琥酌 (已結業)

自私食平日中午最愛周圍食，以解工作上既壓力今日黎左太子店鋪裝修唔錯，日本風味濃午市餐牌，人均消費大概100，尚算合理今日小妹揀既係琥酌牛盛正！見到已經流口水首先，擺上一個小爐，自己燒自己食靚牛，成朵花既係A5牛 而右手面既係安格斯牛店員提醒，燒15秒便可以，會食到牛香整多張close up! 貴精不貴多值得一提既係佢有6種調味料，好正有岩鹽、wasabi、柚子調味、沙律醬等等，每一片牛試一種調味，淨下的唔加任何調味，吃出真味道個面豉湯其實也落足心機，唔會好濃味，加上少量既海帶，感覺很養生，很健康日本米更加唔需要提啦，粒粒晶瑩剔透是好味的如此的享受，120元的午餐是值得的！如果餐後有個甜品，相信會更加加分

一個人，在太子，獨自揾食。中午，唔知食咩好，經過長途巴站，見到間裝修得不錯的日本餐廳，應該坐得幾舒服，一於入去醫醫肚。中午定食都有好多選擇，聽店員講，該店最出名的就係吉列牛。吓，係吉列牛，唔係吉列豬，究竟吉列牛會係點既樣呢，咁就要試過先知。睇相已經好吸引：有3款肉揀，要左個安格斯牛，原來係吉列皮，裡面仲係生的牛肉，附上鐵板自行加煎至自己鍾意的熟度，又幾有新意喎。店員說，每面煎大約10秒鐘，食就啱啱好，仲有3款醬汁及3款調味選配，真係新奇又好玩。本人就最鐘意加岩鹽煎，帶出鮮味，濃濃的牛味，再加上吉列外皮，就真係外脆內嫩，令人回味無窮。今次既發現，原來一個人食晏，都可以好浪漫

難得有個下午可以享受一下自己既時光,當然由美食開始出發,先有氣有力嘛這間餐廳是朋友介紹,她是讚口不絕的,咁我當然要試過先知啦午餐有幾款選擇,這店主打是吉列牛,但比起牛我更愛鰻魚,所以今次點了鰻魚茶漬飯上定食=)餐前上了小食-蒜頭,牛蒡,蕎頭。店員服務態度十分好,親切地介紹食法。除麵鼓湯外,另外還附上昆布湯及紫菜,係用黎做湯飯。鰻魚份量不少也十分肥美,一口鰻魚及汁配上一口飯,已經好好味,不需要再加調味但如果多點汁拌飯會更好。其他人普遍都點吉列牛,下次一定要試下

呢個鐵板吉列牛之前聽人講好正，攪到我已經好想去，因為本身我係十分鐘意食牛嘅，咁岩有個朋友又話好想食，緊係拉埋佢一齊去一人一個鐵板同埋一份醬汁，醬汁有柚子醋、燒汁同埋和風芥末三個選擇，每一件牛都可以選擇唔同嘅醬汁，揀一個最啱自己嘅成個套餐有味噌湯有前菜，當然唔少得主角吉列牛啦呢個波原來係龍蝦沙律黎架，佢側邊仲有三款調味溫泉玉子店員話我地知有可打勻撈飯食，真係有另一種風味到主角吉列牛啦佢表面浸過一層麵包糠經油炸過，裏面鮮紅色生熟程度主要係我哋自己調校，個鐵板就係俾我哋自己煎牛肉美國安格斯好新鮮，肉質十分有水準每件牛肉可以選擇唔同嘅醬汁同調味料，試出唔同嘅風味真係好好食我同朋友每一樣配菜都冇食剩到，連撈左溫泉蛋嘅飯都一粒不剩

雖然想食吉列牛！但個人實在太熱氣！就叫下其他野食！見到個鰻魚飯好似好正咁！就決定食鰻魚啦！前菜有三種奄左既菜！酸酸地！好爽脆又開胃！店員介紹首先係就咁食下個鰻魚飯先！鰻魚都有好多片！片片都勁肥勁正！烤得好香啊！個鰻魚入口就業溶化啦！果個鰻魚味充滿哂個口好正啊！調味有飯素同山椒粉！店員教路放鰻魚同假係個碗度！再加茶落去！再加埋飯素同山椒粉！個山椒粉唔係辣嫁！味道好香！似似地香茅！提升左鰻魚既味道！飯吸收左茶既！好香！成個鰻魚飯變得冇咁油膩！多左一種清香！一個飯有兩種食法好正！

