琥酌 (已搬遷) 新店位置

朋友話有日本吉列牛登陸香港，必要跑嚟試一試...🤩 沿海防道行至中間板長壽司招牌側大廈入... 宜家嘅板長就係舊時元氣嘅位置，所以唔難搵...一開𨋢門，眼前一亮，獨特新穎嘅裝修風格，加上背光燈嘅琥酌兩字，好吸引...吉列牛Set，跟迷你燒爐上，同日本嘅一樣呀...😍吉列牛上台只有外皮熟，燒至5成熟剛好，外層吉列脆卜卜，內裡軟綿綿，濃香牛肉，原汁原味，滿足鍾意豐富多重口感嘅我～😋個set仲連埋面豉湯、雜米飯、溫泉蛋蕃茄仔、蘆筍、本菇串... 仲有最唔起眼，但又好好味嘅龍蝦薯蓉～🧐朋友話燒松葉蟹蓋都正，點都要試吓，蟹膏溶喺口裏面，好甘香，同蟹肉蟹子混和，質感豐富...磯燒鮑魚，好入味軟綿，超越我響日本食過嘅水準～超有heart食店，加油～

每日係尖沙咀番工差不多都會經過廣東道。人來人往好多人，但今次經過收到姐姐的宣傳單張。睇睇到有吉列牛，就上去啦！環境晤算好大，但座位寬敞，感覺舒適。當晚是平日七點，不算太多入，不需等位，就能入坐。第一次黎食，所以選左入門既牛吉列御膳。價錢大眾化$188定食。用上美國安格斯牛肉，肉味濃郁。吉列牛最大特點，能造到外脆內軟，生熟自己調較。對於我比較喜歡食較生牛肉，大為喜愛。定食配上紅米飯，較為健康。除了定食，我還點了小食。小食價錢都好抵食。味噌松葉蟹蓋$48抵食之選，平時食蟹蓋都$68$88，味道仲好好好味，送飯一流。明太子玉子燒$48咸甜適中，賣相吸引。磯煮鮑魚，夠入味，不錯！

服務&環境都算唔錯，地鐵站一出五分鐘内就到，真方便。我book錯時間但服務員都臨時安排到，已經加分。我個人都有留意上菜前的擺飾，簡單整齊，個爐仔都好有日式風味。平時有枝頭就一定叫，呢次係熱食，始終覺得凍食好味d。蛋係叫俾阿女食，一上枱熱辣辣食最好食，凍左就分數大減。饟雞奕好食，雞肉滑，味道好。招牌菜，一定要試，感覺好有特色，鍾意幾成熟就自己控制。我叫左雪降牛，覺得肥左d，不過叫雪降就預左。招牌菜鰻魚飯，可變茶漬飯。最應該進步既係鰻魚，始於對有骨既鰻魚麻麻地，大家都知，係日本食鰻魚，甚少食到明顯既骨。

係元朗食過兩次吉列牛都唔錯轉黎呢間出名既食下先無咩人，傾計一流叫咗一份吉列牛佢係定食黎有水果有飯有湯有沙津有三個醬汁比你點店員上枱都有介紹返同埋會教你燒幾耐我地再加咗個金菇同芝士雞翼個雞翼我麻麻地但金菇佢有黑松露味都唔錯既野飲果到我叫咗粉紅色既櫻花可樂佢都有可樂味既但我都係中意正常既可樂多d

先講小食先原隻日式磯煮飽魚 $38 一隻超入味既磯煮飽魚 肉質飽滿彈牙食落好鮮甜而且都幾大隻 算幾抵食冰鎖秋葵紫蘇汁 $38點左d蔬菜清清腸胃 秋葵食落爽脆清新 加左d紫蘇汁好開胃作為前菜真係最好不過牛吉列御膳 $188好食指數: 8/10抵食指數: 8.5/10呢個最經濟既套餐採用左美國安格斯牛肉定食套餐包括味噌湯，溫泉蛋，漬物，龍蝦薯仔沙律，野菜同一碗飯溫泉蛋可以拌飯或點吉列牛黎食 會更香滑架將吉列牛放上鐵板各面煎各大約10至15秒就食得食落都幾香脆醬汁選擇亦不少 有柚子檸醋、和風芥末同燒汁，另外仲有岩鹽同wasabi 忝可以根據喜好自己點黎食！下次想再黎試下更高級的和牛套餐

