玉桃軒酒家 (康怡廣場) (已結業)

今日放假，同阿媽食下午茶。去到太古，咁就黎這間酒樓試一試。好長的酒樓，平日都好多人黎飲茶，我們已經選2點，原來都咁熱鬧我們叫了一碟炒野加2個點心點心分別是： 潮洲粉果皮好薄好軟好滑，凍咗食都唔硬，內面的料好多好有口感！花生好脆、沙葛好爽脆，好香好食！大大粒，不錯哦鮮蝦菜苗餃：我喜歡菜苗，好嫩又多菜；蝦好爽口；皮也如粉果一樣，滑、軟、薄；我媽話是暫時食過最好食的皮哦我們再叫了一碟魚香茄子炆伊麵大碟，麵好彈牙，炆得唔錯，可惜好油，可能炒野都好難唔油；茄子都好腍同入味這裡侍應就服務普通，態度都幾唔禮貌同惡囉

我家的至愛，北京片皮鴨，老豆，在大陸回港休息，每隔一段時間，我家的聚會，總是離不開上酒樓食飯，而家的酒樓好少有片皮鴨食，故此，難得找到有片皮鴨食，自然地成為了我家的飯堂。平時，家常便飯，好多時加料，買燒鴨食。趁著家中各人都空閒，相約到我家飯堂食飯慶祝老豆的生日。喜歡飲湯的我，當然也來一盅，秋冬滋補，靚湯養生。至愛片皮鴨，我地叫左一隻，兩食，即叫即烤、熱辣辣、脆皮、香氣撲鼻、流晒口水、熱辣辣噶薄皮包著香脆片皮鴨，加上大蔥、醬汁，鴨香、肉嫩在口中散發出來。除左食片皮鴨外，其餘部位，用來炒鴨鬆，生菜包著食，好美又好佐飯。花生雞腳節瓜鱆魚煲豬踭湯，湯香濃，材料十足，節瓜清甜、提神解疲，強筋健步，又補身。

在太古想吃小炒、家常便飯的話，多數會來玉桃軒酒家，因為位置方便，一出地鐵站就到座位夠闊落，無需等位一落座即見餐牌有晚膳三寶，無需猶豫，立馬下單鳳梨咕嚕肉例牌小炒，用來測試菜館與廚師是否及格的小炒，上粉厚薄適中，炸至香酥，口感香脆，糖醋酸甜不過火，實屬上品一品蒜香雞外皮極度鬆脆，肉質鮮嫩，油而不膩，配以甜醬油，淌下蒜粒，味濃上口，直接把雞肉提升一個檔次清蒸海石斑簡單的清蒸海斑最能考驗師傅，海斑新鮮毋庸置疑，生熟程度拿捏得剛剛好芒果布甸一吃解解饞，花奶落得不吝嗇流沙包餡料重濃，蛋黃香味濃郁，不禁令人一口又一口晚膳三寶，恰如其名，激抵！

老闆善忘把文件留在辦公室， 要充當跑腿送去他家。完事後，落樓下廣場搵食。 廣場大選擇多都唔知食邊間。於是就逐間睇下， 經過玉桃軒酒家， 外觀有刻上花紋玻璃門裝飾， 方型流蘇垂直式吊燈，喜歡這個設計，就決定食呢間 ，入口近大堂有一大束紅火百合迎賓， 芬香撲鼻， 成個人醒曬。睇下個餐牌，非常抵食， 樣樣都想叫，但一個人食唔到咁多！翡翠炒斑球龍躉肉起片， 用西芹、草菇、 黃椒、紅椒炒， 魚塊新鮮肉厚， 非常有口感，西芹爽脆清甜。鮮人參淮山燉雞湯湯料多， 人參味濃， 連湯渣都滲滿參味，所以全部食哂菠蘿雞球蝦球見個名咁得意所以就叫， 賣相非常colorful，色彩鮮豔， 蝦球新鮮彈牙多汁， 雞塊軟熟， 甜酸味恰到好處 ，胃口大開。偶有機會一個人開餐，唔使問別人意見，想食乜都得，都是一種享受！

之前買左康X 戲院優惠飛, 十月尾到期, 要係到期前用左D 戲飛佢...不幸地哩幾日係HALLOWEEN 檔期, 大部份院都係播鬼片...唔係鬼片O既要等到成十點...放左工又未食飯, 又要等成三個鐘, 朋友就提議去酒樓食飯, 有壺茶飲下, 食下野慢慢等.....咁我地就去左玉桃軒其實我之前都未黎過, 反而朋友就成日黎, 店入面個裝修幾好, 坐落又好舒服, 叫左壺香片, 一路飲茶, 一路睇食D 乜..由於餐牌太多野食, 好難揀到落手, 我就交哂比友人拍板, 佢就當仁不讓, 嗌個原隻波士頓龍蝦, 加伊麵底, 芝士汁!兩個人食一個菜好似唔係好夠, 佢就提議嗌多個碟叉燒皇!波士頓龍蝦一上碟, 全場即刻望哂過黎, 成為全場焦點大大碟, 芝士味非常濃郁 , D 伊麵掛哂芝士汁,龍蝦夠哂份量, 拆完殼之後, 隻蝦鉗肉有成隻匙羹咁大!!!!!!!!!!!!!!!碟蜜汁叉燒皇就更加驚喜, 有d 豆係隔離, 先試d 豆, 咬落有咬口, 又香甜, 幾特別叉燒鬆化又唔會太肥, 甜味o岩o岩好,!!食下野, 傾下計, 飲下茶, 話咁快又夠鐘睇戲埋單每人都唔使2百蚊, 比想像中平好多!!!!!!!

