琥酌 (已結業)

之前食過位於尖沙咀嗰間琥玓，非常回味！今次特登試埋太子呢間分店。😋刺身拼盤三品，有三文魚、油金魚同我自愛帶子！三文魚油花分布均勻。有promotion，加$18可以有鯛魚和牛沙律，份量都唔少！燒明太子豆腐，豆腐非常滑身，外脆內軟，表面鋪埋香口明太子，又夾又好味！必叫安格斯和牛盛盒，表面輕微炸過可以自己係鐵板上調較生熟，牛肉味味道濃郁，肉汁非常多！點埋黑椒汁同岩鹽，非常香口，同飯品超夾！😋👍🏻牛肉粒泡飯，倒入生蛋、蔥粒同紫菜，搞一搞，就成為可口泡飯！呢碗比較清淡，可以配埋香口安格斯和牛一齊食！

呢間吉列牛🐮出晒名 用安格斯牛同和牛😳 個個都話正 今日特登試吓係咪真係咁好食🤔.#安格斯盛盒 $368呢款係用安格斯牛🐮 每份大約有10塊吉列牛店員叫我地每邊煎15秒左右 煎到大概五成熟 入邊係粉嫩色就食得☺️安格斯牛味好濃郁😻 雖然唔係和牛 未做到入口即溶嘅感覺但口感都算淋唔算過硬👍🏻 用料果然係高質.#鯛魚和牛沙律 $18呢個真心超抵又好食‼️$18咋就食到和牛粒撈少少麻醬 個沙律🥗梗係好食驚喜位係 加上飛魚籽同鯛魚口感特別豐富😳 如果加三文魚籽更加好食而且鯛魚好滑又鮮甜 值得一讚👍🏻.#地獄番茄安格斯牛肉鍋 $118安格斯牛肉鍋上枱係粉嫩色 半熟狀態生雞蛋撈勻之後 令到牛肉更加滑😋湯底都做得幾出色 除咗用鮮蕃茄🍅煲之外 真係幾地獄辣🔥 娃娃菜金菇豆腐索哂味愛辣嘅朋友一定要試吓🌶😼

自從上次試過尖沙咀分店後一直都念念不忘 今晚接老公收工見到原來太子都有就決定再去食餐廳裝修行日系路線 L型bar檯好似居酒屋格局整體環境都令人好舒服 我地先食沙律開胃 係社交平台打卡就可以優惠價加$18就食到鯛魚和牛沙律 原個小木桶上檯 內裡載有配料蟹籽 青瓜絲 蟹柳車厘茄 同埋主角新鮮鯛魚及沙律菜 幸運之魚鯛魚顏色潔白 味道帶微甜 軟腍無腥加上麻醬撈勻整何沙律後 鯛魚鮮味更為突出 食日本菜又點少得刺身 今次就食個期間限定刺身三品盛 三品即三文魚 油甘魚 帶子 每款三片鮮橙色三文魚柔軟 油脂豐富 魚香停留口腔之中油甘魚肥美 魚肉細緻甘甜 而且滑嫩重膠質2L帶子鮮甜肉厚有光澤 極具彈性 再食個清酒煮蜆暖胃 蜆屬中等size但隻隻有肉肉質爽甜而且無沙 飲埋湯底發現佢先係精華酒香夾雜蜆所帶出嘅鮮味 差啲成煲飲晒 上次試過霜降牛御膳 今次就食安格斯盛合店員會先提示每片牛只需要燒大概12秒 鮮紅色嘅嫩肉逐漸轉變成半生熟 外脆內軟安格斯牛味濃郁 油脂唔算多 但肉汁豐盈再任意點上蛋黃醬 燒汁 或者岩鹽自己親手燒嘅肉就更加份外好食 有得玩又有得食 相信好快我又會再黎

-啱啱同細佬做完孝順仔女😎， 特登嚟太子送咗爸媽👫上直通巴返大陸回鄉探親。 當然我做家姐嘅就請番餐好食嘅畀細佬，一齊食好西啦。 細佬就揀咗呢間食日本嘢。環境係好有型嘅格局前菜🍄（每位$10）刺身拼盤🍣🍣［三品］（$188）三文魚、油甘魚、帶子和牛🐮涮涮鍋（$168）呢個鍋好豐富， 有和牛🐮、金菇菜、豆腐、紅蘿蔔🥕、白蘿蔔。頂級安格斯牛吉列御膳（$368）侍應好細心咁講：因為今次嘅吉列和牛係厚身啲， 如果想熟少少嘅就煎d d 時間。 起碼每邊煎一煎10至15秒左右。好窩心！ 抵讚👍👍！！醬汁有3種：鹽燒、岩鹽、芥末，任君選擇。食完餐飯細佬表示好滿意😋，梗係啦家姐畀錢請喎😂。==========琥酌地址：九龍塘西洋菜北街159A地下

