玉桃軒酒家 (康怡廣場) (已結業)

是日今日早收工，就去左屋企附近行一陣，先發覺原來屋企附近有咁多野行，行到咁上下，就同女朋友去找東西吃，最近想食啲本地菜，就想起之前有間係太古個邊食小菜唔錯既酒樓，就walk-in 去下，點知好好彩有位。見到餐牌上有個套餐$318有魚有小菜仲有半隻雞，就決定點呢個再加個炒菜，小菜方面點左我最愛既，波羅咕嚕肉，魚就係清蒸石班，兩者都好鐘意。先黎個半隻雞，好香，好夠味道，而且肉好平均，之前到條魚，時間上剛剛好，魚肉好滑，咕嚕肉就家常小菜，好正常，最後個炒菜都好出色，配白飯一流！下次可以帶一家人去再食

復活節長假期後是我老爸八十歲生日，左睇右選餐廳，又要就佢方便，食完近近地可以行番屋企，所以選環境舒適，而又可以坐得耐少少旣中菜廳，本來想去東海，想比個好意頭佢老人家，點知佢裝修，最後撣耒撣去便選了太古玉桃軒。平日晚飯三寶$318（抵)，但呀媽話條魚腥，龍蝦伊麵幾好，我爸撣左上湯焗（我建議芝士焗），老火例湯也足料，但冇甜品送有些爭D既感覺，所以我另外加叫。整體來說，服務員態度最好，環境舒服，價錢也合理，所以我比「~80~分」。其實半間酒樓既客也有叫片皮鴨，相信好食兼好抵！呢間野其實飲茶丶晚飯也極推薦！

呢間玉桃軒，晏晝飲茶就好多人，但平日晚上唔算多人，今晚ot收夜左就黎食返餐好既，對自己好d先叫左隻片皮鴨，隻鴨都好大隻，表面油份足夠，好令身，店員仲係我地面前片皮添每塊大細都差唔多，仲排得好靚添甜醬、青瓜一應俱全雜菜煲熱辣辣，裏面有西蘭花、小白菜、菜心、魷魚、菇、瑤柱、蝦米、粉絲，湯底夠哂惹味蠔用薑蔥炒，除左可以整走蠔既腥味，仲令成道菜更香呢碟出面少d食到，因為加左脆米，成碟都係冇骨，岩哂唔鍾意輪骨既你個炒飯都好香，仲有好多瑤柱絲鋪面

話說我哥哥一家增加左一位小成員後，我都好少出去探佢地，所以就趁完左新年假無耐就出去探下佢地順便拜個年。有小朋友要照顧咁首要條件當然係要地方夠大同埋坐得舒服啦，於是酒樓就成為左不二之選。 難得出得黎，當然想食好DD ，所以就簡左食片皮鴨。等左一陣就有侍應現場片比我地睇，見佢手勢熟練，明顯經過長時間練習，唔駛一陣就將隻鴨片好晒。片皮鴨嘅皮燒得又香又脆，而且侍應先生片出黎嘅唔只淨係得皮，仲有少少肉連住，所以鴨味好濃，總括黎講值得一試!!淨係食片皮鴨又點夠飽呢，所以我地仲叫左個瑤柱蛋白炒飯，瑤柱粉絲雜菜煲，薑蒽焗日本珍珠蠔煲，脆米黑豚咕嚕肉。瑤柱蛋白炒飯、薑蒽焗日本珍珠蠔煲同瑤柱粉絲雜菜煲都幾好食，但脆米黑豚咕嚕肉對我黎講就稍為酸左少少，如果可以再調節一下就好啦。(日本珍珠蠔其實一D 都唔珍珠架!!)

太古城午餐有什麼好食？ 玉桃軒是一個好選擇，在康山那邊，中午比較多人，十二時半已經有些人要等位了。但仍不是像太古城那麼人頭湧湧。可以叫點心又可以叫小菜。有片皮鴨，和小炒等。坐位也舒服。鮮蝦菜苗餃我最喜歡吃，蝦肉爽，豆苗好食。皮也比較其他酒樓的薄。 牛肉腸粉很好食，一點也不油，沒有太多肥肉，鼓油好味。還有菜和牛肉炒麵。牛肉不太多，只是牛肉碎而矣，但比較乾身，味道是幾好的，只是牛肉較少。他們的招呼都很細心。中午晚飯也不錯的。

豉味香菌炒班球Pan Fried Sliced Garoupa with Mushroom Lusciously inviting mushroom and chicken! Something filling! 意式焗釀鮮响螺Baked Whole Whelk with Minced OnionI got to say this was the standout of the night! The two baked whole whelk was so delectable that we all gratified with satisfaction when we cleared it off! Impressive! 瑤柱蛋白炒飯Fried Rice Scallop and Conpoy with Egg WhiteSomething filling and authentic! 合時鮮時果Seasoned Fruit

Preserved Pork in Casserole 鎮江香醋排骨煲 $98Authentic dish that never disappoints! The preserved pork was so lusciously inviting! We all enjoyed it! The texture was on spot and so was the inviting sauce! 原隻鮑魚鮑翅套餐每位 $288原盅菜膽燉鮑翅Double Boiled Superior Shark's Fin with ChickenThis soup was aromatically luscious! Very soothing flavors! 蠔皇五頭鮑伴鵝掌Braised Abalone (5 Head) with Goose WebsIf you are a fan of goose, this dish did not disappoint at all!! It was braised just right! The portion was fit too!

