琥酌 (已結業)

同朋友講左半年話要食下香港既吉列牛，今次終於都約左兩個朋友黎。因為事前唔知原來店面積係咁細，無book位，但星期五黎講，我地七點幾到，都係排第二個姐，唔算多，排左十五分鐘到有位。(不過唔想等就記得book位啦！)首次，講下裝修先，店舖裝修很有日式的味道 因為櫻花季節而特別加上櫻花的裝潢，但最可惜我地三個人，佢比左bar枱我地，而入去之前又無問過我地坐唔坐，隨左依樣其他服務同室內環境都幾好。第二，因為成個餐牌都係得三款價錢既吉列牛，所以我地三個都簡左188，然後我就嗌左杯野飲，同嗌左個櫻花甜品拼盤。個牛等左十分鐘已經到左，黎到職員都好細心講係點食，周不時又好細心咁幫我地加下茶加下火，野食無論賣想定味道都幾好。第三，到個甜品，真係好抽象，同兩個朋友都覺得除左個小丸子同紅豆大福餅係正常小小，其他係甜品藝術，大家一定要試下個櫻花形狀果個，外係好少女，但咬落去係咸咸既魚蛋味，果下真係好衝擊，好特別，又可能因為我地無睇清楚個餐牌介紹甜品名，所以覺得有啲怪怪的。最後到杯飲品，就一般，普普通通，無話好好飲又無話好難飲。總結，都係推介大家食佢既吉列牛同服務。

有日係太子搵食，行經西洋菜北街，遠望有間日式料理店，名叫「琥酌」，店外裝潢以深褐色木紋為主調，而「琥」字即時令我諗起琥珀，同樣是褐色的，店名與裝潢非常配合，單從這份心思已可知店主對食物一定有要求。入到店內揀左份美國安格斯牛吉列餐，好快waiter就把一份精美巧食送到我面前。一份半熟吉列安格斯牛肉，一碗日式珍珠飯，一份溫泉蛋，一份龍蝦薯仔沙律，一份前菜，全都精緻整齊放在餐盤上，用食得嘅工藝品嚟形容最合適不過。食物味道方面不用多說，從大至裝修小至餐具所花嘅心思已知係有水準之作，食得實在恰意。其實「琥」是古代中國禮器工藝品的一種，此刻再想「琥酌」改得實在太有意思，店主以「琥」嚟形容店內猶如藝術品般嘅美食在實在貼切不過。

今天要來旺角拎回鄉証，順便食個午飯。 於是就揀到<<琥酌>>。 琥酌近太子站，門口有著濃厚的日式裝潢風格。 裡面也很和風。 因為我是中午十二時來的，所以仲未有客，避開上班一族，可以坐卡位。 呢度有十款中午定食，我就揀左<<鰻魚茶漬上定食>>。 好快定食就送到，上到枱已經覺得賣相好吸引。 麵豉湯點可以少得，開飯前先入口墊墊胃，微喊。 鰻魚飯好吸引，多鰻魚又多蛋絲，米飯，軟軟的，易入口。 將高湯及調味料先倒入碗，再加上飯，這就是茶漬飯。感覺像中式的泡飯口感，再配以鰻魚，覺得特別。 最後點多一杯<<藍碟花雪梨特飲>>。小小甜又有氣，清清口腔中的悶氣。

星期日又跟媽咪出去吃飯，來到這間吉列牛的小店，聽說初開業時晚晚爆滿，很難訂位。今晚我們18:00便來吃，早吃飯健康些啊！我點了安格斯牛，給媽咪點了和牛。美牛不能夠燒太久，少少熟就夠林，久了就咬不開！！和牛就不同了，佈滿油脂，燒熟一點也無問題。媽咪最近修了牙齒，真怕她咬不開！！一份定食，有湯、飯、小碟白蘑菇、變了球型的龍蝦薯仔沙律，整份牛肉雖切小塊，原來吃光後也很飽的！！餐牌只有三款牛選擇，另外有小吃及飲料，但很飽了，櫻花甜點也吃不下了。