今日終於有時間黎試下日式吉列牛御膳。之前已經有朋友推介過話呢個吉列牛好得，仲有其他菜色都好好味。我一行二人叫左幾樣野，樣樣試下，發現除左主角吉列牛之外，仲有幾樣都好值得推介。前菜蘿蔔牛脷好夠味，牛脷好稔抵讚，份量可以多少少仲好。明太子焗野菜好有驚喜，一般焗野菜我食得多，呢個加左明太子夠香口，錫紙包實上夠熱夠惹味，好食。燒茄子比較平淡，我本身中意食濃味野食，呢個茄子我覺得係口味清淡人士唔錯嘅選擇。刺身三味我初初仲諗住冇乜特別，之但係一入口發現極之新鮮。特別係個帶子，非常非常之鮮甜好味。最後主角吉列牛登場，賣相已經一絕，加上可以自己再燒控制有幾成熟，未入口已經夠開心。點少少岩鹽食，味道真係唔錯。中意食牛嘅朋友，真係要試下

之前喺尖沙咀食過，原來喺太子都有間分店，而且地點超近港鐵站， A出口行5分鐘都唔使就到啦！呢間鋪相對細，嘢食嘅選擇亦都比較少，但服務員相對較親民。一坐低就見到呢個牌，所以我哋都叫咗個刺身三品試吓。刺身不算肥，所以相對都冇咁油膩。前菜係蘿蔔炆牛脷，牛脷唔羶，而且炆得啱啱好。我地點左兩個小食，分別係名古屋雞翼同河豚乾。雖然我唔知咩係名古屋雞翼，但味道甜甜地，都算不錯。但個河豚乾好出色，燒得好香，又不會太硬。最後當然必試佢嘅吉列牛啦，每邊煎15至20秒，好香牛味，送飯一流。

朋友住太子，今日去搵佢順便食埋晚飯先，佢介紹左呢間琥酌，話聽講幾好食又未試過，就拉埋我一齊試下~店裡面裝修都幾特別，有吧枱幾有日本feel今晚主要黎係食吉列牛，但當然唔太夠，所以我地叫多左個鍋同剌身~落完單，店員就拎左每人一碟前菜比我地，係蘿蔔煮牛肉，煮得好淋好入味~我地叫左剌身三品，有三文魚、帶子同油甘魚，全部都好鮮味又甜，尤其係油甘魚，都算幾厚切既~另外再叫左個地獄蕃茄安格斯牛肉鍋，聽個名以為會好辣，但其實只係微辣都幾惹味，而且牛肉好重牛肉味，用熱湯慢慢整熟，可以令牛肉上枱唔會過熟，睇得出餐廳既用心，鍋入面都幾多雜菜，啱晒今晚好多肉既晚上~到主角吉列牛上場了，我同朋友都未食過，店員建議我地放上石爐上每邊煎大約十幾秒就可以食，亦都可以自己決定牛肉既生熟程度~ 入口有好多肉汁，好有牛肉香味，唔會太油~ 整體覺得唔錯！今次得兩個人只可以試少少，下次再叫多幾個朋友試埋其他先！

之前係日本食過一次吉列牛之後就念念不忘番到黎香港之後都唔知邊度有得食 又唔知好唔好食 聽朋友介紹依間日本料理主打吉列牛 今日有時間 決定試試佢黎到又點可以只係食牛 我地叫左刺身三品 平時我好少食油甘魚 但見佢咁新鮮決定試試佢又幾好食 好新鮮 色澤重好靚 帶子同三文魚都好肥美 跟住有清酒煮蜆 d蜆好鮮甜 睇得出佢唔用香港本地蜆整既 重有個明太子燒厚揚d明太子同豆腐好夾 一食明太子出晒味 豆腐外脆內軟 好香好滑 之後唔少得當然係主角吉列牛 我地食次揀左安格斯牛d牛炸到出面好crispy 入面重係好生佢比你用個燒爐燒到啱你自己既熟度 d牛好香牛味 好juicy 唔會燒到好乾 雖然佢唔係和牛 但食落口都有化開既感覺 我相信A5 更加好味 下次再黎一定要試試

