琥酌 (已結業)

難得同老公慶祝生日，而又想食D老公鍾意食既野，所以上網睇就揾到呢一間！食吉列牛！好在有一早打去預約，因為舖頭不是好大，只能坐幾一枱客！地方位置都容易揾的！係太子警局附近！去到門口都排左D人，原來有分book左枱同無book枱的！所以要問一問店員，是要排邊到？呢到款式不是太多，主打都係食吉列牛，套餐有三款（極上.牛吉列御膳）或者（霜降.牛吉列御膳），而我們就只是叫左兩set （牛吉列御膳）！跟餐有赤味噌湯，珍珠米，温泉玉子，自家製漬物，龍蝦薯仔沙律同埋個吉列牛還有幾種醬汁俾你去選擇有燒汁，香風芥末醬，岩鹽，柚子胡椒！店員仲會教你如何食用，大家可以因應自己喜好而燒幾耐時間，而我個人就覺得其實每邊燒10秒都夠了而安格斯牛肉肥美，肉質鮮嫩，吉列外層酥脆，好味

好耐無寫食評🤣 太忙湊仔今個月生日，好同事同我食生日飯，在公司附近找到這間日本餐廳味道：環境：價錢：（份量可多返少少）服務：午餐$78-118，不是太貴，間中食可接受見到$118有和牛set，要會一會佢囉原來係生牛上菜，自己燒，都幾特別！整set配溫泉蛋、濃味昆布湯、紅米白米飯朋友的套餐：蔥花牛肉薄燒 - 賣相味道都唔錯係要加大：肉 及 飯的份量 ⋯ 科科

今次我係walk-in嘅，5點幾好在有位，但唔建議大家咁做，因為佢都真係好Full。唔好見佢個餐細細份咁，其實都好夠食。喱間啲和牛好味🤤🤤🤤，出面一層吉列好靚，又吸引。隻鮑魚都好入味😍，2秒俾我K.O咗🤣。今次㨂咗最貴同最平嘅兩款牛，最平嗰款比較起嚟真係無咁好味（但都已經好味），建議大家可以唔㨂喱款。最貴嗰款嘅和牛，好軟熟，就好似入口即溶咁，好令人回味😋😋。可惜佢一定係要叫套餐咁上，唔係的話，我哋仲想單點啲牛，燒嚟食。

牛吉列御膳 $188 @ 琥酌牛吉列御膳採用既係美國安格斯牛肉🐴，而定食包括左味噌湯、溫泉玉子、自家製漬物、龍蝦薯仔沙律、椰菜絲沙律同飯🍚。溫泉玉子拌勻後可以用作拌飯或者以吉列牛蘸黎食。k將吉列牛放上小鐵板上，兩面煎各大約10~15秒，煎過後既牛肉吉列外層幾香脆，而牛肉亦夠肉汁。醬汁選擇亦不少😝，有柚子檸醋、和風芥末同燒汁，另外亦備有岩鹽、山葵同柚子胡椒，可以根據喜好使用帶出牛既鮮味喔 😁。醬汁方面，k最愛和風芥末，但燒汁亦不錯喔。吉列牛份量頗多，所以食完份定食都幾飽😂。

雖然吉列牛既熱潮已經冷卻不少，但依間既人氣仍然高企。星期五晚booking full左，唯有早啲去排隊等walk in店員話8點先開始比walk in入，咁我地7點幾去到，就企左係門口等，等到7:45左右就有得入唔同牛會有唔同價錢，價錢差別都幾大咁今次初試，就試最平嗰個安格斯御膳($188)啦另外，都有唔少小食選擇，我地今次就嗌左明太子雞翼($46)同味噌松葉蟹蓋($48)，再加一杯蜜桃乳酸梳打($32)味噌松葉蟹蓋口感豐富，有濃郁既蟹膏味，蟹肉尚算鮮甜明太子雞翼味道一般，無乜特別跟住就到重頭戲：吉列牛明明人地都可以一人一個爐，但唔知點解我同朋友就要兩個人share一個爐搞到燒得好慢，無咁盡興每個餐除左有牛同飯之外，仲有麵豉湯、一隻生雞蛋、菇、龍蝦薯仔沙律吉列牛食落好淋，牛肉味幾重，唔覺意就食晒有好多醬料配搭，例如柚子柚、蜜糖芥末、燒肉汁、wasabi、玫瑰岩鹽等等麵豉湯就失色啲，好淡，無乜味沙律好好食味道濃郁生雞蛋可以撈飯食/用嚟點牛，但個人覺得點牛既效果一般，無乜味同埋有咁多更好味既醬料，唔需要點雞蛋蜜桃乳酸梳打蜜桃味唔夠出，只係一味死甜但食燒肉，我自己就鐘意飲啲有汽既飲品最後埋單

