百樂潮州酒樓 (希慎道) (已結業)

依度成日都好多人，又嘈，如果要坐得耐又要舒服同傾偈就唔好嚟喇！佢上菜速度驚人，快快食一餐都唔錯嘅。胡椒豬肚湯- 記住要叫「加辣」否則會比較淡鵝片拼豬大腸- 好味，鵝片唔un，豬大腸好好味，鹵水豆腐亦好味。四喜豆腐煲- 好足料，有蝦、雞、磨菇等。豆腐大大舊好有咬囗。西芹海蜇炒倉魚片- 依碟比較少份量。倉魚片幾大塊，好夠熱好咬口。食落淡淡肉。涼瓜黃豆排骨煲- 涼瓜好大塊好甘。排骨就切得太大舊同有少少鞋，這個菜可以唔叫。椒絲腐乳炒通菜- 好味。川椒脆皮雞- 雞炸得好香，皮好脆。伴着川椒葉吃好香口。白飯魚煎蛋- 味道較淡，伴魚露吃最啱。甜品係芋泥，做得好出色，夠熱夠香滑又太甜，又唔會覺得好肥膩，上面Ｄ白果仲好鮮好大粒，唔會乾爭爭咁。