琥酌 (已結業)

跟另一半出街, 總是在外覓食偶爾的找來情調的餐廳, 享受二人的時光他很好, 總會找些有特色的餐廳, 給我一點驚喜所以拖著手到來太子 到埗已經見到門外的介紹 - 東京人氣料理 吉列牛 到著香港 餐廳氣氛很好! 無論在裝潢還是服務都是走傳統日式風格給人一個享受寧靜休閒晚餐的環境 餐牌只有三款的菜式 - 牛吉列御膳:採用美國安格斯; 極上採用日本A5黑毛和牛肩胛芯; 霜降採用日本A5和牛肩胛肉眼我們點了兩客 牛吉列御膳(美國安格斯) (HKD188/客) 桌上先有三種調味 ( 左: 柚子醋，中間: 芥末醬，右: 燒肉汁)很快, 吉列牛御膳上枱了 店員很好, 總會一一介紹枱上的食物、醬汁、食法好吸引!!! 令我驚喜的是 近吉列牛的一大粒波波的食物竟是 龍蝦薯仔沙律龍蝦薯仔沙律入口啖啖龍蝦, 薯蓉壓得細緻, 在外看不出原來是沙律傳統的食法, 溫泉玉子拌勻拌飯入口, 蛋香濃郁, 配上牛肉就更美味牛肉外層輕炸, 咬落薄脆, 牛肉就根據個人的喜好掌握熟度將牛肉放上 板上燒, 香氣四溢, 將牛肉輕煎到5成左右, 牛肉入口鬆軟, 牛肉味濃郁, 配上不同的醬汁更有不同的變化、滋味盤上有三種調味: 柚子胡椒、

終於都捱到週六放假，一整日都係屋企做宅女睇電視聽歌過左大半日，媽咪今晚約左朋友食飯，所以得返我同家姐相依為命，我地兩個就去左樓下近近地去左依間吉列牛既日本餐廳食飯餐廳都係以和風設計裝修，一入到去已全場滿座，好在有人客食完走，我地就可入座，一入到黎有濃烈既燒烤味，已經令我肚餓到咕咕聲我地揀左牛吉列御膳既美國安格斯牛肉，套餐入面有飯、溫泉蛋、味噌湯、薯仔沙津球同菇菌，佢仲有六種調味料點黎食由於第一次食吉列牛，確實好好奇唔知點樣整到入面係生，但出面係炸到脆。侍應有解說每片每一面要煎30-45秒，一放落個鍋度煎，就開始計時，一夠30秒就反去另一面，再煎30秒夠鐘就拎起，第一片完全無點醬食，食落真係好軟熟，有咬口，入面有少少生，出面熟左小小，食落一啲都唔硬，吉列外皮重好脆跟住每食一件就試點一隻調味料，我自己就最鍾意和風芥末，覺得呢個味同牛肉最夾，不過其實如果唔點調味料，食原味都好好味湯唔咸，唔會飲完好口渴，而個蛋可以撈飯食我覺得個薯仔沙津球幾好味，薯容一啲都唔粉仲好鬆軟，唔係粉溝出黎咁，都幾特別

記得有一次去太子酒吧街飲野，友人經過介紹此店的日式吉列牛很出名，今天晚上又約了朋友去酒吧街，所以出發前必須醫肚，所以有幸前往開飯！門前的電子餐牌已經很吸引，令人垂涎三尺，吉列牛來自東京，亦有雜誌推介，質素應該不錯呢！餐廳裝潢很日本風，彷如置身日本小店，而且座位闊落，令人坐得舒適！餐廳主打的吉列牛有三款選擇：最便宜的美國安格斯牛、較高級的日本A5和牛、最頂級的日本A5黑毛和牛，然後再配上各種醬汁，與定食一起奉上！😃😃飲品有日本清酒，日本汽水和其他飲品等等，需要另外單點！上枱了，食物製作非常精緻！吉列脆皮很香，厚薄適中，而且緊緊黏著牛肉，不會炸得太厚粉；牛肉味不算太濃郁，但咬入口肉汁還算Juicy 和感受到微微的油香，亦可以將吉列牛沾上攪伴溫泉蛋進食，十分滋味呢😋😋吉列牛的外層是吉列脆皮，不過內裡仍是半生紅肉狀態，要放上鐵板燙烤一會兒才可進食，生熟程度完全視乎個人喜好😆😆雖然我們只點了最便宜的吉列牛套餐，但店員的服務態度也十分客氣有禮，會主動為客人添加熱茶，亦會介紹建議食法，和推薦各種調味醬料，感覺十分貼心，值得稱讚👍🏻👍🏻