同事好豪話要食《琥酌牛盛》套餐，我就慳慳地食鰻魚，都唔平架盛惠一舊🍱很好的同事每人 share 2片俾我，安格斯肉味濃，口感軟熟。和牛重點在油味，忽然有油甘味滲出💥係甘味呀💥口感柔滑。吃的樂趣就在冇 expectation 時發現不同的味道。鰻魚也不賴，厚肉夠軟夠暖唔腥，唯旁邊的漬物令整體偏咸，有鰻魚卷蛋，麵豉湯味道跟平日喝的有點分別，在太子區這質素我覺得很好喔👍結果我咪食左和牛安格斯鰻魚套餐囉😎

係日本返黎香港後就好想食吉列牛，有日無意發現了依間舖，去果時唔洗等位，之後就坐低，選擇唔算多，第一次食揀佐較便宜既套餐，好快就上菜喇薯蓉好香，好好食呀☺️同日本既差不多。回憶即刻返曬黎。爐都夠熱，吉列牛雖然不及日本既入口即溶，但都好香，好好味，而且配料都夠香。有海鹽，柚子，仲有醬油同柚子汁。麵豉湯好濃，好好味！飯好大碗，同日本一樣，我都係食唔曬俾友人食🙈整體而言，同我期望既一樣，好有水準，去唔到日本果時可以食下下次會試下高一級既和牛。

太子近運動場道一帶近年開左好多小店，間間都各有特色，而琥酌算是比較走高價路線的一間。食物方面，先試招牌鐡板炸安格斯牛排，炸牛排個面夠脆，肉也嫩，但加鐡板就有點多此一舉，純粹貪玩和俾相機食。鰻魚飯，D鰻魚燒得夠香，同埋有三食，也值得一試。

套餐有很多選擇，結果我選了一客「安格斯牛御膳」，見到menu 內的相片好吸引，唔知上枱的又如何四方形長長的安格斯牛，一塊一塊的切開成一片片，外面的一層是吉列炸的，放在特製的小爐板上煎一煎，就可以入口，微粉紅色的安格斯牛入口林林軟軟，外皮脆脆的，好特別。牛的味道保存得不錯，鎖住肉汁，保持到juicy!仲有一些水晶岩鹽，放在牛上再煎突出咸香值得一提是個醬汁，香濃燒汁點完令片牛味道更豐富，和風芥末突出了牛的鮮味，好配合，另一種柚子檸醋是我最like, 柚子香令牛入囗淸新赤味噌湯好濃味，味噌味道十分濃厚，好夾個餐一起吃龍蝦薯仔沙律細細舊的，好鮮味的龍蝦香和薯仔及沙律醬好配合總言之，我滿意今天的選擇

日本牛肉燒本人覺得有啲失望因為呢個係情人節套餐成都晚上只得一個set dinner並沒有其他選擇如果比我再揀我唔會再去食食物質量不錯但本人覺得價格未至於咁貴只可一不可再

呢間餐廳只賣吉列牛，香港少見，賣單一款食物但可以做到咁好生意，一定有質素～ 如果要去食，記住Book左枱先，walk-in比較難。價錢合理一百八十幾蚊，可以食到咁有水凖嘅牛。個餐包括左吉列牛（都幾多塊），日本珍珠米飯，薯仔沙律，自然白菇及赤貝濃湯，內容都好豐富。吉列牛賣相好，外層脆皮炸得金黃，包裹著鮮紅細嫩嘅牛肉，經過煎烤已經非常香口，好好味！！個牛一食已知有級數，非常值得！！ 難得一直咁full排哂隊無位。