今日落區做野，俾我响太子舊區發現到呢間卓爾不群、門面光鮮亮麗既餐廳，就俾佢出眾既外表吸引左入去。餐廳內既裝潢舒適簡約，乾淨整潔。而且設有吧枱座位，好有日式居酒屋既感覺。我覺得有吧枱位最大既好處係一個人食野都唔會覺得尷尬。服務方面真係冇得彈，d服務員真係非常主動又好笑容，教我點燒牛肉，又頻頻加茶，食完又拿拿淋清潔枱面，等我同同事坐得舒服d，真係好體貼。琥酌主打食吉列牛，有三個套餐可以選擇。飲品方面有特色口味既手工啤酒，有平時比較少見既口味。其實好想試，不過食完飯仲要做野就冇試勒。食物方面叫左個美國安格斯牛吉列套餐，賣相都唔錯。有個搓成一個波既龍蝦薯仔沙律，本菇漬物，麵豉湯，温泉蛋，同木魚片配白飯。隻温泉蛋可以點燒過既牛肉食，或者用黎撈飯都得。我就鐘意撈飯食，撈完d飯又滑又有蛋香。問過服務員其實d牛肉係可以生食既，不過燒一燒就會香好多，所以都建議我哋燒過先食。自己燒既好處係你鐘意燒幾生幾熟都得，想食嫩d嘅就燒短d時間，鐘意有𡁻口既就可以燒熟d。d牛肉冇乜脂肪，食落都唔覺得肥膩，肉香都唔錯。燒好既牛肉可以醮芝麻汁、芥末沙律醬、柚子醋、岩鹽、芥末或者柚子芥末食。各有特色，我就最鐘意柚子醋，酸酸

同事幫左我一個大忙, 心存感激, 要報恩, 一於請好同事食飯!!! 好同事話想試試呢間之前好hit嘅吉列牛。同事叫到一於奉陪!! 一早到左, 未見排隊人潮, 入去安排座位後就奉上熱茶。服務好, 而且有禮貌。餐廳環境走時尚日本風, 令人坐得都幾舒服。睇睇餐牌先, 和式牛吉列御膳以牛肉等級分左三個價錢, 有極上日本A5黑毛和牛肩胛芯, , 霜降日本A5和牛同埋美國安格斯牛肉。好同事心地好好睇住我荷包, 點左最平嘅安格斯牛肉, 而且佢都話試試先。巧感動呀!!!套餐包括左下嘅赤味噌湯, 溫泉蛋, 白飯, 椰菜絲, 龍蝦薯仔沙律同漬物(白菇)。分量都豐富同多, 男仔黎食唔會唔夠飽。牛肉首先沾上麵包糠略略炸一下, 取其香脆口感。牛肉仍然保持略生的狀態, 讓客人自行烹調喜歡嘅熟度。小鐵鍋就係呢餐飯重要工具之一, 店員教路每邊煎30秒就可以食喇。煎後嘅牛肉有嚼勁, 外皮香脆, 增加口感, 而且帶有少少油脂香。都係最鍾意點岩鹽, 最夾!! 好同事都食得滿意同開心! 報恩嘅我都放下心頭大石喇。

朋友約我黎食吉列牛, 之前新開時一早已經想食ga la, 可惜新開一定多人排隊, 令我卻步了!!! 隔左一段時間, 朋友約我食, 即刻應承, 補償返上次去日本冇時間食ge遺憾!!!吉列牛舖頭個名都幾特別, 好有日本style and feel。餐廳唔算好大, 但座位同座位間唔會好近, 唔會令人覺得逼, 仲有好似壽司枱位tim!睇睇餐牌先, 好簡單分3款唔同ge牛, 有日本A5黑毛和牛, A5和牛同美國安格斯牛。今日一於小試牛刀食美國安格斯牛先!!!叫完之後好快上餐, 好似定食gum, 有白飯, 溫泉蛋同麵豉湯。牛肉炸到好生, 唔好以為就甘食, 有個小煎爐, 店員教落每邊煎30至40秒就得, 都幾好玩, 同埋可以自己調教熟度。牛肉食落唔會un, 而且加埋吉列皮, 口感都幾特別, 唔錯唔錯。一個波甘樣係龍蝦薯仔沙律, 雖然細細個甘, 但當你一路食嘅時候, 會發現個沙律變多jor!!! 薯仔沙律味道唔錯ga! 第一次食都幾得意同新鮮, 可以自己玩下食下, 而且味道仲好味!