有一段時間沒有去太古城嗰邊, 今日約咗朋友 想去飲茶食午飯, 經過康怡廣場發現一間玉桃軒酒家就入去試一試。 因為大約十二點鐘不是太多人，都不用等候✌但到十二點半後已經開始滿坐了。這的點心和午市套餐都好多選擇，最後我們選擇咗$158二人套餐，因為覺得好豐富同價錢合理。下單一會食物就好快奉上， 我自己就較欣賞他們的蜜汁叉燒(肥瘦適中)和叉燒酥，可能這裡的叉燒都吾錯。還有瑤柱蛋白炒飯，瑤柱和蛋白都好足料因為套餐沒有包甜品，意猶未盡再order埋佢哋嘅傳統懷舊芝麻卷 好滿足 （但忘記拍照㖭。）

太古要約人傾嘢又唔太嘈， 原來玉桃軒係幾好，一面窗向英皇道，夠光猛。 有好多４人枱， 兩個人坐也接受。兩個人飲茶最麻煩就是叫炒飯麵好，定係叫點心， 好彩望到佢有個午市二人商務套餐$158，省時選擇。有春卷， 脆炸好滋味。叉燒蜜味香口。蝦餃唔好以為畀人食咗粒，其實係只有兩粒。又有湯是日係海鮮羹，足料。炒粉麵可以四揀—， 揀了野菌魚崧炆米， 分量比正常嘅碟炒少。仲有埋上湯浸菜， 清淡夠健康。埋單連茶位加一都係200蚊，6樣餸， 有飲茶之味又飽肚， 最緊要係任座唔會趕你走。 果然係約人好選擇！

在康怡想揾個坐得舒服又清靜的地方食中菜，自然諗起玉桃軒。玉桃軒晚飯有好多選擇，之前試過激抵晚膳三寶，今晚就同家人試下店家的海鮮。波士頓龍蝦都只是$138，見到龍蝦價位相當抵食，當然要叫一份上湯焗龍蝦。龍蝦蝦肉爽口鮮甜，上湯味道濃郁，連蝦殼都變得惹味。樓上樓糯米蒸走地雞($128)是一個很補身的菜式，有金針，紅棗和用酒餣過的雞。糯米吸收了荷香和雞肉的精華，記住唔好錯過！薑蔥焗日本珍珠蠔煲($128)又是一款香口的菜式，珍珠蠔外脆內軟，最後連蔥都清曬！玉桃軒確是滿足味蕾的好選擇！

每次去AE0N行街也經過，康怡廣場內的玉桃軒酒家，經常也出街吃飯，見到新開沒有多久的酒家，也得試試新的，地方很大，光猛闊落，每人要收＄13茶錢，上湯大花蝦伴伊麵$168，四隻很大的蝦，味道鮮甜，伊面比較碎，味道也不錯豉油王海蝦粉絲煲$108，蝦比較細，但非常入味，豉油味甘香野味粉絲鮮味非常，中蝦比大蝦伊麵更好味菠蘿咕嚕肉$98，咕嚕肉皮脆肉汁多，甜酸適中，連配菜也很好吃這裡也有很多套餐，也很底吃，如果多些人也可嘗試多些，和很多選擇

一入大門嘅時候，竟然冇人係前檯度招呼客人！仲要入去叫先出黎！馬拉糕有水準嘅，但一開始以為佢係一大個圓形咁上😵都算係過到口癮嘅！大蝦伊面，望落個樣唔錯！但一起筷先發現......啲伊麵碎濕濕咁！仲可以用匙羹食！同個經理反映完，佢竟然聽完講兩句當冇事視而不見嘅態度真係好差！雖然其實依面嘅味道唔差，但係真係煮得太耐！最後值得一讚嘅係落單嘅員工好風趣好盡責！佢聽到我話個馬拉糕宜家就可以上，就話幫我同廚房講個妹妹好肚餓要即刻上！唔錯

