班蘭葉印尼餐廳

营业中

休息中

想試依間印尼野好耐！週末長期有一大堆姐姐係個頭，勁多人買野食，係openrice正評多！所以決定一試究竟！完全係驚喜！好好食😻😻😻😻😻.🍗印尼小食拼盤 $88 (4.5/5)都幾大份！好欣賞個雞！點解可以咁香口，又夠濃味，但又外脆內滑成咁，印度炸雞果然有料到！🤪仲有豆腐秋葵雞翼，但炸雞🍗絕對係冠軍！另外三個角個個係黃豆餅🤯全新體驗，好香豆味，勁飽肚！.🐟原條魚花膠湯粉皮$78 (5/5)無得輸！性價比十分高，普通街市買條魚都末必只依個價，但$78可以食到條大大條魚，加花膠湯，仲要銅鑼灣！仲想點！😍魚炸得一啲都唔油，外皮勁脆肉都好滑，無腥味。花膠湯膠口，飲完唔渴，仲有平時勁少有嘅粉皮🥰好高汁！.燒雞班蘭尖塔飯$98 (4.5/5)😍燒雞比炸雞仲好食！因為勁濃味！哈哈😄佢仲有手套俾你撕黎食，仲正😂唔洗扮斯文，上枱個陣仲要熱辣辣🔥第一次食班蘭飯，淡淡香味，配咁濃味嘅雞，一絕！. 🥭芒果沙冰勁大杯，好香濃芒果味，仲有果肉🌝🌝🌝正！珍多果唔太甜，多好綠色jelly🌱

Around 8 pm arrived and had dinner. My husband and I were extremely hungry. The taste is really good and smell good as well. The service is also good. The staffs are polite. They introduced the foods to us and recommended the popular foods👍🏻

今晚係銅鑼灣睇完戲之後，近近地揀左間印尼菜入去食晚飯，我被班蘭飯吸引左。餐牌好多選擇，有各式各樣既主菜、飯類、小食，連飲品都有好多款揀。最終我地揀左一款主菜、一款飯類、同一款小食，再叫左兩杯飲品。主菜係印尼秘製汁燒魷魚，原隻魷魚上，好開心，尚算入味好咬。飯類係燒雞班蘭尖塔飯，燒雞都幾大件，皮薄多肉，唔會好乾，尚算嫩滑。班蘭尖塔飯賣相好靚，食得出東南亞風味，帶淡淡既班蘭香。小食係羊肉沙嗲，羊肉尚算軟嫩，醬汁偏辣。青檸梳打好清爽，欣賞佢俾客人自己落梳打水，好夠氣。芒果沙冰超大杯，味道偏甜。

銅鑼灣不嬲都係香港其中一個美食之地，莉莉子黎過呢度不止百次，中式、日式、西式，每一款都可以係呢度搵到，但估唔到偶然之下，竟然俾莉莉子遇到一間經典既「印尼餐廳」😋😋😋「班蘭印尼美食」提供一系列傳統地道印尼本地菜式，當莉莉子以為只有簡單既班蘭糕點同印尼炒飯外，估唔到連「印尼地道燒雞同斑蘭飯」都有，絕對係超級驚喜😁😁 1. 燒雞斑蘭尖塔飯🍗🍗🍗話說莉莉子望見甘多款食物都唔知揀邊款既時候，說主動搵左印尼既侍應姐姐介紹。姐姐話燒雞配斑蘭飯係最好，燒雞用左印尼秘制醬汁醃制，再用高溫燒焗🤘🤘燒雞雞皮帶左少少甜味同焦香味，雞肉超級嫩滑。至於斑蘭飯，莉莉子第一次試到甘正宗既斑蘭飯，飯味帶點椰汁及斑蘭香，唔算好甜，一隻手套夾起燒雞肉，再夾埋一口斑蘭飯，正！好正宗既印尼食法☺️☺️2. 虎蝦花膠湯粉皮🦐🦐🦐呢個粉皮湯，一塊塊超大塊既粉皮好軟腍，配上岩哂莉莉子既花膠湯，一㗳花膠大大塊，一㗳花膠湯，超級健康😊😊虎蝦亦都係一樣，炸得非常香脆，咸咸地，配上清甜既湯粉皮絕對係最好不過😋😋最後莉莉子再點左杯印尼椰汁綠豆冰🍹🍹🍹絕對透心涼，唔算太甜，值得推薦🤘🤘🤘

