琥酌 (已結業)

這店最近經常在雜誌跟社交平台看到不少人分享之前晚上經過還大排長龍，我們也找一晚過來試試看店面不大舒適度還可以 店內有兩款吉列牛安格斯牛吉列御膳已配味噌湯，白飯，溫泉蛋 還有白玉菇跟龍蝦薯仔沙律芝麻燒汁、甜沙律醬、柚子酸汁Wasabi、柚子胡椒蓉、辣椒岩鹽吉列牛外層是吉列脆皮內裡仍是鮮紅半生狀態，賣相不錯食前可以放上小鐵板煎一下才食 牛肉的熟度 按個人喜好 肉筋嚼勁牛肉味不太濃

簡直失望透，裝飾同茶餐廳差不多，但高級餐廳收費，款式只有兩樣，味道很一般。最重要去到才知道，限時食野只得60分鐘，及要收現金。我簡直覺得自己入了茶餐廳食set lunch，食慢些都怕比人趕走

自上次LUNCH Time 冇吉列牛食之後今晚終於到有得食啦 訂位分3輪 6:00 7:00 8:00pm 用餐時間一小時On day 打電話仲訂位得返6點 最後開門walk in 都唔洗等位 我地叫左一個A5 set 一個安格斯set 同一個蟹蓋燒蟹蓋上次同今次都唔錯 保持一貫既水準 鮮味既 但燒得唔名熱 唔名香A5 牛肉味堅係重牛肉味 但就唔係入口即溶油脂分佈略算平均 小小tips 堅係要燒多陣既 第一塊心急 燒一燒就食 但發現真係未熟 咬唔開美國安格斯 牛味冇咁重 但有咬口同冇咁油 但性價比高過A5 set 畢竟A5 set 貴成2倍錢環境okay 但坐得耐有小小油 建議唔好著吸味既3去

2016-11-11新假期介紹過，所以想去試炸牛扒 西洋菜北街就係呢度入去，轉左 唯一一間日本餐廳，即係無去錯 其他環境 舖頭 餐牌 $38紫蘇汁淮山食落爽口,雖然應該係生嘅,但唔會有粘液 $78 溫泉蛋牛丼原來溫泉蛋配牛肉飯好夾牛肉肯定靚過吉野家好多,醬油唔會太甜漬物係有少少麻油同Wasabi油嘅菇,清清地,開胃味增湯有海帶,唔係好鹹 原來燒牛肉用酒精燈燒 $128 琥酌牛盛原來吉列牛扒夜晚現有，所以侍應話如果想自己燒可以叫呢個靚女介紹醬汁話右上係燒汁、芥末（其實係沙律醬）同柚子檸醋（呢個最清新得來唔會搶牛味）山葵、七味海鹽、柚子胡椒（好似日本先見過有）左邊係A5和牛，右邊係澳洲左邊雪花唔係太均勻，唔知係咪真係A5，但除左油脂，都有少少牛味，同右邊肉味為主有另外一種感覺雖然和牛多油啲，但都係燒澳洲牛先白飯有木魚花，白飯好過上面嘅牛肉飯，因為唔會太林嘅珍珠米+$10要左藍蝶花雪梨，底係雪梨茶，上面有少少蜂蜜味

食完飯,但係我成頭疑問叫做吉列牛,應該好似吉列豬扒甘成塊脆,熱騰騰上檯,係好味,點解吉列完要食客再燒?甘咪無左吉列嘅脆口, 未燒之前食過一塊,係凍嘅肉,唔怪得要燒左先食.究竟吉列做乜?

