琥酌 (已結業)

一直想試吉列牛，香港開左就來試下叫左$188的安格斯牛，比我想像中好，但如照店員說只燒十多秒，味道一般，但發現燒佢一分鐘以上，出晒汁隆隆地甘食，味道差好遠，很重牛肉味，雖然略有根，但燒耐左味道真不錯！個爐有點唔夠熱，食左半小時到就要換火個餐都跟得幾多野，薯仔龍蝦沙津味道唔錯，但個飯非常唔得有點失望，唔知咩米來同個牛完全唔夾，不過用溫泉蛋倒入飯中會好食點。芝士雞翼。。唔得，首先係煮唔熟，仲有點紅生生地。雖然肉很多，但芝士混合在雞肉中，既無雞味芝士味亦唔出，失敗。不過總括來說，呢間主食吉列牛，牛質素先係最重要，所以一定會再來

今天難得一個人，想要食一些平時不會去的餐廳。最後專程去了太子的琥酌。坐下來叫了枝靜岡綠茶可樂。味道帶甜，有綠茶味的汽水午餐叫了一囗牛牛肉放在砵上燒烤，有柚子胡椒，芥末，不同的醬油。$108真的幾抵

透過OpenRice 訂枱後，之後餐廳沒有再confirm booking, 當日到達後職員説訂枱很爆滿，結果被安排坐到吧枱，但其實當時還有兩張二人枱是空的，我心想如果餐廳之前會致電說明只剩吧枱，我想我會取消訂枱的，不過都只怪我不知餐廳有吧枱，book枱時又沒有寫明啦！😞所以我們都欣然接受安排，不過在吧枱燒吉列牛，實在不太舒適，吃了45分鐘便走了☹️再說說食物質素，最平的安格斯牛肉塊塊有根咬不開😣，但其實最平的都$188呀！跟著$398的霜降和牛好食好多，有足夠油份，但牛味不足，麵豉湯太咸及麵豉味不足，明顯加太多水又加番D鹽落去，總括而言是不值，試一次就夠。

因為窮嘅關係我哋點咗美國安格斯， 當然你想食得好啲食得油啲嘅話就可以嗌a5和牛， 牛味非常出，而且唔係全熟， 可惜有啲韌 吉烈炸漿喺焗爐炸脆脆皮， 再俾食客自己燒， 燒完之後非常有diy嘅滿足感，

作為一個炸物愛好者，吉列豬扒、吉列蠔、吉列大蝦等等都是我的最愛。這些炸物都是色澤金黃、入口爽脆，卻又鎖住裡頭的肉汁，實在滿足了我的多重慾望。據說將這種煮法發揚光大的日本早於明治時代已從西方引入，最初以牛為主，因遷就日本人口味才轉為豬肉。到了近年，日本終於將失傳已久的「吉列牛」重現，我也一直希望有機會到東京品嚐。最近經由女友發現，我才知道原來遠在天邊的吉列牛，原來近在太子已能品嚐。這間充滿日本風情的餐廳有著一個很霸氣的名字：琥酌。翻查辭海，琥者，虎形玉器也；酌者，斟酒、飲酒之意。經我腦內補完，彷彿看見一個頸項掛著虎形玉器的彪形大漢向客人斟酒，甚有北野武電影的風格。店內明窗淨几，十分舒服。餐牌很貼心地介紹了每一種肉所在的部位。日本人果然以貼心服務聞名天下，雖然餐廳位處香港，但檯面上以前後兩行放置三種配料，一來可讓客人有不同的選擇；二來又可免於與面前的同檯友人爭用同一配料。雖然這時眼前的是絕不介意的女友，但店家的貼心做法令人印象深刻。主菜上場，一個大御盤包括常駐的麵豉湯和椰菜絲，另外也有溫泉蛋。最特別的是有個球形的沙律，裡頭有著龍蝦的鮮味，十分有趣。以$188的價錢便擁有10塊吉列牛和眾多的

有一次經過已經見有好多人排隊食，今次到我排喇！入面裝橫都係日式同牛，好正宗咁。睇下MENU，其實唔係好多野揀，貴精不貴多！我揀左牛吉列御膳，最平果個！HAHA～說的是安格斯來的！呢間野好特別，有個爐仔俾你，店員一開始會講哂D醬係咩，同埋D牛燒幾多分鐘，我就冇跟佢，我覺得燒熟D好食D！開始燒第一舊，好緊張，未燒過。試左原汁原味唔加醬先，我只可以講三個字：好正呀！好重既牛香味，JUICY，外面好層好鬆化，係我人生之中食過最好味既牛，我真係唔敢想像極上係會好味到咩程度！之後再試其他汁，3個汁都好食，但係醋果個最出色，因為加左會ENHANCE左牛既味度，我諗個原理都係牛肉球加"喼"汁，其次燒汁送飯都一流，個飯仲有溫泉蛋撈，實在太正了！當然仲有其他配菜啦，我都唔多講，呢間琥酌的確係推介之選！！

