玉桃軒酒家 (康怡廣場) (已結業)

同媽咪慶祝生日，當然要食好啲，一心來玉桃軒吃龍蝦，前一個星期已訂座，當日雖然是平日，但客人都相當多，坐下不久已座無虛席o 位於康怡廣場內的玉桃軒場地大，佈置悉心典雅，相信是為做婚宴而設的，每枱之間有一定距離，令人坐得很舒服o原本打算吃龍蝦的媽咪，看完餐牌後，決定改吃魚翅餐，有蝦, 有帶子仲有燉雪蛤非常吸引o 坐了不久，食物陸續送上，先來兩款前菜:玉桃兩小碟 (燒腩仔, 海蜇)海蜇 – 媽咪至愛，煙煙韌韌富口感，加入炒香的芝麻，味道可口。燒腩仔 – 一碟六件的燒腩仔，外皮燒得非常香脆， 入口咯咯聲，燒肉嘅肥瘦比例很平均，所以燒完啲肉質都仲係好嫩口，味道唔會過鹹，入口唔覺油膩，一啖一件，好快就食完。 窩燒煲仔鮑翅雖然不是用頂級靚翅，但味道也不錯。材料有金華火腿絲，銀芽， 同主角鮑翅，用湯匙輕輕一撈，便見到滿滿的鮑翅，呷一口湯，味道濃而不膩，果然是足料炮製。 美極乾煎大花蝦以美極煎的大花蝦，橙橙紅紅的加上奪目的青蔥，令人垂涎三尺，大蝦煎得夠乾身，而且香脆入味，肉質結實爽口，吸收了美極的鹹香味的大蝦，非常香口惹味。碧綠玉帶子在酒樓常見的一道菜式，西蘭花很新鮮，用油炒過的西蘭花顏色顯得更翠綠，

平日，我好少同個仔去飲茶，食返一盅兩件，真是極少，一來是怕人多，二來就是只得一天假期，當然是想懶床，睡個飽！放暑假了，我亦有數天的假期，就趁這個假期，就帶個仔去嘆茶，好懷念那點心的味道，要食飽飽，享受一下，天倫之樂！安排我地在酒樓最後的餐桌，坐在一盞超大的水晶燈下嘆茶，心情也特別開朗，食得開胃。三人行，點左一個四人套餐，一樣可以食得晒。鹹魚雞粒炒飯，香噴噴熱辣辣，飯粒分明、粒粒晶凝，鹹魚夠香濃，配有青菜、雞肉、蛋爆炒，夠鑊氣！即叫即炸沙律鮮蝦春卷，脆卜卜春卷皮，內鮮蝦爽口彈牙，鮮味鮮甜，配沙律，好開胃。古法馬拉榚，清甜、鬆軟、入口即溶化。五香鹹水角，是我家人的至愛，一定會點上二碟先夠食，同樣都是即叫即做，外皮用糯米粉做，夠𠵱韌，餡料夠香濃，配搭出色，是停不了口的點心。鳯梨咕嚕肉，色澤鮮明，皮脆肉嫩，酸甜味適中，配有菠蘿、彩椒，增添色彩，美味可口，食慾大增！

今天因工作關係來到太古，放工約了家人吃晚飯，所以乾脆約在太古吃了家人喜歡吃中菜廳，所以便選擇了位於康怡廣場的玉桃軒，請家人吃飯。餐廳面門非常華麗，裝潢也冠冕堂煌，非常高貴。長輩吃中菜喜歡有蒸魚及雞，應該會很破費，原來餐廳有一個抵食晚膳三寶的套餐，既有蒸魚也有雞，還可以配搭一個自選的菜式，真的非常抵食我們最後選擇了鳳梨咕嚕肉另外再多點了一個鮮人蔘淮山燉雞湯鮮人蔘淮山燉雞湯燉雞湯把雞的精華完全滲透出來，使湯很鮮甜，再配合淮山及人蔘的香味，令味道更上一層樓。鳳梨咕嚕肉澄澄的咕嚕肉酸酸甜甜，十分開胃，肉質煙韌。還配合粒粒的熟菠蘿，酸甜多汁，送飯吃就最佳不過了！清蒸海石班石班上碟時魚尾微微向上彎，形態優美。清蒸石班魚肉白淨嫩滑，沒有腥味，蒸的時間剛剛好，配合蒸魚的鼓油吃鮮甜多汁，十分美味。一品蒜香雞蒜香雞單是賣相已經十分吸睛，雞的外皮被炸至金黃色，咬下去十分脆口，雞肉鮮嫩，值得一讚！這個套餐的菜式份量都很大，我和家人也吃不完，有淨的還可以打包帶走這套餐用平價可以享受到3款美味的菜式，又可以滿足到家人的口味，實在非常抵食