朋友早早就介紹我食呢間吉列牛，男友預早兩個星期先 book 到，滿心期待嚟到，好可惜，期望愈大失望越大。一人叫咗一個安格斯牛，仲加左一件磯燒鮑魚同松葉蟹蓋。鮑魚同蟹蓋先上。鮑魚係好沐，但係完全無鮑魚味，我咁打賭你合埋眼食，係唔知自己食緊乜。蟹蓋嘅蟹膏又令人大跌眼鏡，蟹膏都可以無味，我開始懷疑我嗰日條脷係咪有咩問題。蟹蓋入面有少少肉，先輕輕食到少少蟹味。抱住戰戰兢兢嘅心，食佢地嘅主打吉列牛。侍應教，每邊要煎30 -40秒，我心裡面數住35秒就上碟。習慣上第一啖我唔沾調味料，因為咁樣就可以食到食材嘅鮮味。但係竟然無乜牛味... 攪咩呀，普通串燒店嘅安格斯牛都夠滿足我啦，點解呢度係咁 食一口仲有好難咬開嘅筋，呢個係expected 因為好多食評都話好多筋。我對筋嘅接受程度較高，但我真係接受唔到無牛味... 之後嗰幾件愈食愈失望，建議煎耐少少，啲牛味會多少少，但我平時係鍾意食生啲。頭尾兩片係地獄，因為牛味又唔夠，吉列炸嘅部分又較多，就好似食緊炸粉餅咁。想先苦後甜嘅朋友，記得先食頭尾兩片。本身想讚讚佢地嘅service 細心嘅服務同講解。好可惜，我聽到有位侍應向佢嘅同事復述有食客表示呢度油煙好

今晚友入找我來到太子，說要帶我吃吃我沒吃過的日本菜。太子西洋菜北街159A地下還以為又是海鮮和刺射，竟然是吃吉列牛呢。餐廳只售吉列牛，而吉列牛的套餐有三種，分別售不同價錢。牛吉列御膳$188我們選的牛是 美國安格斯牛，一客有七片，呈粉紅色，中間係較生，外層已經炸香，把牛肉放上爐上輕輕燒三十秒便可進食。米飯放上木魚碎，更加香和吸引。米飯飽滿煙靭，可伴上溫泉蛋後進食。吉列牛味道不錯，第一次吃，甚有新鮮感呢。

位於太子的 琥酌，是一間吉列牛專門店曾到訪日本多次，但依然沒嚐過吉列牛，日本控的我表示很失敗。今天帶同媽媽來，嚐嚐沒吃過的吉列牛吧。牛吉列御膳$188-498只有三種套餐可選，清晰易明，價錢不同在於牛的質素不同，分別有 美國安格斯牛，霜降日本A5和牛肩胛肉眼， 極上日本A5和牛肩胛肉眼。美國安格斯牛- 牛吉列御膳$188套餐包括到片吉列牛，米飯，溫泉蛋，味噌湯，薯仔沙律吉列牛外皮先炸，但內裡保持鮮紅血色，要放在爐上煎每面三十秒才可進食。我的吉列牛較媽媽的靭，牛肉味甚濃。帶有吉列和煎後的香氣，感覺特別呢。米飯飽滿，軟糯黏性高，富日本獨特米香，可伴上溫泉蛋一同進食。不過米飯量不多，溫泉蛋味不夠濃，沾上醬油更好啦

朋友今日介紹話佢試過呢間新開既餐廳，佢地出名係食吉烈牛，我心諗吉烈豬就食得多，吉烈牛係咩玩法呀。牛吉烈御膳，一人一個煎pan，一人一個set，無論食物，擺放或爐具都頗精緻，傳承左日本既賣相。店員會逐一介紹吉烈牛既煮法同食法，每面各煎30秒就 perfect 喇，仲有醬料同調味都講解埋。原來呢一隻吉烈牛係外面吉列，裏面係生嘅，再煎一煎，煎返自己鍾意既生熟度，所以牛肉非常之嫩滑，牛肉味又好香，而且肉汁又多，而且有好多調味料去配搭，加埋調味料都好好食，好正。味噌湯平時唔係太鍾意飲味噌湯，因為通常都係好咸，但係呢個味噌湯唔算好咸，而且味道非常香，一啖飯一啖湯，濕下個口，啱哂！日本珍珠白飯粒粒白飯都又圓又大粒，脹卜卜，而且又有飯香，米中極品，又可以加埋溫泉蛋一齊食，又可以一啖飯一啖湯，又可以送牛肉一拚食，配撘多多。溫泉蛋溫泉蛋非常非常之香蛋味，日本蛋果然係靚啲，而且非常之滑，10分喜愛簡直係大滿足，整份午餐有好多唔同形式，而且非常之特別，下次一定會試吓佢既和牛。