終於有幸搵到一間食到日本風味嘅吉列牛餐廳一坐低就見到好有特色嘅鐵板爐配左三款特別嘅醬汁有柚子醋，芥茉醬同埋醬油另外仲有海鹽同日式芥辣先點左兩款小食松露牛油焗本菰 $58本菰非常入味充滿牛油香 相當濃郁而且口感軟熟 好好食！味噌松葉蟹蓋 $48/個非常抵食嘅必食之選平時絕對冇可能以咁嘅價格食到咁優質嘅甲羅燒食落甘香鮮甜 啖啖充滿海洋嘅精華好食到停唔到口黎到主菜啦牛吉列御膳 $188今次第一次食就試咗最平嘅套餐採用左美國安格斯牛肉 肉質有嚼勁牛味都幾香濃 而且即點即炸非常香脆店員建議起碼都要燒幾秒咁樣食落去會更加好食我最鍾意加上日式芥辣因為咁樣味道好過癮另外其他醬汁亦都非常特別柚子醋亦都好唔錯㗎套餐仲包括左溫泉蛋同米飯咁就唔怕唔飽肚啦

早兩日見到森美ig又介紹日本食吉列牛戚起條筋想食埋一份 於是今晚黎到呢間叫做香港最先引入吉列牛既餐廳 尖沙咀分店比起太子店闊落好多上次太子店實在太迫 今次坐得舒服好多 除左招牌吉列牛set之外 仲多左個鰻魚茶漬飯 一於兩樣叫哂share黎食牛吉列御膳 $188 😋：7/10吉列牛有3個價錢揀 窮j上次食最平個set都覺得唔錯 今次照舊啦 將吉列牛放喺熱辣辣既石上面每邊煎10秒 岩岩好medium rare 肉質軟腍 真係又好食又好玩 幾生幾熟自己話事 set仲有少量蔬菜、龍蝦薯仔沙律、流心蛋跟埋 隻流心蛋真係不得了 啲牛沾上蛋黃汁更加滑 最後成隻蛋撈埋個飯食真係好想添飯呀！值得一讚係餐廳用左我最愛既十穀米 煙煙韌韌 實不相瞞等個爐熱既時候dor已經扒左半碗飯 就咁食都好好味😋😋鰻魚茶漬飯三品 $168 😋: 9/10呢個無心插柳下叫左既鰻魚飯係超級驚喜！！！首先$168食到兩大條舖滿飯面既鰻魚會唔會太抵食！？真係燒到好香仲好juicy 絕對唔係乾爭爭同埋濕立立得啲醬既放題質素店員介紹有3種食法：先食鰻魚飯，之後加湯變茶漬飯，最後加埋飯素等調味料。$168真係太太太太抵食喇 下次會特登

晨早流流返工就要受氣，如果你係尖沙咀返工既話，就好彩d啦，at least晏就可以食返餐好既慰勞下自己。呢間琥酌lunch set唔貴之餘，最特別既係可以食超有特色既吉烈牛。味噌松葉蟹蓋，呢日奢侈少少，叫多個蟹蓋食，都係加多$48，蟹膏好香滑，加埋黑魚子醬時鮮味，簡直係鮮上加鮮，大愛!琥酌和牛盛（A5和牛&頂級安格斯），非常豐盛既一個set lunch， 除咗可以親自燒牛肉黎食，牛肉肉味濃郁，肉質又腍又嫩，堅好食，除咗牛肉要介紹之餘，其實個飯都好特別，唔係簡單既白飯，而係加了紅米,糙米同豆等，口感多層次，營養更豐富。