上星期一去咗康怡廣場度買一啲野，好朋友話想食中餐，所以就揀咗依家係康怡廣場嘅中菜廳。呢間中菜廳嘅環境，非常之舒服，同光猛。而且枱與枱之間嘅空間很大，不會有逼夾的感覺。這裏的服務員度誠懇，都會熱心咁介紹好味嘅菜式。例如這裏的叉燒同燒乳豬都很受歡迎，我哋揀咗以下嘅嘢食。嘢食都非常好食，而且冇令我地失望，所以下次我都會繼續去呢間或者佢嘅分店食嘢。化皮乳豬件$128 - 乳豬皮燒得非常之脆，而且香笑得剛剛好比喺去飲嗰啲好食好多一入口脆卜卜，又鬆化又唔會好油膩。個乳豬肉又滑又有豬肉味。非常值得一試。鹵炸軟心豆腐$58-炸軟心豆腐d豆腐好滑，亦都有黃豆味，出面揸得金黃色，而且有調味，有椒鹽味，不會太鹹，剛剛好。加上個醬汁一齊食就更加好吃。三色蛋泡時菜$88- 呢個餸煮得清清地，有三色蛋嘅鹹味調一調，加上個菜煮得翠綠，兼且好爽口，白菜又煮得剛剛好，不錯。石鍋黑椒虎皮椒魚頭$128 -個魚頭炸得非常之脆，魚頭嘅肉又滑。加上有黑椒粒,紅椒,青椒,薑蔥一齊炒個魚頭，味道非常香濃而且美味，可以送飯送到一至兩碗。

好耐無同媽媽飲個茶，所以就同距黎左呢間，貪距夠近同之前食過都唔錯。午市唔係太多人所以只係等左十五分鐘就得。入到去距仲執梗枱有唔係幾好。不過之後的杯碟都幾乾淨。香片的味道清清地有陣淡淡的香味，好岩依家大熱天時飲。首先就梗係要食個蜜汁叉燒湯河，聽講呢到的叉燒好似幾靚。上枱果時係分開上，所以唔會濕曬幾好。叉燒又真係幾好食同個肉的位置幾岩，係三截肉，中間有脂肪，所以好夠肥同好稔，唔會有肉癡牙，正啊，加上外皮燒得夠所以有少少脆但又唔會硬。面頭淋上少少蜜汁令味道更好所以忍唔住叫多半條叉燒食。河粉方面真係幾多，個碗係細左d不過全部都係河粉，湯唔多同好淡，一定要落d辣椒油同夾埋叉燒食。跟住叫左個沙律鮮蝦春卷，上枱嗰時好熱應該係啱啱炸起，外面嘅皮好脆，入面的蝦都幾多，每一口都有，同入面的沙津都幾好食。有三條所以兩個人食好夠唔會太油。不過蟹子蒸燒賣王有d失望，因為唔夠大粒同賣相一係一般，加上入面d蝦好細，同肉無咩咸味，最好的只係夠熱，希望下次可以好d。最推介的係鳳梨叉燒酥，外皮係呀我好多層好似蛋撻酥皮咁組成，好鬆化同好香，唔係好厚所以入面d料都幾多，鳳梨都食到少少，所以甜甜地，加上入面好多叉燒好夠咸，夾埋