今日晚餐去左食近排FB等等瘋傳既吉列牛，好彩bk定位如果walkin都應該冇得食，去到門口等左陣因為佢地太多人 要等佢地清理準備個D入到去個環境幾光猛，都好多日本feel擺設，最中意系牆上面既畫，好多都系用左店名琥酌去設計例如graffitti等等，食好西之餘都可以享受下藝術佢地既餐牌圖案字款都好日本，而店員按排我地坐底之後都好有禮貌講下有咩好食最後嗌左好多人食既吉列set因為個價錢比較可觀少少，用既系安格斯而唔系A5和牛野飲就叫左個綠茶鮮奶紅豆，全都系我最愛系哂一杯到，價錢都合理既野飲都大杯夠一餐飲，綠茶味唔淡可能有鮮奶系入面關係，攪埋D紅豆仲好飲尼個就系比較平既安格斯set但都多野既，擺得靚靚打卡都一流，個人好中意佢放側邊個龍蝦沙律 真系幾好食 可以大舊D~哈哈，仲有吉列牛會配三隻醬汁你點，實有一款岩大家，而一開始個set入面有隻蛋，店員就話可以撈飯或者做個蛋汁點牛，我就選擇撈飯，因為我好中意佢地個柚子蜜糖醬至於整個牛個到好多人包括我都會擔心自己尼會出事，一尼店員都會講得好清楚教你點整，二尼都好易上手，正正常常都可以煎得好食既，我就覺得冇咁熟鬆軟D好食晚餐尼講都合理既價錢，最緊要系

好耐冇寫食評啦～～因為超級懶～～～今次食左兩種既牛～～～兩款牛既外面 都帶有一層香口既吉列卜卜脆～～安格c牛～～～牛味濃d，有咬口～～就咁食正既但係如果配埋飯一齊食就會覺得佢有D硬身～～～而A5牛～～～配對地冇咁濃牛味～質地軟林～～就咁食外脆內軟～～油脂都算唔錯～～～ 比較岩配飯食～～～有6款調味～～有燒肉汁 （我個人最推），和風芥末沙律醬，柚子醋（配椰菜絲正），7味粉（我個人覺得配肉 最差），芥末，柚子xx(唔記得叫咩，我個人都唔太鐘意佢） 食得都幾開心～～可愛既火爐～～其實火力好細～～店員都幾貼心～～咁幫我地換左次火～～店員建議～～安格c每邊燒30-40秒～～和牛就20-30秒～～🤔🤔我鐘意比較生既肉～～所以燒左比較短既時間～～味噌燒蟹～～～蟹糕味道比平時刺身飯出現既～～口味比較淡～～～配蟹肉同魚子醬粒粒～～ 好味😋值得一提～～椰菜絲係可以添加，清爽既感覺 配比較油既吉列牛 fresh!!可以改善既地方～～～係白飯想可以熱D~~~

日本吉列牛開到香港啦！之前日本錯過了，這次特意過來，排左半小時就可入座！我選了安格斯牛御膳（$178），包括麵鼓湯、薯蓉、溫泉蛋、一份吉列牛和飯。薯蓉更是特別，搓成小小球體狀，但味道不錯，加入蟹籽口感更豐富。 而我亦把溫泉蛋混和白飯食，更有風味。服務員先為我們在鍋上點火，我便已經急不及待把吉列牛放上鍋燒。我先煎香一面，待開始出血水時，才翻另一面。整個過程DIY, 一人一個鍋爐，很好玩！牛肉方面，仍然可食到吉列牛的脆皮，炸得很香脆，而且更多了牛肉的肉汁，牛肉亦很鬆軟。不過肉味不算突出，牛肉品質屬一般。整體食物中上，牛扒價格不算便宜，不過勝在新奇特別，和朋友邊談天，邊燒吉列牛亦覺好玩。

上openrice見對新開既呢間餐廳係食吉列牛，即刻諗返我以前係日本食過實在係太懷念呢個美食，所以就一早同朋友預約左呢間叫琥酌餐廳可以係因為剛剛開左無耐，吸引吾少人去食，聽講無預約連walk in都未必食到餐廳無我想像中大，只係細細一間，不過都設計得好簡潔舒服餐廳既吉列牛有幾種，我同朋友都叫左最基本個種，比較經濟又實惠，簡單黎講係因為無錢食咁貴另外，我仲叫左杯乳酸飲，始終食熱野都想配返杯冰涼既野呢杯乳酸都幾吾錯，最重要係吾會好甜，幾適合女仔飲，而家味道吾會好假之後，店員放左用黎煎吉列牛既小火爐，同我係日本食個樣係一模一樣架！當然到我最期待既吉列牛，先炸過既酥脆外皮加上內裏既生牛肉，賣相已經好吸引我再利用小火爐將牛肉整成我最鐘意既五成熟，真係不得了！當然如果大家鐘意全熟都可以，自己控制另外，醬料方面都多不勝數，我就最鐘意配柚子醋黎食，味道清新仲有個溫泉蛋大家可以點牛肉又可以溝係白飯度食，我就選擇左後者，令白飯多左份口感，入口更香滑整體黎講都幾好，雖然驚喜不大，但食物水準吾錯，而且重拾返我係日本食既感覺同味道！建議大家未食過都可以去試下，記得book定先！

