玉桃軒酒家 (康怡廣場) (已結業)

千里迢迢走出大埔e個框框•入到太古探姨姨•煩惱緊食乜•見佢裝修靚靚地•就揀咗「玉桃軒」飲啖茶食個包•點心款式都幾齊全•價錢都合理•蝦餃皇—皮薄薄的•蝦大大粒好爽囗•必點之選•豆沙煎軟餅—軟餅圓圓脹脹的•入面係紅豆蓉•相當滑溜•軟餅煙煙un un •表面仲有幾粒芝麻•軟餅味道再昇華•白灼溫室豆苗—豆苗份量形成一個小山丘•價錢成正比••時間掌握好好•豆苖又爽又甜•有驚喜•唐芹海皇炆鴛鴦米—鴛鴦米炒得幾出色•夠乾身唔會淋淋淋•蝦肉爽甜•不能錯過之選擇•

有個朋友從澳洲黎香港探我和家人，當然要盡地主之而，和他們食個晚飯。星期五晚，周圍都很爆滿和有限用餐時間；所以我們預早去坐位置，最後便選了玉桃軒！看看菜單，我們點了～片皮鴨兩食（優惠價：$178）～晚膳三寶（$298）首先來的是片皮鴨包鴨的皮熱辣辣，皮又薄，味道相當好；兩食，有生菜包鴨鬆👍🏻😋鴨鬆美味，配上生菜無咁溜晚膳三寶：菠羅咕嚕肉-肉和配菜份量相而，咕嚕肉做得唔會好多粉，口感不錯一品蒜香雞 半隻香嫩細滑，唔會煮過了時間清蒸海石斑蒸的時候剛剛好，肉質鮮美，很嫩魚類剛好離骨，沒有腥味最後，單點了菜芯炒牛肉菜芯都很新鮮，牛肉唔會很難咀嚼，都很嫩滑，味道相當好整體來說，比我想像中好，有排隊的菜色不如理想，所以之後都無要光顧；現在食物水準有所提升！有機會會再光顧。

哈哈哈，今晚去咗太古康怡廣場「玉桃軒」食飯，感覺食品質素非常高，而且價錢相當優惠。而地點亦十分方便，就位於北座1樓，扶手電梯轉右直入到尾。餐廳環境高尚，枱與枱之間有足夠空間，待應招呼幾好。今晚是為慶祝外父的生日飯，我們一行四人，叫了一個四位的龍蝦海鮮餐，$698金皮蒜花雞，配蒜香甜豉油，雞肉嫩滑，雞皮炸得脆卜卜，正。帶子龍皇羹，內有帶子、蝦肉、豆腐，味道清清地，不會太咸，好啱老人家食，。西芹花姿帶子，有四粒大帶子，花姿片炒得剛剛好，爽口彈牙，好味。上湯波士頓龍蝦配伊麵，龍蝦份量足，都幾大隻，過龍蝦鉗幾大隻，煮得剛好，肉彈牙，而上湯味道濃，配伊麵啱晒。清蒸海石斑，大約兩隻手掌大，細條海斑肉很古嫩滑，。老婆想食多D菜，叫多咗碟蒜子浸莧菜。平均每人$230，食物質素高，價錢合理，會再來。

今天到太古見客，放工便約家人在太古吃晚飯，家人比較好中菜，所以便選擇了位於康怡廣場分店的玉桃軒，餐廳裝潢簡約高雅，面積都十分大。我們坐在較入的位置，因為平日的關係吧人不多，十分安靜舒適。《沙參雪耳椰子煲走地雞湯 $128》湯料足料十分豐富，沙參雪耳椰子煲走地雞湯的功效潤肺止咳、養胃生津，老火湯味道濃郁，喝完十分舒服滋潤。||激抵晚膳三寶||星期一至五優惠價 $298 (星期六、日及假日每份$368)《一品蒜香雞半隻》首先上場的蒜香雞顏色很漂亮，大概是半隻，部位和份量拿捏得很好，件件連骨帶肉。外皮薄脆，不帶油膩，配上帶甜的醬油，別有一番風味。《清蒸海石斑一條》清蒸石斑夠大條，足夠4人份量，蒸的時間恰到好處剛好離骨，魚肉白嫩肥美十分新鮮，配上大蔥豉油提味，不會過鹹。《南乳上素齋煲》有南乳煲當然要試試，但較失望的是南乳味不夠濃而且汁好希，齋菜種類豐富，但不夠入味，個人覺得如果南乳醬汁味濃些、汁再濃稠些會更好。媽媽另外散點《砵酒焗日本珍珠蠔煲 $128》珍珠蠔隻隻都肥美漲卜卜又大隻而且份量足，蠔味香濃，調味剛好，十分野味，有驚喜。《海帶綠豆沙 $12》好起沙，甜度適中，綠豆豐富。《紫米鮮椰露