上年同老公去完峇里島，覺得印尼菜幾有特色，返到嚟香港，又想回味一番，於是去咗銅記糖街「班蘭葉」食印尼菜。去到食店，老闆好友善地介紹店舖嘅特色菜。由於老闆娘係印尼華僑，所以本店主打新派嘅印尼菜，菜式較新潮。我哋當晚叫到成枱都係美食，真係好滿足。有幾樣菜式值得推介：燒雞髀班蘭尖塔飯雞髀香脆內嫩，肉質嫩滑。班蘭飯加入左班蘭葉和椰汁調味，帶有少少椰香，冇添加色素。那淺綠色澤，讓人感到清新可口，吃起上嚟帶有陣陣椰香，食得出店家有一份誠意和心思。花膠湯班蘭雞粉皮花膠湯同雞肉分開上，令花膠湯唔會變得油膩。雖然係雞胸肉，肉質好嫩滑，有雞嘅鮮味。花膠湯熱辣辣，仲有勁大塊花膠，有豐富嘅骨膠原。湯底十分濃郁，沒有偷工減料，粉皮皮薄嫩滑，好似食緊闊條腸粉，口感彈牙。白鱔串燒沙嗲鱔肉串燒做得好出色，明顯有起肉去骨，白鱔多汁鮮甜，皮脆肉嫩，最鍾意啖啖肉，再配埋個特製沙嗲汁，味道更出，最重要係個汁唔會搶走左鱔肉嘅鮮味，好想再encore！印尼四大天王飯四大天王有齊曬四種菜式，適合有選擇困難症嘅我。尖塔型嘅白飯，賣相好特別。巴東牛肉醬汁惹味，肉質夠淋又唔黐牙，好正！去左骨嘅班蘭雞其實有D似海南雞，肉質嫩滑。辣蕃茄配沙

朋友係銅鑼灣返工 收工過來搵佢 帶咗我來食呢間。 因為佢lunch過來食過 覺得幾唔錯下～.🌸 燒雞斑斕尖塔飯 HKD | 198超大隻燒雞 配有一次性手套 可以手撕。燒雞味道正宗 好惹味～ 配班斕飯 出色斑斕飯係由班斕葉的天然色素浸透米飯，米飯呈淡淡的青綠色，入口不僅有斑蘭香味還滲出椰汁的清新。.🌸 原條魚花膠湯粉皮 HKD | 78大大片花膠 配濃郁魚湯～粉皮入味 口感順滑～值得一提係 好大條魚🐟 外表酥炸香脆 但魚肉新鮮且嫩滑 唔乾身～.🌸印尼小食拼盤 HKD | 188有炸豆腐、炸雞翼、炸雞 ，炸秋葵同 黃豆糕。炸豆腐外酥內軟，好味😋.🌸牛油果沙冰 HKD | 48濃郁香醇嘅牛油果🥑味道～好似雪糕質地 超creamy.🌸香茅椰糖薑蜜 HKD | 28薑味 + 香茅根， 淡化咗薑味 ，唔會太辣凍嘅時候飲暖笠笠～

