琥酌 (已搬遷) 新店位置

其實我地係第一次食吉列牛，不過又幾好味wo😋所以推介比大家。我同老公叫左牛吉列御膳，呢個係用美國安格斯牛肉，可以自己放上爐熱15-20秒，之後點醬料就食得，個人比較中意岩鹽✌熱辣辣加上牛肉靚，所以真係幾有驚喜。之後成個餐有齊沙律，飯，湯，好豐富👍仲有日式磯煮鮑魚，入味又唔會太硬，價錢只係$38隻，抵食。松露牛油焗本菇就好香，最後係明太子雞翼，香脆好味💕推介度: 8.5/10

早幾日去左食依間吉列牛,原來只係打算試下個A5和牛,點知發現間野其他野食都好好味,值得推介👍🏻首先要重點推介個松葉蟹蓋😍真係好好食,好味到停唔到口,絕對要encore🧐之後仲食左個他他牛沙律,又係好好味,賣相又吸引👍🏻 另外叫左個和牛火山大磨菇芝士燒,著火個下好吸引,不過食落就比較上冇其他咁好食 不過味道都係唔錯ge跟住黎係main course, 叫左個蟃魚飯,依個飯真係冇得頂,好大碗,蟃魚燒得好惹味,份量又多,如果下次黎唔想咁貴食和牛吉列燒,絕對可以試下依個飯,信心保証🤤最後係個和牛,一入口即溶,油脂好重,個感覺好正,好滿足 份量都ok,依個價錢食到咁靚ge 和牛 算唔錯,會再食👍🏻

上次去東京食完個吉列牛就念念不忘啦～而家香港都有得食啦～位於尖沙咀海防道首先食個原隻日式磯煮鮑魚個前菜😛好味然後食埋個美國安格斯吉列牛，一般無乜牛味，放上個鐵板上燒同就咁食一樣只係多左樣gimmick另外有三種不同醬油點，好普通無日本咁好食！

星期日做完運動走去食過下午茶, 唔想食飯行咗上嚟叫咗幾碟小食試下呢間餐廳啲出品。 環境尚算清吖 有開揚遠景 幾舒服。呢度出名食和牛燒每個檯上都有個小燒烤爐, 根據牛的每一個部位而設定餐牌的價錢。有一個餐叫鰻魚三品 但係裏面就好似唔係套餐,只係將啲前菜分開數小碟放, 睇落有啲小家食落雞蛋應該沒有落味琳調味, 明太子煮得過熟, 但分量都尚算ok雞翼燒得幾好幾乾身好脆, 但食落雞翼有雪味。我還叫了一個かにみそ蟹蓋,師父,燒的技術都唔錯蟹蓋都唔會話燒到太乾身。還有一碟秋葵, 呢個就冇煮的技巧但係上碟時秋葵下面有好多碟底水冇倒走。

再次同男朋友嚟食大熱吉烈牛🐳🐳 今次就揀左188蚊吉列牛set 😎😎 牛牛一樣好軟，咬2下都溶化😘而且煎煎兩面再點上秘製醬汁搭配食更張成件事情升華😆😆 最中意柚子醬油，淡淡柚子香同吉列牛味互相配合😌 而半熟乙蛋撈飯更加係一流！今次仲食左鰻魚茶漬飯🐟🐟 鰻魚非常多，件件都燒得惹味香口！最後再加入昆布湯做成茶漬飯就更多口感啦🐥 小食嗌左明太子玉子燒，可以冇咁熟😀而家就熟左d 不過甜甜地 幾香口！

