影片
更多
2020-05-10
52 浏览
唔知大家對印尼菜有咩感覺呢😆？除左Weekend見到印尼姐姐互相分享食物，我反而諗起以前住home stay既印尼host family，仲帶我去印尼餐廳食飯，確實有啲緬懷。朋友介紹呢間班蘭葉印尼美食，負責人服務態度超有禮☺️細細間舖頭坐滿食客，有印尼人，亦有唔少香港人。首先一讚餐廳menu非常細心，有齊食物圖片，中/英/印尼語，圖文並茂，點餐十分方便。燒雞班蘭尖塔飯 $98燒雞配上印尼烤醬，甜甜地好滋味，半隻燒雞睇落好似有啲細隻，但千祈唔好比佢個Size呃到😆戴上餐廳提供的膠手套 (非常細心💕)，慢慢撕開你會發現份量出奇地多！肉質多汁嫩滑，連雞胸部位都燒得岩岩好，唔會又乾又鞋口，配搭秘制辣味醬汁，帶點刺激感。班蘭尖塔飯造型吸睛，有淡淡既班蘭香味，亦中和到醬汁的辛辣感。印尼花膠湯班蘭雞粉皮 $78有啲意想不到印尼都會有花膠湯😯而且做得相當不錯👍🏻先飲一啖湯底，花膠味濃而稠密(超級有驚喜🤩)，味道天然無乜味精，用上真材實料，杞子、蟲草花等。班蘭雞咁岩食到雞脾部位，雞皮黃而薄身，肉質鮮嫩；粉皮偏闊身，皮薄嫩滑，同花膠湯好夾，好味到清晒成碗，一滴不留。鴨胸串燒 (3串) $58店員熱情推介鴨胸
除左Weekend見到印尼姐姐互相分享食物，我反而諗起以前住home stay既印尼host family，仲帶我去印尼餐廳食飯，確實有啲緬懷。
朋友介紹呢間班蘭葉印尼美食，負責人服務態度超有禮☺️細細間舖頭坐滿食客，有印尼人，亦有唔少香港人。
首先一讚餐廳menu非常細心，有齊食物圖片，中/英/印尼語，圖文並茂，點餐十分方便。
燒雞班蘭尖塔飯 $98
燒雞配上印尼烤醬，甜甜地好滋味，半隻燒雞睇落好似有啲細隻，但千祈唔好比佢個Size呃到😆戴上餐廳提供的膠手套 (非常細心💕)，慢慢撕開你會發現份量出奇地多！肉質多汁嫩滑，連雞胸部位都燒得岩岩好，唔會又乾又鞋口，配搭秘制辣味醬汁，帶點刺激感。班蘭尖塔飯造型吸睛，有淡淡既班蘭香味，亦中和到醬汁的辛辣感。
印尼花膠湯班蘭雞粉皮 $78
有啲意想不到印尼都會有花膠湯😯而且做得相當不錯👍🏻先飲一啖湯底，花膠味濃而稠密(超級有驚喜🤩)，味道天然無乜味精，用上真材實料，杞子、蟲草花等。
班蘭雞咁岩食到雞脾部位，雞皮黃而薄身，肉質鮮嫩；粉皮偏闊身，皮薄嫩滑，同花膠湯好夾，好味到清晒成碗，一滴不留。
鴨胸串燒 (3串) $58
店員熱情推介鴨胸串燒，因為新推出，所以仲未加上Menu，又係另一樣食完你唔會後悔的小食🤤炭燒味重，肉質帶有彈性，多汁嫩滑，風味濃郁，配埋沙嗲醬無得彈。相比平時食到重咸香煙燻味的鴨胸，呢個更為出色。
桂皮箭皮箭葉果蜜 $28、香茅可樂 $28
肉桂棒有著獨有的幽香，聞落香甜芬芳，飲落卻是有柔和舒暢的感覺，再加入青檸和果蜜，味道酸酸甜甜又滋潤。
香茅帶點檸檬香，不會太過搶味，算是一個小點綴，有助解辣。
最後忍唔住買多件班蘭蛋糕 ($15)返屋企，打開膠袋，班蘭香氣隨即鑽進鼻子，口感非常軟熟，少許濕潤，獨特的香味在口腔久久不散，大概係我食過最好食的班蘭蛋糕😋。
张贴