前排日本好興牛吉列，呢個風潮終於傳到香港啦！！ 但牛吉列嘅牛真係好重要！！吉列嘅處理手法都好重要。為左唔想令我嘅第一次體驗失望，我就去左呢間專食牛吉列嘅餐廳啦有三款醬料提供：柚子醋、和風芥末同埋燒汁。和風芥末點沙律菜幾好味的！點左美國安格斯牛肉 好豐富嘅感覺！有湯、飯、溫泉蛋、椰菜沙律、龍蝦薯仔沙律、漬物（菇）、同埋有岩鹽、柚子胡椒同wasabi 可以用黎點牛肉食。溫泉蛋我撈埋飯一齊食薯仔沙律係成個波波咁，同日本食到嘅薯仔沙律差唔多，口感綿密湯係味噌湯，幾濃郁主角黎啦！！！ 安格斯牛肉，份量都幾多！！吉列炸皮依然好脆，牛肉係未熟嘅，一陣自己燒黎食個火都幾猛，好快熟晒的，最好放一塊落去試下，如果唔係會太熟。咁多種醬，我最鐘意點岩鹽，因為唔會太咸，唔會掩蓋牛肉嘅味道，反而帶出晒牛肉嘅鮮味牛肉肉質算幾嫩（當然和牛就更嫩啦！）好有牛味By the way,入到去第一眼吸引我嘅係個遮架好有日本風牛吉列專門店真係無黎錯！好味

由於皮膚問題，我近來都甚少食牛，不過偶爾也會放縱一下自己，但這破戒的機會如此難能可貴，我當然要珍而重之。早前看電視的旅遊節目時已看到有介紹東京的吉列牛成了熱潮，心中一直躍躍欲試，沒想到話口未完這個熱潮已直襲香港。 琥酌是首間登陸香港的吉列牛店，全店主打食吉列牛，另有幾款小食。 吉列牛有三個等級，最平的那種是美國安格斯，其餘的就是和牛。精打細算的師奶仔點了CP值最高，即價錢最平的美國安格斯牛，畢竟也只希望一嚐吉列牛的滋味，試過就心足了~ 一份御膳原來都包括了不少食物，有麵豉湯、椰菜絲、溫泉蛋、龍蝦沙律波波，而牛肉就大約有10件。第一樣先吃的是龍蝦沙律，一個薯仔波波內藏龍蝦肉，搓成泥膠的模樣，薯仔蓉出奇的幼滑。 麵豉湯比平日喝到的都深色，原因是用上了醱酵時間較長的赤味噌。 安格斯牛的外圍被包裹上麵包糠，經油炸外圍變為金黃色，但切開可以看到牛肉依然是生的。 食之前要自行放在爐火上兩邊烘一烘，每邊大約10-20秒。 經麵包糠鎖住了肉汁，即使我們是選擇最便宜的安格斯牛，味道都已經很上盛，入口肉質非常稔滑，就是有些微筋，但只屬很少很少，如果是要和牛的話口感必定更軟嫩。 檯面上有六款醬汁或調

今晚約左朋友係酒吧街飲酒傾計。飲酒前我地就係附近搵下有咩好食，醫下個肚先行行下見到琥酌既餐廳。門口貼住2017年必吃食店餐廳，原來就係之前網上好有名氣既吉列牛，之前想食好耐，今次終於有機會吉列牛有三款:1.極上牛吉列御膳（日本A5黑毛和牛)，2.霜降牛吉列御膳（和牛），3.牛吉列御膳（美國安格斯牛肉）除左和牛，仲有其他小食哈哈，一人一個鐵板，唔洗爭吉列牛係以定食既形式上既，服務員會主動介紹每款食物，調味汁和食法漬物係白玉菇，味道不重，好健康我個人最鐘意食珍珠米，好Q同飯香味赤味噌湯好多配料，好好飲主角:吉列牛，服務員話係現場切割和烹炸，入口好重肉味，超好味調味汁有燒汁，和風芥末和柚子檸醋，三種醬汁都好正，輪住食我地兩個真係食到好飽，份量十足，牛肉好味又有得自己燒黎食，值得推介既餐廳