今晚到太古探親，不太熟太古的我都幾難找餐廳，親人提議到康怡廣場的玉桃軒，於是便去一試，餐廳位於地鐵站出口一上電梯便是，非常就腳，餐廳裝潢簡約雅緻，地方大，坐得十分舒適，店員服務殷勤有禮。*茗茶 $13/位*沙參雪耳椰子煲走地雞湯 $128湯料放得十分工整，當中的雪耳很腍軟，老火燙功效潤肺止咳、養胃生津，份量足每人两碗，味道濃郁，十分滋潤。激抵晚膳三寶星期一至五優惠價 $298 (星期六、日及假日每份$368)推介的晚飯三寶，性價比高，非常抵食，有半隻雞、一條斑和一個餸。一品蒜香雞半隻蒜香雞金黃皮薄脆，肉質嫩滑不算油膩，配上自家製甜醬油，風味十足。清蒸海石斑一條清蒸石斑足夠4人份，火喉時間正好，魚肉嫩滑肥美，食出鮮甜，配上大蔥豉油提味，真不錯。南乳上素齋煲齋菜種類豐富，但較為失望的是南乳味不夠濃而且汁好水，而且不夠入味。另外散叫了砵酒焗日本珍珠蠔煲 $128有驚喜的是珍珠蠔每隻都又肥美又大隻而且份量足，蠔味香濃野味。海帶綠豆沙 $12綠豆夠多又起沙，非常足料，甜度適中。

今日來康怡廣場睇戲兼食飯，朋友話想食好啲，於是就揀咗玉桃軒。店員安排我哋坐近門口嘅位置，雖然冇咩景觀可言，但好彩都唔多人流經過，可以靜靜地聊天。鯪魚崧炒芥蘭 $88小菜夠鑊氣，調味也很好，芥蘭條條爽口，靚魚鬆又夠惹味，不錯！魚香帶子豆腐煲 $88豆腐煲送飯食一流，熱辣辣的上桌，香氣四溢，豆腐又嫩又滑， 滋味無窮！生炒骨分量充足，火候恰到好處，炒得乾身，也值得推薦。最後點了一碗暖粒笠笠的甜品，為呢餐完美作結！

最近姨媽落咗黎香港我就盡地主之誼帶佢去食我哋最鍾意食嘅酒樓我哋先叫咗個酸甜排骨呢個係我嘅至愛，炸香咗啲排骨之後再用酸酸甜甜嘅醬汁包住，非常開胃而且識落非常鬆脆， 有肉感及口感係度嘅馬拉糕都係必食，馬拉糕即叫即蒸放到入口非常鬆軟，最重要佢唔係太甜！鹹魚雞粒炒飯，炒到飯粒粒粒分明，勁香鹹香味，雞肉非常嫩滑，而且份量都唔細我細佬就最鍾意食個炸雲吞，炸到非常香口，咬開雲吞皮都散到一枱都係，完全證明到雲吞皮係幾咁脆

由於有屋企人今個星期生日，所以選擇外出食飯慶祝。因住呢區，之前飲茶都覺得呢間酒樓OK，所以預訂左晚飯。去到入口，正常問門口知客姐姐幾多号枱啦！佢淨係答我：有人到左，喺前面，你自己望下啦！但當時門口係一個客都無，佢亦無接聽緊電話，但佢唔帶位都算就連枱号都唔比我，服務態度真係好到不得了！值0分 佢隔離仲要企左個黑衫經理，又係扮傻唔會幫手帶位，2個簡直絕配。入到去，啲枱密密麻麻地，大排檔甘，啲位迫到貼住隔離枱啲客，心知上左賊船。既然訂左位拎左枱，都走唔甩啦！算 。。 叫左個6人餐同加左2味餸，上菜速度奇慢，上左2碟，食晒再過左15分鐘都唔見其他餸。終於等到再上2碟餸，之後奇景就出現啦！竟然有個清潔工人推住2個 “成年人甘高嘅有蓋垃圾車”，由門口無遮無掩甘，喺好窄嘅行人道上行足大半間酒樓。架垃圾車係平時屋苑收晒所有垃圾嗰款SIZE甘大，呢間酒樓咩事呀？ 星期六晚上8點幾，晚市高峰期，仲有成8成人喺酒樓食緊飯，你當住甘多客人面前推垃圾車，究竟有冇衞生常識呀？酒樓職員完全無阻止，其他食客都睇到呆左。見完甘嘅景象都無晒胃口啦！簡直離晒大譜。絕對係趕客嘅行為啦！就算呢間野味道OK，我都唔會再幫襯。客