一直聽聞琥酌嘅吉列牛，係東京紅爆，香港有得食真好，一直好想去食，但因為好少行到去太子個邊，所以一直好想好想好期待。今次終於去開個頭，所以一早計劃定晚餐一定要食琥酌嘅吉列牛。去到都要等一陣位，全場滿座。餐牌嘅牛可選高級安格斯牛肉或鹿兒島A5和牛肩胛肉。個餐包括埋御飯，日本的溫泉玉子，以及味噌湯。我地揀咗安格斯牛肉$188，分量都多，肉質好靚，脂肪比例雪花紋理剛好。最平個個質素都好好味，香酥吉列脆皮，外脆內軟，肉汁依然保持到。再配埋珍珠飯食，超好味一流！！試下配埋佢地嘅鹽，我都好鍾意；但其實原味都好入味。另外佢地旁邊嘅薯蓉都好正！！呢餐好美味，非常滿足，唔夠喉，會再encore！！

今晚比較清閒，試試人氣吉列牛小店。早前人龍不絕，現在人潮浪卻，我們不用排隊便可入座. 套餐有三款（$188安格斯、$398和牛肩胛肉、$498A5 和牛肩胛），另有各款小食。燒鮑魚：見幾抵食，點來試試。鮑魚仔細細隻，燒過比較煙韌。牛吉列御膳$188這御膳有120克的吉列安格斯牛肉、生旦、飯、生菜絲、少量的沙律同湯。湯：幾清，入口咸咸地。吉列牛上枱時和在曰本時食的差不多，外皮很鬆脆，而肉質是ok, 但比較有嚼勁。牛肉放在鐵鍋上輕輕一炙，可能是沒有油脂的關係，有點黏著鐵板。而醬油方面有幾種：柚子醋，沙律醬，燒汁，而個人比較喜歡吃原味再沾上旦汁、wasabi 同海鹽，既可突出牛肉的原味又可增加風味。而飯面有少少柴魚幹，入口幾香，但飯唔多似日本米這綠茶可樂反而有驚喜！味道有少少綠茶清香又有可樂味那種暢快！整體而言，份量是ok的，但味道方面未見驚喜，可能是安格斯而不是和牛吧！食完之後，感覺有點膩滯，也許吉列的是比較難消化。若是不用排隊，一試無妨。

之前去日本都一直冇時間試，之後又見香港d電視又係甘宣傳真係有d後悔冇去日本食。今次朋友甘岩又話想試下，我地事先book左位，餐廳都講番只有60分鐘用膳時間。去到餐廳，入面位置唔多，但坐得都舒服食吉列牛其實只係得3款。我地呢d窮等人家都叫左最經濟既188美國安格斯吉列牛另外仲叫左個芝士釀雞翼芝士釀雞翼（$42）▫️真係食唔出芝士味，非常失望美國安格斯吉列牛👌（$188）▫️非常飽肚！！！▫️店員事先有教我地大約燒十秒左右就食得。但係我試左無論係燒十秒定分鐘，塊肉都係好煙韌，非常難咬細塊甘食好失望！▫️好鐘意甘樣蛋撈飯！個蛋好香好食又夠大隻，d飯直頭粒粒都有蛋汁不過飯都幾黏比較硬身，硬到有d似放左好耐果種▫️最好食係呢個沙律！入面仲有蝦，令到整體好有咬感▫️呢個湯都係普普通通唔洗有太大期望如果想食gimmick 野可以一試，但唔洗太大期望。你有book台，六十分鐘食唔哂佢都唔特別趕你走。但係如果你食哂野，佢就唔會理你，都唔會再主動幫你斟茶（不過要做生意都正常既）

今日經過太子見到呢間日式餐廳主打係食即燒牛肉既套餐。餐牌有和牛，古列牛等幾好味樣子。於是乎我就點左客吉列牛套餐品嚐一下。賣相真的幾有心思，一盤上哂檯面，吾需要逐樣等，岩哂趕時間既我喇。廚師將牛肉切成小長方形，而牛肉四邊都有麵包糠預先處理過，問番店員原來廚師預先輕輕炸了一次，另附在牛肉邊的麵包糠已熟了兼脆口。我只要把牛肉輕輕煎5-10秒左右便可放入口，味道確係幾香又非常好味道。仲有檯面上有三種口味既醬汁，而且還另有3款調味可作調配，有海鹽、柚子和wasabi ，我試過不同味道既調味加上不同味既醬汁，確實能配出好多種組合。令到牛肉入口能變化出多種口味，有心思，真係要再來食多幾次。