印尼菜不嬲都唔係我杯茶，不過同朋友試完呢餐後真係有啲改觀！雜果冰，珍多冰嘅進化版，超多料，賣相嬴哂！多款粉類真係口感滿滿。咖啡沙冰，一黎見到咁高真係wow咗出黎。咖啡味唔算太濃，夜晚飲都唔駛驚失眠，有cream係頂令沙冰有啲滑嘅感覺，側邊嘅朱古力脆條係畫龍點晴，想要多幾條。炒米粉，裏面超多料，而且頗大碟，真係勁滿足。小食拼盤，一個想乜都試下嘅人嘅好選擇。最欣賞矮瓜，多汁又好味，微炸令佢同平時有啲唔同，相當有新鮮感。另一個驚喜嘅係秋葵，仲有三條，令成餐嘅纖維量大增。全場壓軸又驚艷嘅班蘭飯配雞。飯嘅形狀相當搶眼，有淡淡班蘭嘅香味。啲雞係今日嘅VIP,超級滑，肉又嫩，真係好少有食到呢個質素。配埋佢嘅醬料，真係相當夾。佢啲配菜都相當高質新鮮，最深印象係青瓜，超爽多汁，勁正。呢間印尼餐廳真係令人好驚喜，而且食完好飽！餐牌上仍有其他有趣菜名值得發掘。

係銅鑼灣睇戲前想食個快飯，見對面成條街都係印尼餐廳，就揀咗一間試吓啦。我地揀咗最多人幫襯個間。時間大約6:30pm 度但我哋坐低無奈已經全部坐滿。叫咗個香茅椰糖薑蜜和珍多冰。兩個都幾好，重可以叫佢地加多小小椰奶俾我個珍多冰。印尼四大天王。有巴東牛肉，印尼花生醬沙律，魚，雞，等等。個花生醬沙律好香花生味，又有一粒粒既花生口感，正👍🏻串燒拼盤。有牛，雞，魚同羊。個魚串燒好好味，我諗應該係銀雪魚。虎蝦花膠湯粉皮。有10個讚👍🏻👍🏻👍🏻$98 就有。個湯好足料亦有好多花膠！花膠有至小半隻手掌咁大👍🏻👍🏻👍🏻無得頂呀。最後再叫咗個芝士炸雞，已經食到我哋好飽好滿足🤤🤤🤤🤤🤤

今晚同男朋友食這間在糖街的印尼菜，這間一向多客人捧場，今日終於可以一齊黎品嚐！地方唔算大，但有特色設計好有印尼色彩，擺設及裝飾靚靚，更有好多不同的美味圖畫，好吸引食慾；又可以聽住民族歌曲；服務也友善親切食物有小食、飯、麵，更有多款飲品，好地道的！花多眼亂，太多款式選擇困難1. 小食： 壓碎豆腐 （Penyet Tahu)四塊厚身熱辣辣炸豆腐，外脆卜卜內面軟軟口感，辣味可自行決定，服務員姐姐更幫忙將辣椒放一邊，可以自己加減2. 串燒：羊肉沙嗲 （Sate Kambing) <3串>一串3件羊肉，入味香濃沙嗲，燒得唔乾身，喜歡羊肉的口感，更喜歡配上的青檸辣椒秘製醬汁（濃郁微辣好夾）3. 燒牛仔骨飯 （Nast iga bakar)燒牛仔骨好香好入味，喜歡骨邊的肉更香更好咬口；飯份量足又軟硬剛好，配有惹味醬汁（如串燒一樣）及配菜（爽脆青瓜片、番茄及生菜）4. 炸碎雞撈麵 （Mie ayam geprek pedas lblis)炸雞熱辣辣又香脆，雞肉多汁嫩身，醃得入味；撈麵是印尼大特色，男朋友超想食，份量好足，配有洋蔥脆片及辣椒碎5. 飲品- 青檸梳打 (Es Cheng l