上網見人介紹, 知道依頭開左間新開既日本野, 同個朋友特登黎食好野店內外裝修都好靚, 簡單得黎好高檔, 店入面亦都有佢地既招牌菜poster, 可惜我只係得晚市有得食, 下次真係要黎試下我朋友叫左個烤和牛定食, 我就叫左個鰻魚茶漬飯定食, 個定食到哥陣都嚇左一跳, 估吾到有咁多鰻魚, 放满哂成個碗, 我諗差吾多有半條鰻魚, 鰻魚食入口好肥美再配上秘制鰻魚汁(濃郁有酒香), 好幸福呀, 而且鰻魚一D骨都無, 可以放心大啖大啖食最後加上茶(清湯)後, 可以中和本身鰻魚那種肥膩感, 整個飯的感覺完全改變哂, 有另一種風味, 一個飯有幾種食法, 好玩又好食,

早前要到太子花墟買花，於是便訂位約好友到長期出現人龍的【琥酌】食晚飯。 網上看到得多朋友介紹【和式牛吉列御膳】，原來分兩個等級，有高級的【日本A5黑毛和牛】或肉香見稱的【美國安格斯牛肉】。因第一次食，便選了【美國安格斯牛肉】(HKD178)。 御膳十分豐富，包括：自家製漬物、温泉玉子、赤味噌湯、日本珍珠米、龍蝦薯仔沙律、椰菜絲沙律及6款特選調味料。 賣相十分吸引，很想快點食呢！ 温泉玉子(蛋)可淨食或沾在牛肉上，入口滑嘟嘟，日本珍珠米很有咬口，好好味。 龍蝦薯仔沙律以球狀示人，入口咬到大大粒龍蝦肉，令人印象難忘。 主角【美國安格斯牛肉】透過師傅配上炸漿，製成半熟吉列牛，再切得厚薄適中，令外層脆得有如薯片，而內裡肉汁仍可保留著，果真外脆內軟！ 平日食牛扒都是由師傅煮製，這御膳的「特別之處」正是一人一爐，讓我們可自行在精緻小火爐上為牛肉加熱。期間會聽到「嗞嗞」聲，好好玩。吸取有禮的店員建議，每片牛肉在火爐上約40秒左右，便可品嚐到7-8成熟的口感，再沾上醬汁或玉子，味道確軟滑有咬口！ 如此好玩，不禁拍了片！

未喺日本食過吉列牛，但聽聞好好好食...咁見香港開左一間，就一於去試下～唔錯既，有模有樣，不過重點既吉列牛，失望。 雖然只叫左最平既安格斯牛，自然唔會期望入口即溶呀酒花呀果d, 但都期望有少少肉味丫......點知......睇落雖靚，唔知係咪因為食前要再燒所以每片都好薄。 但食落，肉係多筋，炸得仲要唔脆，又無乜肉味，完全唔會有好正既感覺.......（但聽到隔離情侶不停大讚好正......我問題？）可能和牛果隻會好食d... 有機會可試既... 跟餐另有餐既味噌湯：普通貨飯：日本米點牛既醬：似日本，有講究溫泉蛋：半熟，唔錯。我拎黎食到一半時伴飯，雖然唔sure 係咪咁食 （此時隔離情侶女方：'呢個蛋要點食呀？煎熟佢？'）我突然覺得自己個食法一定係無錯既。55。

