琥酌 (已結業)

食得多吉列豬，今次就試下吉列牛。朋友帶左我去太子既琥酌。點左兩份牛吉列御膳 （$188），包：-自家製漬物-溫泉玉子-椰菜絲沙律-味噌湯一碗-珍珠米飯一碗-龍蝦薯仔沙律-六款醬料（胡麻醬油、蜂蜜芥末、柚子醋、海鹽、柚子胡椒、Wasabi）每張枱都放有一人一個燒爐，將吉列牛放上去每邊燒20秒左右就食得。牛味濃而且唔韌，外層脆口好香，亦有肉汁，點醬汁食味道仲好。溫泉蛋除左可以拌牛肉食，更可以拌飯食， 珍珠米加上香滑既溫泉蛋再加甘小小醬汁食都好好味！白色呢粒唔係魚旦，而係龍蝦薯泥球。薯泥球加左龍蝦肉，鮮味左之餘又有嚼感。