上茶樓是香港人的生活一部份，由懷舊點心到新派點心都受歡迎，點心師傅攪盡腦汁都是為做好老闆盤生意，為顧客增添視覺和味覺的享受，玉桃晶瑩蝦餃皇都是點心中的經典，皮薄爽滑，蝦肉筍絲少肥肉，已經很滿足！椒鹽魷魚鬚，翻炸令魷魚鬚不油膩，這點師傅有做得到，但椒鹽略有不足！xo醬煎腸粉，加入xo醬煎腸粉的確冇得輸，xo醬是味道的靈魂，煎香的腸粉也惹人喜愛！忘記拍照片的椰汁炸饅頭外脆內軟，三人分享三個炸饅頭，沾沾練奶，旋風式掃清！明爐即燒叉燒皇，叉燒是香港人從小吃到大的燒味，最棒的叉燒大家一睇就知道了！味菜豬頸肉炒麵，味菜偏鹹了！令炒麵打了折扣，有待改善。點心紙有很清晰價錢，很讚！茗茶每位$13是中上價錢，侍應可能聽錯，我要香片，她開普洱茶，其實上酒樓我不會開普洱茶，因為十居其九都是我不接受的茶味，不過，既來之則安之，為免浪費不妨一試，幸好又冇失望，普洱茶味甘潤。飲中式茶好處是讓我們有機會品味中國茶。

康怡廣場的玉桃軒，ㄧ向是我常來飲茶的酒樓。食物質素ㄧ向都很高,待應也服務週到。見到它的龍蝦全包宴的價錢非常誘惑,加上母親節快到,所以約齊人脚來試ㄧ試。$2180茶介,汽水12罐全包。見套餐價錢平,加多ㄧ個北京片皮鴨,鴨肉很香,但包皮不足夠包鴨肉。五福喜臨門:燒肉,义燒香口,口感强。波士頓龍蝦:肉滑彈牙。醬皇碧綠花姿蚌片,攞碟也很美觀!南京素鵝拼紫菜卷,美味以外,視覺也高達享受。金蒜脆皮燒雞:皮脆雞香。鮮竹益箘泡翡翠。片皮鴨的鴨肉用來炒飯,ㄧ味兩食。整體以這個價錢在康怡吃了ㄧ餐豐富美味的典型中菜,ㄧ定推介。

今日同同事到鰂魚涌見客，於是順便在這裏附近食個lunch。 經過這間玉桂軒酒樓門口咁多人等，相信這裏點心一定很有水準，結果就攞飛飲茶，等了十多分鐘便到我們，十分快，正！全場座位好多，但已滿座午飯時間有個二人商務套餐十分抵食， 價錢只是148元包密汁叉燒皇、豐料老火湯、瑤柱上湯浸時蔬、瑤柱蛋白炒飯和兩款二人點心,價錢低到暈。密汁叉燒皇是這裏招牌燒味， 叉燒醃製得好稔好入味，口感軟滑，好味。豐料老火湯非常足料，加上沒有多餘味精，更有柚皮配料，飲完特別潤喉。瑤柱蛋白炒飯特別要讚,飯本身炒得很乾身，而飯與飯之間每一粒都非常分明，沒有黏埋一舊，口感軟熟。加上用了大量瑤柱和蛋白作配料， 令飯炒得更香更入味。好好食！兩碟二人點心分別是叉燒酥和蝦餃:叉燒酥表層特別鬆脆,加上用了半肥瘦而又惹味的叉燒，更配上小小的菠蘿絲做餡，令叉燒酥 更添美味，口感特別。蝦餃皮薄餡靚，蝦本身新鮮，所以食落特別鮮甜爽口。瑤柱上湯浸時蔬用了大量瑤柱，味道特別濃郁。小籠包皮做得很薄身，豬肉剁得好稔，而内裏湯汁熱辣辣，不錯。蝦腸雖然皮不是太薄，但餡料足。加上蝦本身 很爽和彈牙，也不錯呀。水晶肴肉晶瑩通透，味道鹹鹹的，食落十分開胃

Aeon超市逢星期三都是特價日，這晚收工去掃貨前就去到康怡廣場醫肚先，既然跟男友平日少食中餐，於是我們就揀選了只於家長日時去過飲茶的玉桃軒了。 玉桃軒不是屋村級數的酒樓，所以門面跟裝潢都滿有氣派，擺設乾淨企理，不過射燈過多坐著坐著會有點熱。  眼見龍蝦正在做優惠，馬上拍板order一份上湯龍蝦加伊麵！ 上湯龍蝦 $118 加了$40伊麵，現在回想起好似不加伊麵會抵食D。龍蝦不算多肉但肉質結實，而且斬件後都足以鋪滿一碟其實睇見都開心。 瑤柱金粟石斑塊 $118 先炸過的石斑塊上面裹滿粟米汁，出色的是魚塊的外皮依然脆口，而且是直至我食最後一件都仲Keep到脆！栗米汁用來拌飯真是一流，不過瑤柱好像有點畫蛇添足，有可能是酒樓方面想餸菜盡顯矜貴吧。 菠蘿咕嚕肉 $98 此時已經有八成飽，再來一道開胃解暑的菠蘿咕嚕肉，酸味可以解滯，肉件同樣夠脆，而且醬汁夠杰身不會水汪汪，唯一挑剔的是菠蘿用了罐頭貨色，百元一碟咕嚕肉我期望是用新鮮菠蘿。 兩人食三個餸真的非常飽，我們還加了兩個白飯，下次加一個就好了~