好多人都喜歡去酒樓飲茶食飯，其中一個原因真係莫過於可以慢慢坐，飲啖茶，食個包呢間酒樓都有幾間分店，佢嘅品質都唔錯呢間係康怡既分店就有大量街坊幫襯支持，到午飯時間都有好多係附近返工既打工仔黎食添架，一齊睇下佢d高質點心啦呢間酒樓仲用緊茶葉茶架，並非茶包，所以茶特別香$19 (午市特價) : 家鄉煎釀茄子做得非常香口，唔會太多油，兩個人食，每人兩件，岩岩好右上 $28 : 鳳梨叉燒酥咬落去外層極鬆軟，帶有糖漿既外層甜甜地，加埋入面既鳳梨肉，同叉燒粒及醬，形成強烈既對比成件既口感都好好，唔會覺得好肥膩左下 $19 (午市特價) : 生煎菜肉包比起只係蒸菜肉包既呢個做法更香口，入面餡料既分量都唔少，禁既價錢有3件，絕對抵食$28 鮮茄蝦春卷呢個係酒樓其中一個推介嘅點心之一，用鮮茄做春卷入面既醬汁，的確係比較少見夠晒特別得來，原來味道都唔錯，因為其實番茄嘅味道唔會太濃，唔會搶走左鮮蝦嘅味道，所以就算點買喼汁，成件事都唔會太重口味$28 : 鮮蝦韮菜餃唔知點解，成日都覺得佢係蝦餃既代替品有時唔想下下食蝦餃禁貴，食呢個都幾正架佢呢度都做得好好，外皮唔會太厚，咬到入去，啖啖蝦肉同韮菜，食得出鮮味$1

飲茶一直是我至愛，星期六日總是要留一天與家人飲啖茶、食個包。嘆茶經驗無數，今日經過太古，一時興起就同同事去飲茶。於是去左康怡廣場最方便的玉桃軒，兩個人去嘆茶，叫左8個點心。由於第一次去，於是叫左好多廚師推介，果然有驚喜！最快上菜是鮮茄蝦春卷，平時食慣蝦春卷，總覺得蕃茄加入去好奇怪，估唔到出奇地夾。沙翁本來想當甜品，但竟然好快上菜，雖然特價點心，但絕不失色，熱辣辣，而且做到外脆內軟，糖度合適，不會太甜，必試！必食推义燒飯，我見旁邊枱枱都有叫叉燒飯，於是當然即刻叫，义燒不太甜，而且外皮有少少燒焦，脆脆的，肉質鮮美，是半肥瘦的义燒，難怪每枱都會點一個。另一個招牌瑞士雞翼，雞翼超入味，一咬充滿瑞士汁，而且有一種濃濃的香味，絕對吸引！難怪好食到要清碟！蝦餃王，蝦餃係我至愛，次次飲茶必點，呢個皮薄餡靚，蝦夠新鮮，皮又唔太厚。廚師推介的魚茸燒賣，呢個燒賣幾特別，其他地方比較少有，而且食得出魚肉應該有打過，因為肉質彈牙，而且淡淡魚香味，用心之選。隨後有上湯鮮竹卷同埋海皇腸粉，上湯鮮竹卷最重要係湯要夠多，就會浸到鮮竹卷更入味，湯清清的，有雞香味，入面有蔬菜紅蘿蔔等等，健康得來，又令整餐食落無咁heavy

昨晚約了位朋友吃飯，7點剛過，四處都是輪隊的人。茶樓的晚市向來沒那麼受歡迎，但對只想找個地方坐下來說說話的人而言其實是個很不錯的選擇。在康怡廣場走了一圈，最後選了玉桃軒，環境敞亮干淨，在M層盡頭的角落自有一番清靜。兩個人吃飯上茶樓不容易點菜，玉桃軒的二人餐恰恰解決了這個問題，$298的三餸有雞有魚根本再選個菜，這個價錢算很優惠，省卻了思考的時間，而且它的自選菜式選擇很多，不怕揀不到合適的。上菜很快，而且夠熱，這很重要，菜式看上去新鮮會增加食欲，不是每間酒樓都能做到這一點。首先上場的蒜香雞顏色很漂亮，大概是半隻，部位和份量拿捏得很好，件件連骨帶肉。外皮薄脆，不帶油膩，配上帶甜的醬油，別有一番風味。我們自選了魚香茄子煲，上菜的時候還是滾熱，煲蓋子打開，一陣香味散開。肉沫很細，份量卻很足，茄子軟糯香滑，味道濃郁，混白飯一流。最後被清蒸石斑的份量嚇一跳，屬於魚比碟子大的類型。而且出爐的時間恰到好處，劃開魚身時還冒著熱氣，魚肉白嫩，骨少，腩肉肥美，醬油點鮮，不會太鹹，配上大蔥，上流。套餐不跟飯，有其好處，飯量就可以自由選擇，加了一碗，連服務費結算$371，以質量和數量論都算得上實惠，我瞥到鄰桌一