早已聽過琥酌的大名，在太子起家，可謂石燒吉列牛的元祖之一，最近留意到原來尖沙咀都有分店，甚方便，便和朋友來試試。明太子玉子燒$48玉子做得不錯，燒到剛剛好，保持滑溜，不會過老，中間明太子不會太咸，但能增加口感，整體味道少少甜，但不太過。牛吉列御膳$188牛吉列有不同價錢等級，我們選了最低價的入門級，上桌感覺很豐盛，有炸過的牛吉列，沙律，麵豉湯、十穀飯，溫泉蛋，露筍、菇等，麵豉湯較深色，也較咸，飯煮得較軟腍，牛吉列放上石燒烤煮，入口點靭度，牛味不太濃郁，但配上三款醬汁有提升了味道。

早兩日同朋友行開海防道，記得前排飯局中有人提及一間叫琥酌嘅吉列牛唔錯，見咁啱行過兩丁友又諗唔到食乜好，就走上去睇下啦！打開餐牌見到吉列牛套餐，已經流晒口水，店員仲同地講套餐包每人兩款小食，而且埋單價錢都還可以。首先上枱嘅係原隻日本磯煮鮑魚，淨係見到個樣係咪已經好想試呢？鮑魚煮得啱啱好，帶啲煙韌嘅口感。餐廳都好貼心，嚟到已經將鮑魚起咗殼，非常方便。接住有味噌松葉蟹蓋，蟹蓋上滿鋪嘅味噌饀味道好香濃，味噌上面除咗加咗少量蟹膏同埋黑魚子，份量十足，食落口感豐富好多。跟住上枱有哩個明太子玉子燒，友人係明太子嘅超級粉絲，當然要點哩道小食比佢點評下。擺碟好精緻，味道方面都絕對無失禮。每件玉子燒入面都好足料，咬落去啖啖都食到明太子。最後嚟嘅小食係松露牛油焗本菰，亦係本人嘅最愛，哈哈！餐廳響用料份量上絕對唔馬虎，焗菰最重要落得足夠牛油，咁樣食落口先唔會太乾身，已經會有濃濃嘅香味，哩度做到一百分之餘，仲巧妙地用咗松露再將香味加以提升，令成件事變得更加完美。小食過後當然係主食啦！依件吉列牛御饍用上美國安格斯牛肉，用料認真果份心意已經加晒分。牛肉肉質鮮嫩，餐廳上枱前已經將外圍炸成薄薄嘅吉列質地，而入面嘅生牛肉

米仔話好懷念喺日本食的牛吉列，之前聽朋友提起，香港都有得食，甘當然梗係要搵間專食牛吉列的餐廳啦~~！呢間晚巿有三種牛吉列的套餐，有安格斯牛吉列，霜降和牛吉列及極上A5和牛吉列套餐，價格當然有分別啦~ 今次喺呢間第一次試，就先試試個安格斯牛吉列。牛吉列御膳（美國安格斯牛肉）哇~~ 哇~~ 好豐富呀！味噌湯、米飯、溫泉蛋、龍蝦薯仔沙律，主角就梗係牛吉列啦~~~味噌湯，湯裡有海帶、腐皮、豆腐等﹐份量十足，味道很濃郁。米飯，是軟綿綿的，加上一些糙米，面層還有少許芝蔴，令淡淡的白飯更有點健康！溫泉蛋，店員建議可以放在米飯上，加上牛肉一起食，更添滋味！龍蝦薯仔沙律，師傅弄成一個球形，口感綿密，中間帶有龍蝦肉。吉列安格斯牛肉，有八片，份量都不少，店員說，師傅係用成條牛肩肉粘上麵包粉，然後即場烹炸及切割，麵包粉鎖住肉汁，牛肉品質更加穩定。由於師傅製作時已烹炸過牛吉列，所以我地在鍋上不用燒太久，我個人不太喜歡牛肉太熟，所以每邊燒八至十秒左右便可。吉列炸皮依然好脆，肉質軟稔易入口，牛根甚少，質素相當好！估唔到這個美國安格斯牛肉吉列質素都很不多﹐下次再試的時候就要試試霜降和牛吉列或者極上A5和牛吉列，相信質