返通宵更前，當然要約下男朋友食晚餐佢就book左好出名既吉列牛，聽佢講好難先book到位嫁大家真係要早少少book枱位置好近太子地鐵站，行一分鐘就到門口有大大隻字琥酌，好易搵睇下餐牌先~我地就選擇左最平既美國安格斯牛肉日本清酒，梅酒，手工啤酒樣樣有，但可惜一陣要返工，無得飲。佈置好靚呀，天花板有個好大既琥酌Logo，而牆身就有好多日本畫呢個套餐包括自家制漬物，椰菜絲沙拉，溫泉蛋，赤味噌湯，珍珠米，龍蝦薯仔沙拉吉列牛一共有十多塊，每一塊外層也有麵包糠吉列牛每邊大約燒六秒就食得牛係用左肩膀部分，又嫩又鮮龍蝦薯仔沙律入面真係有龍蝦肉，好好味而旁邊就有柚子胡椒，水晶岩鹽和粗粒山葵，可以燒牛既時候調味，口感更豐富溫泉蛋可以拌飯食或搞勻點吉列牛，我就簡左前者總括而言，環境一流，有日本感覺，牛肉好嫩好好味，價錢合理，兩個人都係400幾，下次試下價錢貴d既吉列牛先

請左半日假送遠房親戚係太子坐車返鄉下，送完佢仲有時候剩，就食個lunch relax。係車站對面有間裝修唔錯既餐廳，叫琥酌，個名幾特別，lunch menu都岩我胃口，就呢間啦舖面裝修有日本feel, 播住悠閒既歌，慢慢令到成個人好放鬆嗌咗個和牛套餐， 除咗肉仲有椰菜絲沙律， 味噌湯，菇類同埋日本米飯爐具好新淨，唔好睇佢細細個，好夠火力嫁。 另外有三種醬汁， 包括燒汁，芥末醬，柚子醋。味噌湯味道濃唔太鹹澳洲A5和牛, 油花均勻。 肉類入口即溶，牛肉味濃厚， 唔點醬都已經好好食呢度出名嘅仲有吉列牛， 下次同老公嚟試下

貓貓好開心呀，今日又食好西啦。聽過呢間餐廳好耐，但今次第一次食，勁期待佢個吉列牛。吉列牛同係上網睇到既一樣。出邊係粉，入邊鮮紅，新鮮喲。呢個就係傳說中既鐵爐。成個set lunch擺係眼前，好多野食。貓貓見到都濕左個嘴。牛肉放係鐵板度燒一燒，唔洗太熟，反一反，再加埋醬汁食。口感外脆入邊超甜，而且好軟好好味。好彩貓貓勁，燒得唔會太熟，個味道真係超幸福。除左醬汁，仲有山葵，鹽，柚子汁等等好多既醬料，可以每片牛都用唔同醬料配搭，貓貓食都食到超開心，仲玩得好開心。牛肉撈埋個溫泉蛋一齊食，味道特別甜。再食一啖龍蝦沙律，貓貓喵左一聲。真係好fresh好好味。呢個午餐超抵食，貓貓食完返唔到轉頭，好想去日本呀！

一直都好想試日本吉列牛，估唔到而家香港都有得食，所以今日喺太子行完街，就順便嚟到試吓出名嘅吉列牛。店內裝修都幾日式，牆上掛滿日式掛畫，另有吧枱，周圍掛滿櫻花，為迎合今個夏天主題-櫻祭。打開餐牌，一眼望晒，牛吉列御膳有三款，最高級是極上牛吉列，之後是霜降牛吉列，最便宜的是安格斯牛吉列御膳。套餐內容都好豐富，仲包括自家製漬物、龍蝦薯仔沙律、椰蒼絲沙律、溫泉玉子、赤味噌湯同日本珍珠米。店員會為每張枱放上爐，每份御膳都有獨立的一個爐燒，還有柚子檸醋、和風芥末及香濃燒汁作為醬汁。另外兩款牛價格較貴，所以我哋揀咗最平嘅牛吉列御膳 $188。牛吉列御膳 (美國安格斯牛肉) $188輕輕燒大概10秒就熟，外層帶有吉列的脆口感，牛肉肉質軟腍，可配上旁邊的水晶岩鹽、粗粒山葵、柚子胡椒來吃。自家製漬物-蘑菇，都幾新鮮爽口。溫泉玉子可以用來拌飯吃，令到珍珠米及牛肉的口感更滑。吉列牛真係令我一試難忘，唔知係味道太好定份量不夠，我食完仲想再食多份。