食燒吉列牛點可以馬虎，一定要嚴選一間日式地道嘅餐廳食，而且食材一定要新鮮。之前見OpenRice講，呢間嘅吉列牛好出名，於是今日就試一試。果然無令我失望，首先嚟個機燒鮑魚，鮑魚爽口，而且超入味，甘大隻嘅鮑魚都啖啖鮮甜味！上面仲有黑魚子吊味前菜都好好食，係蘿白炆牛肉，一個字:鮮！我哋仲揀左特色啤酒: 獅子山下，帶點果香味！必叫！蕃茄安格斯牛肉鍋有少少辣，但牛肉非常嫩口多汁，湯汁酸辣味適中，加左生蛋，令湯汁更香濃，送飯一流！黃芽白索晒湯汁，食落似泡菜！安格斯吉列燒，齋睇樣都嘩一聲，炸得剛剛好，外皮鬆脆，肉質仲保持到嫩滑多汁，放上熱石燒一陣，更加香！而且醬汁有3種，點吾同嘅醬都有吾同味道！牛肉串燒都好好食，燒得剛剛好，所以咬一啖，肉汁爆晒出黎，而且帶點油脂香！

好耐好耐都無喺香港睇足球比賽，尤其是本地聯賽，今晚Honey 竟然約我去睇波，原因係佢老細醒咗兩張波飛俾佢，仲係傑志對冠忠南區榜首大戰。說老實，真的無興趣，但是，見每張波飛值$150，唔想嘥咗佢，卒之都係入咗場。睇咗半場之後，實在頂唔順，啲水準實在太低，無理由再浪費時間睇落去，卒之，離場到附近搵嘢食。入咗去一間叫做琥酌的居酒屋，店子雖小，但人氣卻不少，主打係食刺身和吉列牛。今日的期間限定有4款，我哋先點咗一份【三品剌身拼盤】嚟食。三款刺身有油甘魚、三文魚和帶子。三款都高質，非常新鮮，鮮味。再嚟係燒多春魚和燒茄子。燒多春魚細細份，有4條，燒得甘香，咬落魚春在口腔內爆發，非常過癮。燒茄子上面有好多鰹魚絲，味道非常香口，至於啲茄子燒熟之後係好腍的，而且有香甜味。跟住就食【和牛和牛涮涮鍋】。個鍋好熱，生雞蛋打勻之後好快就熟咗，與此同時，和牛都一起熟了。食落充滿油脂香味，肉質非常嫩腍，肉味濃郁。最後係食【安格斯牛吉列盛合】。生的安格斯肩胛肉首先經過吉列炸至半熟，然後切開上檯，然後，我哋就可以把它們放在石燒鍋上，把每面都燒上10秒左右便可以食。口感幾特別，外脆內軟，肉味濃。還提供了三種調味料: 芥

琥酌(太子)地獄蕃茄安格斯牛肉鍋$118面頭隻溫泉蛋好治癒阿🥰湯底好濃泡菜味, 有大量蔬菜🥬同菇類🍄 都幾香辣同惹味 主角當然係安格斯牛肉 開頭半生熟慢慢浸至全熟 都依然保持嫩滑🤤吉列和牛薄餅$98薄餅係印度薄餅嘅質地 面頭加上吉列和牛 番茄醬 🍅蛋黃醬 成個配搭變到好日式💕味道同想像中一樣刺身三品盛$188刺身有三文魚 油甘魚同帶子, 件件新鮮又大件 食落好滿足🤩安格斯組合$368黎到呢度必order的就係牛🐂 可以自己煎更為吸引✨ 牛肉用左美國安格斯肩胛肉 牛味都明顯嘅 同埋入口好嫩滑 ❤再加上出面一層炸粉 外脆內軟 🤤吉列牛都係第一次食 值得一試👍👍

去日本前想起吉列牛，知道琥酌出名食呢個美食，就去旺角店頂住癮食左先！日式裝潢環境唔錯，感覺愜意。見到都留口水。前菜蘿蔔炆牛腩($10/位)，熱食，蘿蔔清甜入味，牛腩炆得夠稔，好有質素的前菜。明太子燒厚揚($48)，豆腐外層燒得香脆，入面嫩滑，豆腐面佈滿厚厚的明太子，脆卜卜，可以加木魚一齊食，好惹味的小食。頂級安格斯牛吉列御膳($368)使用美國安格斯肩胛肉，外表炸得金黃色，入面仍是半生熟的肉，非常考功夫。每邊燒幾秒，再加芥末、岩鹽或燒汁，肉質鮮嫩有嚼勁，超滿足！吉列和牛薄餅($98)有蕃茄、洋蔥、蒜粒、芝士，加上沙律醬，這種和風pizza口味，幾有特色。鍋燒野菜牛肉泡飯($138)有蘆荀粒、冬菇片、甘荀絲、椰菜，蠻健康的，份量也不少，可以加紫菜、生雞蛋、蔥花食，味道不會太濃，食到原材的鮮味。