本來正煩著搵地方食晏，今天發现這家樓上和食店，而午餐款式同定價都幾吸引，一於試試看。這兒的午餐有十二款，由$58-$118，是價錢親民的和食。我無眼花嗎？$118有A5同安格斯牛肉？！真的要點來試下。琥酌和牛$118這套餐有A5和牛、頂級安格斯牛肉、滑茹味噌汁、御飯、溫泉玉子。A5和牛的雪花紋多到赫死人，是完全百分百肥肉。但經火炙後，入口即溶，脂香十足，實在好吃！而安格斯牛肉輕輕一炙，半熟狀態沾上醬汁，肉味濃厚又無筋。試下甜醬汁，又試下沾沙律醬，味道同様合拍。這溫泉玉子用的是曰本旦，旦味濃，入口滑溜而沒有半點腥味。御飯用的是紅糙米，口感比硬身，有咬感，好像好健康。特制鰻丼定食$88這定食有錦鰻丼，仲有鰻魚玉子燒，同滑茹赤味噌汁。這鰻魚飯大大碗，有一大片鰻魚在飯面上。而鰻魚是蒸到軟身的那一種，味道甜甜地，無乜細骨。配的是紅糙米，有嚼勁，還有少少鰻魚汁拌飯。無論味道和份量是ok, 但唔係好突出。這玉子燒有好幾件！玉子厚厚的包住鰻魚片，好像雞旦卷一様，主要是雞旦的味道同少少鰻魚味，沒有額外的調味。奶茶是港式奶茶，滿有茶香，味道不錯；檸檬水也不澀，味道ok.整體餐點感覺唔錯，加上和牛餐性價比高

是日與友人相約聚會，地點適宜，近於海防道。到場後，客人不算很多，場地佈置舒適，唯枱太窄。今天點了二級的吉列牛$398，意外驚喜，服務員禮貌介紹食法，建議每面煎12秒為佳。內脆內軟口感令人想一試再試，一塊接一塊。肉嫩多汁，存留牛的鮮味，配上啖啖紅米飯，又飽肚，又健康，又飽嚐口福。另外點了鰻魚飯三品，一上枱見到就很吸引。鰻魚份量充足，舖滿了整碗飯，令食整配飯都可以啖啖鰻魚，很滿足。唯獨飯上缺少鰻魚汁，如有更佳。三品本身提供有wasabi/醬汁/紫菜調味粉，加入後味道更香濃。而我，另外一半飯便加入茶漬伴飯，更是另一番風味。最滿意小食中的明太子手羽及芝士和牛燒菇。明太子手羽去骨，適合大人細路，燒至香脆可口，味道剛剛好，熱乎乎時最好味。和牛菇最特別之處，上枱後服務員會幫忙點上火，火熄後便可以進食，和牛碎滿舖菇上，口感鬆軟，菇味濃郁，很好的配搭！整頓飯，不覺油膩，衣服都不覺會臭。環境氣氛都不錯👍，值得再試。。

Friend 子生日，食得多放題今次轉下口味！冇失望！以吉列牛作主打4人叫左2人set, 店員話分量係2個人多d所以我地再追加饅魚飯餐同雞亦2人set 有漬物小食，豆腐蟹肉堅好味，芥末八爪魚唔錯，魚生好新鮮！另外仲有松露錫紙焗菇！ 食完前菜，有主打吉列牛，都有8塊，好juicy ! 店員細心介紹食法同醬料！抵讚！2人set 仲包左2大碗鰻魚飯同湯 另外仲有牛肉紙火鍋！其實2人set 我諗3個人都未必食得晒 ，最重要係食完一樣店員才上另一樣菜終於唔駛俾人chur 食野另外點了芝士雞亦同明太子雞亦，好味！饅魚三食，茶漬一流！食物好味，店員亦友善同細心～值得一推

太太生日我哋去咗 尖沙咀琥酌 食生日飯， 環境有啲日本feel 我哋叫咗個吉列牛 御膳， 同叫咗個鰻魚茶漬飯三品， 侍應好細心咁解釋畀我哋聽吉列牛 要燒幾耐及 及三種調味料 的味道 牛肉肉質鬆化 鰻魚飯 D鰻魚都幾肥美 佢地D飯係用紅米及糙米 十分健康， 值得一試。