日本兩年前開始興起食吉列牛🐂，上次去完日本食真係一試難忘，只有日本師傅先至可以做到「吉列」做到淋漓盡致，入邊啲夾住生牛🍖，出面 炸到變吉列，幾考功夫。為咗解下自己對吉列牛嘅相思之苦，所以去咗依間新餐廳琥酌試吓。▫️餐廳廚師特登係日本🇯🇵學整吉列牛，所以食得出有日本氣息。我地order左牛吉列御膳，以美國安格牛做吉列🐄。個餐仲有椰菜絲沙律🥗、漬物🍢、赤味麵豉湯🍲、龍蝦薯仔沙律🍤、溫泉玉子🥚、同飯🍚。如果嫌舊牛太生，旁邊有個燒爐俾你， 我平時好唔鐘意依啲爐，燒極都冇乜起色，不過今次要讚下佢哋個爐夠火力，一陣就熟！▫️食後覺得還可，如果比起其他香港市面上嘅吉列牛已經算做得唔錯，但唔知係唔係來貨問題，我始終食唔番日本既吉列感覺。😗▫️

今天路經太子，原來這裏開了間日式餐廳--琥酌牛吉列居酒屋,看見門口show了 鰻魚茶漬上定食，好似好吸引，好想食，那時才中午十二點半，店內還有座位，就决定入去試。這店非常日式化設計，好像傳統日本的居酒屋，好親切。坐得一陣，店員很親切招呼，不錯。很快就來了這鰻魚茶漬上定食， 鰻魚有好多塊，每一塊都超大塊，色香味美，上等白鳝货色。 食落非常軟身。而鰻魚上又有很多蛋絲，米飯是軟軟的，入口軟滑，口感煙韌。而跟餐小食有蒜頭、喬頭和牛蒡，三款小食都調味一流，爽口好味，佐飯一流。而這店主打吉列牛，每檯食客都有order,我下次都會來試一試。

日本吉列牛系列一直想食好耐，今日終於食到，果真味道豐富，口感一流，食完回味無窮。這間琥酌牛吉列居酒屋位於太子，鄰近旺角警署，好易搵到。食完還可以行下花墟和花園街，喜愛貓狗更可行去勝利道，非常方便就腳。講番這餐廳先， 餐廳裝潢相當日式化，座位有吧枱的、卡位的和一排排木檯木櫈，牆壁 掛上多張日式的掛畫， 感覺猶如去了日本的居酒屋食飯一樣， 十分地道。這次專程來試吉列牛，所以點了這款琥酌牛盛定食套餐。套餐當然有吉列牛、其它配菜有 龍蝦薯仔沙律、椰菜絲沙律、溫泉玉子、漬物、味噌湯、日本米飯和不同味道醬料如柚子檸醋、和風芥茉、香濃燒汁、岩鹽、 柚子胡椒、芥茉沙律醬和粗粒山葵……等不同味道，一定能滿足你的味蕾，非常豐富。食這吉列牛要有步驟， 旁邊提供一個鐵爐，讓客人自己根據幾成熟來燒，我就每邊燒5-6秒約7，8成熟便食得，太熟會影響牛的質感，會帶韌。而7，8成熟我覺得啱啱好，因牛的兩邊已被麵包粉烹炸過，肉汁已被鎖住。食時再放在鐵板輕輕燒底面，肉質鮮嫩，肉味香濃，非常juicy,每一片都香脆味美，大滿足。至於點那調味汁， 柚子檸醋較特別，醋味甘濃辣口再配上燒熱的香口吉列牛，味道甘濃，好特別食法。而岩