牛肉是我嘅最愛！日式嘅牛更加係不能抗拒啦！今日來到太子，就係為左食呢個新推出嘅日式燒牛！先點飲品，藍蝶花飲品，已經不算新奇啦，到處都有呢款飲品。但見到咁靚的藍色，心情仍然係開心嘅！藍蝶花飲品味道不算太重。點左個$188 「牛吉列御膳係美國安格斯牛」牛肉套餐另外仲有２個餐選擇，我地揀個平嘅試下先！呢個小型嘅爐仔，點左火就可以放牛肉上鐵板到燒，牛肉本身係吉列左個外層，入面全生，可以自己煎至喜歡嘅熟度，一開始煎左好短時間，就比較UN，煎耐少少呢，就會軟好多個肉質。味道都幾好，肉唔會太肥，肥瘦岩岩好，牛肉好香口，食落都幾滿足，份量都多，仲有配埋飯呀半熟蛋。點外點左個鮑魚，見價錢唔算貴，質感都幾彈牙！

今日收工做完野 去太子食個lunch見到有牛又有鰻魚都係我同我女朋友至愛就入去試試自己燒牛，最能掌握自己想食既生熟度。我非常喜歡，而且店員都有耐性教我地點燒。一種澳州和牛一隻a5和牛，油花非常均勻，而且有一定厚度。而且伴有三種醬油，芝麻，柚子，芥末三種醬油。牛肉入口即溶，牛味濃厚，建議試試咩醬都唔點。呢個菇都非常好味，口感特別，好快就比我女朋友食曬。鰻魚份量十足，鮮甜美味，又肥又美，而且有2種食法，又可單食又可用茶漬食法，滿足你2個要求。太子呢間食店無論服務跟味道都有日本既味道。

實在太掛住日本嘅美食，今次同朋友搵左呢間係太子食燒牛嘅鋪頭試試佢先！之前係福岡試過有個爐可以邊食邊燒嘅食法，估唔到香港都有，即刻就book枱啦。入到去鋪頭唔算坐得好密，枱同枱之間都有空間，大家都坐得舒服。餐牌有三款牛可以揀，美國安格斯牛，日本A5和牛肩，日本A5黑毛肩。今次先試左美國安格斯牛先，好快就上菜啦。職員逐一介紹枱面上嘅東西，有三款醬點：燒汁，柚子檬醋，和風芥末；另外仲有粗粒鹽，柚子胡椒同埋山葵可以調一調個肉味。佢旁邊有個爐，職員點左火就可以將啲肉係上面，建議每邊燒30至45秒係最好嘅。我自己喜歡食生啲嘅牛肉，所以有幾舊只係鎖住肉汁就停手啦。燒左嘅牛再加一口白飯，真係勁好味！個粒龍蝦薯仔沙律整左一粒波，但入面係有啖龍蝦肉㗎。溫泉玉子係蛋黃流出黎，好好味，完全滿足左上次去左溫泉區但無食到溫泉蛋！潰物佢係白菇，味道唔咸，淡淡地，建議食肉前食左先。200元食到飽，下次有機會試埋佢另外兩款牛。

朋友介紹，又揾唔到人陪伴，自己一個也可以吃得很好，就好好享受辛勞工作後的一個晚上吧。 黎到呢條靜靜地既太子其中一條街道。 鋪頭位置不難找，門面還有點裝修，好大個名字。 晚上得三個set，全都係食吉列牛。 叫了最平那個都要188 稱 美國安格斯牛肉 其實幾特別，平時就食得吉列豬扒多，呢度係吉列牛，外面炸得脆脆，外面仲係生生地，set上了，還要自己煎一煎，熟透才好吃。以上就係成個set有既嘢，第一次煎得不夠熟，有點韌，難咬，之後煎得熟點，就好味一點，容易入口，帶有點牛味。 未熟晒既牛身，放落去都算好快熟透。 呢度面鼓湯好濃。