之前見到有不少人post吉列牛，一直好想試試，於是生日當天和朋友來試試琥酌和牛盛$118原本諗住食吉列牛，但見呢set有A5和牛同頂級安格斯🌟，另外價錢仲抵食好食多，所以最後都試左呢set，同吉列牛果set一樣可以親自玩玩燒牛肉😝而兩種牛肉味都不錯，好好食😋，雖然個飯加了紅米,糙米同豆等，比較健康，但就覺得個飯有點煮有點淋同黏，個人就不太喜歡😂🙈🌟特制鰻丼定食$88鰻魚丼的鰻魚份量都不少仲有鰻魚玉子燒，味道都不錯！可惜又是那個比較淋同黏的飯，就有點扣分了😂

第一次用OpenRice訂位有幾方便，入座後，環境好有氣氛。來到專門店，梗係叫吉列牛啦。叫了美國安格斯日式吉列牛，上菜時職員好細心解釋食法，每款配料及要煎幾耐最好，如想食熟再煎幾耐。自己煎怕煎得唔好，其實都幾過癮。可能係牛肉靚，煎生D煎熟D都好好味，外脆內軟，又有肉汁，點左蛋汁又香又好味。雞蛋是調左味，鹹鹹地半生熟除左點牛食，拌勻D飯都好好味。令外叫了鳗魚飯三品，上枱時D鰻魚是出晒煙，熱辣辣，感覺好好，職員同樣細心介紹。但茶漬飯有DD失望，比較淡。

淺嚐了這裡的吉列牛牛套餐，外面炸粉不會過厚、肉質不會過稔、加埋蛋汁一齊食效果更豐富，但未去到難以忘懷。店員温馨提醒了煮牛牛時每面約10秒便足夠生熟程度其實很主觀的，留待大家親身經驗！另外，又試了鰻魚飯三食，醬汁不會過厚或過濃，肉質亦不錯但如果再肥厚些口感就更好喇。店內環境很舒服，起碼不用趕住食。用膳完畢還可以坐下傾下計先閃

我同朋友相約happy Friday決定食吉列牛啦, 我前一日用openrice book 8半2位但去到都未有位安排到, 好在同朋友耐無見傾住計等我諗職員都見我地等左好耐唔好意思, 所以話送甜品 哈哈終於有位, 即刻落order先啦職員好好知我地第一次黎, 為我地介紹點樣食份量適中, 牛肉點蛋漿食幾正最尾個甜品無影, 個少少地都好滿足喔

鹿兒島黑毛和牛會席料理($1188 for two) | 辛苦左五日 星期六梗係要食番餐好黎獎勵自己啦😍 講真琥酌既吉列牛好值得食 有A5和牛、霜降同安格斯3種級數既牛比客人選擇 個人偏好級數同價格均屬中位既霜降牛 肉質比安格斯鬆化但冇和牛咁油膩 而會席料理亦包括各類前菜、鰻魚飯等元素 全部都味道出眾👍🏻 如果會席料理太多野食驚食唔哂 呢度亦有一系列吉列牛定食比大家選擇 價錢由$1xx起 悉隨尊便👌🏻 情人節/date night未諗到食咩既話 琥酌絕對係個好選擇啊💕☃️ ============================ Taste: 👅👅👅👅Value for Money: 💰💰💰Service: 👍🏻👍🏻👍🏻👍🏻👍🏻(on a scale of 0-5 emojis)

牛吉列御膳 ($188)鰻魚茶漬飯三品 ($168)上網見到呢間專食吉列牛既餐廳有人推介鰻魚飯，睇相好吸引就黎左luu😋味道果然冇令我失望。侍應一上菜就介紹可以點食。鰻魚飯有三種食法，可以就咁食，隨個人喜好加配料，或者最後加湯變茶漬飯。鰻魚份量好多好肥美，而且冇骨😍試完三種食法，最鍾意係加芥末撈食同鰻魚一齊食😎聽落好似好奇怪，但係鰻魚味加辣反而有驚喜😋😉利申我唔食牛的(除左沙爹牛肉麵同干炒牛河🤣)不過見呢個外表幾好味都試左一塊牛🙈牛肉質感幾嫩，可以自己調較幾成熟。侍應建議每面燒10秒。配有幾種醬汁，分別係柚子醋，醬油，同蜜糖芥末醬。