久仰大名嘅吉列牛 一直都好想去試試吉列豬排就食得多 原來自己燒都幾過癮入到餐廳見絕大部份人都係食緊吉列牛定食唔知人地食咩級數 但我地就叫左個平價嘅黎試下係美國安格斯牛 開左爐就煎得我比較鍾意食rare 所以兩邊反幾下就食得有總共六款醬可以點 個人覺得岩鹹簡單就黎可以帶到牛嘅鮮味出黎 牛肉剛剛好 肉好嫩 牛肉味亦算濃重 口感都好正！另有溫泉蛋可以伴飯仲有漬物同龍蝦薯仔沙律混合左d蟹籽係入面 口感好特別 中間食到一舊龍蝦肉 好鮮甜～成個set都唔錯 不過唯獨我食完真係唔夠飽haha 不過試過都好滿足啦

見到吉列牛殺入香港 已經想試好耐 BOOK左一間近近地的試試佢!可選三款牛...價錢係跳一級 我緊係試最平個款啦HAHA一個定食有好幾款醬 自行配搭環境都好舒服 日式風格 可以望到廚師係度努力緊來了~~~~侍應仲會講解埋D醬汁係咩先走 好貼心仲有麵豉湯 溫泉蛋 類似漬物的菇仔吉列牛切成十塊 厚度適中 女仔食都覺得夠皮預熱完之後 放落去每邊煎十秒就食得~食落牛味香濃 中間仲KEEP左好多肉汁感覺好新奇 外皮勁香脆但中間肉質好鮮嫩我幾鐘意沾蛋食, 另外柚子醋酸酸地 吊到味好正!!個蛋最後緊係伴飯食啦~如果單講吉列牛似乎貴過其他同類餐廳, 冇食過其他冇比較之下我覺得都幾好味!都幾岩兩個人黎慢慢燒慢慢食

Angus Beef Katsu-Gyu Set | 牛吉列御膳.初嘗吉列牛 先點個美國安格斯的試試😌 其他兩個貴點的御膳是和牛肩胛肉眼和日本A5黑毛和牛肩胛芯🐮 外面有一層吉列脆皮 內裏的牛肉依然是全生 吃的時候放上小火爐上燒至自己喜歡的生熟程度! 牛肉肉質柔軟但不失牛肉應有的口嚼感 牛味則不算濃😋 配上三款醬汁三款調味料 由清新到濃味也不缺! 清新派的有柚子檸醋/柚子胡椒/粗粒山葵 味濃的有和風芥末/香濃燒汁 各有千秋😚 個人就喜歡最簡樸的水晶岩鹽 最感有出肉味 另一個吃法是沾蛋汁🥚每份御膳除主角吉列牛外 還有白飯/漬物/龍蝦薯仔沙津/赤味噌湯 好飽肚🤤 不過未於日本試過吉列牛 暫且不能作比較😉

曾幾何時上網見到有人介紹過呢間食店，介紹呢度的和式牛吉列御膳，搞到我成日都好想去，終於响呢個自製的長假期完成心願。來到食店，環境十分簡潔，但望望天花板，原來裝飾了不少櫻花，增添不少和風。職員仔細的向我介紹各個午市定食，而我的心經已被 琥酌牛盛 深深吸引住了。不一會午飯已放在我的桌上，除了有 A5 級的和牛 及 黑安格斯牛 之外，配料可真一絲不苟... 除了有三款不同的醬汁之外，仲有芥末、柚子醬和海鹽。此外，仲配有一大碗白飯、一碗味噌湯和一碟漬物。兩款肉的雪花真係好靚好均勻~呢碗味噌湯的味道較外面飲到的為濃味，但不會嗆喉。急不及待把肉肉放進鍋子裡烹調，看見肉肉發出吱吱的聲音和散出陣陣香味，已經想快快放進口。好快就煮好啦~ 肉質果然嫩、滑、彈，其實是否點醬料進食，都一樣美味，只是不同的醬料帶給味蕾不同的風味，而我最喜歡柚子醬和海鹽，因為柚子醬真係第一次試，帶點酸味味好開胃，而海鹽就好像吊起燒肉的香味，配埋碗飯真係夾到不得了呢~

對日本菜一向十分欣賞，因為，用料精，烹調用心，就好像今日來到的「琥酌」，所用的牛種也是精心挑選過。踏進餐廳，很和風的裝修，環方算不上很大，或許仍未有太多客人，感覺蠻舒適。這裡主打的是和式牛吉列御膳，並分三個價錢：極上牛吉列（$498）、霜降牛吉列（$398）及牛吉列（$188） 平貴在乎採用了甚麼牛種或部份。御膳還包括了日本本菇、龍蝦薯仔沙律、赤味噌湯、溫泉玉子、椰菜絲沙律及一碗白飯。我所揀選的牛吉列御膳（$188）是用了美國安格斯牛肉，先輕度吉列，切成小件，再以備用烤爐作最後烤燙，烤燙時間不用多，店員建議十來秒就可以了。蘸牛肉的醬汁共有三款口味，包括燒肉汁、芥末沙律醬及柚子醋，可謂各有特色。此外，還有岩鹽、柚子胡椒，感覺調味佐料有點過多喔！溫泉玉子用作拌飯，混在一起令分明的飯粒十分滑溜；龍蝦薯仔沙律內裡藏了大大粒龍蝦肉，果真沒有欺場。論到主角牛吉列，外層香脆不油，烤過後，肉質軟嫩，富肉味而略帶脂香，最喜愛沾柚子醋，有中和油膩的作用。這一種混合食法也是頭一回，感覺頗新鮮，的確吃得出用料精選。