想黎呢間食好耐啦！今日終於約到人。好彩有BOOK位，門外好多人排隊！3款套餐中，我地揀左最平嘅餐：$188既set—牛吉列御膳係美國安格斯牛。個餐都包左幾多野，除左飯之外，仲有隻溫泉蛋比你放落放到食。另外有龍蝦薯仔沙律和菇菌，另有配埋醬汁點牛肉食。呢個爐係成餐飯嘅重點！熱力係由鐵板下面嘅小圓燭發熱，熱力都燒得姆平均，但又唔會太過勁。將塊牛肉放上去，燒一陣，再反轉燒下，都快熟。如果想食軟腍止，就煮耐少少，如果想生D就唔洗太多，不過就會無咁腍身。我點左杯抹茶味飲品，抹茶味道較為淡味，但唔會過甜，味道都唔錯，上面嘅cream都幾多，令杯野更香。仲有點左個小食，醬油吞拿魚漬。吞拿魚切成細細粒，味道都幾清新。

其實我好怕排隊不過老友千里到來港一定要找間人氣嘅食店一齊去試吓。非常好彩當日沒有人龍出現。因座位不多建議先最好訂位。入到去地方簡潔，有日本feel。餐牌最好因為選擇食物不多，好易就揀到你想食嘅嘢。牛吉列分三種＂極上＂丶＂霜降＂丶＂牛吉列＂。最貴的要＄498的確有點貴！最後叫咗＂霜降＂丶＂牛吉列＂經過各老友分析確實貴價的牛吉列的確好味！牛脂肪比例真係連肉眼都睇到有幾好。值得一讚就係點牛肉嗰啲配料，記得每人試吓有不同口感。另外我好欣賞＂原隻日本岩燒鮑魚＂雖然細細隻但味道濃郁加上入口彈牙這個我非常鍾意食。而＂明太子手羽燒＂及＂味噌松葉蟹蓋＂也是必試。＂藍蝶花特飲＂顏色好靚，但味道一般。仲有如果嗰日多人幫襯而出邊排晒長龍！真係得60分鐘食咁就真係不是一個享受了！好彩當日沒遇到咁嘅情況！最後個溫泉玉子好滑。

岩岩去完日本食過吉烈牛之後一直好想再食，既然香港都有梗係要黎試下啦成個set有前菜，味增湯，同吉烈牛。前菜係右上角個碟菇同成粒波咁既龍蝦薯波，薯波真係食到龍蝦肉👍🏼至於溫泉蛋當然拎黎拌飯😋主角吉烈牛😍係爐上輕輕煎一煎兩邊就食得，外皮夠脆，裹面肉質嫩滑，配上6款唔同既調味，正！6款調味分別係柚子檸醋，香濃燒汁，和風芥末，粗粒山葵，柚子胡椒同水晶岩鹽，個人最愛岩鹽，靚既牛配最簡單既鹽味就已經好好食！

好耐無食過特別嘢，所以有機會就揾d新野試下其實呢個炸牛扒都開左一排，係電視都見過幾次佢特別在炸完個牛扒，仲可以自己係個鐵板度燒下再食，真係有得玩又有得食牛扒有3個級可以揀，不過最平都要188，呢晚就食最平既安格斯牛。我覺得都係一般，雖然我明一分錢 一分貨，但係呢個安格斯的確有d普通還好係佢預備左6個調味俾你，有岩鹽，wasabi, 柚子胡椒，燒汁，蜜糖芥末，同柚子汁。我個人覺得岩鹽同wasabi，係最好味。圓碌碌個舊係龍蝦薯仔沙律，都幾好食，係少左d温泉蛋，你鍾意點食都得，在撈飯，就咁食，點牛扒，煎蛋都得，佢個鐵板唔黐底架。麵豉湯就有d太咸，咸到飲唔哂整體我覺得係gimmick多d，都唔差，但係又唔係好驚喜