正所謂「年紀大，機器壞」，此言非虛！由醫院回家，雖然整個人還是有點混混噩噩，但由於醫生說手術非常成功，所以心情已大為放鬆。老公說要陪我去酒樓享受「一盅兩件」，也好，反正已很久沒兩支公去嘆茶。講到吃點心，我還是首選住處附近，位於康怡廣場北座的「玉桃軒」。雖然沒來一排，但店內裝潢跟之前亦分別不大，仍舊光猛闊落；近門口的玻璃酒櫃，前面擺放了多塊大餐牌，而沿路的餐桌亦坐了不少食客，幸好入面嘅用餐大堂還有不少座位，兩口子可以舒舒服服地吃頓午餐，感覺亦蠻不錯。先細看點心價目表，小點：$18、中點：$24、大點：$28、特點：$31，茗茶每位：$13。點心分為四大類，分別為：蒸蒸日上、紅紅火火、長長久久、甜甜蜜蜜，另外亦有精選小食、鑊氣小炒、特式鍋粑、粥粉麵飯。當然也有一些比較經濟嘅午市優惠和多款可供兩位至五位享用嘅套餐，選擇不少，豐儉由人。知道這酒樓的燒味，向來水準不俗，就一於叫碟叉燒和一碗燒肉飯，再加幾個點心，齊齊分享。老公至愛嘅鯪魚肉煎釀青椒 ($19)  率先送上，由於怕青椒嘅辣味好重，所以先於邊位輕輕咬下，原來一點也不辣，反而質感幾爽脆、帶椒香；而釀入的鯪魚肉亦非常厚身，經煎香後，入口鬆化

The dimsum here is quite traditional in that it contains lots of pork lard and pork fat.Therefore you have to select carefully if you don't eat that.As usual I had the prawn dumplings which were flawless and the dumpling skin was taut.The texture was springy with meaty prawns inside.The abalone noodles were on promotion so I ordered them, however the staff were not clear as to which noodles were served because they seemed to say it was the thick ones and it turned out to be the wonton noodles.It

始終離不開玉桃軒的掌 沒隔多日還是要回來這趟特別跟家人前往 因也想帶他們到被我常讚的酒家品嚐一下！片皮鴨是必點的 烤鴨端出後便會有專人切片 個人覺得這家的菜式擺設比銅鑼灣分店做得更精美 看那盤鴨肉擺得像花一樣盛放便知道了🌸 頓時令食慾大增！聽北京朋友說正宗片皮鴨首要肉薄（最好只淨皮）不得不讚玉桃軒果真出品正宗片皮鴨！除了帶薄肉的皮外 亦有'齋皮'提供💁🏻兩種口感不一樣 加上配料及餅皮外 前者口感外脆內腍 後者比較乾因一鴨兩食 另一款選了豉汁涼瓜炒鴨肉！個人是豉汁涼瓜愛好者 豉汁可謂百搭醬汁 配什麼食材都okay! 此處涼瓜的甘味不會混到鴨肉裡 反而肉的鮮香被帶到涼瓜中 令涼瓜的口感豐富而且飽滿 經典炒飯之一：蛋白瑤柱炒飯簡單的菜式往往最難搞！但這款炒飯飯粒分明 炒得乾身不帶油膩感 鹹味恰到好處 除瑤柱碎外 表面亦有經過炸的瑤柱碎 令口感更豐富 實在找不到其他可批評的地方 值得推介

太古呢個住宅區真係特別多餐廳，難得可以同細佬兩個撐枱腳，佢又想食中菜，就揀了呢間。星期二晚比較少人，環境還好，比一般酒樓安靜，而且幾乾淨，不錯不錯。和細佬掙扎了一會，最後決定放棄$299抵食套餐，選擇了片皮鴨再加$68二食，生菜包鴨崧。等了10分鐘原隻燒鴨便預備好，店員更即場幫我們切片，配上甜醬和䓤好夾！皮烤得剛剛好，小小皮下脂肪好香口，我和細佬分別吃了八、九舊，停不了口！生菜包鴨崧都不錯，用了西芹、馬蹄、蒜和冬菇一起炒，有西芹和馬蹄所以很爽口，用生菜包着吃幾惹味！我高估了我們的食慾，還點了賽螃蟹炆伊麵，喜歡半熟蛋白配上蟹肉和魚肉十分軟熟，伴入伊麵一起吃，口感一流。本身片皮鴨和鴨餸比較香口和鹹，所以伊麵清淡一點剛剛好平衡味蕾！喜歡晚餐不太擠迫嘈吵的酒家，而且價錢公道，食物的水準以上，會再來幫襯。