影片
更多
2020-03-04
63 浏览
上年同老公去完峇里島，覺得印尼菜幾有特色，返到嚟香港，又想回味一番，於是去咗銅記糖街「班蘭葉」食印尼菜。去到食店，老闆好友善地介紹店舖嘅特色菜。由於老闆娘係印尼華僑，所以本店主打新派嘅印尼菜，菜式較新潮。我哋當晚叫到成枱都係美食，真係好滿足。有幾樣菜式值得推介：燒雞髀班蘭尖塔飯雞髀香脆內嫩，肉質嫩滑。班蘭飯加入左班蘭葉和椰汁調味，帶有少少椰香，冇添加色素。那淺綠色澤，讓人感到清新可口，吃起上嚟帶有陣陣椰香，食得出店家有一份誠意和心思。花膠湯班蘭雞粉皮花膠湯同雞肉分開上，令花膠湯唔會變得油膩。雖然係雞胸肉，肉質好嫩滑，有雞嘅鮮味。花膠湯熱辣辣，仲有勁大塊花膠，有豐富嘅骨膠原。湯底十分濃郁，沒有偷工減料，粉皮皮薄嫩滑，好似食緊闊條腸粉，口感彈牙。白鱔串燒沙嗲鱔肉串燒做得好出色，明顯有起肉去骨，白鱔多汁鮮甜，皮脆肉嫩，最鍾意啖啖肉，再配埋個特製沙嗲汁，味道更出，最重要係個汁唔會搶走左鱔肉嘅鮮味，好想再encore！印尼四大天王飯四大天王有齊曬四種菜式，適合有選擇困難症嘅我。尖塔型嘅白飯，賣相好特別。巴東牛肉醬汁惹味，肉質夠淋又唔黐牙，好正！去左骨嘅班蘭雞其實有D似海南雞，肉質嫩滑。辣蕃茄配沙
去到食店，老闆好友善地介紹店舖嘅特色菜。由於老闆娘係印尼華僑，所以本店主打新派嘅印尼菜，菜式較新潮。我哋當晚叫到成枱都係美食，真係好滿足。
有幾樣菜式值得推介：
燒雞髀班蘭尖塔飯
雞髀香脆內嫩，肉質嫩滑。班蘭飯加入左班蘭葉和椰汁調味，帶有少少椰香，冇添加色素。那淺綠色澤，讓人感到清新可口，吃起上嚟帶有陣陣椰香，食得出店家有一份誠意和心思。
花膠湯班蘭雞粉皮
花膠湯同雞肉分開上，令花膠湯唔會變得油膩。雖然係雞胸肉，肉質好嫩滑，有雞嘅鮮味。花膠湯熱辣辣，仲有勁大塊花膠，有豐富嘅骨膠原。湯底十分濃郁，沒有偷工減料，粉皮皮薄嫩滑，好似食緊闊條腸粉，口感彈牙。
白鱔串燒沙嗲
鱔肉串燒做得好出色，明顯有起肉去骨，白鱔多汁鮮甜，皮脆肉嫩，最鍾意啖啖肉，再配埋個特製沙嗲汁，味道更出，最重要係個汁唔會搶走左鱔肉嘅鮮味，好想再encore！
印尼四大天王飯
四大天王有齊曬四種菜式，適合有選擇困難症嘅我。尖塔型嘅白飯，賣相好特別。
巴東牛肉醬汁惹味，肉質夠淋又唔黐牙，好正！去左骨嘅班蘭雞其實有D似海南雞，肉質嫩滑。辣蕃茄配沙甸魚，酸甜酸甜咁，食落唔腥。加多加多沙律配左花生醬，又真係幾好送飯啵。
石栗馬拉盞炒通菜
我哋叫咗小辣，唔會好似泰式馬拉盞通菜咁濃味，炒得好有獲氣，帶點微辣，但唔會好咸，食得津津有味。
炸碎雞撈麵
將雞扒炸至酥脆，加上辣椒蒜蓉，肉質好juicy，咬落香脆，配埋營多撈麵，十分地道。
印尼糕點
正所謂喺女人心目中，甜品又係另一個胃。千層糕綠白相間，層次好分明，糕身煙煙韌韌，椰香味重，香甜誘人，好想再食呀！
以後唔駛飛去印尼都食到地道野嚕，下次會帶朋友黎試，可以試多啲唔同款式嘅美食嘛！
张贴