太子警署附近一向有好多食肆，平時行經的話都一定會揀一間去食，因為鍾意呢d 餐廳都係小店形式，並不是連鎖式經營，所以都好有特色，今次就㨂左間以吉列牛做招徠，心想："吉烈牛會否好"鞋"?" 而且又從未嚐試過，所以就衝左入去！店面好有日本風格，以木做主題，感覺好舒服，服務亦都唔錯，而每一個位都擺放了個日式小爐，好特別。龍蝦薯仔沙律右上角白色球體其實係龍蝦薯仔沙律，薯仔好滑，混入龍蝦肉於薯仔沙律內，又甜又鮮味，係一道不錯的前菜吉列安格斯牛端上嚟既時候真係忍唔住"嘩"一聲，因為好精緻，而吉列牛只係外面層皮炸左，入面係生既，店員教路，每面煎30秒，效果最佳，如果想熟d，可以再熱多陣，自行調教，一入口，好多肉汁，而且好嫩滑，仲有不同種類既調味料做配撘，加岩鹽可以加強牛肉既味道，加柚子醬就非常清新，肉既鮮味提高不少；加醬油又有叧一個味道，加芥末又可以加辣，總之，每一個味道都可以突出吉列牛既不同特質，每一口都有驚喜！味噌味道不淡不濃，不俗溫泉蛋 + 日本珍珠白飯溫泉蛋又香又滑，加上珍珠白飯，一流。好鐘意食日本珍珠米，粒粒飽滿有咬口，不俗。賣單每人都唔需要$200，就有咁高質既食物，又特別，又特別好味！

一直都想試這家的吉列牛肉！今晚終於有機會嚐到了。點了個$188的「美國安格斯牛吉列御膳」除了吉列牛，還有龍蝦薯仔沙律、醃香菇、溫泉蛋和味噌湯。調味料有粗粒山葵、水晶岩鹽、柚子胡椒，醬料方面有和風芥末、香濃燒汁、柚子檸醋。把牛肉兩邊各自燒一燒約30秒就剛剛好夠熟了。吉列牛的確是不錯，牛肉質感也不俗。我個人就比較喜歡點和風芥末和柚子檸醋。再配飯來吃就最夾了。另外還點了蜜桃乳酸梳打 $28。酸酸甜甜又有氣也是很不錯呢！整體有點偏貴了，但也可以一試的。

食得多吉列豬，今次就試下吉列牛。朋友帶左我去太子既琥酌。點左兩份牛吉列御膳 （$188），包：-自家製漬物-溫泉玉子-椰菜絲沙律-味噌湯一碗-珍珠米飯一碗-龍蝦薯仔沙律-六款醬料（胡麻醬油、蜂蜜芥末、柚子醋、海鹽、柚子胡椒、Wasabi）每張枱都放有一人一個燒爐，將吉列牛放上去每邊燒20秒左右就食得。牛味濃而且唔韌，外層脆口好香，亦有肉汁，點醬汁食味道仲好。溫泉蛋除左可以拌牛肉食，更可以拌飯食， 珍珠米加上香滑既溫泉蛋再加甘小小醬汁食都好好味！白色呢粒唔係魚旦，而係龍蝦薯泥球。薯泥球加左龍蝦肉，鮮味左之餘又有嚼感。

今晚約咗朋友去太子酒吧街飲酒，咁飲酒之前都想搵間餐廳醫下肚先，見到有一間新開張嘅日式餐廳，係專食吉列安格斯牛，我見咁特別，就走入去試一試！吉烈安格斯牛$188餐廳環境好有日式風味，因為都算舒適，枱與抬之間都唔算好接近，服務亦都唔錯，我哋開始點菜，當然係點佢最出名嘅吉烈安格斯牛！一人一份吉列安格斯牛，一份餐入邊非常之豐富，一碗味增湯，白色嘅波波其實係龍蝦薯仔沙律，有一碗溫泉蛋，一碗白飯，同埋主角吉列安格斯牛！安格斯牛嘅建議食法係每一面煎30秒，就會啱啱好，牛肉味濃郁，而且非常之滑，可以點唔同嘅醬汁，例如有柚子、芥末、岩鹽，仲有沙律醬、燒汁醬、柚子豉油，每一件牛都可以用唔同嘅調味料配撘，味蕾收到好多嘅刺激，正！溫泉蛋好滑，都好好香嘅蛋味，可以加落飯度一齊食，又有另一番風味估唔到呢間餐廳既吉烈牛咁好食，呢個食法令到牛肉可以保持滑嫰，絕對值得一試！