過左聖誕黎到2018又開始日日翻工放工既忙碌生活，今日放工特別想食牛就黎到尖沙咀呢間曾經聽朋友介紹過既琥酌嘆翻個晚餐慰勞下自己。上到黎要左個牛吉列御膳主角系美國安格斯牛肉。見到d牛肉都好新鮮，食落好有口感，唔會太韌，重可以按照自己喜好黎燒調較幾成熟，隔離重有個溫泉蛋可以撈埋飯一齊食添！食完個牛吉列御膳餐之後，我又叫多左個冰鎮秋葵拌麥粒味噌同埋一隻原只既日式磯煮鮑魚。麥粒味噌味既冰鎮秋葵真系又健康又好味啊！原只鮑魚都幾大只好抵食！

上網看到這間吉列牛專門店，有趣的是有些人推介鰻魚茶漬飯，作為茶漬飯的愛好者的和我朋友想去一試。朋友跟我也不太大食，所以選擇了兩個小菜加一個茶漬飯，小菜我們選擇了愛吃的秋葵跟海鮮。秋葵配上一些鹹味，就算是平常不喜歡吃秋葵的朋友，也覺得挺好吃。海鮮是松葉蟹膏燒蟹蓋， 蟹膏不會燒得太乾身，而且咸味不會太過份，上面有一些蟹肉及黑色魚春，48蚊這個價錢，非常抵食。主菜是我們今晚來到的目的，鰻魚茶漬飯，飯一來到看到一大碗的鰻魚，份量一點也不少。鰻魚的味道十分可口，而且肥度適中不太肥不會太瘦。單獨食十穀飯和跟茶漬一起吃也是十分好吃，喜歡吃茶漬飯的朋友，一定不要錯過。

新年第一個星期既午飯，適逢在尖沙咀忙完一整個上午，加上出糧了~~~就上左OpenRice 搵下唔錯既餐廳慰勞自己，就搵上呢間搭lift 一出就係餐廳既位置，一望落去環境舒適企理，而且乾乾淨淨，裝修亦幾特別，first impression 唔錯！而位與位之間都闊落，唔會好逼，靜靜地享受我今日既午飯。佢呢度午餐set 由50幾到100左右不等，以咁既環境質素黎講，我覺得係幾扺食！而幾日前出糧既我梗係為辛苦左1個月要慰勞下自己，所以叫左最貴個個set haha!琥酌和牛盛佢用既係A5和牛同頂級既安格斯牛，配上幾串小蔬菜、味噌湯及溫泉蛋兩種牛既質素都非常好，雖然色澤望落差少少，但輕輕一煎，肉既香味已經湧出黎！我兩面都係輕輕煎左數十秒，保留返些肉汁同7,8成熟，入口鬆軟，肉味濃郁。有一兩塊燒得耐左，但都唔韌牛肉唔算太厚，想5-7成熟既，兩面各煎十幾秒已經好夠。個度既員工都好親切，見差唔多冇火就會自動黎換火酒膏味噌松葉蟹蓋蟹膏味濃郁，配上大量既黑魚子同蟹肉，可以拿一些去拌飯，非常配合溫泉蛋薄薄一層蛋白，裏面仲係滑流既蛋黃今日呢個午餐非常之滿足~~入滿哂gas 為2018年之後既日子努力 haha

2018年既第一次黎到尖沙咀唔係倒數，反而系黎到呢間雖然系一幢大廈既樓上但都唔難揾因為距超近地鐵站既琥酌度食晚餐，一間食日本料理既餐廳系11樓，環境好正，沙發凳又坐得好舒服，重可以欣賞下窗外既夜景添！上到黎琥酌緊系要試下距呢度既吉列牛啦！太貴既就食唔起啦！就要左個188既美國安格斯牛肉~成個餐望落好精緻好高貴， d牛炸左外面薄薄一層，然後可以自己系爐度燒到自己中意既熟度，餐入面既蔬菜菇，筍，同番茄都可以燒嘎，成餐飯好好玩好有趣！d牛肉我就中意食熟d既，所以我建議每邊燒10秒，就岩曬我口感啦！d牛肉好嫩口，但重點系個醬汁度，每塊牛肉點完唔同既醬汁都可以品嚐到唔同既味道，三個醬汁都好正，但我最中意既系個香濃燒汁！我極力推薦既一道菜就系味噌松葉蟹蓋，食過之後包保畢生難忘，勁多蟹膏撈埋距既蟹肉同埋魚籽一齊食，簡直好食到無法形容啊！