昨夜經過西洋菜北街，這條街人條不多，有車房、有髮型屋，幾間食肆，最出名的是蘭苑饎館。咋夜卻驚見六七人聚集，似乎在等位。原來最近廣受推介的吉列牛開在這裡，短短的人龍正在排琥酌。經過後心癢癢，今天的中午立刻到訪。下午12時半，店內只有一枱客人，不用等位。不大不小，猜有大概20個座位，還設有吧枱。坐在吧枱不吃壽司，改吃燒牛，另一番風味。吉列牛只在晚市供應，午市有8款定食。4個牛肉，3個鰻魚，加個軟殻蟹沙律，另有幾款散叫的小食，選擇不多。玄米奶茶／蜜桃乳酸梳打定食包罐裝飲品，加＄10可轉特飲。本擔心玄米奶茶會很甜，卻是出乎意料的淡。玄米幾出，玄米加奶，比預期稀和淡，口感麻麻，勝在真有不少玄米沉底。店員先送上三色漬物。尤其喜歡爽硬的牛蒡，口感實在，又夠開胃。另外是牛盛的醬汁，有燒汁、芥末和柚子醋，當然少不了火爐。琥酌牛盛赤味噌湯不錯，夠味又不會太鹹，還有硬又韌的海帶，添上口感。牛肉有兩款，澳洲和牛，A5和牛，配粗粒芥末、七味粉和柚子鹽，伴碟有少量清新的椰菜絲。店員點著火爐，便可以起動了。以白色佔多，漂亮的油花使整片肉看起來粉紅色，可以想像入口會香氣四溢。鮮紅的肉，脂肪平均分佈，形成整齊的紋理。各

是日阿女幼稚園 interview 大日子，非常唔好彩被編排的時間為下晝兩點幾，剛好是小公主習慣了的午睡時間。為順利通過這一個考驗，刻意推遲午飯時間，目標是食完飯後就去 interview；食飯地點揀在幼稚園附近，但同時又想找一間未食過的餐廳。突然間想起雜誌的飲食繕稿（或廣告）最近推介了一間新開的餐廳，決定走去一試。「琥酌」開業大約兩個星期，賣點就是近一兩年在日本大熱的吉列牛扒，名字也打正旗號「牛カツ居酒屋」。講起吉列，很多人都以為吉列豬扒是最標誌性及最元祖的日式吉列料理；其實，吉列牛扒才是日式吉列食品的起源。據資料記載，早在1895年便在東京銀座開業的洋食屋（即西餐廳）老店「煉瓦亭」已經烹調吉列牛扒，只是不太受歡迎及牛肉價錢太貴，才逐漸被吉列豬扒所取替。時至今天，「煉瓦亭」也沒有烹調吉列牛扒了，但不知何種原因，吉列牛扒在日本突然翻生，成為潮流美食。店舖裝修可以用非常簡潔去形容，但座位的擺設算相當寛敞；並不似旺角通菜街的港式日/台/韓料理餐廳，地方細細，但枱與枱之間的狹窄程度卻比港式茶餐廳還要擠迫。天花的圖案也是餐廳的標誌，不知道出自何處抑或是餐廳老闆自行設計，帶有日本動畫內武士家族徽

明白點解咁長龍 因為係值得等既吉烈牛牛機煮鮑魚新鮮 唔會太淋/太硬入味 不過略嫌未夠爽口同未帶到更多鮮甜味出來藍蝴蝶特飲係幾靚感覺個味有d似 唧唧冰 haha個人有d 飽，所以唔揀霜降咁fatty 揀左安格斯自己燒 幾多成熟完全under個人喜好個吉烈皮略嫌唔夠脆 個漿可以厚多小小 炸脆d個牛本質唔錯 所以燒2下就好好味薯仔龍蝦沙律波波有蟹子 鮮甜 美味 薯仔靚温泉蛋蛋香味濃 是日本產的味道不過唔係凍既就第一次食 haha當然食個時都可以選擇打混隻蛋點牛肉食啦菇菇 新鮮日本貨 爽口 滑滑 好味道白飯 珍珠米冇問題不過可能換過個煲/用炭火煮就更鬆軟香滑可口 (sor, haha, 跳左去温泉酒店食開個mode)玄米茶 夠香濃 唔會太焦/唔會感覺好熱氣靚茶另外想讚下個 柚子胡椒 醬 同柚子汁 都好出色