今日在北角附近放工，約咗朋友過黎太古行下街同食晚飯，朋友就介紹呢間位於太古康怡廣場的玉桃軒酒家，夜晚有套餐都好抵食，就黎試下。晚市的激抵三寶$298就有三樣餸，有雞有魚有菜，好抵食一品蒜香雞，半隻，雞的外皮炸得十分香脆， 唔油膩，帶有陣陣蒜香味，肉質都嫩滑，啖啖肉清蒸海石斑，魚好大條，肥美，肉質新鮮嫩滑，用上少量香蔥煮已經好夠鮮味，淋上香濃的豉油，味道更突出粉絲雜菜煲，有小唐菜，菜心，白菜仔，瑤柱絲等，新鮮爽口，湯底清甜。

今天在太古見客，放工便在太古吃晚飯，西餐吃多了想吃中菜，所以便選擇了位於康怡廣場分店的玉桃軒，餐廳裝潢簡約高雅，面積都十分大，坐得十分舒適。《猴頭菇粟米甘筍煲豬踭湯 $128》湯料足料十分豐富，沙參雪耳椰子煲走地雞湯的功效潤肺止咳、養胃生津，老火湯味道濃郁，喝完十分舒服滋潤。*激抵晚膳三寶*星期一至五優惠價 $298 (星期六、日及假日每份$368)《一品蒜香雞半隻》首先上場的半隻蒜香雞顏色很漂亮，部位和份量拿捏得很好，件件連骨帶肉。外皮薄脆，不帶油膩，配上帶甜的醬油，別有一番風味。《清蒸海石斑一條》清蒸石斑夠大條，足夠4人份量，蒸的時間恰到好處剛好離骨，魚肉白嫩肥美十分新鮮，配上大蔥豉油提味，不會過鹹。《鯪魚鬆炒芥蘭》芥蘭新鮮爽脆，炒得油亮，鯪魚肉大片，味道不錯。《茗茶 $13/位》玉桃軒性價比甚高，食酒樓中菜首選。

今日到太古探望親人，少來太古的我，都不知到哪裏食晚餐，好在親人提議到康怡廣場的玉桃軒，我有食過銅鑼灣分店的，都很不錯的，酒樓位於地鐵站出口，一上電梯便是，非常就腳，酒樓地方寬大，一點都不擠迫，店員服務殷勤有禮，這裡茗茶 $13/位。猴頭菇粟米甘筍煲豬踭湯 $128來到酒樓當然要叫煲老火湯，湯料分開上的，足料豐富，肉好腍滑，粟米紅蘿蔔清甜，老火湯夠清甜，飲完都不會渴，十分舒服滋潤，每人都夠两碗的份量。荔芋南瓜排骨煲 $98上台時還是滾燙的，芋頭和南瓜都十分粉腍，排骨滑溜，整個汁夠香濃。大花菰婆參煲 $148冬菇海參好腍好入味，醬汁調味和濃稠度都正好，菜吸滿醬汁。

諗唔到食咩，即慶決定去飲下午茶兩口子，見到樣樣都吸引，一叫就叫左咁多 😅鮮竹牛肉球 ($28) : 林得黎，唔係用粉嗰種南翔鮮肉小籠包 ($28) : 一般一般，都係去上海菜地方食會好啲瑤柱蛋黃珍珠雞 ($28) : 都唔錯！飯唔會硬，粘得黎唔會爛，不過無乜蛋黃燒汁金粟花姿 ($24) : 唔會太油，好香口 最驚喜係有千層糕！！！懷舊千層糕 ($28) : 蛋黃多，食到咸蛋黃粒，好好食蒜香脆皮蝦餃 ($31) : 第一次見！皮炸得香脆唔油，入面嘅蝦都新鮮 黑椒金錢土 ($24) : 好林好入味 薑蔥牛栢葉 ($28) : 同金錢土一樣好林好好食成餐最開心係有千層糕千層糕唔係度度都有，更何況係好食！中意千層糕嘅朋友，真係要試下！