向來玉桃軒的食物質素都相當好，就算優惠套餐，優惠推介都質素不減。一家人飯聚，我一定提議玉桃軒。去玉桃軒坐得又舒服，環境又好，不用好像賓墟那麼大場面。而且有酒樓少有的卡位，一家人圍座吃飯份外親切。我最喜歡它有很多不同的優惠選擇，各個選擇都照顧不同喜好的需要，而且是真優惠，不是只減一二十的扮優惠。其實，吃套餐和散叫都可以有優惠。套餐自然已可以不用左選右選，左計右計已很優惠。散叫也可以配合不同的優惠推介，找到想選擇的菜式。我今日選擇了優惠重點推介的老京城片皮鴨，才一百多一隻，簡直非常抵吃。其實，整晚只吃這道老京城片皮鴨已值回票價。鴨燒得皮脆肉嫩，雖然包在薄餅內時的鴨油非常香濃，但卻看不見一點肥膏。這就是師傅的功夫，吃片皮鴨最重要就是在鴨皮上散發的鴨香，這隻片皮鴨完全可以體現到。另外，就是這塊薄飯也十分好吃。很多地方的片皮鴨薄餅都會很乾，但這裡的薄餅非常軟潤，而且還吃得出薄餅本身的甜味。用它包裹着又香脆又有豐富鴨香的片皮鴨，連一向不吃皮的朋友都吃上幾塊。我當然更愛不釋手。另一道不得不提的菜就是這個富貴生汁明蝦球，富貴生汁應該是用沙律醬調煮而成。濃濃的醬汁包裹着大大隻的明蝦球，一口咬下，富貴生汁

媽媽喜歡吃中餐，但又不喜歡吵雜的地方。一般有檔次的中餐都價格並不相宜，今次竟然被我發現玉桃軒，環境既清靜幽雅，裝潢有檔次，但食物價格又十分相宜。這裡環境十分寛敞，枱桌沒有擺放得密密麻麻，空間感十足，坐得十分舒適。媽媽好像也愛上這個環境，我想下次她約她的姐妹吃飯一定又會叫我幫她在這裡訂位的了。今次媽媽只想吃過便飯，所以只點了幾個小菜。我最愛這個五指毛桃甘笋薏米煲豬踭老火湯，就看這碗湯就知道其用料豐富，而且火候十足。我喝上兩碗就感覺清潤滋補，加上其一點都不油膩，就好像隔了油一樣。不過，其實際上是沒有隔過的，因為它是原煲上，就看湯料就知道用料新鮮，又經過細心處理過，所以一點都不油膩。這款蝦乾瑤柱浸時蔬也不能小看它，雖然簡簡單單的平常菜，但也十分美味。蝦乾瑤柱淆出來的上湯十分濃郁，同時也一點不油膩。我選了芥蘭，本來也擔心會有苦澀味，但原來一點也沒有。而且芥蘭十分爽脆清甜，也沒有粗糙的纖維。加上濃郁的蝦乾瑤柱上湯，令菜的鮮味十足。連這個福建炒飯也一點不馬虎，用料充足，又切得十分精緻，令每一口飯都感覺十分豐富。飯底也炒得很香口，每粒飯都是一粒粒，沒有沾在一起，咬上去十分爽口。付出相宜的價格，就可以