放假出街吃飯，在AEON附近發現開了間新酒家，玉桃軒，看見門口有片皮鴨吃就入內。門外光猛，地方寬尚濶大星期一至五有優惠重點推介：四揀一，我選擇了老京城片平鴨，一食只是$178，片皮鴨算大隻，皮脆肉厚，包鴨的包皮，煙韌彈牙，包起京蔥、青瓜和甜醬十份野味，美味非常只得兩人吃，吃完片皮鴨已七成飽了，再叫了一個荔芋南瓜排骨煲$98，南瓜香甜，芋頭夠粉又甘香，排骨嫩滑可口，但卻少了點古法馬拉糕$18，吃落很香黑糖味，甘香味美，鬆軟有咬口他們還有很多甜品選擇，不過今晚太飽了，下次再來選擇其他的

首先，坐底摸換杯碟，係油既而且痴左幾粒飯。叫左六樣點心，點解最後得四樣埋單呢？叫蘿蔔糕就黎左春卷，叫蝦餃就黎左菜肉餃，叉燒包落一籠變兩籠…都算啦，落左炸饅頭等左好耐，先同我地講收爐唔做，最慘係排骨黎到居然有一舊係全生既，我地同佢講完，佢只係話拎去翻蒸，嚇到直頭唔要，所以到最後只係食到4樣野。P.s. 春卷我地係食既，所以冇換到，幫佢要左。至於點心，真係好一般，最恐怖係叫排骨點知係個底度見到果舊生肉，後悔冇影底。鼎湖上素腸粉，皮唔滑亦冇乜餸，仲以為食緊白腸粉。未試過飲茶要花咁多氣問單同追單，亦未見過排骨可以生到成舊粉紅色都拎出黎…舊粉紅色生排骨嚇親家母，唔會再黎

老豆生日，老人家鐘意食中菜，一早book 定枱帶佢黎太古呢間酒樓食晚飯我地今晚叫左個龍蝦海鮮餐 ($698～4位用)脆皮蒜花雞(半隻)炸得好脆，肉質都幾嫰滑，個汁甜甜地，同個雞幾夾帶子龍皇羹個羹入面好多料有蝦、帶子、豆腐等，唔會太咸上湯波士頓龍蝦拌伊麵成個餐最期待呢道菜都有好多龍蝦喎！啖啖肉伊麵底索晒龍蝦湯，勁正！清蒸海石斑蒸得剛剛好，肉質十分嫰滑完全沒有腥味新鮮上湯浸莧菜呢個菜係另外加的，皆因我勁鐘意食菜清清地，幾好紅豆沙美中不足係餐廳當晚話佢地的生果雪壞左，所以跟餐的生果盆轉左紅豆沙俾我地唔係唔好食(其實都煲得好好，起晒沙)只係我地已經食到好飽如果食生果會更好總括黎講服務、環境、食物質素都不錯，下次家庭聚會可以考慮再黎

夜晚收工去左太古睇戲,食完野先去睇,又想食片皮鴨所以就去左玉桃軒食。可能太早去食,仲有好多位,但到我地食飽走果陣都差唔多坐滿晒人。片皮鴨只得成隻叫,我地又只系得3個人食唔晒,最後叫左4樣菜, 瑤柱蛋白炒飯,鎮江醋排骨,紅燒BB鴿,三色蛋泡時菜。野食都唔錯,上得又快,全部都新鮮滾熱辣,香噴噴。系紅燒BB鴿太細隻,無咩肉,不過燒得好香同個皮都脆。個鎮江醋排骨好正,酸酸甜甜,又多肉,啖啖肉,D汁撈飯一流。炒飯份量好大,一人食三碗都得,炒得好香同幾乾身,真系有好多瑤柱無呃人。

約左朋友去行太古城，就諗住去康怡醫肚，而我呢個朋友好奇怪，佢好鐘意食中菜😂😂😂，咁我就去玉桃軒攞定位等佢，7:30去到已經好多人，但佢地酒家好大間，都唔駛等位。夜晚餐牌個選擇都算係幾多，所以第一次去嘅我覺得有啲難選擇。我地兩個都係女漢子，都鍾意食燒味，所以我哋叫咗一個燒味雙拼（$138），好似話佢啲叉燒係幾好食嘅，另外仲叫咗竹笙鼎湖上素（$88）、砵酒焗日本珍珠蠔煲（$128），朋友想食多個麵我哋就叫多一碗擔擔麵（$43）。最快到嘅竟然唔係燒味而係擔擔麵！雖然細細碗但都惹味十足，兩個女仔唔食飯，叫碗麵都不失為一個好Idea，隨之而上就係叉燒拼燒肉啦，燒肉好脆口，叉燒半肥瘦味道剛剛好。再嚟就係竹笙鼎湖上素，每一餐都應該要飲食均衡，咁梗係叫啲菜食下啦，朋友食完話佢整得好似齋舖咁樣😂😂😂，我覺得清清地都唔錯。最後砵洒焗日本珍珠蠔煲終於到啦，香噴噴而且蠔既數量亦都唔少，珍珠蠔非常鮮味配上酒味更加夾！👍🏻