本禮貌。不像利舞台那邊好像想趕客一般﹐所以我始終是愛來老店這邊﹗

我是第一次到來，7時已經有很多人吃飯，叫了九肚魚南瓜烙、川椒雞、紅燒五柳元蹄、火腿蓉津白、滷水鵝片拼腎片、糖醋麵及白?? 芋泥。叫個男部長落單，他好似趕住收工，完全沒有重覆一次我叫的食物。服務太差，更甚的是，埋單也是他，連多謝也沒有一聲，可能我們四個人只吃了$650。火腿蓉津白不用5分鐘已上檯，我們以為是弄錯檯號，其實津白一早已做好，有人叫，便把津白挾上碟及灑上火腿蓉，價錢要$60多元，真是唔低食。我們想食滷水鵝片拼鵝翼，那個男部長說鵝翼沽清，叫我們轉食其它，但後來我們見到有人單叫鵝翼吃，是否單叫價錢高就有得吃。川椒雞的份量也很少。到潮州飯店，我必吃糖醋麵糖和芋泥但是糖醋麵好像是隔夜，麵身非常乾和奀，我從未吃過這麼差的糖醋麵，芋泥也很甜，我吃得甜，也說甜，真是很甜，連那功夫茶也沒有味，真是非常非常失望。

有新同事入職, 黎呢度食welcome lunch, 7個人, 叫左好多野食, 一如以往, 食唔晒﹗凍蟹- 勁大隻蟹, 我一個人食左成個蓋(勁多膏), 一個鉗同埋一隻長腳...好鮮味﹗好正﹗但太多, 真係好漏~~鹵水鵝- 好味點心數籠- 因要拆蟹關係, 無食過點心芋蓉鴨- 好鬆脆, 芋蓉好好味, 但唔係幾食到d鴨豆豉雞柳- 比較一般的菜式蠔烙- 個邊都好脆, 但偏油金銀蛋波菜- 一般, 無乜特別沙爹牛肉炒河- 好惹味的一味, 但因為太飽, 所以只係食左一少碗欖菜肉鬆炒飯- 太飽, 無食到甜品送左綠豆爽, 只係一般。

今晚同兩個o係加拿大返o黎o既朋友聚會~ 因為話晒有朋自遠方來，身為地主o既我點都要好好招呼佢地~ 所以尋晚臨急臨忙上o黎check 下有咩地方好介紹~ 最後因為泉章居俾人book 晒，所以轉移陣地去百樂食潮州o野~~第一次o黎，裝修幾係豪華咁~ 真係好難想像未裝修前係點up dup 法...3 個人總共叫o左5 樣o野：凍蟹一隻(25 兩，$250 變$500)誤會就係因為呢隻凍蟹!! 個部長真係好hard sell 呢隻蟹，仲係咁同負責揀"食送"個fd 講「食潮州o野梗係要食凍蟹啦!」臨落實叫之前我問阿部長menu 個時價即係幾多錢，我地三個人六隻耳都係聽到$10 兩...就係咁埋單o個陣就知賴o野喇...end up 隻蟹要$500!! 雖然隻蟹係好食，不過$500 就真係太太太貴得滯囉!!! 同埋硬係有o的不忿要俾個double~~~ T^T咸菜胡椒豬肚湯($60)都算幾好...不過同南記相比o既話，百樂o既無咁夠味，感覺上硬係差o的o野~~ (定係因為味精多寡o既關係？唔識分喎~~)鹵水鵝片(例，$80)我諗佢臨上檯前翻叮/蒸過，因為面頭o個幾塊鵝片煮到好鬼老，搞到我兩個fd

我和家人上兩星期去吃晚飯,訂位時要房間,因有最低消費所以叫了潮州翅,一般味道,翅還算多,okay 啦!煎水瓜烙好味,凍蟹細隻,鵝片大腸好似太林,沙爹牛河就好好吃!!我特別鍾意芋泥,最正!

依度成日都好多人，又嘈，如果要坐得耐又要舒服同傾偈就唔好嚟喇！佢上菜速度驚人，快快食一餐都唔錯嘅。胡椒豬肚湯- 記住要叫「加辣」否則會比較淡鵝片拼豬大腸- 好味，鵝片唔un，豬大腸好好味，鹵水豆腐亦好味。四喜豆腐煲- 好足料，有蝦、雞、磨菇等。豆腐大大舊好有咬囗。西芹海蜇炒倉魚片- 依碟比較少份量。倉魚片幾大塊，好夠熱好咬口。食落淡淡肉。涼瓜黃豆排骨煲- 涼瓜好大塊好甘。排骨就切得太大舊同有少少鞋，這個菜可以唔叫。椒絲腐乳炒通菜- 好味。川椒脆皮雞- 雞炸得好香，皮好脆。伴着川椒葉吃好香口。白飯魚煎蛋- 味道較淡，伴魚露吃最啱。甜品係芋泥，做得好出色，夠熱夠香滑又太甜，又唔會覺得好肥膩，上面Ｄ白果仲好鮮好大粒，唔會乾爭爭咁。