有日行街行經呢頭，發現呢條街都幾多印尼食店，今晚一於轉下口味食下印尼菜呢間店面積一眼見晒，店員全為印尼人，門口有印尼甜品及班蘭蛋糕賣唔係好知印尼人原來"好"花膠架喎，見到餐牌上有花膠湯粉皮系列就如夢初醒，心諗蝦配花膠咪鮮上加鮮?  就佢啦.........虎蝦花膠湯粉皮 ($98)見餐牌上虎蝦係燒嘅，但實物係炸嘅，三隻炸至外殼香脆，另上!  蝦殼炸至脆卜卜，食埋都OK架，而蝦肉都幾爽身奶白色湯底，先呷啖果然好重花膠味，大約有2隻花膠，入口軟滑，口腔內有少少黏口感，養顏呀而個粉皮口感滑滑，似食緊河粉，配埋啖湯一塊滑入口中，相當唔錯!多款小食當中，濃味之選有呢客牛肉沙爹 ($56/3串)，一放低就已經聞到香燒味道牛肉已經調好味，可以唔點特色醬汁亦可，肉質唔乾亦唔韌，趁熱食啦喂..................叫返杯青檸梳打CHILL下，加入大量青檸，成罐梳打水，一杯夠晒抵飲歡喜香芧嘅獨特香味，呢杯香芧椰糖薑蜜 ($28)，相當足料，濃濃嘅香辣薑味，配合椰糖及蜜糖甜味，飲完成身體溫上升，冷天氣飲就一流!呢客外型咁特別嘅係燒鷄斑蘭尖塔飯 ($98)，第一眼被個斑蘭尖塔飯吸引住，一客份量都唔少

係銅鑼灣食印尼野，就一定要來班蘭葉印尼美食呢間正宗印尼餐廳。來過幾次呢度食印尼菜，一來呢度的staff都好nice服務好好，二來呢度十分正宗既原因主要也是因為老闆是印尼人，所以可以做到睇到印尼餐，而我們顧客也可以有機會嘗試到，真係好有口福。今日照舊點了這裡招牌花膠湯粉皮，因為這個花膠湯真係落足料，大大塊花膠濃濃的湯，真係真材實料的。今次選擇了配虎蝦，虎蝦大大隻，是炸的，味道也十分脆口，配上花膠湯味道也很搭配，呢個真係極力推薦啊。第二味點了個炸雞印尼撈麵，炸雞十分香，外脆內嫩，而撈麵也是十分入味，這個配搭也是典型印尼撈麵，好好味的。點兩個主食仲唔夠，我們點多個串燒係黃鱔，好少地方有這個串燒，燒得味道十分野味。我們點了兩杯沙冰，一杯我最喜歡的牛油果沙冰，一杯芒果沙冰，兩杯都大大杯，好抵飲啊，今晚食咁多美食，真係大飽口福。

同男朋友傾過有咩菜式我哋未試過發現印尼菜係其中之一喺CWB發現呢間地道印尼菜甫入門口店員同我講英文，又幾好feel餐牌有好多嘢食，三心兩意樣樣都想試但怕食唔晒，所以只叫咗3款嘢食，另加嘢飲上枱發覺全枱都係綠色嘢，感覺勁Fresh！班蘭箭葉果蜜班蘭香再加入蜜糖，味道偏香甜溫提一下，嗰支箭葉記得唔好當飲管用入面仲有青檸，入口幾清爽最適合食完地道印尼菜再飲返杯甜甜哋幾舒服柑桔青瓜冰另一杯清涼飲品，柑桔略帶少甜味青瓜好清爽，而且入口會同時有清脆感感覺亦好Fresh串燒﹕牛肉沙嗲+白鱔沙嗲牛肉沙嗲串燒其實已經好味不過叫埋白鱔沙嗲串燒，就稍遜色只係白鱔串燒太惹味，並唔係其他串燒差用白鱔燒沙嗲串燒比較罕見我不嬲勁鍾意食魚，所以超愛呢味白鱔表面燒得金黃色，表皮只係少少輕脆魚肉滑溜，燒得好香口加上沙嗲味更惹味印尼四大天王有飯有魚有雞有牛有菜，咩都齊最適合諗唔到食咩嘅人食雞肉滑溜，沙甸魚偏辣，牛肉香口，菜亦清甜配班蘭飯真心高質班蘭飯本身綠色已feel到fresh入口好清甜，食落有少少好似椰汁味咁雜菜燒半雞飯好惹味囓燒雞飯燒雞皮薄餡靚，怕食唔晒所以只叫咗半隻表皮燒得香脆金黃，有焦黃感，雞肉燒完都尚算嫩滑蘸汁