每次經過太子酒吧街，都留意到一間具日本特色的料理店，名字也相當日系，原來該店主理吉列牛；不用飛去日本在港也能吃到了。今天忍不住一定要去試一試它的《牛吉列御膳 $188》- 包漬物、溫泉玉子、椰菜絲沙律、味噌湯、珍珠飯、龍蝦薯仔沙律和六款醬料。入座後每位都有座迷你黑色燒爐，上菜後店員細心講解六款醬汁（胡麻醬油、蜂蜜芥末、柚子醋、海鹽、柚子胡椒、粗粒Wasabi），燒牛肉時間等，之後就幫我們開火準備！店員再提示溫泉玉子可以混飯一齊吃或和牛肉一起食，最後我當然混在日本珍珠米飯一起食，加上蛋的米飯既香又充滿蛋味。還有就是白色的波波是什麼來的？其實是龍蝦薯泥球，中間有龍蝦肉，薯泥夠溶又帶有creamy口感，蝦肉爽口。牛肉每件色澤、紋理分怖都好吸引，再加上外面的吉列層，一放上燒爐香氣撲鼻，肉的熟度可按自己個人口味而控制時間，而我個人喜歡生一些，所以20秒左右就食得；入口牛味濃且一點也不韌，外脆肉軟，口感極佳；那六款醬汁，我每款都試過，最喜歡吃的都是柚子胡椒，食落清香的柚子香加少少咸和胡椒味，味道好夾好特別。

1個人的午餐，放假無無聊聊周圍食，今次去左朋友介紹太子既琥酌，無論鋪外鋪內裝修都以日式風格為主，環境舒適！order了呢到既招牌套餐，和式牛吉列御膳，今次先選了美國安格斯牛肉，果然係招牌菜，賣相吸引之餘，外層炸得好金黃同脆卜卜，內裡牛肉半生熟帶點鮮紅色，肉質好淋口感非常好，亦好重牛肉味，加埋6款特製調味料，各有特式，個人最鍾意香濃燒汁，夠濃味甜甜地好開胃，非常好味！ 套餐仲有，自家製漬物味道唔錯，溫泉玉子精形通透好滑嘟嘟，味噌湯不過不失，龍蝦薯仔沙律，龍蝦爽口彈牙，薯仔又夠晒淋都唔錯，椰菜絲沙律就沒特別但比較健康，配一碗日本珍珠飯粒粒分明口感又好岩晒配埋一齊食！下次一定會再黎試下，貴d既日本A5和牛套餐，呢到的確好值得推介比朋友既好地方！

香港作為一個美食之都，自然有著各式各樣的菜式。最近新加盟的吉列牛，在日本可說是風靡一時。不用越洋便可品嚐到另一美食，實在是沒有錯過的理由。坐落太子的琥酌，名字雖然與吉列牛毫無關係，卻來得很俐落，不其然地予人一種型格的感覺。餐廳環境不大，只可應付約三十位客人，是以客人少不免要在外等候一會兒。然而，餐廳也盡量善用了內在空間，同時放置了卡位和單邊吧枱等的座位，以切合不同客人的需要。牆身用上較暗沉的水泥色，搭襯著簡單而具藝術感的掛畫，充滿著日式的風格。餐廳清一色提供和式吉列牛，分別為美國安格斯牛和日本A5和牛，價錢甚異，可謂豐儉由人。【牛吉列御膳】御膳的賣相精美，而且內容也甚為豐富。除了主角吉列牛之外，還有漬物、薯仔沙律、溫泉蛋和麵豉湯等等。每款配菜都做得相當出色，而球狀的薯仔沙律，裡面更包裹著彈牙的龍蝦肉，絕對是簡單卻不隨便，叫人驚喜。【美國安格斯牛肉】打算只作淺嚐的我們，選了較便宜的美國安格斯牛肉。聞說餐廳用上牛肩胛肉的位置，是以牛肉本身的脂肪較少，正合我們心意。脂肪平均地分佈在牛肉裡面，看起上來肉質上盛，甚為吸引。把牛肉放到鐵爐上烤熟，由於牛肉的脂肪不多，須不時翻動，以免牛肉黏到鐵板上和

係日本食過吉列牛之後就愛上左，知道香港開左緊係即時去試啦！同朋友都係叫美國安格斯牛肉，成set $188!配菜比起日本多種類，有溫泉蛋、椰菜絲、薯仔沙律、醃菇，不過日本就可以任添椰菜！溫泉蛋撈飯正呀😍加上飯面有木魚添！醬汁都比日本多選擇揀，最鐘意芥末沙律醬同柚子胡椒，貪佢夠野味✨因為唔係揀和牛，所以肉質唔係太肥美，但係啖啖肉，加上脆脆地，都好滿足！用餐時間得60分鐘，真係要燒快啲！同埋早啲黎就唔駛等咁耐。