放假同屋企人飲茶係例牌節目👍🏻為咗去太古城食新出嘅cremia雪糕，路經此地點知飲茶又好OK喎👍🏻爹哋媽咪都話正😎👍🏻晏晝時間超旺，不過10分鐘左右就入到。＂鮑汁炆雞腳＂我比較鍾意食呢種多過一籠籠鳳爪，感覺冇咁熱氣，鳳爪大大隻，鮑汁好入味之餘重炆得好琳！👍🏻＂明爐即燒叉燒皇＂係店內主打，係肥瘦平均醬汁入味，最重要係仲係熱辣辣上枱！＂玉濤晶瑩蝦餃王＂我超鍾意食蝦餃，佢真係做到皮薄餡靚，超多蝦肉又彈牙😎👍🏻💓＂招牌煎焗魚雲＂老媽子最愛狂讃整得好食🤣佢嘅薑蔥好香，一啲腥味都冇，煎完再焗都幾多魚肉🙂＂馳名懷舊炸蟹鉗＂味道都好食好彈牙但欠缺左少少特色。＂西芹百合花枝片＂呢度嘅小菜確有一手，各款材料都好新鮮。＂宮廷薑汁糕＂最鍾意食呢啲煙煙銀銀甜品，薑汁味出奇地濃又唔太甜！

今日同男朋友去左太古飲茶，我地好耐無飲過茶就去搵間餐廳試試，男朋友大推玉桃軒。好多唔同既點心。馬拉糕。馬拉糕味道濃濃甜甜，入口鬆軟滿口清香甜味。蟹籽燒賣。蝦肉和豬肉比例非常平均，入口肉香濃郁非常鬆軟，肉汁豐富入口好滋味。腸粉皮包上春卷，入口春卷不失脆口，咸香春卷包上滿滿蔬菜，腸粉皮尚算薄身。擂沙湯丸。滿滿芝麻香，煎堆入口煙韌中間滿滿芝麻香，甜品中是我最愛。金粟花枝餅。雞蛋包上外層煎香，中間有粟米和魷魚，清甜有咬口。炸饅頭。外層香脆中間鬆軟，麵粉味香加上煉乳甜甜的好香口。

今日是婆婆七十大壽生日，中午由我帶佢飲菜，做個乖孫女。夜晚再一家人外出食飯，再大搞婆婆的生日。中午來到太古飲菜，老一輩始終鐘意飲菜食個包。燒腩仔。外層燒得非常香脆香口，肉質爽嫩帶點肉汁，肉質鬆軟咸香，配上芥末非常滋味。鬆脆蛋撻仔。外層酥皮好鬆化，蛋味濃濃甜度不高，一口一個好滿足。珍珠雞是兒時回憶，婆婆好鐘意整比我食。肉碎滿滿的珍珠雞，入口咸香糯米有咬口。奶黃包。婆婆最愛的甜食，中間奶黃餡料濃郁，蛋黃味濃帶點甜味，流沙度非常高。豉汁蒸鳳爪。鳳爪醬汁味濃，炆得入味，筋位有咬口。

今晚老婆收早過黎太古呢邊接我放工, 我地逛完康怡廣場南座嘅Aeon之後就過去北座搵地方撐枱腳。👫老婆話想食清少少, 但我想食靚燒味, 所以我地揀左呢間燒味有好多食評都推介嘅玉桃軒開餐。😋我地到玉桃軒時剛剛7時, 仍未到晚市最繁忙時間, 所以不需要等位已可直接入座, 店內裝修格調高尚, 桌子擺得唔密, 可以坐得好舒服咁用餐。👍晚市玉桃軒提供嘅激抵晚膳三寶真係好抵, 我地見到隔離枱條海班都好吸引, 除左海班, 三寶仲有半隻蒜香雞同小菜一款。兩個人其實好夠食, 但係老婆話佢晏晝已經食左雞, 結果我地冇揀呢個激抵晚膳三寶。除左激抵晚膳三寶外, 星期一至五仲有其他優惠, 芝士龍蝦$118都好抵, 但老婆落左Order要清清地, 唯有下次先點啦。🙈4位套餐都好豐富, 價錢同普通小菜館差唔多, 不過我地得兩個人就唔會考慮啦。😝小菜選擇真係好多, 仲要揀得符合老婆要求, 所以都揀左好耐。😌黎到呢間酒家當然要點個燒味品嚐啦, 乳豬件, 片皮鴨同叉燒皇都非常吸引。😍為左今日清清地呢個主題, 我點左叉燒皇。😋諗住清清地點嘅蝦乾瑤柱浸時蔬好有驚喜, 蝦乾大隻, 瑤柱都好多舖滿成碟, 配上好香蒜味嘅蒜片, 好味