成日見到午市都好多人幫襯，打算夜晚嚟試吓🤔加多加多（$68）其實係花生醬撈沙律😍份量適中，唔辣，仲有啲脆脆蝦片😋正巴東牛肉（$128）份量好多🤩調味好得👍🏻牛肉又腍，推介！斑蘭雞 隻（$170）好大隻雞😮😆連雞胸都滑🤤啖啖肉，好似白切雞同埋有啲淋上面嘅汁咁😋仲有啲杞子喺面，好補身🥰黃姜雜錦尖塔飯（$68）黃姜飯有啲失色🙁好黏，飯唔係粒粒分明，但係夠黃薑味。有啲魚仔、炸雞、巴東牛肉，但係巴東牛肉竟然係辣嘅😳石栗馬拉盞炒通菜（$72）炒得好靚同埋都唔細份😋通菜都幾新鮮，唔會好辣。素托湯雞絲湯飯（$58）唔係好辣，雞絲唔少，果然係撈飯一流😋印尼花膠湯斑蘭雞粉皮（$78）粉皮好似河粉嘅口感，又薄又滑。有一兩舊花膠😆湯好濃郁，好好飲😋雞都係好滑，份量啱啱好，男士可能一份唔夠飽😅。服務態度好好，店舖比較細座位唔多，我哋呢晚都滿座。有啲餸菜上得比較慢。下次想嚟試午餐，同埋佢啲原條魚😍

今日大食妹收工同朋友仔去咗銅鑼灣食印尼嘢 唔知大家有冇見過呢間班蘭葉印尼美食呢? 次次weekend經過都好想食, 但係都塞滿曬人<燒雞斑蘭尖塔飯>燒雞嘅味道好香, 脆皮嘅雞皮配上嫩滑嘅雞肉, 口感非常好 外面曬咗特別嘅調料, 食落好惹味 重口味嘅朋友可以再落埋佢嘅醬汁另外跟飯仲配有一個黃豆餅佢嘅口感有少少似薯餅, 但係係用黃豆做嘅 大食妹就好鍾意呢個斑蘭飯, 食落去有少少甜甜地, 亦有少少似雞油飯, 令人想一食再食嘅味道<印尼四大天王>大食妹係menu上高見到呢個印尼四大天王就畀佢個名吸引咗原來佢係印尼嘅四餸飯呢個食落去有啲似茄汁沙甸魚, 但係佢嘅蕃茄味更加濃郁呢個應該係巴東牛肉嘅朋友, 油脂感重, 而且幾堅韌呢度嘅雞肉有少少調味, 食落鹹鹹地, 上高仲有少少嘅杞子, 都幾特別椰汁嘅雜菜大食妹就麻麻地啦<雞沙嗲>味道中規中舉, 但份量ok大<牛油果沙冰>牛油果沙冰口感激濃沃, 而且分量好大飲嘅時候好似食緊啖啖嘅牛油果肉, 分量大概有兩至三個牛油果咁多, 飲完一杯你就即刻飽曬<印尼咖啡涼粉冰>味道偏甜, 咖

Feel like something different tonight and went to the infamous sugar street where you can get lots of Indonesian food, and decided to try this place.Place is small with no more than 20 seats available. we were lucky to get a 4 seaters table so it was not too bad.Hard to believe that there's so much to choose from in a small shop like this. Took us a bit of time and decided to try the pandan rice with roast chicken, the ChewKweTiau (fried flat rice noodles), stir fried water spinach with garlic a