今日係好姊妹生日，好姊妹係牛魔王，就等我今晚帶佢食d靚牛啦！我book咗一間响太子，地點都幾近太子警處，方便大家搭車。解釋得好長細個名嘅由來店舖唔大，但環境幾靜。今日必點嘅一定係，和牛pizza同安格斯吉列牛因為上網見d人介紹好好食咁款😂今日嘅前茶係蘿蔔炆牛腩蘿蔔同牛腩都好腍好入味，好有火喉。清酒煑蜆 酒味好濃厚，我地連個湯都飲哂🤣明太子焗野菜裡面嘅蔬菜都好甜，原汁原味，mixed埋明太子咁食，我都係第一次，感覺唔錯呢！主打黎喇👍🏻👍🏻👍🏻安格斯盛合吉列牛，炸粉唔多，店員重複地提點我地每面燒15-20秒，配芥辣，岩鹽，鹽燒汁點黎食。牛嘅油脂分配好平均，燒起來好香。和牛pizza 牛和大大塊，加埋pizza面淋上少少沙律醬，好好味！埋單兩位$700, 但食到優質嘅牛肉，都值得嘅！

係日本食過吉列牛之後，一試難忘。一返香港即刻search邊度有得食，今次就試位於太子站附近的「琥酌」。店內很有日式居酒屋裝修，和風十足！點了餐後，不久上小前菜，係蘿蔔和牛舌，好淋好味！燒多春魚，燒得好好，吾會皺皮！ 配上青檸汁，吾覺熱氣，正！安格斯牛的外圍被包裹上麵包糠，經油炸外圍變為金黃色，但切開可以看到牛肉依然是生的，大約三成熟的生度。 經麵包糠鎖住了肉汁，即使我們是選擇最便宜的安格斯牛，味道都已經很上盛，入口肉質非常稔滑，就是有些微筋，但只屬很少很少，如果是要和牛的話口感必定更軟嫩。只蘸少許岩鹽是最Inchiban的！牛肉味本身已夠濃，再點其他汁只會掩蓋及糟蹋自身的牛味，以少少鹽來提味就夠啦。刺身三口盛新鮮，肥美！地獄蕃茄安格斯牛肉鍋 這鍋地獄番茄安格斯牛肉， 蕃茄味濃郁，加上辛辣味，想不到是如此合拍。剛送上枱時，鍋面的安格斯牛肉還是生的，靠著熱湯酌到剛剛熟，所以是很多嫩滑的。

話說我同好友都係牛魔王，成日周圍去搵靚牛食，上網搵到嚟間喺太子嘅琥酌，出名食吉列和牛，一於去試下！這店位置非常方便，港鐵太子站A出口一出，向後行第一個街口轉入就到，非常易搵！門面不是太起眼，有點隱世feel，店面細細，燈光陰陰黃黃的，頗有格調，全店不是太多座位，設有卡座，感覺舒適！食物方面主打高質靚和牛，另有鍋物，燒物，小食同清酒等，非常多種化！蘿蔔炆牛舌（前菜），牛舌炆得好林好入味，蘿蔔清甜多汁，味道也很好👍🏻白飯魚乾，薄到透光，口感香脆，非常惹味，係一款不錯嘅小食，推薦！車海老黃金燒，賣相吸引，新鮮燒起熱辣辣，金黃色嘅外觀令人垂涎，蝦肉好厚身好鮮味，啖啖肉，配合特制醬汁，鮮味無窮燒日本粟米，分量好多，火喉剛剛好，咬落好juicy，應該加左汁燒，醬汁味道很好，但仍保留粟米本身的清甜和牛涮涮鍋，一塊塊粉紅色嘅和牛皮非常吸引，湯底甜甜的，鍋內有大量蔬菜，好豐富呢！和牛好淋好滑，牛味好濃，好高質素啊最後係重頭戲安格斯盛盒，賣相真係好吸引，配有芥末醬，岩鹽同燒汁，放上烤爐上每邊燒15-20秒便可，牛肉又淋又juicy，完全無根，牛油味香濃，個人覺得加少少岩鹽吊味已經非常足夠了這店食物質素非常