由於一早知今日要出太子做野, 又係最攰既日子, 所以決定叫埋女友一齊出去食飯, 女友話呢排想試下日本HIT起既吉列牛, 我上左OP搵, 發現香港都有唔小餐廳做, 但太子附近既就得幾間, 搵到呢間餐廳, 發覺評價幾好, 希望唔好中伏因為一早訂左位, 所以一入去就有位, 現場都有幾個人等緊入去, 可能呢D人冇BOOK, 好彩入到去見到個餐牌就覺得幾靚, 有介紹到用牛既咩部位, 幾細心之後發覺我地心目中既價錢係屬於頭一個餐, 甘只好叫第一個餐牛吉列御膳 $188個餐包括: 溫泉蛋, 面豉湯, 白飯, 薯蓉球等等醬汁亦有幾款選擇一列排開既牛, 賣相好吸引, 真係好想快D食落口之後就拎起塊牛放落鐵板到燒, 幾成熟係睇個人喜好, 我喜歡5成左右, 就燒大約30-40秒左右當時牛肉既油份起鐵板上''滋滋聲" , 搞到我流哂口水約30-40秒左右, 已經見到牛差唔多好熟但食落口就約6-7成左右, 好正好多肉汁, 牛味又濃, 唔知係咪食較平價, 所以口感差D, 大家可以試試上一級記得一定要點唔同眉調味去食, 會更加帶出牛既味道再試用芥末去食, 我發覺店舖用既芥末係新鮮既, 應該唔係整左好耐有少少"攻"鼻

看到介紹有吉列牛肉，便帶同女友一嚐此牛肉特别之處。先要在店外輪候二十至三十分鐘，方可入座點選套餐。不過晚市套點選擇不多，便點選牛吉列御膳。最特别有一個小火爐，可以夾一片牛肉放上去煮熱，每邊牛肉熟透，再沾上醬汁，食落嚐出非常口味。味道：外脆內軟，肉汁鎖於內層，非常特别，有别於一般和牛涮鍋以一百多元一份套餐，非常超值。

一年前的春天去了京都，本來諗住食吉列牛，點知駛突左變左無得食。估唔到大半年後的香港，陸續開了三間吉列牛專門店。而位於太子的琥酌，地點隣近地鐵站，非常方便，這晚我一放工就馬上前往了。我大約 6:30pm 便到餐廳，這時客人得小貓兩三隻 (包括我在內)。舖面雖然不大，但餐廳的座椅都相當舒適，座位之間亦有足夠的空間，仍能營造到寬敞的環境。座位上的餐具、醬料、茶、煎鍋等，擺放得相當整齊。晚巿設有三種上乘牛肉吉列套餐，有安格斯牛吉列 ($188)，亦有更矜貴的霜降和牛吉列 ($398) 及極上A5和牛吉列套餐 ($498)。因為小妹並非富貴人家，但亦想一嚐吉列牛的滋味，於是點了一份安格斯牛吉列  ($188 未計加一)，份量都相當豐富啊。據說這裡的安格斯吉列牛，都是採用原條冷藏美國安格斯牛肩肉，把整條牛肩肉粘上麵包粉，然後即場烹炸及切割。而麵包粉的比例，以及烹炸的時間，更經過精心鑽研及計算，讓麵包粉鎖住肉汁，牛肉品質更加穩定。吉列牛的醬料有香濃燒汁、和風芥末及柚子檸醋。個人最喜歡和風芥末帶點蛋黃味的微辛攻鼻感。亦都可以加添粗粒山葵 (Wasabi)、柚子胡椒及水晶岩鹽等，個人覺得水晶岩鹽最能帶出

有朋友介紹我這間日本餐廳，於是我晚上和男朋友來試試，想不到真的有回到日本旅行的感覺呢!餐單的選擇不算多，但食材貴精不貴多，我們都各選了牛吉列御膳。這個採用了美國安格斯牛，醬料有三款:有柚子檸醋，酸酸甜甜的，柚子能帶出牛的鮮味，比較清新，可去掉油膩感。另有和風芥末，有點像沙津醬，吃法像fish and chips。最後有香濃燒汁，跟牛本身的肉質好夾把吉列牛放上烤爐，職員細心地解釋，每邊只烤五至十秒就可以。我比較喜歡八成熟，想不到八成熟的牛還是很juicy和tender,證明牛本身很高質! 另外，碟上有海鹽，柚子胡椒和wasabi，可以mix and match地烤出自己想要的味道晚餐還有溫泉玉子，職員叫我們把玉子倒入飯中攪拌，飯散發出蛋的香味，加上吉列牛的份量有很多，吃得我飽飽的由於餐廳的吉列牛做到很出色，我們離開餐廳時，發現外面有很多人在排隊，所以如果大家想試試，記得要早點來!