這晚與舅父兩人去酒樓吃晚飯，乘電車來到就近的康怡廣埸。玉桃軒酒家燈光充足，讓人感到很精神很多老友記都要「電視汁」送飯而這裡的掛牆電視機隔很短距離就有一部，很方便追劇呢！平日的晚膳三寶Set真是激抵！298$就包括了蒜香雞半隻和清蒸海石斑一條，還可選一個小菜，足夠3-4人吃呢，非常抵食。還有不同的套餐和例牌小菜。其實小妹很喜歡喝湯，不過比較少機會能喝到滋補中湯。這盅燉湯很足料呢！有些人參在內，淮山燉得軟軟的，很合我口味，還有足料雞肉天氣凍，這盅熱熱的湯能帶來溫暖。舅父很愛吃的燒鵝啖啖肉帶出了蒜香我的飯後甜品滿足的晚餐

好耐無見的馮Sir話要請食飯，仲要大老遠出黎鰂魚涌搵我，咁榮幸得到”老闆”竉幸，我地呢d做細既梗係捨命陪君子啦！阿sir鐘意飲茶,鰂魚涌附近有得訂位又坐得舒服的玉桃軒就啱晒阿Sir啦！座位真係好闊落既！當我劃左甜心奶皇包，薑蔥牛柏葉，椒鹽雞軟骨，鮮蝦菜苗餃既時候，阿sir竟然話聽聞呢度片皮鴨好食，要嗌番隻！😱話咁快點心就黎了！ 熱辣辣的即蒸點心，啱晒呢幾日咁凍的天氣！雞軟骨新鮮炸好，惹味又脆卜卜！可惜陣間仲要番工，如果唔係配杯啤酒就一流了！馮Sir鐘意食牛栢葉，我特登劃俾佢食，其實我麻麻地，叫到要一齊食，呢間的牛栢葉都唔錯喎！好爽口又多汁，水準唔錯！甜心奶黃包係我既至愛，一定要撕開一半黎食，見到佢流心的感覺特別滿足！菜苗餃皮簿又餡靚，有大大隻蝦係裏面！壓軸登場的片皮鴨出場了！睇住侍應即場片隻肥嘟嘟的鴨我同馮Sir 都已經流晒口水！ 片完仲擺得靚靚咁上碟！馮Sir 已經急不及待咁包黎食！仲大讚好好味！ 咁又係，咬落去脆卜卜的鴨皮仲伴隨著少少鴨油的香味，好食得黎又唔會太油膩，食見多幾塊都仲得！馮Sir 見咁好味，就問侍應一隻片皮鴨幾錢，原來都係$268蚊，要埋個鴨殻就加$68（馮sir話可

星期六想同屋企人去飲早茶，去得多大型連鎖茶樓，通常冇乜驚喜，有時仲要受氣，今日就揀間睇落有番d質素既茶樓，玉桃軒。環境：呢度d枱都拍得幾埋，但座唔算迫，講野要大聲少少，都係茶樓既特色黎既，裝潢普普通通，一間得體既茶樓咁啦。服務：侍應服務態度一般般，上菜埋單都冇咩眼神交流，埋單個陣本來想問可唔可以用信用卡積分俾錢，但呀姐灑晒手擰晒頭，話唔識唔好問佢⋯⋯衛生：地方比一般街邊茶樓乾淨，始終係商場入面，地方真係乾淨d。味道：呢度都幾多平時一般茶樓食唔到既點心，例如芋頭南瓜糕，味道淡淡地唔會好似出面食開既糕點煎炸到油淋淋，注重健康既屋企人就岩晒喇。其他點心味道都中規中矩，冇咩邊款好有驚喜。抵食：價錢比出面既茶樓貴d，但環境同衛生都相對有保證，野食就普普通通啦。

星期日一家大小都沒有出街逛街，難得老公決定回港工作，返回筲箕灣老家走一下，自結婚後，就搬離筲箕灣，搬到將軍澳居住，都好少回筲箕灣，這天，難得有時間，到筲箕灣街市買餸，這裡的東西，又便宜、新鮮。我住的地方，街市要裝修，要到別區買，都有回遠，倒不如大家都想返去筲箕灣走一下，又很耐沒有去行過Aeon. 裝飾後，煥然一新。行過一些，又是康怡商場，餐廳林立。又是食飯的時候啦！隨意走入了一間酒樓，我是比它那個酒櫃吸引了我的眼睛，及一扎鮮花擺放在中央。我們都好喜愛食小菜，所以出街食飯，通常都是以小炒為主。蜜味叉燒，至愛的大舊叉燒、肥瘦平均、入口溶化、肉質嫩滑、彈牙、蜜味清甜甘香、惹味。晚飯三寶：一品蒜香雞，皮脆肉嫩、肉質味甜，肉汁爆出，雞油、肉汁爆出，鮮味、啖啖肉，口感十足。生炒骨，色香美味，未食，已被顏色所吸晴了，排骨酥炸香口，又脆身，外脆內軟，酸甜汁剛好，佐飯一流。